███●تعالى تاجر معايا .. فرص بالشارت .. فوركس و اوبشن ● ███

[Leonardo]

اليورو ين EurJpy

الزوج عمل ادااء كويس الاسبوع الماضى و كان تابع جيد للدولار ين ف الصعود بسبب التصريحات الخاصة بالفيدرالى الامريكى و كانت ايجابية على الدولار مما ادى الى صعوده اما الين و بالتالى صعود اليورو ين
هنحلل الزوج على فريم الشهرى و الويكلى و الديلى حسب رؤيتى المتواضعة ال ممكن تكون صح و ممكن برضو تكون خطأ
عموما نبدأ بفريم الشهرى ..
شمعة الشهر ال فات و الشهر الحالى ( شهر اغسطس ) صعود حتى الان و شكل الشمعتين دول للناس ال بتفهم ف الشموع اليابانية هتعرف ان الشكل دا استمرارى للصعود بدون ما ندخل فى مسميات مكلكعة للنماذج و اشكال الشموع , الشهر دا لو قفل على الصعود دا يبقى الشهر القادم برضو فيه صعود الا اذا حصل حاجة من اليابان بخصوص عملتها ,, الى بقالها سنة بتنزل و بس ادام باقى العملات
و دا شكل الفريم الشهرى السعرى مازال بيتمرجح فى منطقة ما بيه 126 و 133 اما نشوف هيخترق ولا لأ بس انا بدعم الصعود من الناحية الفنية و الاساسية


اما بالنسبة لشارى الاسبوعى
فا هنلاقى ان الاسبوعين الماضيين السعر نزل اختبر منطقة دعم و انطلق منها صعودا كاملا لكل اسبوع منهم ,, دا برضو شكل استمرارى يبين ان الاسبوع دا برضو مواصل الصعود و انا متخيل شكل شمعة الاسبوع دا هتكون بالشكل الاسود ال رسمته على الشارت ,, شمعة صعود ايضا لذلك البيع يكون بغرض التصحيح بس و باهداف صغيرة ( اخطف و اهرب )
و دا الشارت


اما بالنسبة ل شارت الديلى و ال هننتظر يفتح انهاردة كمان كم ساعة ان شاء الله فا انا شايف برضو مواصلة الصعود و ان كان يوحى ب شوية تصحيح لمنطقة 131.90-70 مرة تانية لكن خلينا نشوف السوق هيفتح على ايه الاول و نقرر لكن الشراء لحد دلوقتى هو الوضع السائد ,,, الهبوط فقط للتصحيح بسبب خط الترند الهابط على الديلى مع ان السعر يوم الجمعة عداه بمنتهى السهولة لكن رجع قفل باقى اليوم تحته و اليوم كان عشوائى بدرجة كبيرة ,,,
معانا لسه صفقة شراء اليورو ين من الاسبوع ال فات عند 132.20 و فيه ناس اشترت من 132.10 و الهدف ان شاء الله 132.65 و الاستوب 131.76

[se7ap]

أخي . محمد . ما شاء الله علي التحليل الجميل والجهـد الزائـد المبذول اللى إنت بتعمله . لكن كان عندي تعليق بسيط جدا على تحليل اليورو يـن . هو ان فى ترنـد إسبوعي هابــط . السعر مقدرش يخترقه الاسبوع اللى فـات .. كمان النقطـه 132.74 . تعتبر مقاومة بايفوِت شهري . وانا شايف إنها مقاومه قويه جدا. أتمني تقبل رأيي . ومعرفه رأيـك فيما قلته .

[Leonardo]

أخي . محمد . ما شاء الله علي التحليل الجميل والجهـد الزائـد المبذول اللى إنت بتعمله . لكن كان عندي تعليق بسيط جدا على تحليل اليورو يـن . هو ان فى ترنـد إسبوعي هابــط . السعر مقدرش يخترقه الاسبوع اللى فـات .. كمان النقطـه 132.74 . تعتبر مقاومة بايفوِت شهري . وانا شايف إنها مقاومه قويه جدا. أتمني تقبل رأيي . ومعرفه رأيـك فيما قلته .

بالنسبة للترند نعم كلامك صحيح و انا ذكرت انه على الديلى لانه على الديلى اوضح من الاسبوعى
علشان كدا حطيت الهدف عند 65 قبل المقاومة ال عند 74
بالنسبة لل انا شايفه انا شايف والله اعلم الاسبوع دا فيه صعود مكمل للاسبوع ال فات و هيخترق هاى الاسبوع ال فات

[Leonardo]

يورو دولار شراء الان 1.3385 هدف 20 نقطة و استوب 20 نقطة الشارت بعد قليل ف المشاركات القادمة

[الأمل والعمل]

ألف شكر لك أستاذ محمد على تحليلك للزوج ،

وبإذن الله معاك ف الصفقتين، وإن شاء الله يكون أسبوع أخضر على الجميع.

