استراتيجية samer400

[samtaq3]

صباح الفل
انا اسمي سامر من مصر انا متابع المنتدي من اكتر من سنة و لسة شغال ديمو عشان مش عاوز ادخل الا لما احس اني اقدر اكسب من السوق ده

انا هاشارككم باستراتيجية انا سميتها سامر 400
هي عبارة عن فكرة مش جديدة هانطورها مع بعض لغاية مانوصل بيها للهدف

الهدف هو 400 نقطة شهريا يعني 100 نقطة اسبوعيا
طبعا ده رقم كويس جدا لو وصلنا له و ان شاءالله هانوصله
انا مش هاطول عليكم
نبدأ
الادوات المطلوبة
1-order flow بتاع شركةfxcm دة مبدئيا و لو حد عنده اي مواقع تانية تدينا اوامر الشرا و البيع الموضوعة في السوق يبقي ياريت و طبعا ده كله في ورشة العمل اللي هانعملها و ان شاء الله لو لقيت استجابة سؤيعة نبدا من يوم الاثنين القادم
2-3 مؤشرات
fib pivots
day HL
weakly pivot fib 2 مفيهوش غير المستويات القوية
المؤشرات و التيمبليت هابعتهم حالا
و هاكمل المشاركة الجاية بعد ثواني

[samtaq3]

المؤشرات و التمبليت

[samtaq3]

مبدئيا انا مش عارف احمل المؤشرات ازاي لو في حد يقولي بسرعة عشان اكمل شرح يكون مشكور

[samtaq3]

عموما انا حاولت لغاية ماعرفت
الملف ده في ال3 مؤشرات+ تيمبليت + اوردير فلو بتاع الاسبوع اللي فات كله عشان اللي عاوز يعمل باك تيست يقدر يعمل كدة
و ان شاء الله نعمل فوروارد تست علي الديمو الاسبوع اللي جاي

[samtaq3]

نبدا في شرح الفكرة
الموضوع يعتمد علي ان اللي بيحرك السوق دايما هما حاجتين
الاساسي و الفني
ا1-لاساسي هو الاخبار و دي ليها طرق مختلفة عشان ناخد منها نقط و لكن فيها مخاطرة عالية لكن ان شاء الله ده هايكون الملحق بتاع الاستراتيجية بس لما يجي وقته و هانكون اختارنا استراتيجية كويسه للاخبار عشان تساعدنا في ال 400 نقطة و ممكن مانحتاجش ليها

2- الفني و للاسف مشكلة الفني معروفة وواضحة ان انا ممكن ابقي شايف ان الموضوع شرا و ناس تانيه بيع و ممكن اشتري من نقطة قوية و اتفاجا ان في نقطة تانيه علي شارت تاني اقوي منها وقصص و حكايات ممكن تتقال في الفني و في الاخر بتفضل محتار طبعا انا مش ضد الفني لكن انا حاسس محتاج سنسن عشان اوصل لمستوي يخليني واخد بالي من كل حاجة
عشان كدة نبدا بالسهل الاول
جزء من الفني هي نقط الpivot,fib,cam,weekly pivot........
انهاردة السوق يحترم cam و بكرة الويكلي و بعده و fibوهكذا و اللي نكسبه انهاردة نخسر ضعف يعد كدة بسبب ان سوق ركز علي نقط غير اللي احنا بنفكر فيها

و عشان كدة كان الحل في رايي هو اننا نشوف السوق معظمه بيفكر في ايه و نمشي معاه لكن مانمشيش عميان
و نلاقي الدنيا عمالة تخبط فينا
لا احنا هانحلل تحليل فني بسيط و لكن هانبدء من نقط معينة و نشوفها هل هي قوية و لا لا
و بناء عليه ندخل و نجمع 20-40 نقطة في الصفقة و ممكن اكتر

هاكمل بعد ثواني

[يورو2006]

شكرا لك
وننتظر ابداعاتك

[سمير صيام]

