█ الرينكــو ,,, عالم من الارباح - استريتيجية و ورشة عمل █

[Leonardo]

هجرب
بس ايه شارت الدقيقتين ده ؟؟

مهو يا باشا لو انت شفت طريقة تركيب شارت الرينكو من الاساس مكنتش هتسأل السؤال دا
شارت الدقيقتين دا الشارت الاوفلاين الى بنركب عليه الرينكو عشان يظهر البوكسات
راجع طريقة التركيب فى فيديو معطى فى اول مشاركة

[Leonardo]

اتفضل المؤشر اهو ويتم تغيير اعدادات المؤشر من 3 الى 3.8 كما فى الصورة المرفقه مع المؤشر

طيب يابو حميد تسلم ايدك
ان شاء الله هجربه لما السوق يفتح و اقولك رأيى

[Leonardo]

الرينكو طريقة ناجحه جدا ,,, انا كنت بسكالب بيه من زمان بس كما هو الحال نسيته
واستراتيجيات كتير جات مكانه ,,, المهم انا ناوي ارجع اشتغل سكالبينج تاني بيه بالاستراتيجيات
اللي حضرتك حطتها هنا ,, لكن فيه مشكله .. ازاي اقدر احمل البيانات التاريخية بأكبر قدر ممكن ؟
لان الهيستوري سنتر في البروكر بتاعي عدد البارات في فريم الدقيقه مش كتير تقريبا لشهر
لاني كنت فرمت الجهاز ورجعت كل حاجه من اول وجديد ,, المهم .. ياريت تشوف لي حل
وبالتوفيق في الورشة الجديده

مش لازم بيانات تاريخية من سنين يعنى
كفاية شهر ولا شهرين لورا
هتفتح شارت الدقيقة
و تدوس على زرار HOME الى موجود فى الكيبورد و تفضل دايس عليه شوية هيرجع بيك لتواريخ قديمة شوية
بعد ما تخلص اعمل ريستارت للمنصة اقفلها و افتحها تانى و ركب الرينكو و اشتغل

[Leonardo]

السلام عليكم

مشكلة الرنكو في التذبذب

فمن يستطيع ان يكتشفه سينجح

فهل لديكم حل لهذه المعضله ؟

انا بحاول على اد ما اقدر اتغلب على المشكلة دى ب انى اتاجر فقط فى اتجاه الحركة الى على الفريمات الكبيرة زى الاربع ساعات و اليومى و الاسبوعى
عشان اتجنب التذبذب
اما عن مؤشرات تجنبنا التذبذب فا مفيش ولا هيكون فيه فى اعتقادى
الى هيجنبك التذبذب هو رؤيتك انت - تدخل ولا تنتظر رؤية أوضح

[Leonardo]

الله يعطيك العااافيه اخي الكريم

لوو تضع حسااب للورشه ورقم المشااهده
ونتووكل على الله نشتغل وارزق على الله

اقتراحك على راسى
بس انا اتمنى ان دى تبقى ورشة عمل و الناس تفهم الطريقة و تنزل فرص بنفسها و نتابعها سوا و الى يضيف حاجة و كدا
انما اعمل حساب للورشة و الناس تتابع اول ما الصفقة تنزل تقوم عاملة زيها فى حسابها يبقى لزمتها ايه بقى الورشة اروح افتح الموضوع فى قسم التوصيات افضل و لا حتى مفتحهوش من الاساس
انا عاوز الناس تتابع الفرص بنفسها و تنزلها و نتناقش و دا يسأل و دا يجاوب و دا يضيف و دا يعترض

[Dr.SeMSeM]

سؤال يا ليوناردو انت بتاجر سكالب ب 10 ولا 20 نقطة وبتدخل على الاتجاه الاسبوعي
الاتجاه الاسبوعي ممكن يعكس عليك 300 نقطة ويرجع يكمل
طيب ازاي بتظبطها؟

[Leonardo]

سؤال يا ليوناردو انت بتاجر سكالب ب 10 ولا 20 نقطة وبتدخل على الاتجاه الاسبوعي
الاتجاه الاسبوعي ممكن يعكس عليك 300 نقطة ويرجع يكمل
طيب ازاي بتظبطها؟

لا مش كدا خالص يا اسلام
انا مش بتاجر على الاتجاه الاسبوعى بمعناه
انا بشوف الاتجاه ايه على الفريمات الكبيرة
مثلا الاسبوعى : صعود
اليومى : صعود
الاربع ساعات : صعود
يبقى هدور على شارت الرينكو على فرصة صعود فقط و ليس بيع
هستنى تتكون ادامى و ادخل شراء و الاستوب مش هيكون 300 ولا حتى 50 دا هيكون انعكاس شموع الرينكو على الشارت الى انا داخل عليه
يعنى لو داخل على بوكس 10 هيكون تقريبا ما بين 20 الى 30 نقطة بالكتير
فى حين ان برضو الهدف هيكون 10-20-30 نقطة تقريبا
اتمنى تكون كدا فهمتها و لو عندك استفسار قول

[-Mussab-]

طيب إن شاء الله مع افتتاح السوق نرجع نضبط الشارت

[yshawky100]

بجد يا باشا تسلم ايدك شرح رائع و استراتيجية قوية جدا ما شاء الله
كنت متابع استراتيجية رقمية على الرينكو من فترة كانت جيدة شكلك هترجعنا للرينكو تانى
متابع معاك ان شاء الله

[Leonardo]

شكل الازواج المفضلة الان على شارت الرينكو بعد افتتاح السوق

[Leonardo]

ناخد بالنا برضو ان معظم الاسواق انهاردة اجازة يعنى السوق هيبقى مريح لحد فترة امريكا كدا لانها تقريبا السوق الوحيد الى هيكون شغال
يبقى ان شاء الله تكون الحركة فى سوق امريكا و سوق اسيا صباح يوم الثلاثاء

[kanzsea]

ممكن اعرف اسم المنصة اللى حضرتك بتستعملها علشان عندى شكل الشارت والشموع مختلفة

[Leonardo]

ممكن اعرف اسم المنصة اللى حضرتك بتستعملها علشان عندى شكل الشارت والشموع مختلفة

شارت الرينكو بوكس 10 بستعمل منصة HotForex

[Leonardo]

نراكم للمتابعة فى فترة امريكا ان شاء الله بعد 6 او 7 ساعات تقريبا حيث ان فترة اوروبا اجازة اليوم عطلة رسمية للبنوك

[Leonardo]

اليورو ين
فرصة بيع
ستوب تغيير اتجاه الرينك لاعلى مرة اخرى - حوالى 30 نقطة
و هدف يعتبر مثلهم
و شمعة الاربع ساعات الهابطة ابتلعت 4 شمعات صاعدة قبلها مما يعنى مواصلة الهبوط ان شاء الله