اسهل طريقه للايداع فى مصر ...فيزا البنك العربى الافريقى 4u

[sameh seef]

السلام عليكم ورحمه الله وبركاته
كنت بواجه مشكله فى السابق من حيث فتح حساب فوركس بسبب مشكله التحويل فى مصر الى شركات الفوركس خصوصا انه هناك قانون انه ممنوع التحويل لخارج مصر الا لمن هو لديه حساب بنكى فات عليه 6 شهور
بحثت كتير وتوصلت الحمد لله لفيزا انترنت البنك العربى الافريقى (card 4u)


طبعا ذهبت للبنك القريب منى بالاسكندريه فرع سموحه
واتقابلت مع موظفه خدمه العملاء وطلبت منها فتح كارت انترنت
(للعلم كارت الانترنت مش لازم تفتحله حساب بنكى ده شئ منفصل )
طلبت منى البطاقه الشخصيه وقامت بتصويرها
واعطتنى استماره علشان اكتب بياناتى الشخصيه
وطلبت منى اختار رقم هايبقى عباره عن كود وقالت لازم تحفظ الكود ده جيد علشان لما تيجى تطلب خدمه العملاء بالتليفون وتستفسر عن حاجه داخل كارت الانترنت هايسالوك عن الكود ده (مهم جدا)
بعدين تطلب منك الموظفه انك تذهب للخزينه علشان تودع (20 جنيه) تكلفه البطاقه بالاضافه للمبلغ اللى حضرتك طالب ايداعه بالكارت
(اقل ايداع 100 جنيه)
(اكبر ايداع 15000 جنيه)
صلاحيه البطاقه 3 سنوات
تنزل تانى لموظفه خدمه العملاء وتوقع على الاستماره
فى خلال 5 دقائق هاتاخد كارت الانترنت وتطلب منك الموظفه الاتصال الساعه 8 مساء على خدمه العملاء (19555) لتفعيل الكارت
فى اتصالك بخدمه العملاء هايسالوك شويه اسئله مثل رقم الكارت و(الكود) المكون من 4 ارقام (هام جدا)
ده شكل الكارت



ملحوظه مهمه جدا
الكارت اللى هاتستلمه مش هايكون مكتوب عليه اسمك ..هايكون مكتوب عليه كلمه (INTERNET)
يفضل تطلب من موظفه خدمه العملاء انك تكتب اسمك على الكارت بس ساعتها مش هاتستلمه فى نفس اليوم هاتنتظر 3 ايام وبعدين تيجى تستلمه
.............................................
بعد تفعيل الكارت تفتح حسابك فى الفوركس
شركه fxdd تقبل هذا النوع من البطاقات وقمت بفتح حساب بها
وهناك برضه شركه WorldWide Markets - WWM
بتقبل النوع ده من البطاقات
الله اعلم بالشركات الاخرى اللى بتقبل لكن فيكسول مش بتقبل الكارت ده
هاتدخل فى موقع الشركه خانه الايداع عن طريق الفيزا وتقوم مدخل البيانات الخاصه بالكارت
وفى خلال من ساعتين الى يوم هاتلاقى التحويل الى رصيدك فى الحساب ان شاء الله
العموله قليله بتكون تقريبا من 1 الى 2 فى الميه من الرصيد
.........................
بخصوص السحب الكارت غير قابل للسحب
بمعنى
ان الكارت مخصص للشراء من الانترنت فقط
وكمان فيه قانون فى الحاله ديه لشركات الفوركس المتعامله مع الكارت انك لو جيت تسحب يبقى هناك نقطه مهمه جدا لازم تعرفها
راس المال المودع من الكارت لا يجوز سحبه الا من خلال الكارت فقط
ام الارباح فممكن تسحبها عادى على حسابك البنكى
السؤال هنا طب ازاى انت بتقول الكارت ده ماينفعش نصرف الفلوس اللى موجوده فيه وازاى الشركه لو انا طلبت سحب راس المال مش ممكن الا من خلال الكارت
اقولك انا
تقدم طلب للبنك انك عاوز تغلق الكارت وتسحب الرصيد اللى فيه وفى خلال مده 30 يوم تقدر تسحب اموالك اللى فى الكارت ده فى حاله انك لطبت تسحب راس المال من حسابك فى الفوركس
وزى ماقولنا الارباح بتتسحب عادى على حسابك البنكى
اتمنى اكون قدرت اشرح ولو نبذه صغيره
واى استفسار هاحاول اجاوب عليه بقدر معلوماتى
كل التحيه لمنتدى المتداول العربى صاحب الفضل علينا فى الفوركس بعد الله عز وجل
ملحوظه اخيره ومهمه جدا
الايداع فى البطاقه ديه بيكون بالمصرى فى البنك وحضرتك بتودع بسعر الدولار فى البنوك عادى اللى هو 6.91 قرش
لما بتيجى تعمل ايداع العمله بتتحول تلقائى من جنيه مصرى الى دولار
وديه حاجه مميزه جدا.............. خصوصا لو انك هاتحول الاموال عبر حسابك البنك مش هاتلاقى دولارت فى البنوك وتضطر تشترى الدولار من السوق السوداء وسعره حاليا 7.35 قرش

[moh.gahmy]