صباح الفل
انا اسمي سامر من مصر انا متابع المنتدي من اكتر من سنة و لسة شغال ديمو عشان مش عاوز ادخل الا لما احس اني اقدر اكسب من السوق ده

انا هاشارككم باستراتيجية انا سميتها سامر 400
هي عبارة عن فكرة مش جديدة هانطورها مع بعض لغاية مانوصل بيها للهدف

الهدف هو 400 نقطة شهريا يعني 100 نقطة اسبوعيا
طبعا ده رقم كويس جدا لو وصلنا له و ان شاءالله هانوصله
انا مش هاطول عليكم
نبدأ
الادوات المطلوبة
1-order flow بتاع شركةfxcm دة مبدئيا و لو حد عنده اي مواقع تانية تدينا اوامر الشرا و البيع الموضوعة في السوق يبقي ياريت و طبعا ده كله في ورشة العمل اللي هانعملها و ان شاء الله لو لقيت استجابة سؤيعة نبدا من يوم الاثنين القادم
2-3 مؤشرات
fib pivots
day HL
weakly pivot fib 2 مفيهوش غير المستويات القوية
المؤشرات و التيمبليت هابعتهم حالا
و هاكمل المشاركة الجاية بعد ثواني

يعنى اللى فهمته من الشرح الموجود ده انك هتاخد مناطق تجميع الاوردرات اللى موجودة فى ORDER FLOW وتشوف نفس المنطقة متوافقة مع اى من الفايبو او الكامريلا او غيرهم من المستويات الرقمية

صح كده ؟

[samtaq3]

شروط الاستراتيجية:
- البعد كل البعد عن الاخبار القوية و الشبه قوية
-الدخول يكون بيتجمع فيه منطقة اوامر من الوردر فلو + مقاومة من المقاومات الموجودة علي الشارت و يفضل اكتر من مقاومة
-اوردر فلو+ مستويfib38,61,76
-ترند اليوم او اليومين السابقين؟ يعني نبص علي اليومين اللي فاتوا و نشوف شكل الزوج طالع و لا نازل تقريبا
-نلغي اي اوردر قبل الاخبار
-و نقفل الصفقات قبل الاخبار او نحط استوب قريب و نبعد الهدف و هاتكون في مجازفة عالية
-نشوف اذا كان في مقاومة قوية في طريقنا ولا لا عشان بناء عليها نحدد الهدف


طبعا انا عارف اني كلامي مش واضح اوي بس انا هاعيد الشرح بامثلة هاتوضح الدنيا اكتر
علي فكرة انا مش حافظ يعني ممكن انسي نقط و اقولها في النص

حاجة تناية الموضوع بعد مايوضح تماما مسموح لاي حد عنده اضافة و تعديل يقول و نجرب بس مانخرجش برة الفكرة

المشاركة الجاية هادي مثل ومنه هاحط الاستراتيجية في نقط محددة

[ahmed hanafy]

ما شاء الله
منتظرينك اخى سامر

[samtaq3]

شكرا لك
وننتظر ابداعاتك

يا عم ابداعات ايه انا لسة بتعلم في مدرستكم و يارب نعرف نستفاد كلنا

[samtaq3]

يعنى اللى فهمته من الشرح الموجود ده انك هتاخد مناطق تجميع الاوردرات اللى موجودة فى ORDER FLOW وتشوف نفس المنطقة متوافقة مع اى من الفايبو او الكامريلا او غيرهم من المستويات الرقمية

صح كده ؟

تمام يا استاذنا و اهلا بيك في الموضوع ده و يا رب تنورنا كده علي طول و ده هايكون شرف لينا

[سمير صيام]

تمام يا استاذنا و اهلا بيك في الموضوع ده و يا رب تنورنا كده علي طول و ده هايكون شرف لينا

