\\\الشمس قربت على المغيب
والبدرأختفى وأظلمت الليالي\\\

هذي القصه محزنه جدا وصداقه لم تدوم أنتهت وراحت في غمضة عين وما أصعب لحظة الوداع الأخيرولكن ..
قدر الله وما شاء فعل

ماراح أطول عليكم
القصه تتكلم عن عائلتين

عائلة أبو بدر
بدر: هو الولد الوحيد أخر العنقود المدلع من بين خمس بنات وعمره20سنه
بدريه : أخته الكبرى ومتزوجه وعندها أولادوعمرها 27سنه
بدور: أصغر من بدريه بسنه ومتزوجه وعندها ولد واحد بس
فوزيه : الأخت الوسطى من بين خواتها متزوجه ولها سنتين وما جابت أطفال وعمرها 24سنه
أما فريده وفايزه توأم وماتزوجن ويدرسن في الجامعه ويشبهن بعض بالمره
وأعمارهن 22 سنه

عائلة أبو ياسر
ياسر : هو أكبرواحد في العيله موظف وعمره 25
هاني : أصغر من ياسرويدرس في الجامعه وعمره21
هناء : هي الأخت الوحيده في عيلة أبو ياسروعمرها 19
وهي أخر العنقود وتدرس في ثالث ثانوي

راح أتكلم عن أهم شخصيتين متطابقتين في العائلتين هم
بدر وهاني أصدقاء من أول متوسط وصداقتهم مبنيه على الحب والتضحيه والشجاعه والكرم والنخوه والشهامه وغيرها من صفات الرجوله

هاني
شخصيته قويه عاليه في الهمه حبوب ومؤدب والكل يحبه وكل همه دراسته ومستقبله

بدر
نفس الشخصيه بس يختلف في شي واحد مشاغب ويحب اللعب
ومع كذا طيبته فاقت كل الحدود

بداية القصه
$$$ الجزء الاول $$$

ومع بداية الدراسه في يوم السبت أستعدو الطلاب وكل واحد يحجز له مكان وبدر وهاني أجلسو في أماكنهم وكانت في الاول وجنب بعض
دخل المدرس وسلم عليهم وتعرف على أسمائهم وبدا
الدرس وسأل المدرس سؤال وقال من يجاوب
رفع هاني أصبعه وقال المدرس يالله ياهاني
جاوب هاني
قال المدرس أحسنت ياهاني تفضل
جلس هاني مكانه
مع مرور الوقت أنتهت الحصه
بدى بدر يلعب ويسولف مع الطلاب وهاني ساكت مايتكلم بس يناظرهم ويبتسم وقال بدر لهاني وش فيك ماتتكلم وليه ماتسولف معنا وتفرفش
رد هاني وقال ماعندي شي أتكلم فيه
بدر: ياأخي قول أي شي ترى ماأحب الولد الساكت وإلا راح أغير مكانك من جنبي لاني ماأحب واحد قريب عندي ولا يسولف
هاني : ضحك وقال ماني مغير مكاني وعاجبني وإذا ماعجبك المكان أنت إللي غير مكانك ورح عند اللي تبيه
بدر : عصب وقال زين أوريك وأنا زعلان عليك أنت ماتعرف بدر بسيطه
هاني : ضحك وقال سو اللي تبي تسويه
بدر: بعد تضحك يابرد أعصابك بس ماعليه الأيام راح تجيبك

دخل المدرس الثاني عليهم
وبدا الدرس والكل ساكت وبدر يقز هاني وهو مكشر وهاني يناظره وهو يضحك يبي يقهر بدر المدرس أنتبه لهم وقال بس يلي هنا أنتبهو لدرس
وبعد ماأنتهت الحصه طلعو
للفسحه وطلع بدروهو زعلان من هاني وطلع هاني واحد من الشباب أسمه نايف جلس هاني ونايف يسولفون وقال نايف
هاني ترى بدر هو وحيد أهله ومدلعينه والشباب هنا مستغلينه عشان فلوسه ولأنه بعد إذا زعل صعب يرضى بسرعه وإذا حط واحد في راسه ياويله بس أقولك روحله أحسلك فكر في كلامي زين
هاني: روح ياشيخ ماني رايح له ولاني مراضيه وخله يسوي اللي يبي وماهمتني فلوسه وماني أستغلالي وبعدين هو اللي مخطي علي
نايف : براحتك أنا قلتلك وأنت بكيفك بس ياليت تفكر في كلامي
وبعدها أنتهى الدوام والكل راح لبيته


$$$ الجزء الثاني $$$

مرت الأيام سريعه وبدر زعلان على هاني وفي يوم من الأيام فكر هاني في كلام نايف وقال في نفسه لازم أروح بكره لبدر وأنبهه على نفسه وأعتذر منه
وفي يوم الصباح سلم هاني على بدر بس للأسف بدر ماعطى هاني وجه وطنشه
بدت الحصه وهاني يناظربدر ويبتسم في وجهه
وبدر يناظر هاني بطرف عينه ومكشر ومقهور من أبتسامات هاني
وكل واحد مايكلم الثاني وأنتهت
الحصه الثالثه وطلعو الشباب للفسحه وطلع بدر ومعه أثنين من الشباب وطلع هاني بسرعه عشان يلحق بدر
وقال بدر. بدر
وناظر بدر وقال خير وش فيه
هاني : بدر تعال أبيك في موضوع لوحدنا
بدر : قال في نفسه أخيرا جيت
بتعتذركنت راح أطين عيشتك ماعاش من يسفه بدر ويطنشه
راح مع هاني وجلسو لوحدهم في زاويه وقعدو يسولفون
هاني : أنا أسف بدر بس صدقني أنت زعلتني وتبي تطردني من مكاني
بدر : أنا ماأحب أحد ساكت جنبي وبعدين أنت زعلتني لأنك مشيت كلامك علي تدري ولا واحد مشى كلامه علي إلا أنت
وهذا إللي قاهرني
هاني : ماعليه كلنا أخطينا ولازم
نخطي عشان نتعلم واللي راح راح المهم خلنا نكون أصدقاء
بدر: أنا ماعندي مانع بس ماتزعلني مره ثانيه
هاني : ضحك وقال أن شاء الله ولا يصير خاطرك إلا طيب
يالله خلنا نروح الحصه بدت
دخلو الفصل وهم يضحكون
وجلسو في أماكنهم أستغربو
الشباب وقالو الله الله وش اللي قاعدين نشوفه
بدر: ضحك وقال هذا سر المهنه
دخل المدرس وقال يالله كل واحد في مكانه
وبدى المدرس يشرح الدرس
وبعد أنتهاء الحصه بدو الشباب بالسوالف وأمتلى المكان بالضحك وكان بدر مبسوط من هاني
وبعد ماأنتهى الدوام الكل راح لبيته
وراح هاني لبيته ودخل غرفته
وجلس يفكر كيف ينصح بدر
ويحذره من شلة السوء
وبعد يومين قرر يقول لبدر الحقيقه إللي لازم يعرفها
وفي الصباح سلم هاني على بدروهو متضايق
بدر : وشفيك ياهاني منت على بعضك قول فيك شي لايكون تعبان
هاني : لا وأنا أخوك مافيني شي بس البارح مانمت زين كنت أفكر
بدر: تفكر وش تفكر فيه وشهو الشي اللي خلى النوم يطير عنك
هاني : أنت
بدر: أنا تفكر فيني ليه
إذا عشان الزعل اللي بينا أنا نسيته وأعتبر أن ماصار شي
هاني : لا يابدرأكبرمن موضوع الزعل
بدر: أكبر قول خوفتني ياهاني وش صار
هاني : أنا مقدر أقول هالحين يابدرفي نهاية الطلعه راح أقولك
كل شي
بدر: لا قولي هالحين ياهاني
هاني: هالحين ماقدرأقولك باقي على الحصه دقيقتين والموضوع طويل يبي شرح
بدر : الله يعيني أنتظر
وفي نهاية الدوام كان بدر ينتظر هاني عند باب المدرسه
طلع بدروهاني مع السواق
وجلسو في حديقه
بدر: هاني قول وش عندك
هاني : بدر إذا قلتلك الكلام هذا من خوفي عليك ماتفهمني غلط ولا تزعل مني وصدقني أنا أحبك وأحس أنك أنسان طيب
ودليل على طيبتك أنك سامحتني على طول وهذا اللي خلاني أفكر فيك ماحبيت أشوفك تغرق وأنا قاعد أتفرج عليك
بدر : هاني قول وخلصني تراك أشغلت مخي
هاني : أولا أنا كنت أظن أنك شريروأتضح لي صوره ثانيه
تدري ليه لاني أشوف الكل يسمع كلامك
بس هالحين أتغير كل شي
تدري ليه لاني أكتشفت أن الكل طمعان فيك وأنا سمعت بنفسي وشفت بعيني وبعض الشباب جاني وقالي بلسانه روح لبدر راضه وترى بدر إذا زعل يطول زعله وتدري أن الكل هنا مستغلينه عشان فلوسه ويمشون تحت أمره بس للمصلحه
بدر: وشهو يعني الشباب قاعدين يلعبون علي وأنا يغافلون ولكم الله أنت متأكد من الكلام اللي تقوله ياهاني
هاني : زي ما أنا متأكد أني جالس قدامك
بدر: وهالحين وش السوات
هاني: يابدر أنت على نياتك وما كل من ضحكلك يحبك وصدقني من حكى لك حكى فيك
والصديق يابدرمن صدق في كلامه وكانو يبوني أستغلك زي ماهم يستغلونك بس أنا رفضت
ومستحل أشوفهم يلعبون لعبتهم وأنا ساكت
بدر: ساكت
هاني : بدر وش فيك ساكت
بدر: أنا مصدوم من اللي قاعد أسمعه ياهاني
هاني : ماعليه وأنا أخوك وصدقني أنا راح أكون معك ولا راح أتخلى عنك
بدر : وهالحين وش تبيني أسوي
يعني أنا أنخدعت فيهم ماني مصدق
هاني : أفا والله يابدر يعني أنا كذاب صحيح لاقالو أعمل خير تلقى شر بس على العموم أنا سويت اللي علي وانت حر بس أليا جاء اليوم اللي تغرق فيه تذكر أني كنت أبساعدك وأنت رفضت مع السلامه
بدر: هاني أنا مو قصدي أزعلك ولا قلت أنك كذاب بس أنت فهمت الموضوع غلط أنا قصدي أني أنغشيت فيهم ولا أدرى وش أسوي أنا لازم أواجهم
هاني: لا يابدر إذا واجهتهم راح يجحدون وراح يقولون الكلام اللي سمعته كذب بس مافيه غير طريقه وحده أنك تنقل لمدرسه ثانيه وأنا معك ولاراح أتخلى عنك بس قبل لاننقل لمدرسه ثانيه لازم تنهي علاقتك مع الشباب راح تقول كيف أنا راح أقولك بكره خميس كلم الشباب واحد واحد وسو فيهم مقلب وأختبرهم وشوف من يضحي ومن راح يتخلى عنك
قول لهم أنت وينك فيه وإذا قال لك أنا في المكان الفلاني قول أنا في ورطه الشرطه تطاردني وأنا أبجيك عشان تخبيني وشوف وش رده وبكذا راح تنهي علاقتك مع كل واحد
هاه وش قلت يابدر
بدر: فكره حلوه وراح أدق على نايف أول واحد
رن تلفون بيت نايف رفع نايف السماعه ألو من المتصل
أنا بدر
هلاوالله بدر وش عندك
أنا يانايف في ورطه والشرطه تطاردني أنا أكلمك من كبينه أفتح الباب وأنا جايك
وشهو لا يابدر أسمحلي أنا مابي مشاكل
أفا يانايف أنت كنت تقول متى ماتحتاجني تلقاني هالحين وش غيرك
أنا أسف يابدر زي ماقلتلك مشاكل مقدر
يعني راح تتخلى عني يانايف
يوه يابدر فكنا واللي يرحم والديك
خلاص يانايف أنا عرفت مكانتي عندك وترى اللي أسويه كله كذب في كذب بس حبيت أختبرك يالأسف خيبت ظني فيك
وبدى يدق على باقي الشباب وكانو نفس رد نايف
بكى بدروقام وضم هاني وقال سامحني ياهاني يوم زعلت وقسيت عليك فعلا ماكنت أعرف
كيف يكونون الأصدقاء
بس هالحين تأكدت أن مافيه صديق زيك وياليت تقبلني ياهاني صديق لك وصدقني راح أكون نعم الصديق لك
هاني: ولايهمك يابدرراح أكون صديق صادق معك لأخر العمر


