أدعولى بكره الكشف الطبى .... غير لائق طبيا بأذن الله

[وليد الحلو]

أخوانى فى الله
واصدقائى المتداولين
بكره ان شاء الله هتوجه للهايكستب لعمل الكشف الطبى
وهو املى الاول والاخير للخروج من الجيش لانى هندسه طيران و هذا التخصص ضمن لائحه المطلوبين حيا او ميتا فى الجيش يعنى حتى لو دفعتى كلها خدت تأجيل انا كده كده داخل

وبما ان الجيش فى مصر زى البطيخه يعنى حظوظ
حتى المتخلفين عقليا ممكن يخشوا و حلينى !!!!
ادعوا لى دعوه عن ظهر الغيب بأن انول هذا الشرف
غير لائق طبيا ... فهو املى الاخير

فدخولى الجيش تحت اى مسمى هيلخبط حياتى ماديا ومعنويا
لان لى اتلتزامات كتير اولها الفوركس وما خفى كان اعظم

منتظر دعائكم جميعا فأنا و ربنا يعلم بحبكم جدا

واتمنى بكره زى دلوقتى ارجع مبسوط و انا غير لائق طبيا
ادعولى بجد انا محتاج دعائكم


و فى النهاية ادعوا الله ان يعاملنى برحمته ولا يعاملنى بعدله فأنا مستاهلش
وانا راضى بقضاء ربى والحمد لله على كل حال


تقبلوا ودى

[PLAYER]

ان شاء الله خير ما تقللقش

أخوك مصري

[4539910]

ان شاء الله تنول اللى فى بالك وتكون غير لائق طبيا وان شاء الله عند صلاة المغرب سادعوا لك وانا ساجد
اللهم تقبل دعائنا يا الله يا الله يا الله

[faissal]

لك ليش الهروب ده مافيش احلى من خدمة الوطن والدفاع عنه وده شغلانه حلال ان شاء الله وتبقى مرابط في سبيل الله الله يدخلك الجيش
بس انا عارف في الجيش مافيش فوركس يالله عوضك على الله تعالى اصبر هي سنه وبتعدي او يمكن سنتين او يمكن تعرف يحتفظوا بيك الله يصبرك
ماتزعلش مني الله يوفقك يا اخي
انا خدمت في الجيش النمساوي 6 اشهر كانت شهر عسل

[waly]

ربنا يحققاك ما تتمناه

[faissal]

شو الشباب كلهم مش خادمين الجيش

صدقني بتتعلم حاجات في الجيش راح تفيدك في حياتك العمليه ان شاء الله رغم قرف الجيش وبهدلته

[waly]

شو الشباب كلهم مش خادمين الجيش

صدقني بتتعلم حاجات في الجيش راح تفيدك في حياتك العمليه ان شاء الله رغم قرف الجيش وبهدلته

ياسيدي جيش عن جيش بيفرق
انا خدمت بالجيش سنة ولا احلى من كده سنة
كنت طبيب اسنان في عيادة للقوات المسلحة بمدينة نصر خاصة للعائلات
طب فيه احلى من كده جيش

[النسر الطائر]

ليه رحت قبل ما تستشيرني

اذا كنت قلتلي كنت هاقولك خد اي جنسية تانية و اسهل جنسية الجنسية السودانية
كده انت ضمنت التاجيل

علي العموم حاول و انت داخل الكشف الطبي يكون ظهرك مقوس و البس نضارة كعب
و ابقي ادعيلي

[hussain4x]

الله ينقذك منهم . وينقذ كل مسلم من تجنيد هذه الانظمة الجبارة التي لاتهدف لشيء ينفع الاسلام والمسلمين .

وماذا استفادت الأمة من الجيش ؟؟؟؟؟ حرروا فلسطين ؟؟؟؟ أرهبوا اليهود ؟؟؟
لو كان التجنيد العسكري عند الحكومات العربية يشكل خطر على اليهود أو أمريكا لأوقفته أمريكا من زمان بحجة الارهاب . ولكن أمريكا تعرف أن هذا التجنيد بمجرد تعبيد الناس للنظام فقط .

