محتاج مشورتكم ورأيكم بكل أمانة وصدق

[zamalek]

السلام عليكم ورحمة الله وبركاته
جمعة مباركة عليكم جميعا
أنا دخلت السوق من 4 سنوات تقريبا وتقاذفتني امواجه بين المؤشرات والحبشتكنات كلها وبين الطريقة الخارقة والطريقة المارقة وبين رحلة المليون من دولار ونص .. المهم يعني لفيت ولفيت زي اغلبكم
الحمد لله لي حساب حقيقي منذ بدأت ولم اخسره ولكن كنت بخسر وبكسب ولأنه حساب بالنسبة لي تجريبي بمبلغ قليل 1000 دولار فكنت بحاول اتعلم عليه
المهم صدعتكو انا عارف بس معلش استحملوني
في النهاية وصلت لقناعة زي معظمكم ان معظم المؤشرات غير صالحة والحل ابسط وابسط ومش حل سحري لأن الفوركس ملوش كبير ابدااا ولا عزيز ..
ولأني اصلا مبرمج ومن ايام الدوس وكويك بيسك وبورلاند سي .. اتجهت من البداية للاكسبرتات وبرمجت مئات او الاف الاكسبرتات هههههههه وتقريبا معظمها كان بيفشل ..
من حوالي عام تقريبا وبعد جهد ومتابعة الكلمات التي بين السطور لبعض الخبراء في الفوركس الحمد لله عملت اكسبرت ناجح الي حد بعيد .. وبيتماشي مع السوق .. ودرجة الأمان فيه عالية والمخاطرة قليلة جدا ..
-انا طبعا عمال ارغي وارغي بس محلش انا بفضفض معاكو لأن بقالي 4 شهور مبتكلمش مع حد وعايش في شقة 4 غرف لوحدي فاكيد اتجننت رسمي - المهم من حوالي عام وانا شغال بالاكسبرت ديمو وشغال الحمد لله - تمام التمام وبيجيب ارباح تقريبا 35%: 40 % شهريا طبعا عارف معظم خبراء المنتدي هيقولوا ان النسب دي صعب تكون موجودة .. صحيح صعب بس مش مستحيل .. من حوالي 6 اشهر تركت عملي مع اني اعمل خارج بلدي مصر لكن لانشغالي بالاكسبرت والفوركس عموما قررت ترك الوظيفة والجلوس عاطلا علي رأي اصحابي لكني لست عاطلا انا شغال في الفوركس .... المهم شغلت الاكسبرت علي الحقيقي بس قللت المخاطرة جداا واصبح الربح تقريبا 20% لكن للأسف الالتزامات والايجار والدنيا اللي مبترحمش مش اقدر اعيش من 20% من مبلغ 2000 او 3000 دولار طبعا واحد ناصح هيقولي طب يا عم الأمور سيب الاكسبرت شغال واصبر عليه من غير سحب الربح لمدة سنة ارد عليه واقوله ما انا قولتلك الدنيا مبترحمش يعني مش هتقدر تستحمل سنة بدون دخل .. واحد تاني هيقولي دور علي شغل وسيب الاكسبرت شغال .. حضرتك انا من النوع اللي بيحب يركز في الحاجة ومعرفش افكر في حاجتين يعني لو اشتغلت دماغي مش هتكون في الشغل هتكون في الفوركس من الاخر يعني

دي الوقتي امامي حل واحد وعايز رأيكم بكل أمانة واللي عنده حلول تانية ياريت ما يبخل علي لأني في أشد الحاجة لرأيكم ومشورتكم
الحل اني اطلع فيزا من البنك وازود المبلغ وليكن 5000 واسدده جزء شهريا طبعا مع فائدة للفيزا ..
ده الحل اللي امامي
ياريت اللي عنده حلول يقولها او يقولي رأيه ..