$$$ الجزء الثالث $$$

أنتقل بدر وهاني لمدرسه ثانيه بعيده عن الأولى وأستمرت علاقتهم بعض وزادت صداقتهم وكانو أثنين في شخصيه واحد وكانوا متقاربين في العمروكل واحد يحب الثاني أكثر من نفسه
وصار الكل يحسدهم على صداقتهم لأنهم بنو صداقتهم
على الحب والصدق والوفاء
والإخلاص
وهذا اللي ربط صداقتهم بعض

ومرت الأيام بسرعه وخلصو
دراستهم في المرحله المتوسطه
وأنتقلو الى المرحله الثانويه
وهم مع بعض وكل سنه تزيد
محبتهم وتقوى صداقتهم
وكانت هوايتهم لعب الكوره والصيد وطلعات البر
وكانو يحددون السبت والإثنين لنادي
والإربعاء والخميس للبر
وإذا كان الجو حلو ينامون فيه
كانو يقضون أوقاتهم في البر
ويحبون الصيد كثيرويطلعون
لوحدهم مامعهم ثاني مره على سيارة هاني ومره على سيارة بدر ماعمرهم تفرقو
حتى في السفرإلا إذا كانو مع الأهل
في يوم من الأيام كان بدر وهاني جالسين في مكان عام
وبدركان يناظر في هاني وداخل جو في التفكير

هاني : هيه نحن هنا
بدر : هه
هاني: ألي ماخذ عقلك يتهنابه
بدر: تدري من اللي أخذ عقلي
أنت ياهاني
هاني : أنا .. ليه فيه شي
بدر : لا ياهاني مافيه شي بس
أنا قاعد أفكر في اللي سويته أنت لي أنا ماأستاهل وقوفك معي وصداقتك
هاني : وش الكلام اللي تقوله يابدر أنا ماسويت شي وبعدين
اللي أنت سويته معي مافيه شي لأنك تبي واحد في مكاني يسولف معك وهذا مو غلط
واللي راح راح وحنا أخوان اليوم وحبايب ولاتفكر ولا تشيل هم وأنسى الماضي وخلنا نعيش
للمستقبل ولا تنسى إنا في أخر
سنه في الثانوي وأهم شي خل تفكيرنا في دراستنا وأنا أخوك يابدر وبعدين الله خلق الإنسان
نساي
بدر : ضحك وقال الله لايحرمني منك ياهاني أنا مدري كيف راح أعيش بدونك وبصراحه علمتني درس عمري ماراح أنساه وأنا مديون لك العمر كله
هاني : ضحك وقال أفا عليك يابدر الأخو للأخو
وأنا أخوك قبل لأكون صديقك
وزي ماقال المثل
(( الصديق وقت الضيق ))
بدر : الله يخلينا حق بعض ولا يفرقنا قل أمين
هاني : أمين الله يسمع منك
وبعد ماخلص الحوار كلا راح لبيته ينام


$$$ الجزء الرابع $$$

مرت الأيام مسرعه كالبرق
وجاء وقت الإمتحانات
وهاني مجتهد وكان خايف ومرتبك يبي يجيب نسبه زينه عشان يدخل قسم £‎
القسم اللي يحبه وكان هوايته
وهو صغير

أما بدر كان كل همه أنه ينجح ويخلص دراسته من الثانويه ويدور على وظيفه
لأنه مايحب شي أسمه مذاكره

وفي جو الأختبارات هاني وبدر مايجون بعض ولا يشوفون بعض إلا في المدرسه

وبعد ماأنتهت الأختبارات
راح هاني وبدر يشوفون النتيجه
وكانت الفرحه فرحتين
فرحة نجاحهم الأثنين
هاني كان وده يطير من الفرحه لأنه جاب نسبه 95
وراح يدخل القسم اللي يحبه

أما بدر فرحان يوم خلص دراسه ونسبته 75

هاني: متضايق
بدر: وش فيك ياهاني
هاني: أنا زعلان عشان نسبتك
كان ودي تدخل معي في الجامعه في أي قسم
بدر : لاياخوي ياهاني أنا كان همي كله أني أخلص الثانويه بس أما الجامعه مافكرت فيها
وأهم شي أنت ياهاني أخذت نسبه حلوه وراح تدخل القسم اللي تحبه ألف مبروك ياهاني
تستاهل كل خير
هاني : الله يبارك فيك وبالمناسبه هذي راح أعشيك في أحسن مطعم في الشرقيه كلها
بدر : ضحك وقال عساك على القوه

فياسبحان مغير الأحوال
أول وين وهالحين وين
صحيح لقالوا مابعد الكره حب
ومابعد الحب كره
تطورت علاقتهم وأزدادت محبتهم ولا يستغنون عن بعض
وصارت الناس تطلق عليهم
لقب << الثنائ المرح >>

هاني راعي مقالب وخفيف دم
ودايم وده يثور دم بدر وده يلعب بعصابه
ومره من المرات راح هاني
لبدر في بيته وكان معه ثعبان لعبه وخباه في جيبه وده يخوف بدر لأن بدر مايحب الثعابين ويخاف منها دخل هاني المجلس وسلم على بدر
وبعد ماجلس قال لبدر أبي مويه أنا عطشان
بدر على نياته وقال أبشر دقايق وأجيبه
وبعد ماطلع بدر من المجلس
قام هاني وطلع الثعبان وحطه جنب الباب ومطلع راسه شوي عشان بدر يشوفه ورجع مكانه
وحس في بدر أنه جاي وطلع جواله يتسلى فيه عشان مايضحك دخل بدر بكاسة المويه وشاف الثعبان وجن جنونه وأرتبك وخاف لأن الثعبان اللي جايبه هاني شكله يخوف
هاني: وش فيك يابدير خوفتني
بدر: فيه ثعبان عند الباب وطيته برجلي والحين رجلي ترتعش
قوم أذبحه ياهاني
أنت تعرف أني ماأحب الثعبان ولا أعرف أذبحه
هاني: الله يعيني أذبحه بس قوم جب شي عشان أذبحه
قبل لايروح بسرعه
بدر: معليش هاني أنا مقدر أتحرك أحس أني تجمدت في مكاني ولأ أحب أشوفه بس غريبه ياهاني أشوفه مايتحرك
مدري ليه
هاني: والله أنك صادق يمكن يكون مسكون فيه شي مو طبيعي بس غريبه يابديرماتحرك يوم وطيت عليه ولا قرصك
بدر: فال الله ولافالك
أتفاول علي هين ياهوينه
قوم هالحين خلصنا منه ياهاني أعرفك راعي فزعات تراه خرب
علينا سوالفنا وجلستنا
هاني: ولا يهمك أبشر وعلى خشمي
بدر: أعرفك ماتقصر مدري لو
أنت مو عندي وش راح أسوي
هاني: قام وهو ماسك نفسه عشان مايضحك ومعطي بدر ظهره لانه راح يم الباب وجاء عند الثعبان وحاول يمثل أنه يبي يمسكه يسوي نفسه شجاع
قدام بدر
بدر: هوينه وش قاعد تسوي أنت أنهبلت أبتمسكه لاياهاني أنا
خايف عليك
هاني: لاتخاف علي وليه ماتبيني
أمسكه أنا مو رجال ولا شايفني
مثلك خواف
بدر: هوينه أنتبه على نفسك لايقرصك
هاني : لاتخاف هذا شكله مو شرس شكله هادي ودليل على ذلك أنك وطيته برجلك ولا قرصك
بسم الله وحط يده على الثعبان
بدر: مو قادر يطالع تصرفات هاني
هاني: هاه وش رايك بخويك
يعجبك صح هالحين مافيه خوف
بدر : بصراحه أنك شجاع ولد شجاع
هاني: ضحك وجاء جنب بدر ورماه في حضنه
بدر: قام وأبتعد عنه وقلبه ينبض
من الخوف
هاني : ضحك وقال ياغبي هذا ثعبان لعبه مو حقيقي
وش فيك خايف بصراحه طحت
من عيني ماتوقعتك كذا أبد
بدر : بسيطه ياهوينه أن ماوريتك وشاف كاسة المويه وأخذها كأنه بيشرب وبعدين كبها على وجه هاني وغرق تكميلته
هاني : كذا يابدير تلعب في تكميلتي هالحين كيف أروح لنادي وأنت مغرق ملابسي
بدر : هالحين متعادلين وحده
بوحده بس أنا أشوى منك ماخوفتك والله لو منت غالي علي وصديقي وحبيبي في نفس الوقت لزعل عليك العمر كله ولا أكلمك
تدري أن هذا مقلب قوي ومو
بسيط عشان تضحك علي
قلبي بغاء يتوقف وأموت والسبه أنت
هاني : لا لا مو لدرجه هذي
موت مره وحده يارجال
فال الله ولا فالك
وجعل يومي قبل يومك
والله لو تموت لموت أنا بعدك
ودنيا أنت مو فيها أنا مابيها
بدر : ضحك وقال صدق ياهاني
تحبني مره
هاني : ليه توك تكتشف مادريت
أن روحي عايشه مع روحك في جسد واحد ولا أنت ماحسيت بالشي هذا
بدر : لا وأنت الصادق مره حسيت وقلت ياربي وش اللي
تحرك جنب روحي أثاريها روحك وأنا مدري