شكرا لك اخ سامح على الشرح الدقيق الوافى
واحب اضيف نقطة اخرى بخصوص السحب

شركة wwm تشترط ان يكون طلب السحب على نفس الكارت اللى تم منه الايداع
لكن هذا الكلام خلال شهر فقط من وقت الايداع
ولكن بعد شهر من الايداع تستطيع ان تتم التحويل من خلال حوالة بنكية على اى حساب بنكى لديك
لذلك لا يشترط ان تقوم بطلب الغاء البطاقة وانتظار شهر وسحب الاموال منها

تقبل خالص تحياتى

[sameh seef]

شكرا يابن بلدى الاسكندريه على توضيح النقطه المهمه ديه ومنتظرين اى تصحيح او اضافه معلومه تفيد باقى الاعضاء ان شاء الله

[hany.kashef]

العمولة 3% وكل ما تعمل إيداع فى الكارت علشان تحط فيه فلوس بيطلب صورة من البطاقة ، وبتقدر تشحن به فى المونى بوكرز والنتلر وبعض شركات الفوركس وصلاحيته ثلاث سنوات وكل سنة بيجدد تلقائياً بـ 20 جنيه تقريبا ، هو آمن أكثر من كارت الخصم المباشر اللى هو debit card لأن كارت الخصم المباشر لو حد هكر على الكارت ممكن يسحب رصيدك كله فى البنك إنما بطاقة الدفع مقدماً آمن لو حد هكر على الكارت بتخسر رصيد الكارت فقط ، وممكن تتطلع أكتر من كارت فى نفس الوقت

[sameh seef]

مشكور اخونا هانى على الاضافات بارك الله فيك

[م / حسام سرى]

السلام عليكم و رحمه الله و بركاته


ما شاء الله يا سامح باشا شرح وافى و مميز و فعلن يوجد الكثير من الاخوة لديهم مشاكل و استفسارات بخصوص الايداع و معرفة فيزا الانترنت ولاكن ما شاء الله شرح وافى من شخص مميز

تقبل تحياتى

[رانيا وجدي]

شكرا جزيلا استاذ سامح لمشاركتنا تجربتك والمعلومات الوافية عن اصدار بطاقة البنك العربي الافريقي التي تعد واحدة من اسهل طرق الايداع المتوفرة حاليا

[hany.kashef]

مشكور اخونا هانى على الاضافات بارك الله فيك

الله يخليك يا فندم

بالتوفيق إن شاء الله

[sameh seef]

السلام عليكم و رحمه الله و بركاته


ما شاء الله يا سامح باشا شرح وافى و مميز و فعلن يوجد الكثير من الاخوة لديهم مشاكل و استفسارات بخصوص الايداع و معرفة فيزا الانترنت ولاكن ما شاء الله شرح وافى من شخص مميز

تقبل تحياتى

العفو ياباشا فى المتداول العربى واجبنا نفيد بعض بتجاربنا وبنكمل بعض ان شاء الله

[sameh seef]

شكرا جزيلا استاذ سامح لمشاركتنا تجربتك والمعلومات الوافية عن اصدار بطاقة البنك العربي الافريقي التي تعد واحدة من اسهل طرق الايداع المتوفرة حاليا

كل الشكر مشرفتنا الغاليه استاذه رانيا
وده اقل شئ لبيتنا المتداول العربى

[Mo3Ty]

الف الف شكررررررر ياسااامح باشا
على المعلومات الهامة جدا.. لان فعلا الاغلبية بيواجه مشكلة فى التحويل الان
بارك الله فيك
تقبل تحياتي

[sayedtaha]

الاخ الكريم استاذ سامح
انا اتعامل ببطاقة الانترنت فى اكثر من شركة و منها الشركات اللتى زكرتها و هو لبنك اخر الNSGB و ممكن تطلب الاشتراك فى خدمة النيتا بنك و هى تمكنك من معرفة الرصيد و التحويل للانترنت كارد من اى مكان بالعالم عن طريق الكمبيوتر بس لازم يكون لكحساب فى البنك

[hany.kashef]

الاخ الكريم استاذ سامح
انا اتعامل ببطاقة الانترنت فى اكثر من شركة و منها الشركات اللتى زكرتها و هو لبنك اخر الNSGB و ممكن تطلب الاشتراك فى خدمة النيتا بنك و هى تمكنك من معرفة الرصيد و التحويل للانترنت كارد من اى مكان بالعالم عن طريق الكمبيوتر بس لازم يكون لكحساب فى البنك

فيه بعض الأعضاء فى المنتديات المجاورة ذكروا أن البنك ده يرفض التعامل مع شركات الفوركس سواء سحب أو إيداع ، هل هذا صحيح ؟

[sameh seef]

شكرا لحضرتك استاذ سيد على الرد واتمنى تذكر لنا تجربتك فى التعامل مع الكارت وفى اى الشركات تتعامل

[sameh seef]

الف الف شكررررررر ياسااامح باشا
على المعلومات الهامة جدا.. لان فعلا الاغلبية بيواجه مشكلة فى التحويل الان
بارك الله فيك
تقبل تحياتي

الشكر لله يامعطى وكلنا بنكمل بعض ومنتظرين اللى عنده تجربه يحكيها ويشاركنا فيها