ربنا يكرمكم

[العز]

اذا كنت تعتمد على الاكسبريتات والمؤشرات والكلام الفاضي ابعد عن الفوريكس
الخمسه الاف دولار افتح فيها مشروع صغير افضل لك
20% شهريا ولا شي في الفوريكس
والسلام

[ابــ آدم ــو]

وعليكم السلام رحمه الله
جمعه مباركه ياغالى
وربنا يوفقك ان شاء الله
بس نصيحه اوعى تستلف او تتداين علشان الفوركس او حاجه مش مضمونه زى الفوركس ابدا
صدقنى الالتزامات هتبقا اكتر والتوتر اكتر واكتر ولو وهتبقا عايز تدخل كل شويه وتعمل اى حاجه علشان تجيب الى عليك ولو لقدر الله شوفت خساره 100 دولار هتلاقيك بتاكل فى ظوافرك من التوتر وتبتدى تتهور علشان تعوض ثم تسدد والنهايه مش تمام لقدر الله
طول عمرى بقول اى فلوس تتحط فى الفوركس لازم تبقا فائض عن احتياجاتك
شوف ياغالى بدل مش ناوى ترجع شغلك انزل مصر اكيد مصاريف كتير هتقل من عليك وحاول بدل ماتسحب ال 30% شهريا اسحب 20 مثلا وزود الحساب بال 10 الباقيه وربنا يكرمك
تحياتى

[عبده المصرى]

وممكن تضيف بجانب فكرتك الزولو تريد وعلى المدى هيكون دخل اضافى كويس جدا ليك وكذلك تشترك بالمنتديات اللى فيها نظام مواضيع إدارة الحسابات بنظام البام مجرد افكار للمساعدة فقط .... وموفق ان شاء الله ،،،

[AlaaFX]

الحل اني اطلع فيزا من البنك وازود المبلغ وليكن 5000 واسدده جزء شهريا طبعا مع فائدة للفيزا ..
ده الحل اللي امامي
ياريت اللي عنده حلول يقولها او يقولي رأيه ..

ربنا يكرمكم

لو لم تكن مقتنعا تماما بفكرتك لما طلبت مشورة الاخوة هنا

ابتعد عن الاقتراض ولأ فوائد كمان ؟؟؟

انت حكيت جملة رائعة جدا .......... معظم المؤشرات فاشلة ، وانا اقول كل المؤشرات فاشلة

الشارت بيحكي عن نفسه

[zamalek]

وعليكم السلام رحمه الله
جمعه مباركه ياغالى
وربنا يوفقك ان شاء الله
بس نصيحه اوعى تستلف او تتداين علشان الفوركس او حاجه مش مضمونه زى الفوركس ابدا
صدقنى الالتزامات هتبقا اكتر والتوتر اكتر واكتر ولو وهتبقا عايز تدخل كل شويه وتعمل اى حاجه علشان تجيب الى عليك ولو لقدر الله شوفت خساره 100 دولار هتلاقيك بتاكل فى ظوافرك من التوتر وتبتدى تتهور علشان تعوض ثم تسدد والنهايه مش تمام لقدر الله
طول عمرى بقول اى فلوس تتحط فى الفوركس لازم تبقا فائض عن احتياجاتك
شوف ياغالى بدل مش ناوى ترجع شغلك انزل مصر اكيد مصاريف كتير هتقل من عليك وحاول بدل ماتسحب ال 30% شهريا اسحب 20 مثلا وزود الحساب بال 10 الباقيه وربنا يكرمك
تحياتى

كلامك منطقيا سليم .. بالنسبة لرجوعي مصر مش هينفع انا عارف الاحساس هيكون هناك ازاي مش عايز انزل الا وانا علي الاقل لي دخل كويس .. وكمان مش قبل 6 شهور زوجتي تيجي ونعمل عمرتين تلاتة باذن الله ونروح المدينة وبعدين ننزل لأني لو نزلت الوقتي هدفع ايجار بردو عشان الشقة تفضل موجودة .. فيه حل تاني ابيع العربية ممكن تجيب 4000

[zamalek]

لو لم تكن مقتنعا تماما بفكرتك لما طلبت مشورة الاخوة هنا

ابتعد عن الاقتراض ولأ فوائد كمان ؟؟؟

انت حكيت جملة رائعة جدا .......... معظم المؤشرات فاشلة ، وانا اقول كل المؤشرات فاشلة

