== استراتيجية المسطره =={ ورشة عمل }

[basuoni]

بسم الله الرحمن الرحيم
...........
البند الخامس
اجندة العمل
...........
هنشترى اجنده او كشكول كبير
ونقسمه ل 6 اجزاء
هنخصصهم لل 6 ازواج الرئيسيه التى سنقوم بمراقبتها يوميا
...
من خلال هذه الاجندة سنقوم بتدوين ملاحظاتنا اليوميه على الازواج
خلال فترات العمل الصباحيه والمسائيه

...................
القاعدة رقم ( 5 )
تنظيم اجندة العمل

[AmanyRasheed]

هناك مقولة اتبعها دائما وهى انه لا يهم حجم الربح الذى حققته فى نهاية اليوم
ولكن ما يهم هو حجم الخسائر التى منعتها من زيارة صفقاتك فى هذا اليوم
اكمل اخى وبالتوفيق دائما

[basuoni]

بسم الله الرحمن الرحيم
.......
البند السادس والاخير
ادارة راس المال
سنقوم بتحديد نسبة المخاطره
المتاحه فى حالة الدخول فى صفقات
,,
اقصى نسبة مخاطره متاحه هى 5% من الحساب
ولا يمكن ان تتجاوز نسبة المخاطره 5% بأى حال من الاحوال

...............
بمعنى
فى حالة الدخول فى صفقات سيكون الاستوب لوز نسبة من 1 الى 5 % من راس المال
..........
الريسك ريورد للصفقات
1:2
الهدف دائما ضعف الاستوب
ولا يمكن ان تقل عن ذلك
(( ممكن تزيد لكن تقل .. لاء ))

...........
مثال بسيط
لدينا حساب ب 1000 دولار
5% = 50 دولار
اثناء مراقبتنا لاحد الازواج
قررنا الدخول فى صفقه بأستوب 100 نقطه وهدف 200 نقطه
فى هذه الحاله سيكون لوط الدخول هو 0.05
بحيث تكون اقصى خساره فى حالة ضرب الاستوب = 50 دولار
,,
وهكذا يتغير اللوط حسب عدد نقاط الاستوب
يعنى لو الاستوب 25 نقطه
هيكون اللوط 0.2
بحيث تكون اقصى خساره فى حالة ضرب الاستوب = 50 دولار
وهكذا
..........
القاعده رقم ( 5)
ادارة راس مال بمخاطره 5%
نسبة ريسك ريورد 1:2

[basuoni]

هناك مقولة اتبعها دائما وهى انه لا يهم حجم الربح الذى حققته فى نهاية اليوم
ولكن ما يهم هو حجم الخسائر التى منعتها من زيارة صفقاتك فى هذا اليوم
اكمل اخى وبالتوفيق دائما

مقوله جميله
...
وهذا ما تحققه استراتيجية المسطره
فى حالة عدم وضوح الرؤيه
...........
شرفتينى بمرورك
.....
لك خالص تحياتى

[basuoni]

بسم الله الرحمن الرحيم
.............
6 قواعد رئيسيه
لا يمكن مخالفتها
هذه القواعد هى اساس الاستراتيجيه
يجب الالتزام بها

................

القاعده رقم (1)
مراقبة السوق ... وعدم الدخول فى صفقات ...
...........
القاعدة رقم ( 2 )
الراحه النفسيه اثناء المراقبه
...........
القاعدة رقم ( 3 )
تحديد الازواج التى سيتم مراقبتها
............
القاعده رقم ( 4 )
تنظيم مواعيد العمل
...............
القاعدة رقم ( 5 )
تنظيم اجندة العمل
...........

القاعده رقم ( 6 )
ادارة راس مال بمخاطره 5%
نسبة ريسك ريورد 1:2


..................

