لكل مبتدئ - بدون تردد - ضع سؤالك هنا

**مصطفى خالد** · 09-10-2011, 04:24 AM

المشاركة الأصلية كتبت بواسطة mahdy1

انت تقصد ميتاتريدر افكسول هو اللى بطئ ولا الميتاتريدر عامة
طيب البرنامج التانى الجى تى اس ده سهل فى التعامل معاه زى الميتاتريد ولا صعب
ثم يا عم مصطفى كل الشروحات والطرق والاستراتيجيات والاكسبيرتات والاسكربتات والتمبلات .......... ات ، كلها مبنية على الميتاتريدر
يبقا ازاى الواحد بيتعلم على شئ ويشتغل على شئ تانى
معلش تعبتك

كل شركه ليها منصهتها الخاصه على سيرفراتها
انما الميتا تريدر ليه سيرفيرات مخصوصه
و كله بطى

شخصيا بحلل على الميتا تريدر و الجى تى اس اديله الامر فقط

**mahdy1** · 09-10-2011, 04:41 AM

المشاركة الأصلية كتبت بواسطة مصطفى خالد

كل شركه ليها منصهتها الخاصه على سيرفراتها
انما الميتا تريدر ليه سيرفيرات مخصوصه
و كله بطى

شخصيا بحلل على الميتا تريدر و الجى تى اس اديله الامر فقط

شكراً يا درش

**رانيا وجدي** · 09-10-2011, 07:56 AM

المشاركة الأصلية كتبت بواسطة مصطفى خالد

كل شركه ليها منصهتها الخاصه على سيرفراتها
انما الميتا تريدر ليه سيرفيرات مخصوصه
و كله بطى

شخصيا بحلل على الميتا تريدر و الجى تى اس اديله الامر فقط

تمام وكلنا كده بنحلل على ميتاتريدر ونطبق على منصة الشركة اللي بنتعامل معها

**engineroo** · 09-10-2011, 09:32 PM

انا محمد من السويس بقالى حوالى 3 شهور بقرأ فى الفوركس ولسة عارف المنتدى الجميل ده دلوقتى و كانت عندى شوية استفسارات ........

اولا

مطلوب تحليل يومى لايام سابقة لافضل خبراء الفوركس عشان نتعلم منه اهم قواعد التحليل والناس دى بتفكر ازاى

ثانيا

برنامج ينفع يشتغل اوفلاين على الداتا القديمة بتاعة الفوركس عشان نقدر ندرب عليه بسهولة و يبقى تدريب اسرع

ثالثا

موضوع مسابقات الفوركس, الواحد يقدر يعمل ايه عشان يكسب فى مسابقة عشان الناس اللى بتكسب دى بتعمل حوالى 1000 نقطة اسبوعيا ...ازاى نقدر نوصل للمستوى ده من الخبرة
.....

رابعا

ما هو انسب مبلغ لو مقدرناش على موضوع المسابقات ده عشان نبدأ بيه وامتى اعرف انى مؤهل انى افتح حساب حقيقى

خامسا

مجرد اقتراح >>اننا نعمل موضوع اسمه يلا نفهم فوركس و هيكون هدفنا اكتر عملات اتغيرت فى اليوم ده او الاسبوع ده يعنى بعد اليوم او الاسبوع مينتهى نشوف اكتر عملة اتغيرت و نعرف اتغيرت كتير كدا ليهي يعنى هيبقى فى مجال للنقاش و كلنا نستفيد من خبرات بعض ولما نعرف ليه هنعرف امتى هتتغير تانى و نقدر ننتهزر الفرصة قبل متيجى تانى متهيقلى الفكرة دى هتساعد ناس كتير جدا انها تفهم السوق كويس و ياريت تقولولى رأيكو ايه فى الفكرة دى ...