وبعدها أضحكو مع بعض وتقهوو

هاني : يالله قوم يابدير جب تكميله ‏ من عندك تأخرنا
على النادي نبي نمشي
بدر : دقايق وأجيبلك أحسن
تكميله
هاني : لبس التكميله وطلعو
بدر : أرم الثعبان اللي معك في الزباله ياهاني ماودي أشوفه
هاني : ولا يهمك وراح أرميه
ومايصير خاطرك إلا طيب

وراحو لنادي وألعبو لين أتعبو
وبعدها راحو للبيت مرهقين
ونامو بعد التعب


$$$ الجزء الخامس $$$

وفي يوم الخميس قررو
يطلعون للبر لأن الجو كان روعه وياخذ العقل
وكل واحد أخذ عزبته وأغراضه الخاصه فيه
وجهز بدر شنطته وسلم على
أمه وقال يالله مع السلامه
وإذا تاخرنا لاتخافين علينا يمكن نام في البر
أمه : لاياوليدي مابيك تنام
إذا أظلم الليل تعالو نامو عندنا
حنا مالنا بعد الله إلا أنت ياوليدي لأتخلينا والبر في الليل يخوف
وأنا أخاف عليك
بدر : ليه يايمه تخافين أنا مو
رجال
أمه : لاياوليدي رجال وستين رجال بس أنت تعرف قلب الأم
وإذا نمتو أبزعل عليك
بدر : يمه وكلي أمرك لله وخلاص ياست الحبايب ماراح
أنام بس أهم شي ترتاحين ياأغلى من الغلا كله
وغيره يمه تبين شي قبل ماأطلع
أمه : سلامتك ياوليدي تروح وترجع بالسلامه
بدر : دعواتك يمه أدعيلنا أنا وهاني لاتنسينا من الدعاء
أمه : روح ياوليدي عسى الله
يوفقك أنت وهاني دنيا وأخره
بدر :طلع وراح لهاني وضرب بوري وعلق عليه
هاني : طلع وقال ياخوي وش
فيك طاير
بدر : مانبي نتأخر الصيد بيروح
علينا وتلقى الناس خلصوه
وأنت قاعد في بيت أبوك
هاني : يالله مشينا

فعلا وصلو البر ونزلو العزبه
وراحو يتمشون وصادو أرانب
وحباري كثيره وتغدو على بعضها والباقي حطوه في شنطة الثلج
ويوم أظلم الليل رجعوا
لبيوتهم وقال هاني ليه ماخليتنا نام في البر الجو خيال
قال بدرأسمحلي ماقدرأنام في البر لأن أمي قالتي إذا نمت
أبزعل عليك وبصراحه أنا ماقدر
أزعل أمي
هاني : يالله خلنا نروح كل شي
ولا زعل خالتي أم بدر

بدر : رجع للبيت ودخل على أمه
وقال هه يمه أن شاءالله راضيه
على
أمه : أكيد راضيه عليك وماقدر
أزعل عليك لأنك وليدي الوحيد
بدر : يعني افهم من كلامك
يمه لو عندي أخوان كان زعلتي
علي
أمه : لاياوليدي مافيه أم تزعل
على عيالها أو تكرهم حتى لو يسون مايسون بس أنا قصدي
مالي غيرك بعد الله
بدر : ليه يمه وأبوي وين راح
يعني ماتحبينه تراني بعلم
أبوي إذا رجع وأقول أمي تحبني
أكثر منك
أمه : ضحكت وقالت الله يقطع
سواليفك خل عنك الهرج الفاضي ورح أخذ ترويشه تلقى
نفسك محيوسه حوس في التراب وأنا راح أجهز العشاء
بالأرانب اللي جبتها

دخل أبو بدر عليهم وسمع الكلام اللي دار بينه وبين أمه
وقال أنا سمعت كل شي ومايحتاج تقولي
بدر : صدق يبه يعني أفهم من
كلامك أنك تسمع علينا مانسمحلك
أبوبدر : ضحك وقال ياولدي أنا
ماتسمعت بس سمعت كل شي
بالصدفه وبقول لك شي ترى أمك صادقه في كلامها وأنا ماني زعلان منها إذا فضلتك علي لأني كنت أنا وياها ننتظر
يجي لنا ولد يشيل أسمنا وأنت
تعرف أن الله رزقنا فيك بعد خمس بنات وهذا أنت حبيب
أمك وزي مايقولون أخر العنقود
بدر : ضحك وقال الله لايحرمني
منكم ويخليكم لي يالله أبروح
أخذ ترويشه ألقى العشاء جاهز يمه الله يخليك أبروح لهاني تلقينه ينتظرني هالحين
أمه : بعد بتروح لهاني مره ثانيه
كل شوي تطلعون مع بعض وأهاليكم ماتجلسون معهم
مانشوفكم ألا عند النوم ولا عند
الأكل
بدر : ضحك وقال الله يهديك يمه يعني شوفتنا ماتكفي وبصراحه يمه حنا نحب بعض ولا نقدر نفترق دقيقه وكل واحد منا يوله على الثاني وهاني مايقدر يعيش بدوني وأنا ماقدر أعيش بدونه وهاني يمه وقف معي وقفه عمري ماراح أنساها
أمه : الله يصلحك ياوليدي شوفتك عندي تسوى الدنيا ومافيها وبعدين بتعلمني فيكم
أنا عارفه حبكم لبعض عساها تم المحبه لأخر العمرعلى الخير والطاعه
بدر : يالله بروح أخذ ترويشه
سريعه تأخرت
وبعد ماطلع من الحمام جلس مع أهله وتعشى و قام وقال
يالله مع السلامه
أمه : لاتتأخربكره صلاة الجمعه
لازم تنام بدري عشان تصحى
بدر : لاتخافين علي كلها ساعه بالكثير وراجع يالله سلام
طلع وسكر الباب وراه

ركب سيارته وشغلها وراح لهاني
وضرب بوري
طلع هاني وركب معه وقال وين تبينا نروح
بدر : ناخذ لفه ونتمشى على السياره وإذا تبينا نجلس في حديقه عامه جلسنا
هاني : خلاص على راحتك

تمشوا على السياره وبعدها
راحو للحديقه وجلسو فيها
يسولفون لحد الساعه وحده

بدر : يالله هاني مشينا تأخرنا بكره صلاه جمعه وبعدين أنت
بتمرني ولا أنا أمرك
هاني : لا ياشيخ وأنت الصادق
مرني أنت مو كل شوي أنا اللي
أمرك
بدر : وش الكلام اللي قاعد تقوله تمنن علي ياهوينه
هاني : لا وأنا أخوك الحق حق
ولا تزعل علي كل شي ولا زعلك
بدر : يالله يالله قوم راح أمشيها
لك بس لاتكررها
هاني : ضحك يالله مشينا

ركبو السياره وراح بدر يوصل هاني لبيته
نزل هاني من السياره ودخل راسه مع الدرشة وقال لبدر
أبتسم لي عشان أثبت أنك مازعلت
بدر: هاني روح خل هالحركات
عنك
هاني : ماني رايح ولا متحرك لين تبتسم
بد ر : هههههههه
هاني : مهب حلوه بس مقبوله
لأنها منك يالله سلام أشوفك
بكره أن شاء الله ولا تتأخر علي فاهم
بدر : حاضر سيدي بس نام
يالله مع السلامه
هاني : مع السلامه الله يحفظك يالغالي

بدرقام من النوم وأخذ ترويشه
ودق علي هاني
هاني : مرحبا
بدر : السلام عليكم
هاني : وعليكم السلام ورحمة الله وبركاته
بدر : هاني وش فيه صوتك مو طبيعي
هاني : لا أبد بس شوية تعب
لاتشيل هم وينك ماجيت
بدر : أنا في الطريق
هاني : الله يحفظك
بدر : مع السلامه
هاني : مع السلامه

وصل بدر وضرب بوري
وطلع هاني وهو تعبان مره
وركب مع بدر
هاني : السلام عليكم
بدر : وعليكم السلام هاني وجهك شاحب واضح عليك التعب وش صار فيك البارح مافيك إلا العافيه
هاني : لاتخاف الظاهر أخذت لفحة هواء لأني قبل مانطلع للبر أخذت ترويشه بسرعه وطلعت على طول وهذا اللي أثر فيني بس لاتخاف أزمه وتعدي
بدر : بعد الصلاه راح أخذك
للمستشفى أنا أشوفك تعبان وماتقدر تشيل نفسك
هاني : يارجال ماله داعي شوية تعب وبيروح
بدر : هناي أنت تعرف معزتك عندي وخوفي عليك ماقدر أشوفك بالحاله هذي وأسكت
خلني أرد شوي من معروفك علي وإذا صدق تعزني وتحبني زي ماتقول خلني أوديك عشان يرتاح بالي بصراحه لونك مخطوف وجسمك واضح عليه التعب
هاني : يابدور قلت لاتخاف أزمه وتعدي
بدر : إذا صدق ماتبيني أخاف خلنا نروح ونشوف وش يقول الدكتوروبكذا أقدر أرتاح
هاني : الله يعني عليك يابدور
اللي تبيه تمشيه راح أروح بس عشانك
بدر : ريحتني الله يريحك دنيا وأخره
هاني : ضحك أمين

