ياصاح..لا تسئل عن الي مضى وراح
ولا اعلمك ياصاح بالي جرالي

الي مضالي ضاع بهموم واجراح
وهم و خراب و دجةٍ باليالي

لكن لك الله اليوم يصاح مرتاح
ماعادت الاوهام تطري في بالي

ماعدت اخاف الحزن ولا اريد الافراح
يكفي الذي شفته فزماني و مضالي

يكفي رميت النفس في دنيا الاشباح
ارجو من الاموات خلٍ موالي

ارجو من الي لنفسها تذل ياصاح
لنفسي تعز بوقتي الي بقالي

حتى طفى من عيني ياصاح مصباح
اشعل فتيله منيتي مع امالي

نورٍ لمحته بضلمتي كان وضاح
مشيت يمه والثمن كان غالي

همٍ حملته مدةٍ تمٍ انزاح
و لا كنت اظنه من الهموم الثقالي

هذي علومي....انت عساك مرتاح؟
عساك طيب ياعضيدي و مالي