لكل مبتدئ - بدون تردد - ضع سؤالك هنا

[سمير صيام]

الف شكر ليك أخي العزيز .. أنا فعلا والله وصلت لمرحله من التعب واليأس . لكن الحمد لله عملت بنصيحة الاستاذ سمير . أخدت اجازه وسبت الموضوع تماما . حسيت اني ارتحت شويه . بس ماقدرتش أطول .. الاجازه كانت قصيره جدا . أنا والله بحب الفوركس جدا جدا . وكل ما أقرر اسيبه الاقي نفسي أرجعله تاني . ربنا يسهل يارب . والف شكر على كلامك الجميل أخي .




أستاذنا الغالي محمد .. أنا والله من المتابعين معاك بدروسك الجميله من زمان . ربنا يوفقك ويبارك فيك . كلامك صحيح والرائحه الي شميتها فعلا رائحة طريقة الوافي رحمة الله عليه .

حقولك على حاجه يا أستاذي العزيز ولكل الأعضاء الكرام هنا .
طبعا أغلبكم قرأ الموضوع الي كتبته هنا من فتره بسيطه اني كنت فعلا وصلت لمرحله الاحباط واليأس من موضوع الفوركس . لأني ما خليتش ولا حاجه تعتب عليا الا ودرستها واتبحرت فيها . كنت كل ما أحس اني خلاص الحمد لله ابتديت أتمكن من الموضوع أحس انه الأمور بتفلت من ايدي تاني وآكل على دماغي بالخساير .. وأنا هنا بتكلم عن خساير بشكل عام حتى لو على الديمو .. يعني مش عايزه انكم تفهموا اني زعلانه عشان أنا بخسر على الحقيقي .. لا أنا الحقيقي خسرته خلاص ومش حموله تاني الا لمن أتمكن من الموضوع . لكن حتى على الديمو كل ما جربت طريقه تفشل .
لغاية ما نصحني الاستاذ سمير والاستاذ عبد الكريم اني أسيب الموضوع شويه وأخد أجازه .
بعدها بفتره بسيطه .. نصحني الاستاذ عبد الكريم بأن أقرأ طريقة الوافي رحمة الله عليه . وهيا موجوده هنا في المنتدى . وفعلا قرأتها .. بس في البدايه حسيت انها صعبه شويه .
الجميل في الموضوع انه أكثر من صدفه اجتمعت مع بعض .. أولا دخلت الورشه الي هنا في المنتدى بتاعت استراتيجية الوافي . وفي نفس الوقت نصحني أحد المحللين الفنين في منتدى ثاني نصيحه أعتبرتها دهب . قالي شوفي .. الفوركس عباره عن ثلاث حاجات : الترند .. والقمم والقيعان والفيبوناتشي .. والي ما بيعرفش فيهم .. يبقى مابيعرفش حاجه في الفوركس خالص.

سبحان الله . نصيحته جات مطابقه تماما مع كل بنود طريقة الوافي . فهي تشتمل كل هذه النقاط .
حسيت اني كنت دايما بجري ورى الحاجات البسيطه وسايبه الزبده ولب الموضوع ...
درست الشموع . درست المؤشرات . درست النماذج . كنت أبحث عن استراتيجيه بقالب جاهز عشان أرتاح وبس ... اذا قطع الخط الأحمر الخط الاصفر بيع واذا كان الخط الفلاني تحت العلاني اشتري .. .
سنتين من عمري وأنا شغاله على الحاجات البسيطه وتاركه الأساس . أنا مش بقلل طبعا من أهميت الشموع والنماذج والكلام ده كله .. لكن الأساس كنت سايباه . الترند أنا كنت بشتغل على بركة الله ولا عمري بصيت للترند ..
الدعوم والمقاومات ... اتعلمت ازاي أنا لازم أطلعها من الترند اليومي وبعدين أخدها معايا لأي فريم تاني أنا عايزه أشتغل عليه . كمان القصه دي ما عرفتهاش غير لما قرأت طريقة الوافي رحمه الله .
الفيبوناتشي ... اتعلمت ازاي أستخدمها زي شبكة الصيد بالظبط الي بيستخدمها الصياد عشان يصطاد السمك . بيرمي الشبكه في مكان هوه عارف انه السمك حيجي عليه ... ويقعد هوه يستنى السمك لغاية لما يجي لعنده ويروح لافف الشبكه عليه ومصطاده ... مش هوه يقعد يجري ورى السمك عشان يصطاده ويتخبط يمين ويسار وفي الأخير السمك بيروح ويهرب منه بسهوله وهوه بيغرق في البحر ولا عمره حيصطاد ولا سمكه .

