لمضاربى الخيارات الثنائية ... رحلة الأرباح كفاية هموم !

[muhannad22]

بانتظار الفيديو اخي الكريم

تحياتي لك

[أبوالعبادلة]

هل جربت IGMARKETS !

افتكرتها
الشركة معروفة و قديمة فى الفوركس
مراقبتها قوية FCA يعنى أقوى من الأمريكانى!
أول مرة اشوف الخيارات الثنائية عندهم شكلهم اضافوه قريب لما عرفوا ان زمنه اللى جاى بعد الفوركس ما فقد رونقه خلاص
أنا شيكت على الموقع بسرعة كده و ملاحظاتى كالتالى:
- واضح من البيج رانك بتاع الموقع إنه قديم و له زوار بوفرة و بالتالى حجم عملاء كويس، و هم بيقولوا عندهم ما يقرب من 140000 عميل !!!
- عندهم خيارات ثنائية بأنواعها حتى الشورت ترم موجود بدءا من 60 ثانية ... و دى أحلى حاجة بحبها فى اى شركة !
- منصتهم من شكلها رخمة شوية بس هجربها حتى لو بحساب حقيقى، لأن الشركة تستاهل !
- الحد الأدنى للصفقة معقول 10 استرلينى و ده ميزة للحسابات الصغيرة
مع افتتاح السوق هتابع معهم و اشوف ايه قصة الشركة فى الخيارات الثنائية
تحياتى

[أبوالعبادلة]

بانتظار الفيديو اخي الكريم

تحياتي لك

أبشر

[samer1]

افتكرتها
الشركة معروفة و قديمة فى الفوركس
مراقبتها قوية FCA يعنى أقوى من الأمريكانى!
أول مرة اشوف الخيارات الثنائية عندهم شكلهم اضافوه قريب لما عرفوا ان زمنه اللى جاى بعد الفوركس ما فقد رونقه خلاص
أنا شيكت على الموقع بسرعة كده و ملاحظاتى كالتالى:
- واضح من البيج رانك بتاع الموقع إنه قديم و له زوار بوفرة و بالتالى حجم عملاء كويس، و هم بيقولوا عندهم ما يقرب من 140000 عميل !!!
- عندهم خيارات ثنائية بأنواعها حتى الشورت ترم موجود بدءا من 60 ثانية ... و دى أحلى حاجة بحبها فى اى شركة !
- منصتهم من شكلها رخمة شوية بس هجربها حتى لو بحساب حقيقى، لأن الشركة تستاهل !
- الحد الأدنى للصفقة معقول 10 استرلينى و ده ميزة للحسابات الصغيرة
مع افتتاح السوق هتابع معهم و اشوف ايه قصة الشركة فى الخيارات الثنائية
تحياتى

أعتقد أنها الأفضل. تجربتي معهم في الأوبشن على الويكلي والديلي ، فأنا لا أتاجر على الفريمات الصغيرة .بالتوفيق
تحياتي

[أبوالعبادلة]

أعتقد أنها الأفضل. تجربتي معهم في الأوبشن على الويكلي والديلي ، فأنا لا أتاجر على الفريمات الصغيرة .بالتوفيق
تحياتي

ان اشاء الله اراجعهم مع افتتاح السوق فى شوية حاجات و بشوف
و لو حكمت أجربهم مفيش مشكلة المهم نجرب شركة قديمة فى السوق و موثقة بالتوثيق و المراقبة دى
تحياتى

[أبوالعبادلة]

فيديو شرح الاستراتيجية



الشرح بمثال على اليورو

اى استفسار انا موجود ان شاء الله

خالص تحياتى

[أبوالعبادلة]

طلب من الإخوة المشرفين بنقل مشاركة الفيديو لأول مشاركة فى الموضوع مع الشرح

و ألف شكر

[albusaidy99]

شكرا أبو العبادلة شرح وافي بس عندي طلب لو سمحت في الفيديوهات القادمة أرجو عند رسم خط التلامس للأربع ساعات مثلا بلون وفريم الساعة بلون أخر هذا يسهل لنا معرفة الخط لأي فريم أثناء التنقل بين الفريمات

[silver nile]

مجهود رائع اخي الكريم ولي بعض الاسئلة

هل تبحث في الازواج عن الفرص بال 5 و 30 دقيقة وتؤكد بالساعة والاربع ساعات ام العكس

في هذه الصفقة ما هي الفترة الزمنية التي اخترتها لفتح الصفقة وعلى اي اساس حددتها

ارجوا ادراج التمبلت في الموضوع

مؤشر ال RSI لماذا لم تستخدمه في المثال

[أبوالعبادلة]

