السلام عليكم( عايز اعمل اكسبيرت رقمي يعتمد علي الاغلاق والهاي واللو الاسبوعي )

لو حد يقدر يساعدني في عمل اكسبيرت يعتمد علي اغلاق والهاي واللو الاسبوعي

استرايجية سهلة جدا ونتائجها علي كل العملات ناجحة بنسبة 80فالمية وممكن حضرتكم تعملوا باك تسيت ليها علي فريم الاسبوع وهاتشوفوا النتايج

الاستراتيجية هي تفتح فريم الاسبوع وتشوف الهاي واللو والاغلاق لشمعة اخر اسبوع وتكتبهم في ورقة

نيجي بقي للمهم هانحسب فالورقة (الهاي - اللو ) /3 دي اول خطوة

تاني خطوة الرقم الي هايطلع هاتضيف عليه سعر الاغلاق هايكون دا امر معلق شراء

وهاتطرحة من سعر الاغلاق هايكون امر معلق بيع

مثال لزوج اليور دولار الاسبوع الي فات كان الهاى 1.3710 واللو 1.3414

يبقي (1.3710-1.3414)/3 الناتج هايكون 98 تمام كدة

اغلاق الاسبوع كان 1.3655

يبقي امر شراء معلق عند 1.3754
وامر بيع معلق عند 1.3657
الهدف تبع الزوج لو حركته بطيئة او سريعة بس اليورو دولار دايما هدفة مش اقل من 75 نقطة
والاستوب لوز 100 نقطة
او ممكن تحدد الهدف تبع الرقم الي هايطلع من قسمة طرح الهاي واللو علي 3

يارب تكون فكرتي وضحت وحد يقدر يعملي الاكسبرت دا هاكون شاكر ليه جدااا

وعليكم السلام
النقطة دي مش واضحة
يبقي امر شراء معلق عند 1.3754
وامر بيع معلق عند 1.3657
؟؟؟

دا الاسبوع الي قبل الي فات علي زوج اليورو دولار كان سعر الاغلاق عند 1.3655 والهاي عند 1.3710 واللو كان عند 1.3414

يبقي هانحسبها ازاي الفرق بين الهاي واللو (1.3710-1.3414) بيساوي 296نقطة علي 3 بيساوي 98نقطة

الناتج النهائي دا هانضيفة علي سعر الاغلاق يبقي دا امر شراء معلق وطلع عند 1.3754
وهانطرحة من سعر الاغلاق يبقي امر بيع معلق عند 1.3657
وفعلا اتفعل امر البيع المعلق وحقق الهدف واكبر كمان لو جيت حضرتك عملت باك تيست للطريقة دي وع الازواج كلها هتلاقيها نسبة نجاحها عدت ال 80فالمية

ياريت تكون وضح فكرتي وحضرتك تقدر تفدني

ياريت حضرتك تقدر تفدني لانها بجد استراتيجية سهلة ونتائجها مضمونة لان احنا بندخل علي معظم الازواج
وكمان مجربها بقالي شهور ولاحظت ان اقصي عقود مفتوحة بتكون 3
وكمان لو صفقة شراء ضربت استوب صفقة البيع بتفعل وتحقق الهدف والعكس يعني كدة ان شاء الله يايتحقق الهدف ودا بنسبة 80فالمية يا اما بيضرب استوب ويتفعل الامر التاني ويجيب الهدف
والازواج الناجحة فالطريقة دي
بالترتيب
اليورو دولار
الباوند دولار
الاسترالي دولار
الدولار فرنك
النيوزيلندي دولار
اليورو باوند
اليور كندي
اليورو استرالي
الباوند فرانك
اليورو ين
الباوند ين
الدولار ين

الدولار كندي نتائجة فية اقل منهم لانة اصلا زوج بطئ جدا ومتذبذب

اقتباس:

---

المشاركة الأصلية كتبت بواسطة zezoo ezat

دا الاسبوع الي قبل الي فات علي زوج اليورو دولار كان سعر الاغلاق عند 1.3655 والهاي عند 1.3710 واللو كان عند 1.3414

يبقي هانحسبها ازاي الفرق بين الهاي واللو (1.3710-1.3414) بيساوي 296نقطة علي 3 بيساوي 98نقطة

الناتج النهائي دا هانضيفة علي سعر الاغلاق يبقي دا امر شراء معلق وطلع عند 1.3754
وهانطرحة من سعر الاغلاق يبقي امر بيع معلق عند 1.3657
وفعلا اتفعل امر البيع المعلق وحقق الهدف واكبر كمان لو جيت حضرتك عملت باك تيست للطريقة دي وع الازواج كلها هتلاقيها نسبة نجاحها عدت ال 80فالمية

ياريت تكون وضح فكرتي وحضرتك تقدر تفدني

---

باللون الأحمر احتمال خطأ غير مقصود ام ان له فكرة مختلفة ؟؟؟

معلش غلط فالرقم بس اقصد 1.3557

امر الشراء المعلق بيساوي سعر الاغلاق+( (سعر الهاي - سعر اللو ) /3 )
امر بيع معلق سعر الاغلاق ـــ ( (سعر الهاي - سعر اللو ) / 3 )

تمام كدة ؟؟

تمام كده اول ما أخلص حرفع الأكسبيرت

تمام يا استاذ جميل الله يكرمك
بس حضرتك هو ينفع تعمل باك تيست مثلا لسنة فاتت ؟؟
وينفع حضرتك تضيف الازواج الي كتبتها لحضرتك دي ويكون في اختيار احدد التيك بروفت والاستوب لوز لكل زوج ؟؟

استاذ جميل لو سمحت مش تنسي تضيف ان لو اتفعل امر واتحقق الهدف يلغي الامر التاني ومايتلغاش الا لو الهدف الامر الي اتفعل حقق الهدف

تفضل الأكسبيرت جرب ومنتظر ردك

تمام يا استاذ جميل متشكر بجد بس حضرتك ضفت الي كتبتة لحضرتك في المشاركة 8 و9

وطلب معلش صغير ممكن حضرتك تعمل باك تيست ليه لاني مش بعرف اعمله

عمل الاوامر المعلقة اهو يا استاذنا شكرااااا بجد

بس ياريت حضرتك تضفلي عليه الازواج الي هاقولها لحضرتك دلوقتي بتيك بروفت واستوب لوز

وتاني حاجة ودي مهمة ان اتفعل امر مثلا شراء وحقق الهدف يتلغي امر البيع ولو ماتحققش وضرب استوب لوز امر البيع يفضل زي ماهو حضرتك فاهمني ؟؟؟

هو بيعمل على كل الأزواج حسب الشارت المسحوب عليه ومش محتاج تحدد ، في البداية راجع هل الأرقام زي ما أنت طرحتها ؟؟
اذا كانت صحيحة اشتغل عليه يومين او ثلاثة وسجل ملاحظاتك والتعديلات المحتاج ليها وحعدل فيه زي ماتحب .

تمام الارقام ظاهرة زي ماهي صح الاكسبيرت تمام

بس انا عايز اضيف عليه خانات وخانات تيك بروفت واستوب لوز لازواج معينة لان كل زوج وليه شغل وكمان عايز اعمل تيرلينج استوب ولو وصل ربح معين يقفل الصفقات

وكمان اضيف الغاء الامر الاخر عند تحقيق الهدف وعدم الغاء لو الامر الاخر ضرب استوب

يعني الاكسبيرت تمام التمام بس نقصة الخانات دي فقط

تفضل تم التعديل ويتبقى الغاء المعلق اذا تحقق الربح .