موضوع للنقاش هام جدا لجميع المهتمين بالاكسبيرتات دعوة خاصة للأخ مستر دولار والأخ جميل
السلام عليكم ورحمة الله وبركاته
تحياتي لجميع اخواني واخواتي في هذا القسم العظيم واخص بالذكر الاخ جميل والاخ مستر دولار واشكرهم مره اخري علي مجهودهم العظيم في هذا القسم ومحاولتهم مساعده اخوانا اصحاب الافكار سواء الفاشلة او الناجحة فهم لا يميزون وبصراحة انا لا اري قسم في المنتديات العربيه كلها افضل من هذا القسم حيث مساعده الأخر
اما بعد ::: انا هفتح موضوع مهم جدا واتمنا من الله تعالي ان يكون فيه حلول لمشكلة كبيرة جدا بتواجه جميع الي بيحاولو يتوصلو لحاجة بالاكسبيرتات واعتقد ان الاكسبيرتات مهمه جدا في سوق الفوركس ليس فقط لان ممكن اننا نتركها تعمل 24 ساعه بدون متابعه ولاكن لفلتره الفرص والتاكد من نجاح الطرق علي المدي الطويل يعني انا زمان لما كنت بحب اشوف طريقة واختبرها برجع بالشارت وبرهق نفسي في حساب الفرص ومرة قعدت يومين اراجع نسبة نجاح طريقة ما
فا الاكسبيرت ان كان بسيط فا بياخد في ايد المبرمج ساعه مثلا وبيوفر علينا احنا ايام لاكن دلوقتي فيه مشكلة مهمه جدا
انت بتجيب الطريقة وبتطلبها والمبرمجين جزاهم الله خير بينفزوها تيجي تفتح الشارت تعمل باك تيست تلاقي نتائج تيجي تفتح الاكسبيرت علي سيرفر وتشغله يومين تلاقي نتائج تعمل عليه باك تيست تاني بالنتائج الي اتحققت لايف علي الشارت تلاقي النتائج مختلفة سواء بالسلب او بالأيجاب
طيب مهو دا مؤثر جدا وان مكنش فيه حل للمشكلة دا معناها ان الاكسبيرت اصبح ملهوش لزمة واصبح احنا لازم كل طريقة نرجع ونعملها باك تيست يدوي مرة تانية ونقعد ايام نحسب في الفرص ويا سلام لو كانت الطريقة اسكليبنج كدا هتبقا دمار وخراب طيب احنا نعمل اية
احد الاخوة هيقول المشكلة في سبريد الشركة طيب لو كان فعلا المشكلة في سبريد الشركة وانا اشك فيها طيب ايه الحل
انا عايز لما اجي اعمل باك تيست النتائج الي تظهرلي هي تكون النتائج الواقعية النتائج الحقيقية علشان دا هيوفر عليا كتير من الجهد
ومش هنسبب ارهاق كبير للمبرمجين في عمل تعديلات نتيجة لوهمية النتائج يعني انا دلوقتي عملت اكتر من اكسبيرت
واجي ابص علي النتائج الاقيها كذا ابحث عن نقاط الضعف واحلها واعمل التعديلات المناسبة الي المفروض نظريا تطلع النتائج ايجابيه واعمل باك تيست الاقيها سلبيه بردو
مع ان المنطق والعقل بيقول ان المفروض النتائج تكون ايجابيه
لاكن للاسف عمليا النتائج مش زي المنطق والعقل ما بيقول كمثال لو انا مثلا عندي اكسبيرت فتح صفقة بيع الساعه 2 بتوقيت المنصة وبستوب 20 نقطة وبهدف 20 نقطة والسعر هبط لحد 15 نقطة وبعدين صعد وضرب ستوب 20 نقطة
طيب لو انا جيت عملت تعديل وروحت عامل الهدف 12 نقطة والستوب 20 نقطة واجي اعمل باك تيست تاني الاقيه ضرب ستوب بردو طيب ليييييييه ؟؟؟؟ مش المفروض المنطق والعقل بيقول انه هيجيب الهدف ؟؟؟؟
دا محصلش معايا بس انا بديلكم مثال للي بيحصل