الشرح كان باسقاط على زوج اليورو دولار و مثال عملى

نلاحظ أن أهم شئ فى الطريقة هو أخذ الصفقة من أفضل سعر
و لو تلاحظوا أنا صبرت على الصفقة و قلبت جميع الفريمات من 4 ساعات و حتى 5 دقائق للتوفيق و الترتيب للصفقة القادمة
فالربح ليس شيئا عبثيا أو لا يستحق التعب و الصبر
بالعكس، أغلب الخاسرين خسروا لأنهم لم يتعبوا بل بالعكس دخلوا السوق على امل الربح السريع الجاهز و المعلب، من طريقة فلان أو توصية علان أو الموقع الفلانى
و لو كان كل واحد بيرعى صفقته و تجارته نصف اللى الوقت اللى بيرعى فيه الرد على الموبايل و الشات مع الأصدقاء كان عمل ملايين

لكن مشكلتنا هى فى أمرين:

الاستعجال ...... و ..... الطمع

الاستعجال يؤدى للبقاء على جهل بما يدور حولنا و حتى فيما يخص تجارتنا
يدخل الواحد عشان يتعلم طريقة تربحه و عاوزها طيارى بسرعة
عاوز كل حاجة بسرعة
اتعلم تحليل فنى فى اسبوع و أساسى فى اسبوع كمان و و و وو و
يعنى هو حاطط لنفسه بكتيره شهر يكون فيه و لا جون مرفى اللى قعد 40 سنة فى السوق لحد ما قدر يفهم التحليل الفنى و بعد المدة دى كتب كتابه المشهور المعروف
يعنى يا دوب صاحبنا من دول عاوز شهرين و نلاقيه زى دان زنجر و جون مرفى و كمان شهرين نلاقيه زى وارن بافيت !!!
ده ايه الحلاوة دى؟
و لا كان حد تعب
و لا كانت الشركات بتدور على الخبرة و التخصص فى المجال ....
ده اسمه عبث ... و أحلام أطفال

الحقيقة ان اى تجارة و خصوصا بورصة العملات و منها الخيارات لازم لها فهم عميق و صبر و تنفيذ دقيق لما تعلمته و اطلعت عليه
ثم يلى ذلك الربح
و الربح على قدر المشقة
.... (و الذين جاهدوا فينا لنهدينهم سبلنا) .....
....." إن الله يحب إذا عمل أحدكم عملا أن يتقنه " .....

لو راجعنا قائمة الخاسرين اللى ملأت مواضيعهم منتدياتنا العربية هنلاقيهم كل مشتركين فى حاجة مهمة جدا ..... الاستعجال و الطمع

و كل واحد يبرر لنفسه خسارته إما بالوسيط أو بمدير الحساب او بالاستراتيجية أو بالمؤشرات نفسها او أو أو أو
المهم ان هو نفسه مش غلطان ... مش مستعجل .... مش طماع

يا إخوانى هذا السوق كالأفعى ترقص أمامك حتى يعجبك رقصها و تسهو عنها فلا تفيق إلا فى قبرك للسؤال بعد أن تلدغك و تفرغ فيك سمها القاتل

حرام لما ترمى فلوسك فيه عشان تخسرها
المال ربنا هيحاسبك عليه و له يوم القيامة سؤالين ... من أين اكتسبته؟ و فيما أنفقته؟
اوعى تنسى السؤال التانى ... فيما أنفقته؟

زى ما بتجتهد فى الأمور العادية اجتهد للحفاظ على مالك و تنميته
ده نعمة من الله و مطالب بالحفاظ عليها و استثمارها للتعمير و استمرار الحياة

و خليكو فاكرين ... لا يوجد بروكر واحد شريف نظيف ... كلمة واحدة
احنا بس بندور على أحسن الوحشين فيهم
و بنشتغل معه على حذر

ايه اللى خلانى أقول الكلام ده؟؟؟؟!
السبب انى شايف ناس بتدخل عشان تاخد الطريقة و بس و يا عالم هيعمل ايه بعد ما عرفها!
و ناس بتتفرج من المدرجات حتى كلمة الشكر مش قادرين يقولوها !!!
دول انا متأكد إنهم هيكتبوا مواضيع عن خسارتهم مستقبلا !!

متأكد ؟! أيوة متأكد ... لأن اللى مكلفش نفسه يسال أو يستفسر معروف إنه هيخسر من غير ما يسأل و لا يستفسر بردو !
إذا كان معتمد على الناس فى السؤال بالنيابة عنه !

