ارجو المساعده بشدة لحل مشكلتى مع I Forex

[omario200]

السلام عليكم ورحمة الله وبركاته
يا ريت يا جماعه اى حد يكون عارف اى حل للمشكلة دى ما يبخلش علينا وهيبقى جميل عمرى ما هأنساه

انا اعتبر لسه مبتدأ جدا فى الفوركس عامتا, المهم انا اشتركت فى شركة اى فوريكس و حطيت 100$ فى الشركة وطبعا قالو لى هيبقى فى مدير حساب وهيمشى معالك خطوة بخطوة وهيخليك استاذ فى التداول وطلعو بيا السما والكلام ده كله وانا طبعا طاير من الفرحه اتفقت طبعا على معاد مع مدير حسابى يكلمنى فيه وكلمنى وقال لى اعمل كذا وكذا ومن اول يوم خلانى اتداول بالــ100$ كلهم ودى مصيبة انا مش عارف اى حاجة فى الفوركس اساسا وخلانى اتداول بيهم والمصيبة الاكبر انى انا اصلا مكنتش عارف انى اتداولت بيهم ما انا بقى لسه مبتدأ ما اعرفش اى حاجة وهو ما جابليش سيرة انى دخلتهم فى التداول خلاص , وجه اليوم اللى بعده جيت بأفتح الحساب لقيت مكتوب 0$ واتجننت كلمته و زعقت فيه وقلت له ايه ده والكلام ده كله راح قال لى انت دخلتهم فى التداول خلاص وده سوق يعنى بتكسب وبتخسر وانت خسرت خلانى اتجننت اكتر لغاية ما صعبت عليه وقالى انا بعت لك 50 بونص فى حسابك وبعت فعلا 50 بونص و قال لى انى ممكن اجيب فلوس من الـ50 بونص دول فأنا يا جماعه نفسى حد يقول لى اعمل ايه اتداول ازاى بالخمسين بونص دول انا مبتدأ جدا جدا فى موضوع الفوركس ده يا ريت يا جماعه اى حد يساعدنى اقف على رجلى وممكن الخمسين بونص دول يعملو حاجة

وشكرا

[رانيا وجدي]

وعليكم السلام ورحمة الله وبركاته

اهلا وسهلا بك اخي الكريم عمر في المتداول العربي

للاسف ماتعرضت له هو تصرف غير مسؤل من بعض الشركات المحسوبة على المجال والتي تعمل وفقا لاسلوب الايقاع بالعملاء الجدد بهدف تحفيزهم لايداع اى قيمة تداول وللاسف تكون النتيجة كما تعرضت له تماما الخسارة لانك مبتدىء والتداول مثل اى مجال اخر يحتاج الى خبرة وعلم للنجاح فيه

- سوف اكون صريحة معك ال50 دولار البونص هدفهم تهدئتك حتى لا تزعجهم بسبب الخسارة الاولى وبكل الاحوال حتى لو نجحت في تحقيق اى ارباح بواسطتها سوف تخرج عليك الشركة باى حجة لسحب البونص والارباح منك

- نصيحتي لك الان الا تنظر لما فات وماحدث من خسارة اعتبرها ثمن لتعلم درس جديد وهو عدم الثقة باى شخص قبل البحث والاستفسار عن العرض الذي يقدمه لك

- بخصوص التداول واكتساب الخبرة انصحك بالاطلاع على هذا الموضوع

https://forum.arabictrader.com/t76911.html

وتكوين فكرة مبدئية عن الية عمل السوق وانواع التحليل وغيرها وبعده هذا الموضوع

https://forum.arabictrader.com/t164574.html

وان شاء الله سوف تجد امور كثيرة اتضحت امامك واى استفسار ارجو الا تتردد في طرحه هنا وان شاء الله سوف تجدنا حاضرين لمساعدتك

ختاما ارجو الا اكون ازعجتك بالقسم الاول من ردي لكن اردت ان اوفر عليك تعب ومجهود وقلق بدون داعي لان هذه التجربة للاسف حدثت اكثر من مرة ولازالت تتكرر يوميا

تحياتي وتقديري

[omario200]

يعنى يا استاذه رانيا ما فيش امل من الــ50 بونص دول !؟

بس والله انا بأشكرك جدا انك جبتيلى الموضوع من الاخر علشان ما افضلش ادور واتعب مع الخمسين بونص دول انا كنت حاسس انهم مالهمش لازمة ده لأنى ما اعرفش ايه هو البونص ده اساسا بس انا انشاء الله هأقرأ المواضيع اللى حضرتك بعتهالى وانشاء الله ممكن اعمل حاجة بس كنت عايز من حضرتك استفسار صغير جدا, ايه هى افضل شركة فوريكس اتداول فيها من وجهة نظرك؟

ومتشكرين جدا جدا يا استاذة رانيا

[رانيا وجدي]

يعنى يا استاذه رانيا ما فيش امل من الــ50 بونص دول !؟

بس والله انا بأشكرك جدا انك جبتيلى الموضوع من الاخر علشان ما افضلش ادور واتعب مع الخمسين بونص دول انا كنت حاسس انهم مالهمش لازمة ده لأنى ما اعرفش ايه هو البونص ده اساسا بس انا انشاء الله هأقرأ المواضيع اللى حضرتك بعتهالى وانشاء الله ممكن اعمل حاجة بس كنت عايز من حضرتك استفسار صغير جدا, ايه هى افضل شركة فوريكس اتداول فيها من وجهة نظرك؟

ومتشكرين جدا جدا يا استاذة رانيا

ممكن تحاول تتداول عليهم لما تكتسب بعض الخبرة لكن لا تعتمد عليهم بشكل كبير يعني خليهم كشىء تجريبي ليس اكثر لان طالما الشركة تستخدم اسلوب الايقاع بالعملاء تاكد انها وقت السحب سوف تخرج باسباب توقف عملية السحب لكن قد اكون مخطئة وتكون الشركة على عكس ظني لذلك اقول لك جرب تتداول لكن لا تضع امل كبير عليهم

الشركات الجيدة كثيرة تجربتي الشخصية مع هذه الشركات وجميعها جيد

WWM

FXSOL UK

FXCM

Gain Capital

wwm ميزتها انها تقبل مبلغ ايداع صغير وبها حسابات ميكرو النقطة ب10 سنت

وانصحك قبل التفكير في الحساب الحقيقي ان تبدا في التدريب اولا على حساب ديمو وتبدا الانتقال للحقيقي فقط اذا تمكنت من الخروج بنتيجة ايجابية بعد 30 صفقة وقتها ان شاء الله تنتقل للحساب الحقيقي وكن على علم لا داعي ابدا ان تخسر اموال اثناء التدريب