الكلام ده أنا بكتبه هنا عشان كل الناس المبتدئين الي مثلي يستفيدو منه .. أنا بديكم عصاره تجربه مدتها سنتين . خدوها بدقيقتين . اقرأ الكلام الي أنا بقوله كويس واستفيد من كل التعب الي أنا تعبته .
ما تجريش ورى العمله .. خليها هيا تيجي لغاية عندك . انصبلها الشبكه ( الفيبوناتشي ) وقعد استناها . اخترقت القمه اشتريها . كسرت القاع بيعها .
وطبعا مش تشتري وتبيع كده على البركه ... لا طبعا . انت لازم تكون فاهم الترند العام للزوج . يعني لو رجعنا لمثال الصياد ... الصياد لمن بيعرف انه البحر هايج اليوم مثلا أو الجو مش كويس ما بيخرجش للصيد خالص ( الأخبار )
. أو ممكن يعرف أنه تيار الهوا اليوم رايح للجهه الشرقيه أو الغربيه فبالتالي السمك حيروح مع الموج والتيار فأنا حروح أنصبله الشبكه هناك . لو الترند صاعد أوعى أوعى أوعى تدخل بيع ... مهما كانت المغريات .
ولو الترند نازل اوعى اوعى اوعى تدخل شراء مهما كانت المغريات .
أتمنى أنه يكون كلامي صحيح . وأعتذر لكم جميعا على موجة الاحباط الي سببتهالكم قبل يومين .
أنا رجعتلكم تاني وكلي أمل باذن الله اننا نقدر نستفيد . ويارب يوفقكم جميعا .
تحياتي الخاصه للاستاذ سمير . والاستاذ عبد الكريم والاستاذ محمد الحلو . ولجميع المشاركين والاعضاء .
تقبلوني أختا لكم .

انا بس عايز اضيف نقطة واحدة
انك تطوعى الادوات دى لتحقيق اهدافك يعنى الكل يعرف هذه الادوات لكن هل قدر يتسفيد منهم ويعرف يحلل بيهم هى دى اللى تنقص الكثير وهى دى اللى تفرق من رؤية محلل لاخر

[hala2244]

صحيح استاذي الغالي . كلامك تمام والله . وهيا دي النقطه الي أنا مازلت لحد الان . أحاول أن اتمكن منها .
ونحن هنا أصلا من أجل هذا .
وعشان كده احنا محتاجين فعلا وقفتكم معانا ومساعدتكم لنا بانكم تعلمونا وترشدونا لتطويع وحسن استخدام هذه الادوات .
اتمنى فعلا اني الاقي الطريق الصح الي امشي فيه .
أنا والله من كتر ما تعبت . اني تعهدت على نفسي اني اذا نجحت في هذا المجال أن اساعد كل مبتدئ بكل ما آتاني الله من قوه .
ربنا يسهل ويوفق الجميع يارب

[سمير صيام]

صحيح استاذي الغالي . كلامك تمام والله . وهيا دي النقطه الي أنا مازلت لحد الان ا . ومازلت أحاول أن اتمكن منها .
ونحن هنا أصلا من أجل هذا .
وعشان كده احنا محتاجين فعلا وقفتكم معانا ومساعدتكم لنا بانكم تعلمونا وترشدونا لتطويع وحسن استخدام هذه الادوات .
اتمنى فعلا اني الاقي الطريق الصح الي امشي فيه .
أنا والله من كتر ما تعبت . اني تعهدت على نفسي اني اذا نجحت في هذا المجال أن اساعد كل مبتدئ بكل ما آتاني الله من قوه .
ربنا يسهل ويوفق الجميع يارب