أما مجموعة بسيطة في صحراء أفغانستان تتدرب وتتجند في سبيل الله وقوتها لاتساوي ربع قوات الجيوش العربية ، تقوم عليها الدنيا كلها ويحاربها الغرب كله . لأنهم يعرفون خطرها .

[mobtd2_msry]

لك ليش الهروب ده مافيش احلى من خدمة الوطن والدفاع عنه وده شغلانه حلال ان شاء الله وتبقى مرابط في سبيل الله الله يدخلك الجيش
بس انا عارف في الجيش مافيش فوركس يالله عوضك على الله تعالى اصبر هي سنه وبتعدي او يمكن سنتين او يمكن تعرف يحتفظوا بيك الله يصبرك
ماتزعلش مني الله يوفقك يا اخي
انا خدمت في الجيش النمساوي 6 اشهر كانت شهر عسل

شكلك مسمعتش عن الجيش المصرى

[faissal]

ياسيدي جيش عن جيش بيفرق
انا خدمت بالجيش سنة ولا احلى من كده سنة
كنت طبيب اسنان في عيادة للقوات المسلحة بمدينة نصر خاصة للعائلات
طب فيه احلى من كده جيش

لا هيك الجيش ولا بلاش ان بعمل شهر عسل وانت قسم عائلات شو هل البركات

[MH For Ever]

الله ينولك الذي في بالك وترجع بكرا بإذن الله فرحان ومسرور

اللهم امين

[Metzawel]

ربنا معاك ولإن شاء الله وغير لائق بجدارة كمان
أنا بحمد ربنا إن ليا أخت واحدة بنت .. وطبعاً مليش جيش .. الحمد لله ربنا بعده عنى
على فكرة أنا بحب مصر ومستعد اتطوع فى الجيش لو فيه قلق
بس للأسف مصر ماشية بمبدأ لا حرب حتى لو حصلنا حاجة لا قدر الله
وهى دلوقتى بتتباع حتة حتة .. بكرة يخصخصوا الهرم ويشتريه واحد يهودى
الله أعلم بقى بس فعلاً الجيش مجرد مضيعة للوقت وبيتصرف عليه مليارات على الفاضى
طالما مش ناويين تحاربوا بتعملوا جيش ليه؟ .. عزوة؟ .. ولا فشخرة كدابة؟ .. ولا عشان تنفعوا أمريكا وتشترو منها سلاح وزخيرة للتدريب طبعاً؟

[BahraiN]

الله يوفقك و يحقق الي تبيه و يارب سليم و الله يسهل امورك

على فكرة انا خلصت اموري بحمد الله و من بكرة دوام

عقبالك يارب
تحياتي

[motager2006]

أخوانى فى الله
واصدقائى المتداولين
بكره ان شاء الله هتوجه للهايكستب لعمل الكشف الطبى
وهو املى الاول والاخير للخروج من الجيش لانى هندسه طيران و هذا التخصص ضمن لائحه المطلوبين حيا او ميتا فى الجيش يعنى حتى لو دفعتى كلها خدت تأجيل انا كده كده داخل

وبما ان الجيش فى مصر زى البطيخه يعنى حظوظ
حتى المتخلفين عقليا ممكن يخشوا و حلينى !!!!
ادعوا لى دعوه عن ظهر الغيب بأن انول هذا الشرف
غير لائق طبيا ... فهو املى الاخير ....

أخى وليد ،،،

أنا فكرت كتير فى مشكلتك و حبيت ألاقى حل



قلت : أحط نفسى مكانك ؟؟ كنت حعمل ايه ؟؟

و أخيراااااا لقيتها :

كنت حقطع رجلى و انا رايح الكشف الطبى و بكده فيه احتمال 20% إنى أخد تأجيل و دى نسبة مش بطالة