اضحك كركر اوعي تفكر

[amir111]

1

واحد دخل جنينه الحيوان ودخل راسه في قفص الاسد فالحارس جري عليه وقاله انت بتعمل ايه يا مجنون ؟؟قاله:ايه يابا ...احنا هناكله؟



2)سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه



3)واحد بلدياتنا وقع في خلاط الأسمنت طلع منه قال يخرب بيت الملاهي



4) اتنين صعايدة عاوزين يشربو سجاير ومش معاهم قالو ندخل ميتم بيوزعو سجاير هناك ، دخلو قعدو جمب واحد فى الصوان بيدخن قال الاول : انفاس معدودة وقال التانى : كلنا لها رد الراجل : محدش واخد منها حاجة



5)بلدياتنا راح للدكتور، الدكتور قاله اعمل إشاعه طلع برة الأوضة وقال الهرم وقع



6)كان في سلحفتين صغيرين كانوا بيحبوا بعض كبروا واتجوزوا وخلفوا سلحوف صغير سموه ابوسريع ,اقترحت ام ابوسريع علي ابو ابوسريع انهم يروحوا يفسحوا الواد في البحر الاحمر جهزوا لوازم الرحلة واستغرقت الرحلة 15سنة ذهاب.. وصلوا علي البحر وفرشوا علشان يأكلوا وفجأة صرخت ام ابوسريع 'تصدق يابو ابوسريع نسينا اهم حاجة نسينا الملاحة عشان الاكل .اخطف رجلك وروح البلد هاتها ..'صرخ ابو ابوسريع وقال لسه هاروح 15سنة رايح و15 سنة جاي يكون الاكل برد الأحسن نبعت الواد ابوسريع خفيف ولسه صغير..'ونادوا ابوسريع وقالولهه وبعتوه يجيب الملاحة ومرت السنين...حوالى40 سنة وابوسريع مجاش، السلاحف بدأت تقلق فقالت ام ابوسريع احسن ناكل بدل ماالاكل يبرد ولمايجي ابوسريع نعمله اكل ثاني 'فجاة خرج ابوسريع من ورا شجرة وقال يعني لو كنت رحت كنتم كلتم من غيري



7)واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة راحت ملتفتة ليه وقالت له يا سكران راح قايل لها طب انا سكران حفوق بكرة .. وانتي


8)واحد مسطول ماشى فى الشارع لقى عمود نور مكتوب عليه شقة للايجار راح قعد يخبط على العمود لغاية لما جاله مسطول تانى قال له انت بتعمل ايه هنا قال له اصلى لقيت مكتوب شقة للايجار قمت قعدت اخبط بس محدش رد علىّ قام التانى قال له غريبة مع ان الجماعة منورين النور فوق



9)واحد سكران دافن نفسه تحت الارض ليه ؟؟ بيصور كليب انا عايش و مش عايش


10)مرة اربعة راكبين قطر-- امريكى وعراقى وبنت و ست عجوزة دخل القطر فى ممر ضلمة فسمعوا صوت بوسة و بعدين صوت ضربة فلما خرج القطر من الممر فى النور لقوا الامريكى بيحسس على خدة ووشة احمر فالست العجوزة قالت فى نفسها يااة دية بنت مؤدبة اوى الامريكى باسها و ضربتة على خدة وقالت البنت فى نفسها ياااة دة امريكى غبى يبوس الست العجوزة ويسبنى انا وقال الامريكى فى نفسة يااة دة عراقى محظوظ يبوس البنت وانا اللى اتضرب وقال العراقى فى نفسة انا فعلا ذكى بوست ايدى و ضربت الامريكى على خدة



11)طفل صغير سال امة ازاى انا جيت الدنيا قالت له حطيت شوية سكر تحت السجادة لاقيتك جيت ... راح الطفل حاطط شوية سكر تحت السجادة... يومين و لاقى صرصار فقال له لو مكنتش ابنى كنت قتلتك



12)الاستاذ : ما معنى كلمة ( سبيل ) ؟
الطالب : طريق .
الاستاذ : ممتاز – والآن ما معنى كلمة ( سلسبيل ) ؟
الطالب : طرطريق



13)واحد راح الصيدلية وقال للدكتور : عايز لبن اطفال ..... الدكتور قاله : اسمه ايه !؟ الراجل : اشرف



14)محشش في قاعة الإمتحان مش عارف يحل والإمتحان كله صح و غلط
راح مطلع بريزه ولعب ملك وكتابة على الإمتحان خلص الإمتحان في نص ساعة
وهو خارج طلع البريزة تاني وشغال ملك وكتابة
صاحبه مسطول بيسأله : بتعمل ايه .. ما خلاص
!! قال سيبني .. بتأكد من الاجوبة



15)مرة واحد بتاع سمك أبوه مات فماشى فى الجنازة يقول :كان صاحى وبيلعب.


16)مرة واحد بلدياتنا وقع فى حفرة نزلولوا حبل طلع مخنوق.



17)واحد بلديتنا راح امريكا لقى كل الشباب لابسين تشيرت مكتوب علية سفن
اب كوكاكولا - بيبسي
راح كتب على الجلابية عصير قصب



18)مرة واحد دخل علىمراته البيت لقى معاها راجل..قالها : و الله عال..النهاردة راجل...بكرة سجاير



19)صعيدى شاف أمه محروقه والنار طالعه منها قالها : منوره يا حاجه



20)واحد محشش راح يخطب واحده .. ابوها قاله:' اناعليا الشقة..' · رد عليه وقاله : وانا عليا البنات والبيره




تحياتي

[القلزم]

ههههههههههههههههههههههههههههههه

حلوه يا امير الامراء

[د.الاسدي]

اضحك الله سنك ودام عليك السعادة
موفق ان شاء الله ودمت بصحة وسلام

[mercury_man]

بجد حلوة كتيييييييييير
خصوصا ابو سريع وطرطريق
مشكور قوي

[بن سليمان]

هههههههههه حلووووووة