صلو في المسجد وبعدها راحو
للمستشفى دخلو على الدكتور
فحص الدكتور على هاني
وشاف حالته وقال وش أسمك
هاني : أسمي هاني
الدكتور: بصراحه ياهاني أنت تعبان أوي وقسمك ذبلان تعرف وش معنى ذبلان يعني قسمك مايشيلك وعليك حراره
عاليه كتير وحلأك ملتهب
راح ترتاح عندنا كم يوم لحد ماتتحسن حالتك
بدر : وشهو يعني يادكتور هاني
تعبان مره وكان بيروح مني وأنا أتفرج لا ويقول شوية تعب شفت ياهاني الدكتور وش يقول
هاني : ضحك عشان يبين أنه مو تعبان قدام بدر وعشان مايشيل همه ويخاف عليه
وقال دكتور ماقدر أخذ الأدويه وأطلع لأني ماحب المستشفيات
بدر : لا يادكتور لاتطلعه لين يتحسن هاني صديقي من سبع سنين وأعرفه
إذا طلع يادكتور مايهتم بنفسه ويقول كل شي بسيط
الدكتور : لا ياهاني مايصير اللي تسويه في نفسك الأنسان
أهم شي عنده نفسه
بس زيك عمري ماشفت
بدر : أنا قايلك يادكتور هذا هاني محد يعرفه مثلي
هاني : ضحك وقال خلاص بجلس بس يوم أو يومين بالكثير
لأني ماحب المستشفيات
الدكتور : لا ياهاني راح تقلس
على الأ أل أسبوع لأنك تعبان مره وإذا تحسنت حالتك في يومين راح أكتبلك خروق
بدر : ضحك وقال هالحين تطمنت عليك ياهناي
هاني : هين يابدير أن ماوريتك
بدر : أنا وش سويت كل هذا عشاني خايف عليك وعلى صحتك هذا جزاي تهاوشني
هاني : أنت تعرف أني ماحب المستشفيات وبمل منها
بدر : ماعليه أنا متأكد أنك راح تحبها إذا جلست فيها
هاني : تطنز علي
بدر : ماعاش من يطنز عليك يالله مع السلامه
هاني : تعال وين رايح تبي
تتركني لوحدي هنا
بدر : وش أسوي لازم أروح أجيب لك ملابس وأخبر أهلك
وتطمن راح أكون عندك من يوم تفتح الزياره لين تسكر
هاني : وراك ماتجلس عندي على طول وتصير مرافق عندي
بدر : لا حبيبي أنا ماأحب المستشفيات وده يغث هاني زي ماغثه بالثعبان
يالله هناي سلام
هاني : تضايق وقال هين
يابدير الله يعيني وأصبر كم يوم
وبعدين هالحركات مهب علينا
تراني فاهمك ودك تغثني وأصلا عارف أنك ماتقدر تعيش بدوني
بدر : ليه متأكد وش الدليل اللي يثبت أني ماقدر أعيش بدونك
هاني : الدليل دقات قلبك كل دقه تقول أحبك
بدر : ههههههه خلاص تمتع بالحب وأحلم أحلام اليقظه ياحلو سلام

طلع بدر وراح يم بيت هاني
ودق الجرس وفتح الباب ياسر أخو هاني
وسلم بدر على ياسر وقال
ترى هاني وديته للمستشفى
راح معي بعد الصلاه والحين
منوم أبيك بعد صلاة العصر
تروح له وتاخذ ملابس معك
ياسر : قدرت تقنعه يروح
للمستشفى بصراحه يابدر
أنا حاولت بس ماقدرت
كل ماقول شي يقول مافيني
شي وهذا شويت تعب ويروح
بس مشكور وماقصرت
بدر : لاشكر على الواجب وياخوي ياياسر أنت تعرف وش
كثر غلات هاني عندي
هاني روحي الثانيه
ياسر : أنا عارف مايحتاج تقول
والكل يشهد وعارف علاقتكم
وحبكم لبعض وصداقتكم
بس ماقول غير الله يديمها
ويخليكم لبعض لأخر العمر
ويبعدكم عن عيون الحساد
بدر : أمين الله يسمع منك
ياياسريالله مع السلامه
ياسر : وين رايح قلط
بدر : لا مره ثانيه ان شاءالله
مع السلامه سلملي على الأهل
ياسر : الله معك يبلغ أن شاءالله
وسكر الباب ودخل على أمه وأخته هناء وقال يمه هاني نوموه في المستشفى عشان يرتاح
أمه : وشهو في المستشفى
يعني حالته خطيره
ياسر : يمه ولي يسلمك هاني
بخير ومافيه شي والمريض لازم له راحه وهاني مرهق نفسه ومايرتاح
هناء : ياحبيبي ياخوي الله يشفيك ويعافيك
ياسر نبي نروح بعد صلاة العصر
لازم نكون جنبه مانخليه لوحده
ياسر : ومن قالك إنا راح نخليه
لوحده حنا أهله ياهناء وإذا ماوقفنا معه مع من راح نوقف
أمه : من اللي جاء ياياسر وعلمك بهاني
ياسر : من غيره يمه بدر هو اللي قدر يقنع هاني يروح
للمستشفى
أمه : الله يوفقه دنيا وأخره
بدر يستاهل كل خير
هناء : من يوم سمعت أسم بدر وهي متلخبطه وجهها حمر
وبانت عليها علامات الحب
ياسر : وشفيك هناء وجهك حمر
هناء : هه لا ولا شي بس خايفه على هاني
ياسر : لاتخافون والحين راح نروح صلو وتجهزو


هناء هي أخت هاني الوحيده
وتحب هاني أكثر من ياسر
لأنها تحس قلب هاني عليها
وهاني هو الوحيد اللي يحس فيها ويفكر في مستقبلها ويحبها
ويدلعها هنو ويعرف وجهها إذا كانت متضايقه ويحل مشاكلها

دخلو المستشفى وسألو السستر وقالو هاني غرفه كم
السستر : غرفه 101
ياسر : ثنكيو
السستر : ولكم

دق ياسر باب الغرفه
هاني : تفضل
ياسر : سلم على هاني وقال يالله شد حيلك كلها يومين وتطلع
هاني : يصير خير
أمه : سلمت عليه وقالت هاه
ياوليدي وشلونك هالحين بعد الأدويه
هاني : لاتخافين يمه ولدك ذيب
وبعدين يمه أنتي تعرفين الدكاتره أكثر مني يحبون يبالغون وإذا شافو تعب بسيط قالو لازم ترتاح
أمه : لا ياوليدي الدكاتره أعرف مني ومنك وهم يدورون راحت
المرضى وصحتك عندي بدنيا كلها
ياسر : يمه يعني نفهم من كلامك أنك تحبين هاني أكثر مني ومن هناء
أمه : لا وأنا أمك ياياسر أنا أحبكم كلكم ومافيه أم ماتحب أعيالها
هاني : ناظر في هناء وقال
نحن هنا اللي ماخذ عقلك يتهنابه هنو وش فيك لاسلام ولاكلام وأشوف دمعتك بعينك فيك شي
قولي ولايردك إلا لسانك وأنا في الخدمه ورقبتي سداده
هناء : هه لا سلامتك وبعدين مافيه أحد أخذ عقلي غيرك
ودمعتي عشاني خايفه عليك
ومدري إذا .....
هاني : بس لاتكملين كلامك
يعني تفاولين علي
هناء : لا ياخوي بعد الشرعنك
هاني : خلاص لاتخافون وكلها
كم من يوم وطالع وراح تملون مني
أمه : وش الكلام اللي تقوله
ياوليدي مافيه أحد يمل من ولده
هاني : وين أبوي ماشوفه
ياسر : أبوي عند جارنا العم أبو أحمد
هاني : يمه أنا بطلع بكره لازم تقولون لدكتور تعرفوني ماحب
المستشفيات
أمه : أبشر ياوليدي ولايهمك
ياسر : أنت شد حيلك وأمش
على الأدويه بنتظام عشان تتحسن حالتك وتطلع
هاني : يوه تراكم مكبرين السالفه على الفاضي هالحين اللي يشوفني يقول فيني مرض
خطير
أمه : فال الله ولا فالك وش السواليف البايخه
هاني : وش أسوي لكم أنتم اللي مكبرينها مو أنا
ياسر : خلاص ياولد الحلال
أصلا حنا عارفينك لو تحس بشي ماعلمتنا وهذا طبعك
بس مدري كيف بدر قدر عليك
وداك للمستشفى الله يعينه ويصبره عليك أنت عنيد راسك يابس
هاني : ضحك وقال ليه صدام
ولا بوش لا ياخوي أنا طبعيي بسيط بس أنت مو عارف طبعي زين زي بدر
ياسر : ضحك وقال أهه خل عنك بس

