موجات اليوت Eliot waves

[ahmed hanafy]

الاخ طارق
انت مدعو و اليك الرابط
https://forum.arabictrader.com/t16953.html

[ahmed hanafy]

انا عايز مشاركة فعالة .... الموضوع حيبقى صعب شوية على المبتدئين لانه موجه لتحسين الاداء وليس لتعلم الاساسيات
ياريت اللى حيكمل معايا يبعت رسالة تشجيعية....وحيكون عنوان حلقات التعليم هو نحو أداء أفضل


طارق المسلمانى........من مصر

بيب بيب طارق
بيب بيب طارق
بيب بيب طارق
احنا معاك يا باشا و انا اول المشجعين

[waddah]

الله يجزيك الخير يا استاذ طارق

كل شيء جاهز ومنتظرينك

[Tarek egy fx]

لابد من البداية النظرية قبل كل شىء...
لبداية افضل ارشح قراءة الروابط التى طرحتها فى المشاركة الاولى


موجات اليوت اكتشفها العبقرى رالف نيلسون اليوت..اليوت ابتدى يلاحظ ان السوق بيمشى فى خلال صور معينة من الهبوط والصعود سماها موجات

موجات اليوت مختلفة الازمنة كل موجة بتحتوى على موجات اصغر والموجة الاصغر تحتوى على موجة اصغر
يعنى تفتح الصندوق تلاقى صندوق اصغر تفتحه تلاقى واحد اصغر وهكذا
اكبر هذه الصناديق قصدى الموجات هى grand super cycle (ودى بتاخدعشر سنين اوعشرات السنين علشان تتكون) وجواها فى super cycle (ودى بتاخد سنين لحد 9 سنين) وهكذاموجات اصغر بتتكون فيها اللى بياخد من سنة لسنين وفيها اللى بياخد من شهر لعدة شهور وفيها اللى بيتكون من اسابيع لشهر ومن ايام الاسابيع ومن يوم لعدة ايام ومن ساعة لعدة ساعات لحد ما نوصل لاصغر صندوق قصدى اصغر موجة اللى بتتكون فى عدة دقائق لعدة ساعات واسمها sub micro
كل موجة صغيرة هى عنصر فى موجة اكبر
ذى ما الصندوق الصغير جزء من الصندوق الكبير
فىموجات صغيرة جدا صعب نستفاد منها وفى موجات كبيرة اوى يدينى ويديك طول العمر فى الغالب حنموت قبلها
كل مستثمر بيختار الموجة اللى تناسبه...معنى الكلام ده ان موجات اليوت تصلح للتنبؤ القصير والمتوسط وكذلك كبير المدى
اليوت اكتسب شهرة حقيقية لما استنتج انا مؤشر الداو جونز سوف يصعد فى وقت كان التشاؤم هو المسيطر على المتعامليين فى البورصة الامريكية..ولكن للاسف ده كان بعد ما اليوت مات(مالحش يتهنى ذى كل العباقرة للاسف)
لكن نظرية اليوت تبقى
الموجات الكبيرة تحتاج لفريم زمنى كبير ... الموجات الصغيرة تحتاج لفريم زمنى اصغر
لو كنا فى الاسهم كنت حانصح بالشارت اليومى والشارت الشهرى
...الشارت اليومى يبين اكبر عدد من الموجات
لكن فى سوق العملات انصح بشارت الساعة..ويمكن لهواة المدى المتوسط استخدام الشارت اليومى



لكن شغلنا حيكون على شارت الساعة



دلوقتى لازم اكلم عن طبيعة الموجة نفسها
الارقام السحرية فى موجة اليوت هى 3 و5 و8
الدورة بتتكون من 8 موجات
5 منهم اسمهم الموجة الدافعة اى المحركة وقد تكون فى اتجاه هابط او صاعد المهم انها هى المحركة والدافعة...
نتيجة للحركة الدافعة لابد من حركة تصحيحية له بتتكون من 3 موجات اسمهم الموجات التصحيحية
معلومة مهمة لابد ان تاخد بالك منها لكى تفهم سلوك حركة العملة..كل صعود لابد ان يتخلله هبوط وكل هبوط لابد ان يتخلله صعود
احنا قلنا ان فى موجة دافعة بتتكون من خمي موجات....الموجات رقم 1 و3 و5 بيكونوا اكبر الموجات وفى نفس اتجاه الموجة الدافعة و الموجة رقم 2 و4 اقصر الموجات وبيكونوا عكس اتجاه الموجة الدافعة اى فى اتجاه تصحيحى للموجة الدافعة وان كانوا جزء منها