طيب هقولك علي حاجة عملتها النهاردة انا كنت بجرب في اكسبيرت المهم مشغله علي سيرفر مأجرة ودافع فيه فلوس الي شكلها راحت عليا هههههههه بسبب الاخطاء دي الي قرفاني يعني انا بقول طيب ليه بقا اعمل اكسبيرت طالما لما هشتغل بيه واعمل باك تيست النتائج بتاعته مش دقيقة وفي نفس الوقت انا مش هستحمل ااجر سيرفر لشهور علشان اجرب اكسبيرت لو فيه ناس معاها الاغلبيه ممعهاش اقل سيرفر ب 18 دولار يعني بتقريبا 140 جنية يعني علشان ااجره 6 شهور اجرب عليه حاجات يا هتنجح يا هتفشل محتاج 840 جنية ودا صعب جدا علشان شوية تجارب ادفع المبلغ دا او حد غيري يدفع المبلغ دا
المهم نرجع للحوار انا ماجر سيرفر وبجرب اكسبيرت المهم جيت بصيت علي نتائج الاكسبيرت الايف لقيتها ارباح 15 دولار
وجيت عملت بقا باك تيست لقيت ان الارباح بس 8.8
طيب مهو كدا فيه فرق كبير جدا يعني قرب يوصل للنص طيب الواحد يعمل اية علشان يخلي الباك تيست هي هي النتائج لايف
يا جماعة بجد لو فيه حل فا دا هيريح المبرمجين لان ساعتها معالجة الاكسبيرتات هتبقا واضحة لان نقاط الضعف والقوة واضحة من خلال الباك تيست
وفي نفس الوقت هيريحنا احنا لما نيجي نعمل باك تيست للاكسبيرت مع العلم الباك تيست الي كنت بعمله علي منصة 5 ارقام
طيب هقول علي حاجة كمان النتائج بتختلف من منصة للتانية يعني انا لما عملت الباك تيست علي المنصة الي شغال عليها وجيت عملت باك تيست علي منصة شركة اخري بنفس القيم والمواصفات
لقيت ان النتائج خسائر كبيرة جدا قولت المنصة الاولانية ارحم
ممكن حلول للي بيحصل وتفسيرات واقعية ؟؟؟؟؟؟؟؟؟؟
رد:موضوع للنقاش هام جدا لجميع المهتمين بالاكسبيرتات
اقتباس:
المشاركة الأصلية كتبت بواسطة ronny
وعليكم السلام اخي جميل والله كلامك مهم
لاكن ليه مفيش حل يعني حضرتك اتكلمت بردو علي نفس المشكلة والي هي واقعيه فعلا وللاسف مش عارف الناس مبتتكلمش عليها علشان ميعرفوهاش ولا يعرفوها ومكسلين يبحثو عن الحل
اخ جميل حضرتك قولت الحل الوحيد اني اجربه يا علي حساب ديمو يا علي حساب حقيقي طيب مهو فيه مشكلة هنا وهي اني قولت انا مش مستعد ااجر سيرفر لمدة 6 شهور علشان اجرب حاجة يا تفشل يا تنجح بصراحة دا صعب جدا كل ما الواحد يكتشف حاجة ويحب يجربها ياجرلها سيرفر ممكن الكلام دا متوفر مع غيري لاكن مع الاغلبيه لا
فا دلوقتي علشان نوفر الوقت والمجهود لازم يكون فيه حل
خاصة ان اغلب الطرق دلوقتي الي بيعتمد عليها الاكسبيرتات اسكليبنج وفرق نقطة او نقطتين دا يقلب الموازين
السلام عليكم ورحمه الله
تحية طيبة للجميع
اخي هذا رابط موقع اختبار اكسبيرتات
اضغط هنا
يوجد مواقع لاختبار الاكسبيرتات على النت وبرامج اختبار اكسبيرتات تحتاج الى بحث في جوقل او يوتيوب
لاكن الاكسبيرتات الناجحة تستخدم api لتنفيذ الاومر وبرامج تحليل خاصة تم تصميمها لهم وهي ترسل الاومر بعد التحليل
الميتاتريد لن يعطيك نتائج صحيحة في الاختبار او في مكان فتح الصفقات واغلاقها
مع تمنياتي للجميع بالتوفيق
لاتنساني من دعائك