ياعم الله يخليك انا اخ ليكم وليس استاذ لاحد
وانا اللى اتشرف بوجودى معكم
وفكرتك كويسة بس يعيبها احيانا انه ميكنش متوفر لوقت كبير هذه الاوردرات
فانا ايام التجارب كنت بحاول اعمل كده ولما لقيتها فشلت معايا مرة واتنين بعدت عنها
فانا هنا بسالك هل جربتها كويس واخبار النتائج ايه معاك

وتسلم ياغالى

[samtaq3]

هابدء بمثال من امبارح و منه هانطلع التفاصيل بتاعة الاستراتيجية

1 الاوردر فلو

04:26GMT August 18th] [EUR/USD] sellers lined up at 1.2850
يعني الساعة 4:26 اللي تساوي علي شارت altrade 6.26
و عشان نسهل المهمة ياريت كل اللي هايتابعوا الاستراتيجية يشتغلوا علي شارت altrad
30M و نبقي فاهمين فرق التوقيت علي طول ساعتين علي الشارت
يعني الساعة 7في الاوردر فلو تساوي 9 علي الشارت


المهم احنا دلوقتي عندنا اوامر بيع من 1.2850

نسال نفسنا اول سوال الترند بتاع امبارح يعني كدة العملة شكلها نازلة و لا طالعة هانلاقيها نازلة طبعا انا مش يتكلم عن الترند العام انا بتكلم عن امبارح او بالمعنب الاصح اخر موجات بتميل للنزول

كده عرفنا اننا ممكن ندخل شورت

نشوف النقطة 2850 ايه موجود عندها هانلاقي 3 حاجات
1-pivot
2-مستوي 38 لاخر موجة
3- مقاومة سابقة
كل النقط دي عند مستوي 2840-2845
يالتالي لو دخلنا short من2842 ستوب 2865 فوق مستوي 38 ويكلي
و الهدف 2812 عشان الدعم fib s1
+لو امس
و بكدة نحقق 30 نقطة ز كان ممكن نخلي الهدف الثاني weekly pivot2786و نحقق منه 56 نقطة
شوفتوا الموضوع بسيط ازاي

[ahmed hanafy]

كلام بديع و جميل
جارى البحث

[samtaq3]

ياعم الله يخليك انا اخ ليكم وليس استاذ لاحد
وانا اللى اتشرف بوجودى معكم
وفكرتك كويسة بس يعيبها احيانا انه ميكنش متوفر لوقت كبير هذه الاوردرات
فانا ايام التجارب كنت بحاول اعمل كده ولما لقيتها فشلت معايا مرة واتنين بعدت عنها
فانا هنا بسالك هل جربتها كويس واخبار النتائج ايه معاك

وتسلم ياغالى

بالنسبة لي انا جربتها من فترة لمدة شهر و كانت نتايجها كويسة جدابس كانت من غير مافلترها ببعض التحليل الفني زي ماحنا هانعمل و كان عيبها انك هاتحط اوردرات كتير كلي يوم علي عملات كتيرة و شوية يخسروا و شوية يكسبوا بس النتيجة كانت ممتازة بس مخيفة
لكن فكرة دخول تحليل فني معاها هاتخلي الصفقات اقل بكتير و بالتالي هاكون مطمن اكتر و في نفس الوقت احنا يهمنا اننا نحقق 100 نقطة في الاسبوع يعني ممكن من 3 صفقات فيهم اوردر فلو +نقط كوية يتحققوا بسهولة
ده بالاضافة ان في جوة الاستراتيجية بعض التفرعات بس مش هانقولها الا لما نخلص الجزء ده كويس و نجربة الاسبوع ده
بالنسبة للاوردرات هي بتنزل كتير انا تابتها فترة
يعني بتلاقي اوردرات في الفترة من4-6gmt
و من 7-9gmt
, في النص شوية اوردرات بسيطة
و بعد كدة اوردرات من الساعة 18-21gmt
كل دي اوردرات ممكن نطلع منها صفقات كتيرة

علي الفكرة الملف اللي انا بعنه في كل اوردرات الاسبوع اللي فات هاتلاقيها كتيرة مش قليلة