هام بالنسبة للباوند

[Dr.GM]

بسم الله الرحمن الرحيم

=========================
بداية بخصوص صعود ال GBP/USD ... في كتاب اسرار الفوريكس ولإني انا مبتدأ في الفوركس
لاحظت نقطة كانت في الكتاب ... بخصوص الأخبار
وهيا انه عندما يصل السعر الخاص بدولة إلى حد ما .. يكون فيه افضل ما يكون ... ولكن بعد ذالك يصبح السعر مرتفعاً لدرجه تجعل من البنك المركزي الخاص بالدولة التدخل لخفض سعر العملة-وهو عن طريق بيع مليارات من العملة - ...
حيث ان ارتفاع سعر العملة يؤثر في سعر المنتجات التي تبيعها الدولة ... وبالتالي يبتعد المستثمرون عن شرائها ... وبالتالي ينخفض الأقتصاد ...
ولهذا
من رأيي الخاص
السعر في الشارت الشهري كما ذكرت اقصى ارتفاع وصل له كان سنة 1992
ووصل لـ 2.0170 تقريبا
ثم بعدها ثاني اعلى قمه في شهر 12\2004 وهي 1.9530 تقريبا
وكان من كام يوم وصل لحد ال 1.9130 تقريبا ...
واقترب من دائرة الخطر
إلى الجماعه السوينج تريدر ... لماذا الأصرار على الشراء بالرغم من اقتراب حد الخطر ؟؟
------------
ثانياً بخصوص الأخبار
والمواضيع الكتييييييييييييييير اللي طلعت بخصوص ان في شركات مش بترضى تنفذ العمليات لعملائها وقت الأخبار و غيرها
نرجع لقاعده معينه ...
وهيا ايه اللي بيخلي السعر يرتفع لحاجة ... اي حاجة
وهوا اولاً الأقبال عليها
وثانياً ندرتها و قلتها (المطلوب\المتوفر)
وبالتالي إذا نظرنا فى وقت الأخبار هتلاقي ان السعر بيرتفع بقوه (سواء للعمله او العمله المقابله )
وذلك لإن في ناس كتييييييير بتشتريها ... ولإن الموضوع نسبياً لا يمكن للناس جميعاً الحصول عليه
وبالتالي ... ( المطلوب اكترمن المتوفر حاليا )
الناس دي نوعين ... والبروكر مش اكتر من وسيط ... بيشتري او يبيع
نوع من الناس معاه مليارات بتحرك السوق وملايين ... وناس (نسبياً) معاها ملاليم
وبالتالي وقت الأخبار الجماعه اللي معاهم ملايين وليهم وضعهم في السوق ... البروكر بيخد عليهم عمولات فلكية ... وسيادتك هياخد منك عمولة 5 دولار ولا حاجة ... تفتكر اي وسيط في العالم ... هيخدم مين ... و((يأخر)) مين ؟؟... حط نفسك مكانه ... كام مليون في عملية ولا خمسه دولار في عملية ؟؟؟
وبالتالي لو حضرتك دخلت مثلاً شراء (وكنت الصفقة في اتجاه صحيح ) ... العملية لن تتم (بسبب موضوع الأولوية ...و بسبب الضغط المهول على الشراء (نظرية رفع السعر -كمية المطلوب\المتوفر))... ولكن (جرب ) ... ادخل العكس (مجنون والناس مستنياه) ... هتدخل بكل سهولة والصفقة تتفعل وسيادتك تخسر بكل بساطه ...
الموضوع موضوع اولويات ...
وعلشان كدا في شركات اشترطت انك علشان تدخل وقت الأخبار ان الأسبريد يكون 35 نقطة ووالله سمعت ان في 75 نقطة (كل الهدف انها تبعد الناس -العيال الصغيره- من الموضوع ) ...
او انك تدخل قبل الخبر بساعه ... وتخرج بعديه بساعه
ببساطه لإنو مش فاضي لسعادتك ... وبصراحه ده حقة
ومن ناحية تانية ... تكنولوجية شوية
السعر وقت الأخبار بيكون على السيرفر ضغط مهول في ايصال الأسعار اللحظية (او على الأقل تأخير ثانيتين إلى 10 ثواني ) ... وبالتالي ده هيكون ضغط من ناحية (لإن سيادتك اتصالك على الإنترنت في حزمات بتفقد في الطريق (وده سبب تاني بيخلي الشارت مختلف من شركه لتانية ))
ومن ناحية تانية ضغط تنفيذ الأوردرات
فالموضوع ببساطه
لو في مليون واحد داخل يشتري و مفيش غير واحد بس اللي بيبيع
الشركه هتنفذ اكبر اوردر ممكن تاخد عليه اكبر عموله تباعاً (من الأكبر إلى الأصغر)
والباقيين يولعوا ...
لإن في إحصائية ان 10% من المتاجرين في الوقت الطبيعي بيكسبوا و ال 90% الباقيين بيخسروا ...
ولكن وقت الأخبار وخصوصا الأخبار الثقيييييل ... بيكون الأتجاه واضح
فا لو كل الناس دخلت بيكون 100% ربحان
بس السؤال ... فين المتوفر علشان يربح كل الناس دي ؟؟؟
انتا بتشتري ... يبقى اكييييييد في واحد في المقابل باع ...
الموضوع مش سحر ولا شعوزه