دق جوال هاني وناظر الأسم وضحك
مكتوب قلبي يتصل بك
كان المتصل بدر
ياسر : من المتصل وليه تضحك
هاني : قلبي
رد هاني هلا قلبي
بدر : ملقب هاني في جواله روحي
هلا روحي كيف حالك هالحين
هاني : ضحك وقال الله يقطع أبليسك مالك إلا ساعه من يوم طلعت عني وتقول كيف حالك
بدر : ليه ياصديق العمر ماتبيني أطمن عليك وأشوف أخبارك كل ساعه مليت مني
هاني : أنا قاعد أتغشمر عليك
ياويلك لو مادقيت علي كل دقيقه
هاه وش رايك بصديقك
بدر : هههههههه رايي أنت تعرفه من زمان مايحتاج أقولك
تصدق هاني أنا مو عارف كيف أعيش بدونك ويوم طلعت من عندك ورحت بروحي كأن ناقصني شي كبيرمتعود أنك تروح معي
هاني : يبي يغث بدر زي عوايده
يحب يلعب بعصابه تعرفونه خفيف دم
وقال صدق والله يابدر أنا توني
أكتشفتك أنك تحبني وتعزني
ولا تقدر تستغنى عني
بدر : لاياشيخ قديمه ألعبها على هنود مو على بدير تلعبها
وغنى بصوته
على مين تلعبها
على مين يابن الناس
هاني : ضحك وقال والله أني مشتاق أطلع وأجيك وأجلس معك جلسه حلوه وطويله
بدر : أيه قل كلام سنع مو
زي كلامك الأول
هاني : خلاص توبه سامحني
بدر : مسامحك بس ماتكررها مره ثانيه
هاني: أبشر ياسيدي أي أوامر ثانيه
بدر : سلامتك أهم شي عندي
صحتك لاأوصيك عليها
هاني : ولايهمك أبشرك صحتي ولله الحمد بخيردامنك بخير
بدر : الحمد لله يالله ماودي أطول عليك هيون مع السلامه
هاني : مع السلامه يابدور
سكرالخط
ياسر : هاه وش هالحركات والسواليف
هاني : أي حركات
ياسر : يعني ماتدري
هاني : لامدري
ياسر : اللقب حق بدر ‏
تلقب بدر وما تلقبني أنت تحب بدرأكثر مني
هاني : بدر يستاهل اللقب
وأكيد أحبه أكثر منك تدري ليه
لأنه شاركني أحزاني قبل أفراحي بدر هو النفس اللي أتنفسه
ياسر : بصراحه أنا أحسدكم على صداقتكم وحبكم حق بعض
هاني : قول ماشاءالله لاتعطينا
عين وترى مايحسد المال إلا راعيه
ياسر : ماشاءالله عليكم والله
يخليكم حق بعض
وبعدين لاتنسى أن لي أصدقاء سلطان ومهند وتراهم أوفياء ويحبوني وأحبهم بس يمكن أنتم أكثرتعرف ليه لأنكم إذا الواحد أحتاج الثاني وعنده شغل فضى نفسه عشان خويه وبينكم التضحيه أما حنا يتعذرون بحجت الشغل ويقول روح شف فلان أنا ماني فاضي
بس هذي هي الميزه اللي مو عاجبتني فيهم
هاني : أنا عارف مافيه أحد زي أنا وبدر بس لاتحاول تقارن نفسك أنت وأصدقاءك فينا
ياسر : روح ياشيخ لاتشوف نفسك علينا يالله يمه الزياره
سكرت مع السلامه يابو الشباب
أمه : يالله ياوليدي مع السلامه
والله ماودي أخليك بلحالك
ياسر : لاتخافين عليه دام عنده خويه بدر كل ربع ساعه يكلمه
ويتطمن عليه
هاني : هاه ياسر بدينا بالحسد
ياسر : لا ياخوي أنا ماأحسدكم
والله يهنيكم وتدوم الصداقه بينكم مو للدرجه هذي أكون حسود أنا بس أطمن أمي عشان ماتخاف عليك
يالله مع السلامه
هاني : مع السلامه
طلع ياسربمه وأخته من الغرفه وفي الممرات شاف بدر جاي
وقال شفتي يمه بدرجايب أكل حق هاني وجاي يطمن عليه
بدر : سلام عليكم
ياسر : وعليكم السلام وشفيك بدر مستعجل
بدر : ودي ألحق قبل ماتنتهي الزياره مابقى إلا ربع ساعه
ياسر : وشلونك بدر وشلون الأهل
بدر : أبشرك كلهم بخير
وشلونك خالتي
أم ياسر : بخير دامك بخير ‏
ياوليدي لاوصيك على هاني
بدر : لاتخافين ياخاله هاني في
عيوني
أم ياسر : تسلم عيونك الله يخليكم لبعض
بدر : مشكوره ياخاله حنا مانبي
إلا الدعوات
أم ياسر : الله يوفقكم ويبعدكم عن الحساد
بدر : أمين ... يالله سلام
ياسر : مع السلامه
بدر : يناظرفي هناء من بعيد وحس بحبه لها
وهناء : تناظره من يوم جاء لين راح وقلبها متعلقه فيه
بدر : ‏ طق الباب ودخل وسلم وجلس جنب هاني هاه وش أخبار الحلو
هاني : إذا فيه حلو هو أنت
أكيد واجهت ياسر
بدر : أيه ليه فيه شي
هاني : لا أبد سلامتك بس كنا نسولف فيك
بدر : في أنا ‏
هاني : أيه أنت كان ياسر جنبي يوم دقيت علي وشاف اللقب
اللي ملقبه لك في جوالي
أنا ملقبك << قلبي >>
وقال ماشاءالله تلقب بدر ولا تلقبني وقلت بدر غير بدر يشاركني كل شي ولا تحسدنا
بدر : ياسبحان الله القلوب عند
بعض حتى أنا ملقبك في جوالي
<< روحي >>
هاني : فعلا سبحان الله العظيم
اللهم يجعلنا متحابين متكاتفين
إلى أخر يوم في حياتنا
بدر : أمين
السستر : خلاص الزياره سكرت
بدر : يالله مع السلامه
هاني : وين رايح
بدر : ماتسمع يقولون الزياره
سكرت
هاني : ماعليه قول أنك مرافق ولا رافق عندي صدق
بدر : لاياهناي ماقدر وبعدين المستشفى حاطينها لزياره مو
لسواليف يالله مع السلامه
هاني : الله معك
الجزء السادس

وبعد مرورثلاثة أيام راح بدر
للمستشفى وأخذ معه سله حلوى وباقة ورد معطره ومكتوب عليها بيتين من الشعر
راح للغرفه ودق وفتح الباب
وشاف السرير ماعليه أحد
ونادى هاني .. هاني
ورمى الأغراض على الأرض
وطلع بسرعه وشاف السسترفي الممرات وقال وين هاني ماشوفه في الغرفه
السستر : هاني مات البارح
بدر : وشهو لا ماني مصدق
وجلس على أحد الكراسي اللي في الممرات يبكي ومو عارف وش يسوي
الدكتور : طلع من مكتبه وشاف بدر وقال أيه مالك يابني ليه بتعيط
بدر : ليه يادكتور مادريت أن هاني مات
الدكتور : أيه الكلام اللي بتأوله
انا دالوأت كنت عنده
مين اللي ألك
بدر : أنا رحت لغرفته وما لقيته
وسألت السستر وقالت أنه مات
الدكتور : ضحك أه أول كدا
ياشيخ .. هو صحيح هاني مات بس دا واحد تاني مات في حادسه ليلة أمبارح مش هاني بتاعك .. هاني صديأك مامتش
بس كل الحكايه
غيرناله الأوطه بتعته مش عاوزها بيأول متضايق فيها
بدر : ضحك وكأن الدنيا أضحكت له مره ثانيه وقال صدق يادكتور الحمدلله يعني هاني مامات أشوى أنك لحقتني
كان هالحين قومت الدنيا وقعدتها وقلت لأهله
الدكتور : أيوه مامتش روح شوفه في أوطه2
بدر : راح ركض وكأنه مو
مصدق نفسه وفتح غرفه 2
ولقى هاني منسدح على السرير يقراء جريده جاء وضمه في حضنه بقوه وبكى
هاني : مو مصدق اللي يشوفه
أستغرب من تصرف بدر أول مره يشوفه يبكي وبالحاله هذي
وقال وشفيك بدر ليه تبكي
خوفتني أهلك فيهم شي
بدر : لا مافيهم شي
هاني : أجل أهلي فيهم شي
بدر : لا مافيهم شي كلهم بخير
هاني : أجل أنت فيك شي قولي يابدر وأنا أخوك خلني أساعدك
بدر : لا أنا مافيني شي
هاني : ياخوي حيرتني معاك قولي وخلصني
بدر : يناظر هاني ويبكي ومو
مصدق أن هاني قدامه
لأن الصدمه كانت قويه عليه
وماكان حاسب للفراق حساب
هاني : خاف وصار مرعوب
وقال وبعدين معك بدرطول الوقت وأنت تبكي وتقول مافيني شي ياخوك أنا مؤمن
وراضي بقدر الله وأقدر أتحمل
الصدمات قول خلصني ترى قلبي طاح في بطني من الخوف
بدر : صدقني ياهيون مافيه شي
والسالفه كلها ‏ يوم جيت للمستشفى وجايب معي سلة حلوى وباقة ورد ورحت لغرفتك
ودقيت الباب ودخلت وماشفت
على السرير أحد وناديت وأنت مارديت وطلعت بسرعه وشفت
السستر في الممرات وسألتها
وقلت وين هاني قالت هاني
مات ونصدمت من الخبر وجلست على الكراسي أبكي
وشافني الدكتور وقال مالك يابني قلت هاني مات قال لا هاني مامات اللي مات واحد ثاني أسمه هاني وهذي تشابه أسماء وهاني صديقك موجود
في غرفه ثانيه وماصدقت نفسي جيتك ركض وهذي كل السالفه
هاني : فال الله ولافالك موت
مره وحده موتوني وأنا حي أرزق
بدر : جعل يومي ياهاني قبل يومك
هاني : ‏ ياخوي فكنا ولي يرحم والديك من طاري الموت
وأن شاء الله نموت سوى
بدر : ياه الموت والفراق صعب
هاني : هالحين ليه تفاول علينا
بالموت خل كل شي بوقته
وعطني سواليف حلوه
بدر : ضحك
هاني : أيه يابدور أضحك وخل عنك البكا وبعدين وين باقة الورد وسلة الحلوى
بدر : هالحين راح أجيبها
وطلع بسرعه وراح لغرفة هاني
الأولى وأخذ الورد والحلوى
وكانت في منتهى الروعه
دخل على هاني وعطاه الورد
هاني : الله روعه والقصيده اللي عليها أروع منت بسيط يابديرمشكور ياخوي الله لايحرمني منك طول العمر
بدر : هاه هاني الدكتور وش
قال بتطلع اليوم ولابكره ترى ملينا وحنا بعيدين عن بعض
هاني : والله يابدور أني مليت أكثر منك وأنا تحسنت وحالتي هالحين أحسن قول لدكتور يطلعني
الدكتور : بتساسرو وبتأولو أيه
وبعدين أنا سامع أسمي
بدر : ‏ بصراحه يادكتور ..هاني
تحسنت حالته ويبي يطلع
الدكتور : أيوه أول كدا أنا عارف
أنته اللي تبيه يطلع لانه وحشك
كتير ويدل عليك بكاك وخوفك عليه ربنا يخليكو لبعض
بدر : أكيد بخاف عليه يادكتور
هاني روحي اللي أتنفسها
هاني : الله يخليك يابدورتي ولا
يحرمني منك يالله يادكتور طلعني تراني إذا طولت هنا راح أنخنق وأموت
الدكتور : لا . لا . يكفي بتخلي
السيد بدر يعيط مره تانيه
أصلا أنا ياهاني كاتب لك خروق
بس بشرط تجلس في البيت
ترتاح على الأل يومين بالكتير
هاني . صدق والله يادكتور
وأنا حاضر واللي تبه راح أسويه
بدر : لا . لاتخاف يادكتور أنا
راح أهتم فيه ولا راح أخليه دقيقه
هاني : قام وجمع ملابسه وفتح
الباب وكان فرحان وطلع مع بدر
وراح لبيته ونزل وقال أقلط بدر
حياك البيت بيتك
بدر : لا هاني أخليك هالحين ترتاح وسلم على أهلك وتجلس
معاهم وبكره أن شاءالله أمرك
يالله مع السلامه
هاني : فمان الله يالغالي
فتح الباب ودخل ومعه الورد والحلوى ولقاهم متجمعين في الصاله وسلم عليهم وجلس يسولف ‏
ياسر: وش هالحركات هذي
والورد الحلو أكيد من بدر
هاني : ضحك أجل عندي أحد غير بدر
ياسر : يالله من قدكم الله يهني
كل حبيب بحبيبه
هاني : أمين يالله أنا بروح أنام
تعبان ومرهق ولا تهنيت بالنوم
في المستشفى