سادسا

من الاخر يعنى اكمل فى الفوركس ده ولا اييييه عشان الواحد حاسس انه موضوع صعب جدا <بس ده مش مشكلة انه صعب اهم حاجة هيبقى فى نتيجة> و للاسف لو فى حد بيكسب بيكسب لنفسه و مش بيقول و احنا كمبتدئين مش لاقيين اى حاجة تشجعنا على ان احنا نكمل كل الناس اللى بنشوفها لسة ببتعلم او بتشتغل بحسابات على قدها وبتتعلم بردو لان موضوع الفوركس ده بدأ ياخد جزء كبير فعلا من وقتى و خايف اكون كل ده بضيعه على الفاضى و فى نفس الوقت خايف استسلم للأراء السلبية و اضيع على نفسى فرصة كبيرة جدا فياريت نصايح من اعضاء المنتدى

ومعلش طلباتى كتير شوية
بس...من قدر خير بيداه التقاه
و هنيالك يا فاعل الخير و الثواب :D

**engineroo** · 10-10-2011, 04:38 AM

لو فى حاجة انا كتبتها غلط قلولى لو فى حاجة صعبة عادى بس الواحد عايز يعرف راسه من رجليه !!!!

**مصطفى خالد** · 10-10-2011, 04:45 AM

المشاركة الأصلية كتبت بواسطة engineroo

انا محمد من السويس بقالى حوالى 3 شهور بقرأ فى الفوركس ولسة عارف المنتدى الجميل ده دلوقتى و كانت عندى شوية استفسارات ........

اولا
مطلوب تحليل يومى لايام سابقة لافضل خبراء الفوركس عشان نتعلم منه اهم قواعد التحليل والناس دى بتفكر ازاى
تابع مواضيع التحليلات و ارشحلك منهم مواضييع رانيا وجدى مشرفه المتداول و موضوع التحليلات اليوميه للعملات الرئيسيه لمحمد صلاح
او راجع مواضيع قديمه ليا اسمها عايزين نتعلم صح و شوف حلقه رانيا وجدى او سيف او كراون بيرل

ثانيا
برنامج ينفع يشتغل اوفلاين على الداتا القديمة بتاعة الفوركس عشان نقدر ندرب عليه بسهولة و يبقى تدريب اسرع
اشتغل على الميتا تريدر عادى انا متدرب عليه

ثالثا
موضوع مسابقات الفوركس, الواحد يقدر يعمل ايه عشان يكسب فى مسابقة عشان الناس اللى بتكسب دى بتعمل حوالى 1000 نقطة اسبوعيا ...ازاى نقدر نوصل للمستوى ده من الخبرة
.....مش عايز اصدمك لكن على الديمو الناس بتخاطر بشكل قوى جدا و ده بيكسب اكتر و بيخسر اكتر
على الحقيقى 100 نقطه اسبوعى باداره راس مال هاديه تتحلك انك تدبل حسابك كل 4 شهور

رابعا
ما هو انسب مبلغ لو مقدرناش على موضوع المسابقات ده عشان نبدأ بيه وامتى اعرف انى مؤهل انى افتح حساب حقيقى
مش مساله مبلغ تبدى ب 250 دولار و انت فاهم احسن من 10000 و انت مش فاهم
شخصيا مبتدى بمبلغ صغير شويه عشان اقدر اكبره و ان شاء الله هاحقق الى انا عايزه

خامسا
مجرد اقتراح >>اننا نعمل موضوع اسمه يلا نفهم فوركس و هيكون هدفنا اكتر عملات اتغيرت فى اليوم ده او الاسبوع ده يعنى بعد اليوم او الاسبوع مينتهى نشوف اكتر عملة اتغيرت و نعرف اتغيرت كتير كدا ليهي يعنى هيبقى فى مجال للنقاش و كلنا نستفيد من خبرات بعض ولما نعرف ليه هنعرف امتى هتتغير تانى و نقدر ننتهزر الفرصة قبل متيجى تانى متهيقلى الفكرة دى هتساعد ناس كتير جدا انها تفهم السوق كويس و ياريت تقولولى رأيكو ايه فى الفكرة دى ...
و الله فكره جامده