المهم خلاصة الكلام ...
إذا كان حسابك حقيقي وصغير ...
اقل من 10 مليون ولا حاجة (للعقد طبعاً).... يبقى تبعد عن تنفيذ الأوردرات وقت الأخبار (ده في رأيي) لإن في الغالب مش هتتنفذ ولو حاطتها عقد معلق ... الضغط على السيرفر لن يفعل لك السعر وقت الأخبار ... ولكن بعديها او لحد ما يخف الضغط
(برأيي) ... الأخبار دي وقت الناس الكبار ... ممكن نسيب حاجة وسطيهم ...(عقد مفتوح قبليها بساعه ولا اتنين )
بس ايااااااااك تدخل وسطيهم ... علشان هنتداااااااااااس
وبلاش بقا حكاية اصل الشركه متقصده المسلمين او مستقصداني و نظرية المؤامرة ومعرفش مين دي


ولا ايه رأيكم في الحوار دا

دعوه للنقاش مش اكتر
وكل واحد يحط رايه


تحياتي
GM

[samer saad]

اعذرني اخي الكريم كلامك جميل وواقعي وصريح ولا غبار عليه ولكن اتمنى ان يتسع صدرك لردي اذا سمحت
انا لن اناقش الى موضوع البروكر وعمولات اصحاب الملايين واصحاب الملاليم على حد تعبرك اخي

الكريم اعذرني ان قلت لك ان البروكر في شركات الوساطة هذة التى نعمل معها لا يأخذ طلب كل عميل

على حدى ما تقوم به الشركات التي نعمل معها ( وهنا اقول شركات الوساطه لأن هناك فرق بين

الشركات والبنوك بمعنى من يعمل مع البنوك ليس مثل الذي يعمل مع الشركات ) تقوم الشركة اخي

الكريم بجمع كل طلبات زبائنها وارسالها بطلب واحد الى السوق لأنه ليس من المعقول ان ترسل طلب

شراء مثلا بعقد 100 دولار يعني صغير الى السوق وهناك اخرين يدخلون بألاف العقود اذا ما تقوم به

الشركه اولا هو جمع العقود كلا على حدى وهنا نجد ان لا حجه لها ان كانت وقت الأخبار او غير وقت

الأخبار ما يحدث اخي الكريم انها فعلا تقوم هي بأيقاف السيرفر وانت قلتها ادخل عكس الخبر في وقت

الخبر صدقني انها لن تعطيك الطلب لأنها فعلا تكون اوقفت السيرفر طبعا اذا كان خبر مهم ليس على كل

الأخبار توقف السرفر وتعلم اخي الكريم ان الشركه تأخذ منك اولا عمولة على العقود اذا كانت في

عموله لأن هناك من يغريك ويقول لك افتح حساب بدون عموله والسبريد 3 نقاط وبعضها يعطيك نقطه

فأين ربح الشركه اخي الكريم سأخبرك سر من أسرار عمل هذة الشركات وهو انك مثلا طلبت عقد

شراء يورو على 1.2780 فهم يبحثون لديهم ان كانو شركة كبيرة ولديها الكثير من الزبائن ويجدون

ان هناك من يعرض اليورو في نفس الشركة يعرضه للبيع بسعر 1.2777 مثلا وانت ترغب بشراء

على سعر 1.2780 فيعطونك طلبك وعلى سعرك الذي طلبت ان والبائع وهنا تكون لهم 3 نقاط لا انت