[Leonardo]

دا مثال حى لل كان بيسأل ازاى بنحدد الوقت و نقطة الدخول ف الاوبشن ,,
اليورو ين صعد على الساعة و عمل هاى و بدأ ينزل تانى , حلو كدا يبقى هندخل شراء بس ندخل منين ,, بصيت على الاوبشنات المتاحة لقيت اقصى واحد متاح ل الدقيقة 45 و كان فاضل عليه حوالى 6 دقائق على ما ينتهى ,, طيب ال دقيقة 45 دى و احنا ف الدقيقة 39 دلوقتى يا ترى فريم ايه ال ينفع نبص عليه ؟ اكيد فريم الربع ساعة عشان الفترة دى تقريبا جوا الربع ساعة ,, بصيت على الربع ساعة السعر كان نازل يصحح وصل لمنطقة الدعم عند 132.12 و رد بسرعة ل 132.15 و منها انا دخلت شراء بهدف اغلاق الربع ساعة دى اعلى من نقطة الدخول و فعلا السعر اغلق فوقها زى ما هو موضح ف صورة الاوبشن
و دى برضو صورة شارت الربع ساعة و مكان الارتداد و الدخول

[Leonardo]

صفقة اخيرة ف الفترة الاسيوية لبطئها
عقد شراء يورو دولار انتهى على ربح +77% من المبلغ المستثمر و العقد كانت مدته حوالى نصف ساعة

[الأمل والعمل]

الصفقتين ضربوا ف الستوب للأسف

إن شاء الله نعوض في الصفقات الجايه ، نحن ف أول الأسبوع

[Leonardo]

اليوم كان عشوائى شوية بالذات ف الفترة الاوروبية لان بيرطانيا كانت اجازة انهاردة ,, حتى الاوبشن انهاردة مش عملت غير صفقتين فقط
نتابع غدا ان شاء الله لعله يكون يوم خير علينا ان شاء الله و نعوض

[Leonardo]

من اول انهاردة ان شاء الله الصفقات هيكبر الاستوب و التارجت بتاعها لانى ملاحظ ان خلال الاسبوع ال فات صفقات ضربت استوب و رجع السعر تانى جاب التارجت بعد ضرب الاستوب ,, ممكن نزود الاستوب 10 او 20 نقطة كمان فقط و الهدف كمان ان شاء الله و نبدأ صفقاتنا من الفترة الاوروبية بدل الفترة الاسيوية الا اذا كان فيه فرصة سريعة ف اسيا مفيش مانع ندخلها ب استوب و تارجت مناسب .

[مضارب الين]

توقع اليورو ين 131.90

نزوووووووووووووووووووووووووول اكثر من +100

[Leonardo]

توقع اليورو ين 131.90

نزوووووووووووووووووووووووووول اكثر من +100

لا اعتقد ,, بس يا ريت توضح وجهة نظرك على شارت عشان نستفيد كلنا

[Leonardo]

دى صفقة اوبشن شغالة الان على منصة شركة GToption و الحقيقة انا بجربها بقالى فترة ب مبلغ صغير لكن مش عجبانى !
عموما الصفقة انتهت الان وانا بكتب و حققت ربح 71%

[مضارب الين]

لا اعتقد ,, بس يا ريت توضح وجهة نظرك على شارت عشان نستفيد كلنا

بسم الله الرحمن الرحيم

هذه وجهة نظري فهي أقرب للخطأ من الصواب وأنت أستاذ كبير ومنك نتعلم

قراري بيع بناءً على التالي :
1- ضع الشموع على الديلي نجد أن هناك ترند صاعد تم كسره من قبل وحاول يعود وما استطاع والان يحاول مرة اخرى والمتوقع يختبر المقاومة ويهبط مرة أخرى

2- شاهد المؤشرات الكلاكسيكية ( البولينجر عند اعلى نقطة مقاومة)

3- والاستوك كذلك

4- ال C C I

هذه توقعاتي ينزل الى نقطة البولينجر وأكثر من 100 نقطة

وربما نشاهد 130.50

وهذا الشارت وربما أكون على خطأ والله أعلم

[Leonardo]

بسم الله الرحمن الرحيم

هذه وجهة نظري فهي أقرب للخطأ من الصواب وأنت أستاذ كبير ومنك نتعلم

قراري بيع بناءً على التالي :
1- ضع الشموع على الديلي نجد أن هناك ترند صاعد تم كسره من قبل وحاول يعود وما استطاع والان يحاول مرة اخرى والمتوقع يختبر المقاومة ويهبط مرة أخرى

2- شاهد المؤشرات الكلاكسيكية ( البولينجر عند اعلى نقطة مقاومة)

3- والاستوك كذلك

4- ال C C I

هذه توقعاتي ينزل الى نقطة البولينجر وأكثر من 100 نقطة

وربما نشاهد 130.50

وهذا الشارت وربما أكون على خطأ والله أعلم

وجهة نظر تحترم و يا سيدى لا استاذ ولا حاجة كلنا مهما مر علينا ف السوق هنفضل تلامذة و بنتعلم
عموما انا بتبصلها من ناحية فنية انا ببصلها من ناحية حركة سعرية بس خلينا نتفق انه ممكن ينزل ك تصحيح و يكمل صعود تانى .