$$$ الجزء السابع $$$

دخل بدر على أمه وسلم وقال يمه أشوفك بلحالك وين فريده
وفايزه
أمه : أخذهم أبوك وداهم عند
عمك صالح يقولن ملينا ونبي نغير جو
بدر : طيب يمه ليه مارحتي معهم تغيرين جو
أمه : لاياوليدي مابي أروح وأخليك بروحك وبدون عشا
بدر : الله يهديك يمه وش هالكلام اللي أسمعه وبعدين أنا رجال ولا ينخاف علي ولا
بتحطيني طفل وتخافين دايم علي هاه يمه
أمه : ضحكت لاياوليدي أنت رجال ونعم الرجال بعد
بس أخاف عليك من الزمن وش
أسوي بقلبي ياوليدي أنا أحبك
بدر : خلاص يمه قومي ألبسي
وخلينا نروح لعمي أنا مشتاق
لعيال عمي ناصر وثامر
أمه : خلاص يابدر إذا هذا يريحك مشينا
ركب بدر وركبت أمه جنبه وقالت
بدر يمه ماقلتلي وشلون صديقك هاني
بدر : لايمه أبشرك بخير وهالحين طلع من المستشفى
تصدقين يمه ماقدر أعيش
من دون هاني
أمه : الله يخليكم لعين ترجيكم
بدر : أمين
أمه : بدر هالحين عمرك20سنه
وراك ماتتزوج وتفرح قلبي وتخليني أشوف عيالك قبل ماموت
بدر : بعد الشر عنك يايمه وطولت العمر كله لك
أن شاءالله لاتقولين هالكلام ترى بزعل منك والعمر الطويل
ماندري لمين وبعدين الزواج ماني مستعجل عليه وأنا توني صغير على الزواج
أمه : لاياوليدي منت بصغير اللي بعمرك متزوجين وعندهم عيال
بدر : يمه تبين الصراحه أنا مافكربالزواج هالحين وبعدين أنا وهاني متفقين متى مافكرنا بالزواج نتزوج مع بعض وبليله وحده
أمه : ضحكت وقالت بعد حتى الزواج فكرتو فيه‏ أنه يكون مع بعض والله أن أمركم غريب بس يابدر وأنا أمك أنا خايفه
أن بنت عمك تروح عليك وهي
ماشاءالله عليها جمال وأخلاق
وتحب الناس وأنا أبيها لك مابي
أحد ياخذها غيرك
بدر :ضحك يمه إذا كان لي نصيب في بنت عمي باخذها
وإذا كان مالي نصيب فيها ماراح
أخذها والأنسان مايعلم وين
نصيبه ولاتستعجلين يمه وكل شي بوقته حلو
أمه : خلاص نحجزها لك عشان ماتروح عليك
بدر : يايمه ياحبيبتي الزواج قسمه ونصيب وبعدين ماودي أربط بنت عمي فيني وأخذ ذنبها
والنصيب مايكله الذيب
أمه : الله يعينا عليكم يالشباب
كل شي تأخرونه لبعدين ولا تفكرون فيه
بدر : ضحك يالله يمه وصلنا لبيت
عمي أخذتنا سواليفك الحلوه
اللي ماتمل يبيلي أفضي نفسي يوم كامل وأجلس معك
أمه : ضحكت متى ياوليدي أشوفك جالس معي تسولف
بدر : قريب يمه بس لاتستعجلين
أمه : ضحكت ردينا على ياطير ياللي أصلا ماتقدر تبعد عن هاني
بدر : لا يمه وأنتي الصادقه أجلس معك إذا كان هاني في
الجامعه لأني أكون فاضي وماعندي لاشغل ولامشغله
يالله يمه خلينا ننزل
دقو الباب
ناصر : فتح الباب وتفاجئ
ياهلا بولد العم اللي مانشوفه
بدر : ياهلا فيك ياناصر
ناصر : كيف حالك عساك مرتاح
بدر : الحمد لله
ناصر : كيف حالك عمتي أم بدر وشلون صحتك
أم بدر : الحمد لله ياوليدي أنا بخيردامك بخير
ناصر : تفضلو حياكم الله البيت
بيتكم تو مانورالبيت
بدر : ‏ البيت منور بوجودكم
ماقلتلي وين ثامر
ناصر: ثامر وأنا أخوك ماعاد فاضيلنا يجهز لعرسه
بدر : أشوى خوفتني ظنيت
فيه شي إذا كان على كذا أمره يهون ويحقله يسوي كذا أو أكثر
هذا عرس مو لعبه هالحين
وين راح
ناصر : راح يحلق وبيجي
أهه الطيب عند ذكره
ثامر : السلام عليكم
بدر : وعليكم السلام
ثامر : عاش من شافك
بدر : عاشت أيامك
ثامر : تصدق يابدر وأنا جاي أشوف سيارتك وماني مصدق نفسي وقلت لا. لا. هذا أكيد وأحد ثاني من خويا ناصر أكيد السيارات تتشابه
بدر : ضحك . أنا تراني أتغلى بشوف معزتي عندكم بس ياللأسف مافكرتو فيني
ناصر : أفا ياولد العم ماهقينا تشك في معزتنا لك وماياقف معك وقت الشده إلا عيال عمك
هذي مايبيلها كلام بس يمكن تقول حنا نسوي زيك ماتجينا مانجيك
بدر : هو صحيح أن عيال العم مايقصرون بس هاني أكثر تدرون ليه . لأن هاني ماراح ألقى مثله في الوجود ويوقف معي في الشده قبل الرخى
أنا أسف إذا زعلتكم مهب قصدي بس هذي هي الحقيقه
ثامر : يعني نفهم من كلامك أذا هاني كل شي حنا ولا شي
بدر : أنا قلت لاتفهموني غلط أنا أوضح صورة هاني قدامكم عشان تعرفون ليه أنا أقضي كل وقتي معه لأنه أنسان رائع وكلمة رائع قليله في حقه ولأن صعب الواحد يلقى صديق مثله
يمكن تلقى صديق كفو يحبك ويكون معك دائم بس وقت الشده راح يتخلى عنك ولا يقول لك أعذرنى أنا ماقدر أسويلك شي هذا صعب علي
بس هاني مستحيل يتخلى عني لو أقول ياهاني ساعدني سواه مهما يكون من غير مايسأل
يدق بيمينه على صدره ويقول أبشر أزهلها مالها إلا إرجالها
صدقوني ياعيال عمي أنا عاشرت ناس كثير بس مثل هاني مالقيت
في هالزمن تلقاهم قليل الأفياء أكثرهم حقين مصلحه
ولا تسليه بس أنتم فيكم خير
وماتقصرون وأكيد الظفر مايطلع من اللحم
ناصر : الله يخليم لبعض وتدوم صداقتكم
بدر : أمين هذي أحسن دعوه
ثامر : هالحين هاني وينه وكيف حاله وشلون قدرت تجي وتخليه
بدر : هاني في بيته له أسبوع وهو تعبان ومنوم في المستشفى بس طلع اليوم
ومحتاج راحه كم يوم
ناصر : وش فيه
بدر : أبد شويت حمى وكحه ناشفه وألتهاب في حلقه
كل هذا من ترويشته اللي أخذها قبل يطلع معي للبر
والظاهر أخذ لفحة هواء
ناصر : ليه ماخبرتنا عشان نقوم بالواجب
بدر : مدري حسيت أني مرهق ومافضيت وكل همي شفاء هاني يالله أللي راح راح وبكره
نروح نزوره في بيته
ثامر : أبقولك يابدر شي بس مدري هذا وقته ولا لا ‏
بدر : قول ‏
ثامر : وش رايك تسوي مقلب في هاني وهالحين وهو تعبان
عشان نثبت
بدر : أيه بس هاني تعبان هالحين وبالطريقه هذي أخوفه
ثامر : هاني مافيه ألا العافيه وأنا ودي أشوفه وهو تعبان يقدر يساعدك ولا لا
بدر : أكيد هذي مايبيلها كلام
ثامر : يالله دق عليه وقول أنا في ورطه قول أي شي بس أهم شي يكون كبير
بدر : قولي مثل أيش
ثامر : قول وأنا جاي في الطريق مسرع صدمت واحد وطاروالشرطه شافتني وأخذت رقم السياره وهالحين تطاردني ودخلت في حاره تكفى ياهاني ساعدني أنا وحيد أهلي ومالي غير الله ثم أنت أنقذني تعال بسرعه أنا في الحاره الفلانيه أخذ سيارتي وعطني سيارتك وشوف وش رده إذا وقف معك في هذي نعرف أنه ونعم الصديق
بدر : أخذ الجوال ودق على هاني الساعه كانت وحده
وهاني في غرفته يقراء جرايد
ودق جواله وشافه بدر وضحك
وقال مرحبا بالغالي
بدر : رد وهو يمثل أنه مرعوب وخايف وقال هذا مو وقته الكلام الحلو ياهاني ألحقني
أنا في ورطه
هاني : وشهو ورطه خير اللهم أجعله خير قول خوفتني
بدر : قال القصه زي ماطلب ثامر بضبط تكفى ياهاني ساعدني
هاني : ضرب بيده اليمين على صدره وقال أبشر ولا يهمك مالها إلا رجالها ومافيه أغلى منك حاول تتخبى وتضيعهم لين أجيك دقايق وأكون عندك زي البرق
بدر : ضحك وقال مبروك ياهاني نجحت في الأختبار وصراحه بيضت وجهي قدام عيال عمي
هاني : ساكت مصدوم وقال أي نجاح وأختبار وعيال عمك وش السالفه يابدر
بدر : أنا أقولك هذي كلها لعبه تخطيط وتدابيرمن عيال عمي
يقولون سوى مقلب في هاني
ولازم يكون قوي
بس بصرحه أنت كنت عند حسن ظني فيك مشكور على وقفاتك معي عمري ماراح أنساها يالله ماودي أطول عليك نام وأرتاح
هاني ‏: أنت طيرت النوم مني
بدر : ماعليه أهم شي أني كسبت قلبك وصرت أنا ملكك
هاني :أنت كل شي لي بالوجود
ياراعي الطيب والكرم والجود
بدر : لا هذا كثير علي
هاني : وتستاهل أكثر
بدر : خلاص ماقدر عليك
غلبتني بطيبك وحبك
هاني : الله يدوم الصداقه والمحبه بينا
بدر : أمين يارب العالمين
يالله مع السلامه ياهناي
هاني : مع ألف سلامه يابدور
وسلملي على الشباب اللي عندك
بدر : أن شاءالله يبلغ
شباب هاني يسلم عليكم
الله يسلمه .. سلملنا عليه
هاه سمعتهم ياهاني يسلمون
عليك
هاني : الله يسلمك ويسلمهم
سكرو الخط

