شركة جست تريدر Just Trader

[جاسر الصاوي]

ببساطة ، كل الا يعمل في الشركة شخصين ، ويقومون بسرقة الزبائن بصورة دورية ، بالبداية يقومون بمنحك خدمات وتوصيات على الحظ لا فيها منطق ولا فيها مهنية .
انا تداولت بالشركة من تلات شهور ، اعطوني بونوص ب 50 % وكتير حبيت الموضوع ، بعد فترة شهر ، شفت انه الصفقات الا بفتحها بتغلق على سبريد زايد كتير 4 او 5 نقاط ، يعني بكون ربحا 120 دولار لما اسكر الصفقة بصيرو 90 دولار !
واذا خسران 200 دولار بزيدوا الخسارة علي ب 250 دولار !! هيك ببساطة السبريدبيتحرك لما انا اسكر الصفقة ..
حكيت مع مدير الحساب بالنسبة لهاي النقطة حكالي انه بكل الشركات نفس الوضع ، حكيتله انه بالبداي ما كانت هذي المشاكل معكم !!
كان عندي بالحساب 5000 دولار وصاروا بعد شهر 2000 دولار تقريباً ..
طلبت السحب ومن هناك بدا الموضوع يصير اصعب واصعب ...صاروا يحكولي لا في عندك اخبار هامة لازم تستغلها وفي توصية لازم تعملها ، لحد ما مدير الحساب حكالي انا بصير افتحلك صفقات وراح تشوف ارباح كل اسبوع !!! من الا 2000 دولار ل 5000 دولار !!
انا بالبداية رفضت لكنه قال لي انه لو خسر مش راح يخسر ال 2000 دولار !!
بس لما في ناس من غير ضمير سهل جداً تخسر اموالك بصورة سهلة كتير ، المدير تبع الحساب ..نجح انه يخليهن 400 دولار خلال يومين بس !!
ولما تكلمت معه وحكيتله قديش انا غاضب عليهن قال لي انه بقدرويرجعولي ال 400 دولار ...
لما اجيت اسحب ال 400 دولار ...رجع وحكالي انه ما بينفع لانهم تابعين للبونوص !!
بصراحة حاسس حالي قديش انضحك علي ، يا ويلهم من الله ..

[hany.kashef]

ربنا يصبرك ويعوضك إن شاء الله

أترك التوصيات ، واتعلم الاعتماد على نفسك ، وفيه هنا فى المنتدى ورش ناجحة وممتازة حاول تاخد فكرة منها

[محمود فوركس]

بصراحة انا مو عارف كيف يعنى بتودع اموالك بدون حتى ما تبحث وتستفسر عن هيك شركات ، يا اخى الكريم شركة جست تريدر معروفة جدا بالنصب والسرقة ومعروفة للجميع انا مو متفاجأ غير من اشى واحد وهو انك تتعامل مع شركات لمال حقيقى بدون حتى ما تبحث عنها فى جوجل يعنى اقل اشي الله يعوض عليك

[maxjan]

الله يعوض عليك

[عابرة سبيل5]

سمعتها سيء عليها كثير من شكاوي