اللحمـــة والفـــول

**GoldenTiger** · 10-09-2006, 11:12 AM

اللحمـــة والفـــول

عن موضـوع الفـول واللحمـة
صـرّح مصـدر قـال مسئـول

ان الطـب اتقدم جـداً
والدكتـور محسـن بيقـول

ان الشعـب المصـري خصوصـاً
من مصلحتـه يقـرش فـول

حيـث الفـول المصـري عمومـاً
يجعـل من البنـي آدم غـول

تأكـل فخـده في ربـع زكيـب
والدكتـور محسـن مسئـول

يدّيـك طاقـة وقـوة عجيبـة
تسمـن جـداً تبقـى مهـول

************

ثـم أضـاف الدكتــور محسـن
ان اللحمـة دي سـمّ أكيـد

بتـزوّد أوجـاع المعـدة
وتعـوّد علـى طولـة الإيـد

وتنيّـم بنـي آدم
وتفرقـع منـه المواعيـد

واللـي بياكلـوا اللحمـة عمومـاً
حيخشّـوا جهنّـم تأبيـد

************

يادكتـور محسـن يامزقلـط
يامصـدر ياغيـر مسئـول

حيـث ان انتـو عقـول العالـم
والعالـم محتـاج لعقـول

مارأي جنابـك وجنابهـم
فيـه واحـد مجنـون بيقـول

إحنـا سيبونـا نمـوت باللحمـة
وانتـو تعيشـوا وتاكلـوا الفــول

مارأيـك ياكابتـن محسـن
مـش بالذمّـة كـلام معقـول؟

************
منقووووووووووووووووووووول

**الجنيه الفلسطيني** · 10-09-2006, 01:04 PM

كابتن محسن واد مهبول !!

ودماغو بالطين مبلول

ــــــــــــــــــــــــــــــــــ

أما في غزة أرض العزة

سرقوا اللحمة وسرقوا الفول !!

**يورو2006** · 10-09-2006, 04:29 PM

هههههههههههههههههههههههههه

**ahmed hanafy** · 10-09-2006, 04:43 PM

انت تقصد ان الناس مش لاقية تاكل لحمة
و ايه يعنى
مش لاقيه تأكل فول
و ايه بعنى
ياكلوا بعضهم يا اخى

............. مصدر آخر مسؤل

**~ الرايق ~** · 10-09-2006, 04:49 PM

هههههههههههههههه

**حسن السيد** · 10-09-2006, 07:50 PM

**alhaidary** · 10-09-2006, 09:19 PM

وإن تعدوا نعمة الله لا تحصوها

إحمدوا الله على النعمة

تحياتي

**MR.JPY** · 10-09-2006, 10:07 PM

الموضوع: اللحمـــة والفـــول

أدوات الموضوع

اللحمـــة والفـــول

مشاركة: اللحمـــة والفـــول

مشاركة: اللحمـــة والفـــول

مشاركة: اللحمـــة والفـــول

مشاركة: اللحمـــة والفـــول

مشاركة: اللحمـــة والفـــول

مشاركة: اللحمـــة والفـــول

مشاركة: اللحمـــة والفـــول

الاوسمة لهذا الموضوع

عروض شركات الفوركس