المال مال الله .. و هو فى ايدينا أمانة
اتعب تلاقى
اجتهد تصل لهدفك

احنا شايفين مواقع ضخمة لإدارة المحافظ و صناديق الاستثمار
تخيل دول مستنين توصية من حد؟
قاعدين نايمين و منتظرين فكرة جديدة للتداول يشتغلوا بها؟
لا طبعا
90% من شغلهم دراسة للسوق و الأخبار و كميات التداول و كل ما يتعلق بالسوق
و 10% تنفيذ صفقات
عمر ما كان الثراء بالراحة
بالعكس الفقر طريقه سهل جدا ... اغفل عن مالك او اصرفه و بعتره فى اى مكان تكون فقير فى ظرف أيام إن لم يكن ساعات
لكن الثراء بالتعبو الجد و الاجتهاد
وارن بافيت 60 سنة شغل فى اسواق المال بربح سنوى لا يزيد عن 10% عمل مليارات الدولارات خلال عمره
دان زنجر ألاف الساعات درس فيها السوق عشان يعمل كم و اربعين مليون فى سنة و نص
بل جيتس كرس حياته لحلم حياته و مشروعه فأصبح أكبر مشروع و شركة فى العالم ... مايكروسوفت ...
اللى بيحلم بالمليون على أمل يلاقى طريقة تربحه عمره ما هيحصله و لا حتى كم الف
اللى بيحلم بشئ بيتعب عشان يوصل له

اتعبوا شوية .... تربحوا كتير .....

اتعبوا فى الدراسة و التحليل و المتابعة
مش تتعبوا فى القاعدة فى المنتديات يمكن تخطفوا صفقة !
لا مش ده اللى اقصده
التعب اللى اقصده تعب التعليم و المدارسة و التحليل و المناقشة لحد ما تحط اول صفقة ليك و انت حاسس انها لا يمكن تعكس عليك لأنك تعبت فيها قوى ....

حتى لو عكست عليك ساعتها اصدقك لو قلت السوق مش طبيعى!!!

كلام حبيت اقوله من اعماق قلبى يمكن حد يستفيد منه

اما الاستراتيجية فلنا معها كثير الوقفات

فى انتظار تعلقاتكم و مقترحاتكم

تحياتى

[أبوالعبادلة]

شكرا أبو العبادلة شرح وافي بس عندي طلب لو سمحت في الفيديوهات القادمة أرجو عند رسم خط التلامس للأربع ساعات مثلا بلون وفريم الساعة بلون أخر هذا يسهل لنا معرفة الخط لأي فريم أثناء التنقل بين الفريمات

ملاحظة حلوة و مفيدة
أشكرك

[أبوالعبادلة]

مجهود رائع اخي الكريم ولي بعض الاسئلة

هل تبحث في الازواج عن الفرص بال 5 و 30 دقيقة وتؤكد بالساعة والاربع ساعات ام العكس
اعتمد الفريم الأكبر دائما
و تلاحظ انى بدأت من 4 ساعات لأنه كان واضح ان السعر قريب من خط المنتصف للبولينجر فصبرت عليه حتى وصل له
لكن الدخول كان على 5 دقائق لأن كل الفريمات كان فيها تلامس لكن مفيش حاجة فتحت تحت البولنجر بخلاف الربع ساعة و خمس دقائق
الدخول من الفريم الأصغر بيعطيك أفضلية فى مكان الصفقة!
في هذه الصفقة ما هي الفترة الزمنية التي اخترتها لفتح الصفقة وعلى اي اساس حددتها
اخترت متابعة 4 ساعات و التنفيذ على 5 دقائق اما ازاى حددتها فده على اساس اقتراب السعر من 4 ساعات كان واضح و النصف ساعة كان قريب ايضا
ارجوا ادراج التمبلت في الموضوع
التمبليت هنزله حاضر
مؤشر ال RSI لماذا لم تستخدمه في المثال
بالعكس أنا استخدمته و استخدامى له للاستئناس فقط
يعنى هو فى الصفقة كان قريب من خط المنتصف نازل من فوق عليه يعنى احتمال الارتداد منه وارد خاصة مع تزامنه بوجود خط منتصف البولينجر فى طريق الشمعة الحالية و كذلك على شارت الساعة و الربع ساعة كان وصل اوفر سولد قرب مستوى 30 وكذلك على فريم 5 دقائق

الرد فى الاقتباس و الصور المرفقة توضح الصورة أكتر

[fx-king]

يعطيك العافية اخ الكريم وشكرا على مشاركتنا استراتيجينك وجعلها الله في ميزان حسناتك ....كنظرة اولى الاستراتيجيه جيدة خاصة انها تعتمد على الربط بين الفريمات لكن لدي بعض الاسئلة