[basuoni]

بسم الله الرحمن الرحيم
..................
نأتى لاسلوب التحليل الذى سنقوم بأستخدامه لمراقبة السوق
.........
،، مقدمه وتنويه ،،
استراتيجيه المسطره يمكن استخدامها مع اى اسلوب للتحليل
{ حتى لو كنت بتحلل برجل حماره ... زى ما المثل المصرى بيقول .. الشاطره تغزل برجل حماره }
......
ايا ما يكون تحليلك مدام متمكن منه وعندك خبره معاه فيمكنك استخدام المسطره
.....
فكرة المسطره
هى فكرة للسيطره على الانفعالات امام تقلبات الحركه
فكره للتأنى فى اتخاذ القرار
فكرة تساعد على تنمية سلوك الصبر
فكرة بتخلى الواحد يخرج من ضغوط التداول
......................
على كل الاحوال
للمتابعين يمكنهم استخدام ما يفضلون من اساليب للتحليل
لكن
الاهم والاهم والاهم
هو الالتزام بالقواعد ال 6 التى تم ذكرها
..............
بالنسبالى انا معرفش غير الكلاسكى
وفى الورشه هنا بأذن الله هيكون التحليل المعتمد بالنسبالى هو الكلاسكى
....
كل اللى هنعملو
اننا هنحلل الازواج اللى ذكرناها
ونحطلها سيناريوهات
ونتوقع حركتها
ونراقب تحركات الازواج
ثم نقوم بتدوين ملاحظاتنا
وهكذا
........
لو فى حد خبرته قليله فى الكلاسكى
ممكن يراجع الموضوع دا

https://forum.arabictrader.com/t158233.html#post2548083

دا موضوع فى شوية معلومات عن الكلاسكى
حسب استراتيجية الوافى رحمه الله
..........................
لو فى اى استفسار انا موجود
...
بأذن الله ستكون بداية المراقبه
من الاسبوع القادم بأذن الله
...........
تحياتى للجميع

[basuoni]

السلام عليكم
..............
لو فى حد متابع
البنود ال 6 اللى تم ذكرهم فى المشاركات السابقه
فيهم غلطين
.............
مين مركز

[basuoni]

بسم الله الرحمن الرحيم
.......................
نبداء بأذن الله اول ايام المراقبه بأستخدام المسطره
................
هنحاول نحط نقطة دعم اسفل السعر الحالى
ونقطة مقاومه اعلى السعر الحالى
ونراقب السعر هيتعامل معاها ازاى
.........
اليورو



...........
الفرانك




.........
الباوند




........
الين





.........
الاسترالى





........
النيوزلندى





.........
الكندى



....................
للمراقبه

[basuoni]

بسم الله الرحمن الرحيم
................
تحديث
الباوند دولار
.......
زى ما قولنا احنا حصرنا السعر بين نقطتين
مقاومه , دعم



.....
السعر دلوقتى طلع من الدعم اللى كنا محددينو الصبح
و وصل للمقاومه اللى كنا محددنها الصبح برضو
وكسر المقاومه
كما بالشارت
وصل للمقاومه اللى بعدها
وارتد
وبيعمل دلوقتى اعادة اختبار للمقاومه المكسوره ( اصبحت الان دعم )





....................
طبعا فى الحاله دى ممكن ندخل شرا ونحط الاستوب اسفل الدعم 1.6864
...
بس زى ما قولنا احنا حطين المسطره من الصبح
هنراقب الحركه
ونشوف هل سيصدق توقعنا بصعود السعر
من الدعم 1.6864
وصولا للمقاومه 1.6900
.......
للمراقبه

[basuoni]

بسم الله الرحمن الرحيم
............
الكندى
تحديث
.....
لسه زى ما احنا ما بين الدعم والمقاومه اللى حددناهم الصبح





..........
السعر طلع للمقاومه
يدوب لمسها وراح مريح شويه



.....
على العموم
هنزود مقاومه كمان
ونزود دعم
كده نبقى زنقنا السعر بين مقاومتين
ودعمين
......
المهم عندنا احتمال بان السعر ممكن يلتزم اثناء الحركه بشكل القناه
( القناه اللى بالازرق )
هنخلى بالنا منها
لانه ممكن يكسر الدعم لتحت ... يلاقى فى وشو حد القناه السفلى ... يقوم يرجع ويطلع .. ويبقى كسر كاذب
وممكن العكس يكسر المقاومه لفوق ... يلاقى فى وشو حد القناه العلوى .. يقوم يرجع وينزل ... ويبقى كسر كاذب برضو
......
هنراقب حركة السعر
ونشوف هيتعامل ازاى مع الدعوم والمقاومات اللى رسمناها
وحدود القناه المحتمله
.........
للمراقبه

[basuoni]

بسم الله الرحمن الرحيم
............
الين
.....
تحديث
.....
لو فى حد مركز
كان هيلاحظ ان الين
كنت راسم عليه 3 خطوط
خطين بالاسود
وخط بالاحمر
اللى بالاحمر اللى هو مستوى 101.00
السعر الصبح كان عند المستوى دا
ونزل تحت ال 101.00
حاجات بسيطه
كان بيحاول يكسر
.......



