مصر تهزم غزو الصين بصناعة مدفع رمضانى يطلق صواريخ للتنبيه بالإفطار

[محمدسالمان]

"مدفع الإفطار أضرب".. لم تعد هذه الجملة حكرا على "المدفعجى" بعد أن أصبح بإمكان أى فرد أن يمتلك مدفعه الخاص بمنزله وما عليه سوى ضبطه على ساعة الإفطار والمدفع سيقوم بالباقى.

الصناعة المصرية تحدت الصين هذه المرة فى الإلمام باحتياجات الشعب المصرى فى رمضان وتجاوزت فكرة الفوانيس والألعاب الرمضانية، إلى تصنيع أول مدفع من الخيامية، مزود بمنبه يضبط على ميعاد آذان المغرب، ومن ثم يحرك الجزء الأمامى من المدفع ويبدأ فى إطلاق الصواريخ، ليخلق أجواء رمضانية جديدة على البيوت المصرية.

يقول "محمد شعبان" أحد تجار الفوانيس والألعاب الرمضانية: "مدفع رمضان لسه نازل الأسواق مع بداية رمضان، وسبب تأخيره أنه صناعة يدوية لمجموعة من الشباب اللى أصلا كانوا بيقفوا بفرشات فوانيس فى منطقة السيدة زينب، ولأنهم مش تابعين لشركة أو مصنع أو حتى ورشة معينة فأخد وقت كبير منهم".

الإقبال الكبير على شراء المدفع دفع الشباب المصنعين إلى إنتاج مزيد من الكميات منه كما يقول تاجر الفوانيس، وعن إمكانيات المدفع والخامات المصنع منها يقول: "هو مصنوع من قماش الخيامية علشان يأخد الطابع الرمضانى، ومزود بمنبه ممكن يتظبط على ميعاد الإفطار الساعة 7 مثلا والمنبه متوصل بداية الصواريخ اللى من جوه أول ما بيضرب المنبه بيضرب معاه كذا صاروخ على حسب العدد اللى بيحدده اللى بيستخدمه، وطبعا الصواريخ دى خفيفة جدا مش ضارة هى مجرد صوت، علشان بتفرح الأولاد وبتحسس البيت بالأجواء الرمضانية".

كما يقول "شعبان": "سعر المدفع معقول بيخلى الناس بتقبل على شرائه".

[elnishwy]

فكره حلوه مبروك عليكم الشهر الكريم ويارب ننتج حاجات كويسه ونبعد عن صناعه الصين اللى مالهاش اى لازمه

[مصطفى شوكت]

عقبال باقى المنتجات لما تكون صناعه مصريه وعربيه