سادسا
من الاخر يعنى اكمل فى الفوركس ده ولا اييييه عشان الواحد حاسس انه موضوع صعب جدا <بس ده مش مشكلة انه صعب اهم حاجة هيبقى فى نتيجة> و للاسف لو فى حد بيكسب بيكسب لنفسه و مش بيقول و احنا كمبتدئين مش لاقيين اى حاجة تشجعنا على ان احنا نكمل كل الناس اللى بنشوفها لسة ببتعلم او بتشتغل بحسابات على قدها وبتتعلم بردو لان موضوع الفوركس ده بدأ ياخد جزء كبير فعلا من وقتى و خايف اكون كل ده بضيعه على الفاضى و فى نفس الوقت خايف استسلم للأراء السلبية و اضيع على نفسى فرصة كبيرة جدا فياريت نصايح من اعضاء المنتدى

ومعلش طلباتى كتير شوية
بس...من قدر خير بيداه التقاه
و هنيالك يا فاعل الخير و الثواب :D

عايز تسال عن اى حاجه تانى

**رانيا وجدي** · 10-10-2011, 10:49 AM

المشاركة الأصلية كتبت بواسطة مصطفى خالد

عايز تسال عن اى حاجه تانى

كفيت ووفيت

**mab2100** · 10-10-2011, 12:17 PM

تحياتي للجميع تسائلي
هل التداول بالفوركس حلال لانه توجد فتوى من الشيخ علي السالوسي وهي في اليوتيوب
الرجاء الرد على التسائل وجزاكم الله خير

**ahmedphen0m** · 10-10-2011, 08:40 PM

انا عندي كام استفسار بخصوص فتح موضوع في منتدي التوصيات اتلجريبية

اولا: انا هافتح الحساب ده عادي كأني بفتح حساب عشان اشترك بيه في مسابقات المتداول العربي ولا الادارة هتفتحهولي عشان يكون لمدة 3 شهور؟

ثانيا: هل الحساب لازم يكون تبع اف اكس سولويشن؟ و هل لازم يكون ميتاتريدير؟

ثالثا: محتاج احقق كام نقطة شهريا عشان افوز بحساب حقيقي؟

رابعا: في حالة حالفني الحظ و فزت بحساب حقيقي ما الشروط المطلوبة لسحب اي ارباح محققة تبع هذا الحساب؟ و هل يمكن سحب المبلغ نفسه؟

انا عارف ان فيه موضيع كتيرة فالقسم بتشرح النقط دي بس انا بجد تهت بينهم

شكرا ليكم علي المساعدة و بعتذر علي الازعاج

**engineroo** · 10-10-2011, 10:28 PM

المشاركة الأصلية كتبت بواسطة مصطفى خالد

عايز تسال عن اى حاجه تانى

تشكر يا باشا على مرورك الكريم
ويا رب فكرتى لو كويسة تحصل بتاعة موضوع النقاش فى الفوركس على اكتر العملات اتغيرت و اسبابها
انا لسة جديد عشان كدا مش عايز اعمل بيها موضوع عشان مشعارف دى حاجة كويسة ولا :D

**رانيا وجدي** · 11-10-2011, 01:10 AM

المشاركة الأصلية كتبت بواسطة mab2100

تحياتي للجميع تسائلي
هل التداول بالفوركس حلال لانه توجد فتوى من الشيخ علي السالوسي وهي في اليوتيوب
الرجاء الرد على التسائل وجزاكم الله خير

حياك الله أخي الكريم

التداول بسوق العملات من الأمور الخلافية التي إختلفت الفتاوى حولها بين التحليل والتحريم , وفي هذه الحالة ينصح باللجوء لأهل العلم ممن تثق في رأيهم وسؤالهم وتتخذ الرأي الأقرب لقناعتك ,

تفضل هذا الموضوع يحتوي على فتاوى مختلفة متعلقة بالأمر

https://forum.arabictrader.com/t27559.html

**رانيا وجدي** · 11-10-2011, 01:20 AM

المشاركة الأصلية كتبت بواسطة ahmedphen0m

انا عندي كام استفسار بخصوص فتح موضوع في منتدي التوصيات اتلجريبية

اولا: انا هافتح الحساب ده عادي كأني بفتح حساب عشان اشترك بيه في مسابقات المتداول العربي ولا الادارة هتفتحهولي عشان يكون لمدة 3 شهور؟