......
لكن دلوقتى
لو فتحنا فريم يوم
هنلاقى ان السعر مقدرش يكسر
وابتدى يطلع



.......
لو اليوم قفل على شكل بين بار ممكن يبقى عندنا احتمال بأن السعر يطلع شويه
بس طبعا الاحتمال ضعيف حبتين
لان البين بار ظهرت عندنا وسط تذبذب
.....
على العموم
احنا هنراقبه ونشوف اذا كان هيطلع ولا لاء
.....
للمراقبه

[basuoni]

بسم الله الرحمن الرحيم
................
تحديث
الباوند دولار
.......
زى ما قولنا احنا حصرنا السعر بين نقطتين
مقاومه , دعم



.....
السعر دلوقتى طلع من الدعم اللى كنا محددينو الصبح
و وصل للمقاومه اللى كنا محددنها الصبح برضو
وكسر المقاومه
كما بالشارت
وصل للمقاومه اللى بعدها
وارتد
وبيعمل دلوقتى اعادة اختبار للمقاومه المكسوره ( اصبحت الان دعم )





....................
طبعا فى الحاله دى ممكن ندخل شرا ونحط الاستوب اسفل الدعم 1.6864
...
بس زى ما قولنا احنا حطين المسطره من الصبح
هنراقب الحركه
ونشوف هل سيصدق توقعنا بصعود السعر
من الدعم 1.6864
وصولا للمقاومه 1.6900
.......
للمراقبه

صباح الخير على الجميع
صعد السعر بالفعل الى حدود 1.6900

[MrIbrahim]

استراتجيه المسطره جامده و جيده، و يجب تطبقها على %99,99 من استراتجيات المنشوره في المنتديات

[اسامه أحمد]

السلام عليكم ....فعلا إستراتيجية هائلة إدارة رأس مالك و مراقبة السوق هي تقريبا العامل الأساسي في النجاح في الفوركس بعض الناس تتجاهل مراقبة السوق و إدارة رأس المال و إدارة المخاطر و هذا خاطئ فادح في وجهة نظري ..شكرا جزيلا على الإستراتيجية و دائما للأمم بالتوفيق إنشاء الله

[basuoni]

صباح الخير
جمعه مباركه على الجميع

استراتجيه المسطره جامده و جيده، و يجب تطبقها على %99,99 من استراتجيات المنشوره في المنتديات

حقيقه فعلا
مراقبة السوق ومحاولة قراءة الحركه وتوقع الحركه القادمه
هى اساس التحليل الفنى ايا كان
....
لكن للاسف كل الناس بتدخل فى مود الاستعجال
الاستعجال لتكوين ربح سريع
او الاستعجال فى تعويض خساره
......
شرفنى مرورك

السلام عليكم ....فعلا إستراتيجية هائلة إدارة رأس مالك و مراقبة السوق هي تقريبا العامل الأساسي في النجاح في الفوركس بعض الناس تتجاهل مراقبة السوق و إدارة رأس المال و إدارة المخاطر و هذا خاطئ فادح في وجهة نظري ..شكرا جزيلا على الإستراتيجية و دائما للأمم بالتوفيق إنشاء الله

اكيد طبعا
من اهم الاشياء
.....
اساس استراتيجية المسطرة
بالنسبالى بتتلخص فى جمله
... متتفزلكش على السوق ...
يعنى متعملش فيها فتك وصايع
كده كده فى اوقات بيبقى السوق مش واضح
ومحدش بيبقى عارف الاتجاه
خصوصا فى اوقات بتبقى الحركه متوقفه على قرار او تصريح
.....
المسطره جيده جدا فى الاوضاع الغامضه
. ...
خالص تحياتى
شرفنى مرورك