#@# من منكم مهتم بالمواقع وتطبيقات الهواتف التي تدر أرباح #@#
بسم الله الرحمن الرحيم
والصلاة والسلام على سيدنا محمد وعلى آله وأصحابه أجمعين
السلام عليكم ورحمة الله تعالى وبركاته
أولا أحب أستأذن الإدارة بترك الموضوع هنا لمدة 24 ساعة بما إننا في أجازة وبعد كده تنقله للإستراحة :asvc:
من زمان وأنا عايز أدخل المجال ده زي مثلا أحاول أعمل موقع يقدم حجات معينة وأحاول أشهره وكبره وطبعا بعد كده يدر أرباح
أو أعمل تطبيقات للهواتف الذكية زي الآيفون والأندرويد بما إني عندي فكرة بسيطة عن البرمجيات
لكن دايما كان موضوع النت في سوريا موقفني ,, يعني كنت في سوريا لو وقف النت أقدر بإنترنت 2G أوصل لحسابي عن طريق ميتا تريدر الموبايل لكن ماينفعش يكون عندك موقع أو مدونة وتغيب عنها شهر وأحيانا كان بيتقطع أكتر من كده ,, ودلوقتي قدر الله إني آجي لتركيا وهنا شايف المجال مفتوح للنوع ده من الشغل
انا عارف إن الشغل ده مش سهل ومحتاج صبر عشان يوصل للي عايزه
لكن خد مثال على المواقع مثلا موقع فيس بوك ,, أعتقد بدأ في 2004 يعني بقاله دلوقتي 10 سنوات , بص لقيمته دلوقتي
خد مثال على التطبيقات مثلا تطبيق واتساب ,, أهو تباع بـ 20 مليار
وعارف برضه إن الفوركس هو أفضل من النوع ده من الإستثمارات (برأي الشخصي )
لكن الفكرة هي تطبيق للمثل السوري ( لا تحط كل البيض بسلة وحدة ) :asvc:
فاليوم شغالين في الفوركس مين عارف بعد سنة مثلا ممكن يحصل إيه في السوق ده
عمال نشوف شركة بتقفل وبتمشي ووحدة تنية بتقلل الرافعة ,, والرينج اليومي في إنخفاض
على العموم هدفي من الموضوع حاليا إني أتعرف على ناس زيي بتشتغل في الفوركس وليها إهتمامات في الموضوع إلي بتكلم فيه فياريت إلي عنده إهتمامات زي دي يكلمني وإن شاء الله خير
تحياتي
والله الموفق