تمام مادام اتفقنا انه هذه النقاط مهمة وتختلف نجاح محلل لاخر حسب نجاح توقعه للشارت بهذه الادوات
طيب نعمل ايه عشان نصل لمرحلة ان توقعى (لان التحليل كله توقع) يكون توقع صحيح
يبقى عليكى بمراقبة كل شارت فيه تحليل ينزل المنتدى وتراقبى استخدامه لهذه الادوات كان ازاى وايه اللى مختلف عن رؤيتك لنفس الشارت وهل توقعه او توقعك اللى نجح
وهكذا مع كل تحليل ينزل المنتدى فمع الوقت هتتعلمى التوقع بنفسك الصحيح بخلاصة خبرة كل من نزل شارت تحليل

[قناة الأمه]

أستاذ سمير أنا ضغطت علي ما يشير اليه السهم و لا يظهر لي الي القضبان
لا أدري ما المشكله عندي
و جزاكم الله خيرا

[سمير صيام]

أستاذ سمير أنا ضغطت علي ما يشير اليه السهم و لا يظهر لي الي القضبان
لا أدري ما المشكله عندي
و جزاكم الله خيرا

طيب هقولك حل جربه
ضع الملف التالى بعد فك الضغط فى هذا المسار
C:\Program Files\AL Trade 4\templates

واعمل رستارت للبرنامج
وقولى هيظهر ايه

[قناة الأمه]

جزاك الله خيرا و بارك لك لقد حلت المشكله

[سمير صيام]

جزاك الله خيرا و بارك لك لقد حلت المشكله

[قناة الأمه]

بالنسبه لضبط مؤشر البولينجر باندس لتطبيق استيراتيجية القاهره
period 20
deviations 5
apply to close
shift 0
اشعر ان ها خاطئ فقد اعطت لي شكلا غريبا لم اره في الشارتات المرفقه في الاستيراتيجيه

[سمير صيام]

بالنسبه لضبط مؤشر البولينجر باندس لتطبيق استيراتيجية القاهره
period 20
deviations 5
apply to close
shift 0
اشعر ان ها خاطئ فقد اعطت لي شكلا غريبا لم اره في الشارتات المرفقه في الاستيراتيجيه

البولينجر على اعدادته الافتراضية خلى ال5 خليها 2

[قناة الأمه]

جزاك الله خيرا
خير الناس أنفعهم للناس................

[قناة الأمه]

أسف لكثرة الأسئله و لكني لازلت في خطواتي الأولي في هذا العالم الواسع ............
كيف يمكنني ان اضع خطا يوضح قيمة النقطه التي اخترتها في شارتات برنامج L trader ؟
مش عارف احدد قيمة النقطه اللي اخترتها

[سمير صيام]

أسف لكثرة الأسئله و لكني لازلت في خطواتي الأولي في هذا العالم الواسع ............
كيف يمكنني ان اضع خطا يوضح قيمة النقطه التي اخترتها في شارتات برنامج L trader ؟
مش عارف احدد قيمة النقطه اللي اخترتها

هو لا يوجد خط يوضح قيمة النقطة لكن لو تقصد خط يحدد السعر الحالى هو اوتوماتيك على الشارت موجود

[قناة الأمه]

طيب ازاي احدد قيمة نقطة الدخول اللي اخترتها بدقه؟
علي الخط العمودي فيه تباعد بين قيم الارقام

[سمير صيام]

طيب ازاي احدد قيمة نقطة الدخول اللي اخترتها بدقه؟
علي الخط العمودي فيه تباعد بين قيم الارقام

انت تابع السعر على الخط الافقى ولا تتابع العمودى

[yasser1]

السلام عليكم :
أريد كتاب لجون مورفي أرجو وضع الكتاب وليس الرابط أني لم أستطيع تحميله وشكرأ لكم .