(((>>>> سؤال فى معرفة السعر الحالي فقط و ليس اغلاق او فتح >>>))))

[ayman_tamim]

السلام عليكم ورحمه الله و بركاته

لو انا واقف على فريم الدقيقة لما الشمعه الجديدة بتفتح بيكون السعر هو سعر الافتتاح

طيب عدى مثلا 10 ثوانى على نفس شمعة الدقيقة السعر الحالى دا اسمه اى؟ علما انى مجرد عايز اعرف السعر و ليس فتح صفقة بيع او شراء لانى لو كتبت
ask او bid لانهم حيدونى ارقام مختلفه عن بعض

ايضا عايز احتفظ بسعر ال فتح و الاعلى و الاقل و الحالى للشمعة الى انا واقف عليها و ايضا عايز احتفظ لنفس البيانات (دون السعر الحالى لانه طبعا معدش فيه سعر حالى الشمعه اغلقت خلاص) للشمعه السابقة فيا ترى اى الاوامر المستخدمه ؟

و ازاى استخدم اوامر زى

 Open_bars_price= iOpen( Symb, Period_time,i);
 
       //Request the closing price of the i-th bar
       Close_bars_price=iClose( Symb, Period_time,i);
 
       //Request the minimum price of the i-th bar
       Low_bars_price=iLow( Symb, Period_time,i);
 
       //Request the maximum price of the i-th bar
       High_bars_price=iHigh( Symb, Period_time,i); 
  

علشان ارجع للشمعه السابقة هل مجرد اكتب i-1 او i-2 و هكذا ؟
و شكرا جزيلا

[Jmeel]

وعليكم السلام ورحمة الله
Bid هو السعر الحالي للبيع وكذلك Ask هو السعر الحالي للشراء والفرق بينهم هو الأسبيريد وماتراه على الشارت هو سعر Bid ، كذلك Close[0] هو نفسه السعر الحالي ويظل يتحرك مع كل تيك حتى تغلق الشمعة فيصبح هو الأغلاق للشمعة 1 .
i رمز متغير يمكنك استبدالة بالرقم 1 للشمعة السابقة أو الرقم 8 مثلا لتعرف اغلاق الشمعة الثامنة قبل الحالية .

[ayman_tamim]

وعليكم السلام ورحمة الله
Bid هو السعر الحالي للبيع وكذلك Ask هو السعر الحالي للشراء والفرق بينهم هو الأسبيريد وماتراه على الشارت هو سعر Bid ، كذلك Close[0] هو نفسه السعر الحالي ويظل يتحرك مع كل تيك حتى تغلق الشمعة فيصبح هو الأغلاق للشمعة 1 .
i رمز متغير يمكنك استبدالة بالرقم 1 للشمعة السابقة أو الرقم 8 مثلا لتعرف اغلاق الشمعة الثامنة قبل الحالية .

شكرا جزيلا لك على هذة المعلومات القيمه

طيب سؤال ازاى كل ثانيه اقرئ السعر الحالى ؟

[Jmeel]

السعر غير مرتبط بالزمن ولكن يرتبط بحركة السعر وتسمى Tick يعني كل ما يتحرك السعر تك واحد ترى تغيير السعر على الشارت وقد يتحرك عدة مرات في الثانية وقد تمر ثواني والسعر لايتحرك ، والسعر الحالي بنوعيه هو ماشرحته لك في المشاركة السابقة .

[xcv114]

بالنسبة لجزئية السعر الحالي فقد اجابك الاخ جميل أنه هو Bid أو Close[0]

أما الجزئية الثانية من سؤالك : الإجابة في الإقتباس

----------------------
أولا الشمعة الحالية بتاخد الرقم 0 والشمعة السابقة بتأخد الرقم 1 والشمعة قبل السابقة بتأخد الرقم 2 وهكذا
--------------
ثانيا :
لو حابب تستدعي مثلا إغلاق أو إفتتاح أو اللو أو الهاي أو الفوليوم للشمعة الحالية بستخدم الأوامر التالية

 Close[0]
Open [0]
High [0]
Low [0]
Volume[0] 
  

طبعا كتبنا [0] عشان الشمعة الحالية ... لو السابقة بنكتب [1] .... ولو قبل السابقة بنكتب [2] ،،،، وهكذا
-------------
طيب الكلام ده على أساس إن الإكسبيرت سيعمل على نفس الفريم إللي هنضع عليه الإكسبيرت وبالتالي لن نحتاج لتعريف التايم فريم المؤخذ من بيانات الشمعة
*-*-*-*-*-*-*-*-*-*-*-*-*-*-*

لكن لو حابب إن الإكسبيرت يوضع على شارت عملة وفي نفس الوقت يأتي ببيانات من فريم اخر أو حتى من عملة أخرى
يبقى هتستخدم الشكل ده

 iClose( Symbol() , PERIOD_M15 ,0 ) 
  

وهنا بقى ممكن تتحكم أكتر في بيانات الشمعة المطلوبة
الأول عندك iClose : ممكن iOpen ممكن iHigh ممكن iLow

بين الأقواس عندك :
1- Symbol() : ودي لو كتبتها ذي ما هي بالشكل ده يبقى معناها نفس العملة إللي موضوع عليها الإكسبيرت
وممكن تكتب مكانها NULL ولها نفس المعنى وممكن تكتب مكانها 0
طيب لو حابب تحدد الزوج المؤخوذ منه بيانات الشمعة يبقى تكتب إسم العملة بالشكل ده

 iClose("EURUSD",PERIOD_M15,0) 
  

-------------------------------------------------

2- التايم فريم المأخوذ منه الشمعة
وهنا مثلا أنا كاتب PERIOD_M15 ودي معناها طبعا إن الشمعة مأخوذة من تايم فريم 15 دقيقة
وممكن أكتب مكانها 15 بالشكل ده :

 iClose("EURUSD",15,0) 
  

فريم 5 دقايق ممكن تكتب 5 أو تكتب PERIOD_M5
فريم النص ساعة ممكن تكتب 30 أو تكتب PERIOD_M30
فريم الساعة ممكن تكتب 60 أو تكتب PERIOD_H1
فريم اليومي ممكن تكتب 1440 أو تكتب PERIOD_D1

-----------------------------------------
3- وده بيكون رقم الشمعة :
0 أو 1 أو 2 أو 3 أو 4 وهكذا
أمثلة

 iClose("EURUSD",15,0)
iOpen("GBPUSD",PERIOD_H4,1)
iHigh(NULL,0,3)
iLow(Symbol(),PERIOD_W1,0)
iVolume("USDCHF",30,2) 
  

[ayman_tamim]

بالنسبة لجزئية السعر الحالي فقد اجابك الاخ جميل أنه هو Bid أو Close[0]

أما الجزئية الثانية من سؤالك : الإجابة في الإقتباس

شرح اكثر من رائع جزاك الله كل خير