ناصر : مبروووك نجاح الخطه
بدر : الله يبارك فيكم والحمد لله أولا وأخيرا
ثامر : بصراحه ماشاءالله عليه
ونعم الصديق
بدر : ‏ أنا قايل هاني مافيه مثله
وقليل اللي تلقاهم زيه واللي يعرف هاني لازم يحبه بس الله يخليه ويقوي صحته
ناصر : أمين
بدر : ثويمر ماقلتلي متى الزواج
ثامر : تبي الصراحه مدري
وما حددت
أنا أجهز في بيتي وأكمل اللي ناقص وبكره لازم أسافر عشان أكمل الأثاث يمكن أخليه في العطله الطويله أحسن
عشان أخلص كل شي على مهلي بس هاه لازم تحضر عرسي أنت وهاني مابيكم تغيبون عنه مهما تكون الظروف
بدر : أبشر ولايهمك بس لازم أنا وهاني كروت دعوه خاصه
ومميزه
ثامر : غالي وطلب رخيص وغيره
بدر : سلامتك
ثامر : أبيكم تكونون أول الحاضرين وأبيكم تبيضون وجهي عند نسايبي وأبي العرس يصيرأحسن عرس في الشرقيه كلها
بدر : بسيطه نحط أحسن مكياج
ماركا وبكذا تصير أحسن واحد
ثامر : لاياشيخ تنكت أنت وجهك
أنا قاعد أتكلم بجد وأنت قاعد
تتغشمر
بدر : بجد ولا عم
ثامر : وبعدين معك يابدير تراك
زودها
بدر : خلاص ولا يصير خاطرك إلا طيب أبشر راح أبيض وجهك قدام الرجال ونخليه عرس ماصار ولا أستوى ‏
وراح نكون سنايدك وعضدك وأضراعك الأيمن وغيره
توصينا على شي أمر وتدلل ماعندي أغلى من عيال عمي
ثامر : لا وأنت الصادق هاني أغلى
بدر : ضحك لا هين هاني له مكانه خاصه جدا أما أنتم لكم مكانه غير وكل واحد مكانته
تختلف عن الثاني
ثامر : زين أن لنا مكانه لو 5بالميه
بدر : ليه تقول الكلام هذا
شاكين في معزتكم ‏
ثامر : لا بس أخاف هاني أخذ كل شي حتى مكانتنا عندك
بدر : لا ماتوصل للدرجه هذي
وبعدين ماأسمحله ياخذني من هلي وربعي كل شي وله حدود
يالله أترخص عن أذنكم والله طولنا والسواليف أخذتنا
وهالحين تلقى الوالده تعبانه وتبي النوم عاد الكبارفي السن مايتحملون السهر مع السلامه
ودق على أمه وقال يالله يمه مشينا أنا في السياره
أمه : زين ياوليدي أنك مشيتنا
بدر : طيب ليه مادقيتو علي يوم خلصتو
أمه : مادري وأنا أمك قلت يمكن
أنك ماخلصت سواليفك ومانبي
نعجل عليك
بدر : خلاص يمه طلعو تأخرنا
أمه : خلاص هذاني جايك

ركبو السياره وراحو لبيتهم
دخل بدر غرفته ونسدح على السريروطلع بدر جواله ودق على هاني بيشوف هو نايم ولاصاحي
هاني : فتحه من أول دقه
وقال مرحبا
بدر : سلام عليكم
هاني: وعليكم السلام
بدر : على طول من أول مكالمه تلقط الجوال ياخوي
أرفق عليه لايتكسرفي يدك
تراني ماني طاير ومخليك وتأكد إذا طرت راح أخذك معي هاني : ضحك خايف على الجوال ولا علي لأني متهور
وليا شفت رقمك جيتك طاير
تدرى ليه لأني إذا شفت رقمك تضيع الأسامي
بدر : ضحك ماكنت أتوقع الحب يسوي كذا بس ماقلتلي ليه مانمت لألحين وش تسوي
قول بلا لف ودوران بسرعه جاوب
هاني : أولا ماقدرت أنام لأني أفكر فيك
وثانيا وأخيرا أقراء في كتاب
تعلم اللغه الأنجلزيه
بدر : ماشاء الله عليك أيه نسيتني أقول نام عشان بكره
بيجيك ناس مهمين
هاني : أوكيه
بدر : ‏ سلملم
هاني : الله يسلمك
سكروالخط


$$$ الجزء الثامن $$$

في الصباح دق بدر على هاني
بدر : سلام
هاني : وعليكم السلام والرحمه
بدر : صباح الخير
هاني : صباح النور والسرور
بدر : وين أهلك صاحين ولا نايمين
هاني: لا نايمن تو الساعه بدري
بدر : طيب أفطرت ولا أجيب لك فطور
هاني : لا ماله داعي تعب نفسك وبعدين ياسر طلع يجيب لنا فطور مشكورماقصرت يعطيك العافيه
بدر : لاشكر على واجب هناي لاتنسى ترى العصربيجيك ضيوف
هاني : لا ماراح أنسى والله يحيكم
بدر : يالله سلام
هاني : مع السلامه

وبعد صلاة العصر دق بدر على هاني وقال سلام
هاني : وعليكم السلام
بدر : هاه هيوني أنت فاضي ولامشغول
هاني : لا .. فاضي وحتى لوني
مشغول فضيت نفسي للغالي
وضيوفه
بدر : ضحك هذا العشم فيك يا أغلا من الغلا
هاني : وينكم أنا جالس أنتظركم
بدر : جاين في الطريق
هاني : الله يحفظكم
سكروا الخط

بدر مر عيال عمه وضرب بوري
طلع ناصروثامروسلمو على بدر
وركبو سيارتهم وأتوجهو يم بيت
هاني ووصلو ودقو الباب
وفتح هاني وسلمو
هاني : تفضلو حياكم
ناصر : يزيد فضلك
دخلو المجلس وجاب هاني القهوه وصب لهم وقال أخيرا شرفتونا وشفناكم
ثامر : الله ياالدنيا كل واحد يلوم الثاني ويعاتبه ويقول ماعاد نشوفكم
هاني : أجل متعادلين في القطاعه

ضحكو وبدر مبسوط بشفاء هاني ودقوها ضحك وسواليف
لين أذن المغرب وبعدها قال بدر ياشباب ترى بكره كلكم معزومين عندي بمناسبة رجوع هاني لنا بالسلامه ماأحد يتغيب
هاني : يابدر ماله داعي
بدر : إلا له داعي ونص وخلاص أنا مرتب كل شي
سمعتو ياشباب
ناصر : عساك على القوه
ياولد العم
ثامر : يالله شباب خلونا نلحق الصلاه في المسجد

طلعو وتوجهو للمسجد وصلوا
وبعد الصلاه قال ناصر يالله مشينا
بدر : رحو أنتم أنا بجلس عند هاني شوي مشتاق لسواليفه
ثامر : يالله مع السلامه
هاني : الله يسلمك
وراح هاني وبدرللبيت يكملون سواليفهم لحد الساعه 12رجع بدر لبيته ودخل غرفته وده ينام
وفجاه فتح جواله ويناظر رسايل هاني وتذكررسائل الماضي وقال صدق لقالوا الدنيا صغيره
وفتح على الصور والفديو وتفرج على صور هاني وهو نايم وهو ياكل وهو يركض وغيرها من الصور
لأن هاني يصور بدر بأي شكل
وصار كل واحد يصور الثاني
وتذكر شقاوتهم وصورهم يوم كانو في البر
وفتح على الفديو
فتح على صورة هاني وهو نايم يشخرضحك بدر على الصوره لأنها فعلا مضحكه
لان هاني كان تعبان ومرهق ومن الصباح مانام أتعبه الصيد وفي وقت الظهيره حط هاني راسه وراح في سابع نومه
وصارت فرصة بدر أنه يصور هاني وهو بالحاله هذي صورة فديو
لأنه مقهور من تصرف هاني يوم صوره
صورة فديو وهوطايح على الأرض ومتعوروهو يصيح
وهاني يضحك ويصوره ويقول الرجال يتحمل الألم بس منظر حلو أصورك عشان أتذكرك

وبعد ماصحى هاني من النوم
فتح بدر على الفديو وقال هيوني شوف صورتك وأنت في سابع نومه بصراحه شكلك حلو وأنت نايم وتشخر
هاني : زعل وقال لا يابدر مو للدرجه هذي تصورني وأنا نايم
لا وبعد تاخذها فديو مايصير يابدر على الأقل خذها صوره
بدر : ضحك البادي أظلم وأنت قايلها بعظمة لسانك تذكر يوم زعلت عليك يوم صورتني وأنا طايح على الأرض متعور وأنت تضحك وتصورني و تقول حلو الواحد منا أنه يصور مواقف محرجه ويتذكرها مع مرور الزمن وقلت لي صورني على كيفك يابدر
والحين أنا صورتك على كيفي
والصوره هذي بالذات معجبتني
وأحب أتذكر تعبك يوم القنص
وشخيرك
هاني : يعني كذا هين يابدير

وبدا كل واحد يصور الثاني على إي شكل منها اللي تضحك ومنها الحلوه

وبعد ماخلص بدر من التفرجه دق على هاني
هاني ‏: مرحبا
بدر : سلام عليكم
هاني : وعليكم السلام
بدر : هيوني أنت مانمت
هاني : لاقاعد أفكر فيك وجلست أتفرج على صورك
بدر : ضحك
هاني : وشفيك تضحك أنا ماقلت شي يضحك
بدر : أدري وأنا أخوك أنك ماقلت شي يضحك بس أضحك
لأني أنا هالحين قاعد أتفرج على صورك وبالذات صورتك وأنت تشخر
فياسبحان الله في نفس الوقت
نتفرج على صور بعض
هاني : تصدق أني بعد قاعد أتفرج على صورتك وأنت طايح ومتعوربصراحه صورتك تضحك
بدر : لا ياشيخ عاد أنت اللي صورتك تضحك أكثر مني
هاني : يالله كلنا صورنا تضحك بس حلوه صح
بدر : صح حلوه ونخليها لذكرى يالله نام ترى مابقى على صلاة الفجر إلا ساعتين ترى السهر مو زين
هاني : وأنت صادق النوم أريح
عشان ماتروح علينا الصلاه يالله تصبح على خير
بدر : وأنت من أهله