الشارت بيحكي عن نفسه

فعلا غير مقتنع .. عندك حق بس قولي حل ؟؟؟

[zamalek]

وممكن تضيف بجانب فكرتك الزولو تريد وعلى المدى هيكون دخل اضافى كويس جدا ليك وكذلك تشترك بالمنتديات اللى فيها نظام مواضيع إدارة الحسابات بنظام البام مجرد افكار للمساعدة فقط .... وموفق ان شاء الله ،،،

اه فعلا انا فكرت في الزولو بس مشواره طويل يعني مش قبل سنة .. وكل سنة وانت طيب

[zamalek]

اذا كنت تعتمد على الاكسبريتات والمؤشرات والكلام الفاضي ابعد عن الفوريكس
الخمسه الاف دولار افتح فيها مشروع صغير افضل لك
20% شهريا ولا شي في الفوريكس
والسلام

مع كامل احترامي لرأي حضرتك لكني اراها نسبة جيدة جدا من اكسبرت يعمل بطريقة اوتوماتيكية بدون اي تدخل مني فقط ارميه علي السرفر

[فركساوي]

ماتبعش العربية وما تقترضش الف باء فوركس انك تتاجر باموال مش عايزها عشان من الاخر مفيش حد مبيخسرش في الفوركس افندينا نفسه بيخسر فخللى بالك وما تدمرش نفسك

[zamalek]

ماتبعش العربية وما تقترضش الف باء فوركس انك تتاجر باموال مش عايزها عشان من الاخر مفيش حد مبيخسرش في الفوركس افندينا نفسه بيخسر فخللى بالك وما تدمرش نفسك

تمام طيب انا اريد حلاً ...

[ابــ آدم ــو]

كلامك منطقيا سليم .. بالنسبة لرجوعي مصر مش هينفع انا عارف الاحساس هيكون هناك ازاي مش عايز انزل الا وانا علي الاقل لي دخل كويس .. وكمان مش قبل 6 شهور زوجتي تيجي ونعمل عمرتين تلاتة باذن الله ونروح المدينة وبعدين ننزل لأني لو نزلت الوقتي هدفع ايجار بردو عشان الشقة تفضل موجودة .. فيه حل تاني ابيع العربية ممكن تجيب 4000

يعنى كبيرك 6 شهور وتنزل؟ لو متاكد وخلاص قررت انهم 6 شهور وطبيعى وقتها تبيعها لانك نازل
بس هتقدر تستحمل تعيش من غير عربيه 6 شهور لو كدا ماشى بس خد بالك انك لازم تحافظ على الفلوس دى بايدك وسنانك لان قرارك بالبيع علشان الفوركس ممكن يتطور انهارده عربيه وان شاء الله بكره مايبقاش حاجه تانيه ربنا يوفقك
وبالصدفه شوف المشاركه دى وان شاء الله ربنا يوفقك وتحقق امنياتك
https://forum.arabictrader.com/t1184...ml#post2738321

[zamalek]

يا عم المراقف انت معدلتش الموضوع انت شلفتطته خالص كده الناس هتفهم اني هستلف للفوركس ومتهور وخلاص ... وكل عام وانتم بخير

[Mr. Bader]

راي انك تستمر في الاكسبريت بتاعك على الاقل شهر بدون ماتسحب من المحفظة شيئ
وبذلك سيزيد الرصيد 20 % في الشهر التاني وبعدها يمكنك زيادة نسبة المخاطرة في الاكسبريت
على حسب ماتراه مناسب لك وفي نفس الوقت تبحث عن عمل آخر مضمون

[zamalek]

راي انك تستمر في الاكسبريت بتاعك على الاقل شهر بدون ماتسحب من المحفظة شيئ
وبذلك سيزيد الرصيد 20 % في الشهر التاني وبعدها يمكنك زيادة نسبة المخاطرة في الاكسبريت
على حسب ماتراه مناسب لك وفي نفس الوقت تبحث عن عمل آخر مضمون

قولت لحضرتك اني مش هقدر اشوف شغل تاني ..