ولا احد يعلم بها وهذه النقاط الثلاث هي كشرح لموضوع ولكن صدقني الموضوع اكبر من 3 نقاط انا

ارى الألاف يومين المهم ما ارغب في الوصول له هو ان عمليه ان الشركة تستهدف المسلمون او

غير ذلك هذا الكلام انا معك به هي لا تعرف مسلم من كافر من ملحد ما يهمها هو المال وكيفيه تحقيق

الربح وعند صدور خبر قوي اخي الكريم فيكون اتجاه الناس كلهم واحد بمعنى مع الخبر فلو كان الخبر

شراء ستجد ان الجميع يقول شراء وعندها الشركة لتحد من الموضوع ولا تورط نفسها في خسائر

تقوم بأيقاف السيرفر لأنها هي ايضا تعمل في السوق ولا تتوقع انها كما قلت لك سابقا تقوم بعرض

طلبك في السوق بل تنظر هل لديها ما تريد ان كان طلب واحد وشاذ لانني اخبرتك من البدايه انها تقوم

بجمع كل الطلبات وترسلها الى السوق كطلب واحد كبير لتستفيد هي ايضا

ارجوا ان اكون أوصلت لك الفكرة بشكل جيد واعذرني ان اتى منى اي قصور وبارك الله لك ولنا والحمد لله رب العالمين

[Dr.GM]

استاذ سمير
كلام غير منطقي في وجهة نظري لسبب لعده اسباب
1- من ناحية منطقية رياضية بحته ...
مجال حركه الأسعار اليومي 100 نقطة في 20 عملة مع احتمالين (بيع وشراء)
يعني 2000 × 2 = 4000 احتمال لسعر معين في اليوم
تخيلها 1: 4000 ... متخيل انتا معايا قد ايه الفرق ؟؟
اكبر شركه هيكون عندها كام عميل ؟؟
100 ألف ... كويس ؟
يعني 25 عميل للنقطة الواحده
ايه اللي يضمن للشركه دي ان ال 25 عميل هيتجمعوا في النقطة في دي ويشتروا ؟
دا من ال 25 منهم السكلابر ومنهم الداي تريدر ومنهم السوينج تريدر
يعني اصبح الموضوع مأساوي شوية
حيث ان الشركه من المستحيل انها تجمع العقود زي ما بتقول علشان هيا متضمنش اصلا ان في حد معين هيدخل تاني في النقطة دي
هتقولي امال بتدخل 10 آلاف ولا 100ألف على حسب حجم العقد المفتوح ...
فدا المفروض انه بيحصل ... انا لا أجزم ... ولكن بتكلم بطريقة منطقية
2- النقطة الثانية و هي إيقاف السيرفر وقت الأخبار ...
يا اخي الكريم ... ليه ؟؟ هتستفيد من النقطة دي ايه هيا ؟؟
وبعدين كلامك يفسر نقطة بخصوص الشركات اللي بيعلق عندها البرنامج وقت الأخبار ...
طيب ايه تفسيرك بالنسبة للناس اللي بتاجر وقت الأخبار (زي Felix و الباكستاني اللي فاتحين مواقع مخصوصاً علشان يبيعوا ويشتروا وقت الأخبار ) ...
ايه تفسيرك بان في استراتيجية بتاعت الأخبار بتنباع على موقع e-bay بـ قيمة 100 دولار و الآلاف من الناس اشتريتها ... والألاف ربحوا بيها ؟؟؟
ايه تفسيرك ان في شركات بترفع الأسبيرد وقت الأخبار الثقيله ؟؟
ايه تفسيرك ؟؟
طيب بلاش ...
ايه تفسيرك بالنسبة للناس اللي بتدخل قبل الأخبار بـ ربع ساعه و بـ ساعه ؟؟؟
3- بخصوص نقطة ان السبريد 3 نقاط فقط فاين ربح الشركه ...
انا في واحد صاحبي كان ولازال شغال في شركه فوريكس في دبي ... وهوا بيقولي ان الشركه سامحه للناس تفتح بحساب 250 دولار لسبب واحد ... ان الحساب ده مقاومته ضعيفه ... فالشركه غالباً بتاخده كلو كسبريد ... في شهر واحد غالباً وقد يصمد اكثر ... بس في النهاية بينهار
اضرب الرقم ده من 10 آلاف ولا 20 ألف عميل ... الناتج ؟؟ 5 مليون في الشهر الواحد (من العملاء الصغيرين )
انتا بتقولي ايه طيب هيكون ارباحها بالنسبة لعملائها الكبار
لما يكون واحد فاتح صفقة لـ حجم عقد 10 مليون ... يعني ربح 10 آلاف دولار لكل نقطة (كمثال )
وهيا هتاخد اسبيرد 5 نقاط يعني 50 ألف ... ولا 30 ألف على حسب الأسبريد
ضرب 20 عميل (مش هقولك ألف عميل ولا اكتر )
يعني من 600 ألف دولار إلى مليون دولار في الصفقة الوحده لو كل واحد فيهم عمل 10 عمليات شهرياً ... بلاش ... خليهم 5 بس ... يعني من 3 مليون إلى 5 مليون دولار ... يعني الشركه دخلها 10 مليون من من 40 عميل من ذوي العيار الثقيل
يا أخي الكريم ... في واحد قالها ليا من الجماعه الدعم الفني بتاع إفكس سول ...
حسابات العرب كلهم = حساب عميل واحد امريكي (وهو بعض من كل)
تخيل حجم التداول اللي بيعمله ده ... واللي بيعمله ده
يعني 20 عميل وزنو ال 20 ألف عميل ...
طيب يا ترا مين اسهل في خدمته وقت الأخبار و مين هيجيبلي فلوس اكتر (كوسيط ) ؟؟
20 عميل ولا 20 ألف ؟؟
اعتقد الأجابة واضحه ...
3- ايه مشكلة ان الشركه تاخد 3 نقاط من انها تبيع لعميل وتشتري لعميل (دون المرور في البورصة ؟ ) ...
انتا في الأصل بتعمل كدا ... بتشتري من واحد اصلاً باع
وفي الأول والآخر ال 3 نقاط دول سواء كانت الشركه بتشتري وتبيع من البورصة او بتشتري و تبيع داخليا ... فهي كلها أرباح للشركه