الحساب يتم فتحه عن طريقة لجنة منتدى التوصيات لكي يستمر الى 3 أشهر لان الحساب العادي مدته شهر فقط , يمكن طلبه عن طريق قسم الإقتراحات والتواصل

ثانيا: هل الحساب لازم يكون تبع اف اكس سولويشن؟ و هل لازم يكون ميتاتريدير؟

نعم يجب ان يكون بافكسول لانها الراعي الرسمي للقسم والحسابات الحقيقية , أيضا يجب ان يكون على الميتاتريدر

ثالثا: محتاج احقق كام نقطة شهريا عشان افوز بحساب حقيقي؟

تحتاج ان يكون التقييم الخاص بك بعد 3 أشهر من فتح الحساب إيجابي , اي يكون الحساب محصلته خلال 3 أشهر ربح

رابعا: في حالة حالفني الحظ و فزت بحساب حقيقي ما الشروط المطلوبة لسحب اي ارباح محققة تبع هذا الحساب؟ و هل يمكن سحب المبلغ نفسه؟

الأرباح لا يوجد اي شروط لسحبها تصرف بها كما تشاء , أصل المبلغ أعتقد سيكون له شروط للسحب لأنه الهدف منه ان يتم تنفيذ التوصيات عليه فيما بعد وللتأكد ارجو مراسلة لجنة التوصيات
انا عارف ان فيه موضيع كتيرة فالقسم بتشرح النقط دي بس انا بجد تهت بينهم

شكرا ليكم علي المساعدة و بعتذر علي الازعاج

ولايهمك واهلا وسهلا بك وبجميع إستفساراتك

أهلا وسهلا أ.أحمد

الإجابة بالإقتباس حسب مالدي من معلومات والأفضل ان تتواصل مع لجنة منتدى التوصيات عن طريق قسم الإقتراحات والتواصل

تحياتي وتقديري

**ahmedphen0m** · 11-10-2011, 03:02 AM

شكرا جزيلا استاذة رانيا علي الرد
و انا فعلن تواصلت معاهم و فتحت موضوع من يومين و كمان بعت لخدمة العملاء لاكن محدش رد عليا فقلت بس اطمن من حضرتك اني ماشي سليم
شكرا علي تجاوبك و سرعة ردك و المفروض انهم يرشحوا حضرتك للقب افضل عضو او يعملوا لقب افضل مشرف و اكيد حضرتك هتفوزي بيه عشان تواجدك الدائم و مساعدتك لكل الاعضاء

**Osama86** · 11-10-2011, 04:04 PM

عندي سؤال

هناك طريقه اسمها على ما اعتقد الزوايا

احد لديه طريقه التداول بالزوايا؟ وما هو اسم المؤشر الذي يستعملونه؟

هذا شخص يتداول بهذه الطريقه https://forum.arabictrader.com/t1315...ml#post2204578

**رانيا وجدي** · 11-10-2011, 07:52 PM

المشاركة الأصلية كتبت بواسطة ahmedphen0m

شكرا جزيلا استاذة رانيا علي الرد
و انا فعلن تواصلت معاهم و فتحت موضوع من يومين و كمان بعت لخدمة العملاء لاكن محدش رد عليا فقلت بس اطمن من حضرتك اني ماشي سليم
شكرا علي تجاوبك و سرعة ردك و المفروض انهم يرشحوا حضرتك للقب افضل عضو او يعملوا لقب افضل مشرف و اكيد حضرتك هتفوزي بيه عشان تواجدك الدائم و مساعدتك لكل الاعضاء

ربنا يكرمك ويعزك أستاذ أحمد أشكرك لثقتك الغالية بارك الله فيك وأسأل الله ان نكون دائما عند حسن الظن بنا

ان شاء الله هشوف الموضوع بقسم الإقتراحات وأتابع مع اللجنة فيما يخصه

تحياتي وتقديري

الموضوع: لكل مبتدئ - بدون تردد - ضع سؤالك هنا

أدوات الموضوع

الرجاء الرد على تسائلي

الاوسمة لهذا الموضوع

عروض شركات الفوركس