1- هل تفضل الربط بين الفريمات من الاربع ساعات ومادون في حال نريد اخد صفقة في فريم الخمس دقائق ( بمعنى على كم فريم تفضل التحليل قبل الاعتماد على الفريم الذي ستاخد منه الصفقة ) .
2- لاحظت ان بعض الصفقات تنجح بالربط بين فريمين فقط بشرط اغلاق السعر في الفريم الاصغر خارج البولينجر وافتتاحه خارج البولينجر دون لمس خط البولنجر عندها دخل مباشرة ..مامدى صحة ذلك بالنسبة لقوة الفرصة
3- هل هناك فلترة قبل اخذ القرار فقد لاحظت ان هناك فرص لم تنجح من خلال تجربه سريعه (طبعا لا اقصد ان تكون جميع الصفقات ناجحة وانما لزيادة الثقة قبل الدخول) الصورة مرفقة.
4- اخيرا انت ذكرت ان يمكننا انتظار الشمعة ان تعمل ذيل خارج البولنجر لندخل ...فايهما تراه اقوى واضمن ان تغلق وتفتتح خارج البولينجر او ان تصنع ديل خارج البولنجر..
ودمتم

[أبوالعبادلة]

يعطيك العافية اخ الكريم وشكرا على مشاركتنا استراتيجينك وجعلها الله في ميزان حسناتك ....كنظرة اولى الاستراتيجيه جيدة خاصة انها تعتمد على الربط بين الفريمات لكن لدي بعض الاسئلة

1- هل تفضل الربط بين الفريمات من الاربع ساعات ومادون في حال نريد اخد صفقة في فريم الخمس دقائق ( بمعنى على كم فريم تفضل التحليل قبل الاعتماد على الفريم الذي ستاخد منه الصفقة ) .
الموضوع مش موضوع فريم بقدر ما هو مراقبة خطوط البولينجر و مدى قربها او بعدها من السعر على جميع الفريمات حتى الأسبوعى!
لكن الدخول نفسه أفضل ما فيه الدخول من الـ5 دقائق لأن السعر ساعتها هيكون فى أفضل مكان ونقطة للصفقة
2- لاحظت ان بعض الصفقات تنجح بالربط بين فريمين فقط بشرط اغلاق السعر في الفريم الاصغر خارج البولينجر وافتتاحه خارج البولينجر دون لمس خط البولنجر عندها دخل مباشرة ..مامدى صحة ذلك بالنسبة لقوة الفرصة
اغلب الصفقات الناجحة هى التى يتم فيها اغلاق شمعة و افتتاح اخرى خارج البولينجر، لكن ليس على الدوام
بمعنى انك لازم تاخد فى اعتبارك الفريمات الأعلى لأنه بتكون اقوى فى البولينجر اللى هو دعم و مقاومة
لذلك الجمع بين الفريمات و أخذ القرار على الأقل بيعطى الفرصة قوة خاصة اذا افتتح شمعات خارج البولينجر
لكن هتقابلك فرص فتحت كتير خارج البولينجر لكنها لم تلمس البولينجر فى الفريم الأعلى رغم قربها منه و دى فرصة لازم تسيبها و متفكرش فيها الا بعد التلامس مع الفريم الأعلى طالما كان قريب و يا حبذا لو تصبر على ما تخترق البولينجر مش مجرد تلامس بس و دى هتكون فرقت جامد على الفريم الأقل

المتاجرة بالبولينجر متعة و طالما ركزت فيه هتاخد منه شغل حلو
3- هل هناك فلترة قبل اخذ القرار فقد لاحظت ان هناك فرص لم تنجح من خلال تجربه سريعه (طبعا لا اقصد ان تكون جميع الصفقات ناجحة وانما لزيادة الثقة قبل الدخول) الصورة مرفقة.
الفرص غير الناجحة هتلاقى فيها اما تقارب خطوط على جميع المستويات و دى بيكون بعدها انفجار سعر و ممكن تطيح بأى تحليل
و الصح انك متدخلش فى صفقات فيها الخطوط قريبة من بعض جدا و تحرك السعر ضيق فى مدى قصير
4- اخيرا انت ذكرت ان يمكننا انتظار الشمعة ان تعمل ذيل خارج البولنجر لندخل ...فايهما تراه اقوى واضمن ان تغلق وتفتتح خارج البولينجر او ان تصنع ديل خارج البولنجر..
تم شرحها فى الأعلى
ودمتم

الرد فى الاقتباس

تحياتى

[silver nile]

تبقى اخر خطوة وهي مثلآ اذا فتحت الصفقة الساعة السابعة فماذا تحدد في توقيت غلق الصفقة ولماذا

وهل توجد هذه المؤشرات في منصة الويندسور وال24 ام يجب علينا التحليل على الميتا

وشكرأ