استفسار عن التحويل

[mohamed1974]

السلام عليكم ورحمة الله وبركاته
فى ظل ما تشهده مصر من ازمه فى الدولار هل توجد قيود على التحويلات للخارج وما هو الحد المسموح به للتحويل

[moh.gahmy]

السلام عليكم ورحمة الله وبركاته
فى ظل ما تشهده مصر من ازمه فى الدولار هل توجد قيود على التحويلات للخارج وما هو الحد المسموح به للتحويل

لا يوجد حد للتحويل للخارج
ولا توجد اى قيود على الاستقبال او الارسال سوى انه لابد ان يمر على حسابك 3 شهور حتى تستطيع ان تحول مبلغ للخارج
حد السحب اليومى للدولار فى البنوك المصرية هو 10.000 $
تقبل خالص تحياتى

[ahmedphen0m]

لا يوجد حد للتحويل للخارج
ولا توجد اى قيود على الاستقبال او الارسال سوى انه لابد ان يمر على حسابك 3 شهور حتى تستطيع ان تحول مبلغ للخارج
حد السحب اليومى للدولار فى البنوك المصرية هو 10.000 $
تقبل خالص تحياتى

جمهي باشا هل حاليا ممكن اخد دولارات من البنك عادي؟ انا اخر مرة سئلت فالاهلي المصري من شهر بالظبط و قالي مينفعش

[moh.gahmy]

جمهي باشا هل حاليا ممكن اخد دولارات من البنك عادي؟ انا اخر مرة سئلت فالاهلي المصري من شهر بالظبط و قالي مينفعش

لو لديك رصيد دولار فى حسابك طبعا تقدر تسحبه فى اى وقت بحد اقصى 10.000 دولار يوميا
ولو الموظف قال مينفعش تسحب من رصيدك دولار
يبقى بيضحك عليك وبيغيره لحسابه كتير من الموظفين بيعملوا كده
رسميا على لسان محافظ البنك المركزى تقدر تسحب دولار وممنوع منعا باتا اجبارك على تغيره فى البنك

لكن لو رصيدك مفيهوش دولار وعايز تحول من جنيه لدولار فده لسه مش متاح وللاسف مفيش غير سوق سودا - شركات الصرافة

بالنسبة للحالة الاولى انا متاكد بنسبة 200% لانى بسحب دولار من حسابى وعمر ما حد قالى ممنوع
انا باتعامل مع البنك العربى الافريقى الدولى

[selvester4]

القيد الوحيد زي ما قال اخي الكريم محمد يكون عدي علي حسابك في البنك ثلاث شهور ومش لازم حسابك يكون بالدولار
يعني مثلا عندك حساب في بنك من زمان بالمصري روح افتح حساب بالدولار(بيقي اسمة حساب فرعي) في نفس البنك وهتحول منه عادي بدون ثلاث شهور انتظار
والافضل طريقة للتحويل من وجهة نظري هي خدمة الانترنت للبنك لانخفاض التكاليف وسرعة اداء المعاملة والسويفت كود تستلم منه صورة بالميل دون ذهابك للبنك
تجربتي مع بنك باريبا عمولة التحويل 3 في الالف يعني الالف دولار عليها 3 دولار بحد ادني لعملية التحويل 20 دولار واقصي مية دولار

بالنسبة لشراء دولار من البنوك المصرية انسي البنك يديلك دولار بسعر قليل وهوة بالسوق السوداء والصرافات العادية في حدود 7 واربعين
ارجوا ان اكون افدتكم

[ahmedphen0m]

لو لديك رصيد دولار فى حسابك طبعا تقدر تسحبه فى اى وقت بحد اقصى 10.000 دولار يوميا
ولو الموظف قال مينفعش تسحب من رصيدك دولار
يبقى بيضحك عليك وبيغيره لحسابه كتير من الموظفين بيعملوا كده
رسميا على لسان محافظ البنك المركزى تقدر تسحب دولار وممنوع منعا باتا اجبارك على تغيره فى البنك

لكن لو رصيدك مفيهوش دولار وعايز تحول من جنيه لدولار فده لسه مش متاح وللاسف مفيش غير سوق سودا - شركات الصرافة

بالنسبة للحالة الاولى انا متاكد بنسبة 200% لانى بسحب دولار من حسابى وعمر ما حد قالى ممنوع
انا باتعامل مع البنك العربى الافريقى الدولى

تمام جدا يا حبي , انا قصدي فعلا علي حالة لو معيش دولارات , طيب معندكش فكرة الكلام ده منطبق علي اليورو كمان و لا الدولار بس؟

[moh.gahmy]

تمام جدا يا حبي , انا قصدي فعلا علي حالة لو معيش دولارات , طيب معندكش فكرة الكلام ده منطبق علي اليورو كمان و لا الدولار بس؟

اى عملة اجنبية حتى لو جنيه سودانى

[mohamed1974]

جزاكم الله كل خير

[ahmedphen0m]

اى عملة اجنبية حتى لو جنيه سودانى

هههههههههههههههههه
يا ساتر يارب , و انا اللي فاكرها علي الدولار بس , دحنا داخلين علي ايام سودة فعلا , يلا ربنا يفرجها قريبا ان شاء الله
شكرا جزيلا يا جهمي باشا

[أبو فاطنة]

اى عملة اجنبية حتى لو جنيه سودانى

**



الدولار قبل حكومة الأخوان يعادل 10 قروش في السوق الحر وفي الرسمي 4،50 قرشا
الدولار اليوم في عهد الأخوان 6000 جنيه وفي الرسمي. 5240 جنيه
الخبز وزن 140 جرام قبل الأخوان 14 قرشاً . آليوم الخبز وزن 70 جرام 250 قرشاً
السكر الرطل 125 قرشاً قبل الأخوان واليوم في عهد الأخوان يساوي الرطل 300 جنيه
الجازولين الجالون قبل الأخوان كان 2 جنيه اليوم في عهد الأخوان 9500 جنيه
البنزين الجالون كان 4،50 قرشا واليوم سعره 13،500 جنيه
لاتقولي مصر مش السودان *** لأن الأخوان هم الأخوان
احتلوا الأرض اغتصبوا المجد باعوا الأوطان