الحركة التصحيحية داخل الموجة نفسها ضرورة حتى تستطيع الموجة ان تكمل الى هدفها

حنتكلم دلوقت عن الموجة التصحيحية وهى بتتكون من 3 موجات a b and c
الموجة a , c بيكونوا فى نفس اتجاه الموجة التصحيحية والموجةb بتكون عكس اتجاه الموجة التصحيحية اى الموجة b حركة تصحيحية داخل الموجة التصحيحية نفسها

تذكروا حتى يستطيع السهم او العملة الارتفاع او النخفاض لابد من حركات تصحيحية عكس الاتجاه

[ahmed hanafy]

كلام جميل و رائع

[Tarek egy fx]

انصح بقراءة الكتاب ..الرابط فى المشاركة الاولى
انا عايز حد يعلمنى ازاى ارفع الصور
علشان ابتدى اجيب صور حقيقية من السوق فى المشاركة القادمة باذن الله

[عبده المصرى]

ربنا يكرمك اخ طارق ويجزاك الله كل خير على مجهودك

[Tarek egy fx]

الصورة اللى انا رفعتها على الموقع هى تحليل اليوتى لشارت eurusd لمدة ساعة وهى تشير الى ان السوق فى اتجاه تكوين الموجة الخامسة فى اتجاه تصاعدى وان الهدف السعرى للموجة لم يبلغ بعد لذلك فهى تعتبر اشارة شراء قوية حيث يتوقع ان يكون الهدف من 200 الى 300 نقطة
الصعود سوف يتخلله بعض الهبوط
انصح بالمضاربة فى الاتجاه الايجابى
السعر سوف يمضى باذن الله من خط 61.8 لفيبوناتشى ويتعدى خط 100 باذن الله(خطوط فيبوناتشى مرسومة لشارت الساعة)
يستخدم التحليل الفنى لمناطق الخول والخروج
اشارات التحليل الفنى فى الاتجاه الصاعد اشارات قوية باذن الله

[Tarek egy fx]

الموجة الصاعدة سوف تستغرق باذن الله فى حدود 10 ايام تداول

[Tarek egy fx]

اليوم
3-9-2006

[Tarek egy fx]

السعر لن يتعدى خط 100 لفيبوناتشى بكثير

[ahmed hanafy]

شرح جميل و تحليل رائع

[majed salem]

الأخ/ طارق

اسأل الله أن يكتب لك الأجر والمثوبة ان شاء الله .

سؤالي (طبعا مبتدئ) : بالنسبة لموجات الدفع وهي اما حافزة او قطرية بالنسبة للحافزة عند رسم خط ما بين

الموجة 1 ، 3 ، 5 والموجة 2 ، 4 تأخذ شكل قناة متوازية أما بالنسبة للموجة القطرية عند رسم خط ما بين

الموجة 1 ، 3 ، 5 والموجة 2 ، 4 تأخد شكل مثلث أو ما يعرف في الانماط السعرية الوتد ، بالنسبة للرسم المرفق

عند رسم خطين لا يعطي قناة متوازية أو مثلث .

أرجو التوضيح بارك الله فيك .

[Tarek egy fx]

الاخ ماجد اهلا وسهلا بيك معانا ...الصفحة دى فى الاصل هى لتحسين الاداء وكلنا بنتعلم باذن الله
الرسم صحيح لكنى رسمت سهوا رقم 3 فى غير محله
اليك التصحيح مرفق بالاسفل
ستجد ايضا صورة اخرى توضح سلوك العملة....وعلى اختلاف التحليل لكن النتيجة واحدة وهى كما ذكرت بالسابق صعود قادم
التحليل الاول يقول اننا فى الموجة الخامسةفى الموجة الدافعة
والتحليل الثانى يقول اننا فى الموجة Y فى DOUBLE ZIGZAG
هذان هما اكثر التحليلات احتمالا للحدوث بنسبة كبيرة تتعدى 90%
باذن الله
تقبل تحياتى

[ahmed hanafy]

كلام جميل و متابعين