انا بصراحه ...
لازلت معتقد أنها مش اكتر حجة أخرى تضاف إلى دفتر الحجج اللي دايماً بنغطي فيه على فشلنا

واتمنى ان يكون للحديث بقية
وتحياتي
وياريت لا تأخذ الموضوع على محمل شخصي
GM

[Dr.GM]

80 زيارة و برد وحيد
بجد صدق اللي قال انتو عايزين جنازة تشبعوا فيها لطم ...
لو احد قال الحقو الشركه الفلانية منفذتش الأاورد بتاعي وانا خسرت معرفش كام ... تلاقي كاااام صفحة سب ولعن في الشركه ... ولكن كلمه الحق ...
دائماً هدوووووء عندها ...
لا حول ولا قوه إلا بالله

[ahmed hanafy]

موضوع جميل و مفيد

[مضارب جديد]

موضوع مفيد وفي الصميم والله وكنت كتبت لك رد امس بس
شكلي غلطت في ادراجه هنا
المهم ان كل اللي قلته انت صحيح ويجب علينا اننا ما نعلق اخطاءنا
على غيرنا ونبقى على قولك نلوم الشركات او غيرها
لازم نفهم واقول لاااازم نفهم اللي يدور في الاسواق علشان
نقدر نستفيد منها غير كذا انسى
وبعدين ماشاء الله هذا تحليلك ومفهوميتك وانت تقول مبتدء
اجل لما تحترف ايش حتسوي

[islamanas]

يا دكتور /جمال
مش معنى ان واحد بس اللى رد ان الكل مطنش لا فيه ناس كثير فى المنتدى علمهم بالفوركس بسيط وانا منهم فلما اجد موضوع مثل موضوعك ادخل اقرأه واستفيد ممكن اشكر حضرتك
وممكن انتقل لموضوع ثان
ممكن تتقبل تحياتى ومتزعلش
انت بتقول ان حضرتك جديد لكن كل ما تكتبه يدل على وعى بالفوركس عالى مش كلنا
دكتور جمال فيه جهله باللعبه الكبيره دى كثيييير
اعذرهم وكل اللى بتكتبه انت او الاخوه المحترمين بالمنتدى له تقدير كبير واحترام منا جميعا لكن العلم له ناسهاى العالمين بالفوركس مثلا فى مجالنا
بقول لك تقبل تحياتى
ومشكور على الجهد والاخذ والرد
برضه تقبل تحياتى