كل واحد نام وفي وقت الأذان صحى بدر وتوضاء ودق على هاني ‏
هاني عطاه مشغول

هذي كلمة السر اللي بينهم
عشان يقومون للصلاه
إذا صحى الأول يدق على الثاني
والثاني إذا صحى يعطي مشغول
وهذي دايم طريقتهم عشان يحافظون على الصلاه متفقين بينهم كل واحد يحط المنبه على الصلاه واللي يقوم الأول يدق على الثاني


$$$ الجزء التاسع $$$

مرت الأيام سرعه ومابقى إلا شهرين ويتخرج هاني من الجامعه

بدر مولود بكليه واحده وهالحين يحس بألم فيها بس ماخبر أحد بالمرض لأنه مايحس فيها إلا في النوم وأحيانا
في الأوقات الثانيه بس خفيف نغزه وتخف وماوده يخوف أهله ويخوف هاني
له شهر وهو على هالحال
ولا أحد حس فيه لأنه مو واضح
عليه أي شي

وفي يوم من الأيام دخل بدر المستشفى الصباح لأن حالته زادت سوء وطلبو تحاليل أهله عشان يشوفون التطابق ويشوفون أقرب واحد تكون كليته مناسبه

طلع هاني من الجامعه وراح
للبيت فتح الباب وتفاجئ بالخبر المحزن سمع ياسر يقول يمه بدر فيه فشل كلوي بس المشكله كيف نعلم هاني
وفجأه طاحت كتب هاني من أيده والدمعه تنزل من عينه
وقال لا مستحيل بدر فيه فشل
كلوي كيف ماحسيت فيه وليه
ماقالي وطلع بسرعه وسكر الباب
ياسر : هاني وقف بروح معك وطلع ياسر وركب مع هاني وراحو للمستشفى ‏
هاني : أه يالقهر بدر تعبان وأنا أخرمن يعلم
ياسر : هونها ياهاني وتهون
والصبر مفتاح الفرج
وهم بياخذون التحاليل ويشوفون مين راح يطابق لكليته
هاني : طبعا أنا ‏ راح أعطيه كليتي وماراح أسمح لأحد يعطيه غيري

وصلو المستشفى دخلو ولقوا
أهله متجمعين وعيال عمه
سلمو عليهم والكل ينتظر تحليله
هاني: راح لغرفت التحاليل
يحلل وهو يدعي في نفسه أن كليته تناسب كلية بدر
طلعت التحاليل وكلها غير مناسبه إلا ناصر وهاني
ناصر: خلاص أنا اللي بدخل غرفت العمليات ياهاني
هاني : والله العظيم مايدخل إلا أنا ياناصر وخلني على كيفي
ناصر : بس ماله داعي وحنا موجودين نوفي ونكفي وبعدين لو يدري بدر كان هاوشنا كان يقول ليه تخلون
هاني يتبرع لي
هاني : أنا قلتلك وخلاص
السستر : يالله مين يتبرع أنت ولا هو
هاني : لا أنا ياسستر
ناصر : لا أنا ياسستر
السستر : خلصوني مين ولا أقول تعال أنته

دخل هاني غرفة العمليات
وشاف بدر باللبس الأخضر وفي غيبوبه تامه سلم على راسه ودعه ودمعته على خده وقال يابدور سامحني إذا أخطيت في حقك يمكن يكون هذا اللقاء الأخير
يمكن لاسمح الله أموت يابدر ولا عاد أشوفك بس مو مهم
أهم شي أنك تقوم بالسلامه
ويخليك لأهلك أما أنا
أنا عارف أنك ماراح تنساني
من الدعاء وهذا أهم شي عندي ودعتك الله اللي ماتضيع ودأعه يالغالي

دخلوه غرفة العمليات ولبسوه
ودعى ربه أن بدر يقوم بالسلامه وترجع صحته له مره ثانيه يارب . يارب . يارب

الكل ينتظر على أحر من الجمر
ويدعون ربهم أنهم يقومون بالسلامه ومرت ساعتين وهم
ينتظرون
وبعدها طلع الدكتور ‏
وقالو بشر يادكتور
أبشركم حالتهم مستقره وهم بخير بس يبيلهم شويت راحه

الكل تطمن وكانوا فرحانين
سلامة بدر وهاني
وقامو بالسلامه
وسوو أهل بدر وأهل هاني
حفله كبيره مع بعض بمناسبة سلامتهم ورجوعهم لهم

وبعد أيام رجع هاني للجامعه
وكان مابقى على الأختبار إلا أسبوع
أختبر ونجح بتقدير أمتياز
طلع وراح لبدر وبشره بنجوحه
بدر : صدق والله ألف ألف مبروك الله يفرح قلبك دنيا وأخره
هاني : أمين
بدر : وهالحين وش بتسوي بعد ماتخرجت
هاني : بصراحه أنا فكرت مليون
مره أخذ بعثه برى السعوديه
ودي أخذها في بريطانيا
بدر : أفا ياهناي وتتركني لوحدي تبي تفرقنا في الدنيا
تبي تروح وتخليني
هاني : هذا اللي متعبني
والتفكير شاغل بالي ليل ونهار
ومدر ي وش أسوي بس مافيه غير حلين
الأول أني أروح وأتركك أما الثاني أني أخلي البعثه هاه وش رايك يابدرأختر أحسن واحد وشهو
بدر : كلها مو حلوه بس لاتشيل هم ياهيوني أنا راح أقنع أهلي أسافر معك
هاني : لا مايصير أنك تسافر معي وتخلي أهلك لوحدهم
بدر : ‏ السواق عندهم يكفي
إلا إذا أنت ماتبيني أسافر معك هذا شي ثاني
هاني : لا يابديرأنا مو قصدي
أني ماأبيك والود ودي أني ماأبتعد عنك وأخليك
بدر : خلاص خلني أحلها بنفسي
هالحين أبروح لأبوي وأفاتحه في الموضوع يالله خلني ألحقه قبل مايطلع من البيت . سلام
هاني : ضحك سلام
الله يحفظك يالغالي

بدر: فتح الباب ودخل زين أني لحقتك يبه أبي أفاتحك في موضوع مهم
أبو بدر : خير اللهم أجعله خير
أكيد تبي فلوس بس هالمره
تبي مبلغ كبير صح
بدر : لا يبه أهم من الفلوس
أبو بدر : فيه شي ياولدي أهم من الفلوس
بدر : أيه يبه هاني عندي أهم
من الدنيا وأهلها
أبو بدر : وش فيه هاني
بدر : أبد سلامتك هاني مافيه إلا العافيه بس هاني تخرج وأخذ أمتيازوهالحين يبي ياخذ بعثه في بريطانيا وأنا أبي أروح
معه ماقدر أخليه لوحده في الغربه ودي أوقف معه زي ماوقف معي هاه وش قلت يبه
أبو بدر : وشهو هاني بياخذ بعثه وأنت تبي تروح معه لا
يابدر أنا ماني موافق وإذا تبي تساعده زي ماتقول ساعده في أي شي إلا السفر معه
بدر : بس يبه ......
أبوبدر : خلاص أنا قلت رايي
وإذا رحت من ورانا راح نزعل عليك وإذا زعلتنا زعل ربي عليك
فكر في كلامي زين
بدر : يعني يبه هذا أخر كلام عندك
أبو بدر : أيه .. حنا نحبك يابدر ومانبيك تبعد عنا وتروح وتخلينا
حنا نخاف عليك ..لاتزعل إذا منعناك من شي
بدر : هذي هي المشكله خوفكم علي هو اللي بيضيعني

وسكت والدمع في عيونه وطلع وسكر الباب وركب سيارته ومايدري وش راح يسوي
وصار يبكي ويضرب الدركسون
من القهر مايبي هاني يسافر ويخليه ومايبي هاني يجلس ويخلي البعثه ويضيع مستقبله
توجه للبحر نزل وراح يمشي فيه
بليا شعور

هاني عند وقت الغروب دق على بدر ومايرد وقال غريبه
بدر مو من عوايده أدق عليه ويطنشني معقول ماخلص سواليف مع أبوه
أحسن أدق على البيت وتطمن
دق على البيت
رد أبوبدر
هاني : السلام عليكم
أبو بدر: وعليكم السلام هاني بدر فيه شي
هاني : وشهو بدر مهب عندك
أنا أدق عليه ومايرد ياعمي وش صار بينكم
أبوبدر : قال أنه بيسافر معك ورفضت وأنا مابيه يروح حنا ماعندنا غير الله وهو
تكفي ياهاني أنك تدوره وتقنعه أنه ينسى السفر
هاني : خلاص ياعمي أنا راح أخلي البعثه ومعاد أني مسافر
أنا أبروح أدوره وإذا لقيته راح أبلغكم يالله مع السلامه
أبو بدر : الله معك

راح هاني للبحروعارف أنه راح يلقاه لأن بدر يحب البحر
شاف سيارته نزل هاني من السياره وشاف بدروهو وسط
البحر وما يشوف إلا راسه بس
وصاح وهو يناديه طلع أغراضه من ثوبه ونزل في البحر بسرعه
وحط يدينه على فمه ويسبح بسرعه وينادي بدر. بدر.بدر
حرام عليك اللي تسويه في نفسك بدر. بدر . بدر.
بدر : سمع صوت هاني وناظره وشافه وهو جايه ومابقى إلا شوي ويوصله
فكر بدر وقال في نفسه لازم أخذ نفس وأغطي راسي بالماء ودي أشوف ردت فعله

دخل بدر راسه في الماء
وهاني شافه وهو يدخل راسه وصاح وقال لا يابدر حرام عليك اللي تسويه في نفسك ‏
وصار يسرع وهو متجه يم مكان بدر ويوم وصل طلع بدر راسه وهو يضحك
هاني : كان خايف ومرعوب على بدر وقال كذا يابدر تسوي فيني تخوفني عليك
بدر : ضحك ودي أشوف ردت فعلك وأنت تبكي علي زي مابكيت عليك في المستشفى يوم أحسبك مت
هاني : لا يابدر هذي مواقف صعبه مافيها أختبار وبعدين بغى قلبي يطيح في بطني من الخوف
بدر : ضحك
هاني : يحقلك تضحك علي لأني أنا الخايف مهب أنت
بدر : ماعليه تعيش وتاكل غيرها
هاني : ليه سويت كذا يابدير
بدر : بصراحه أبوي منعني من السفر معك وكنت مقهور
هاني : ماعليه أعتبر كل شي منتهي لأني يوم دريت عنك كرهت البعثه وحلفت أني ماروح
بدر : لا ياهاني بكذا راح تضيع مستقبلك
هاني : مستقبلي هو أنت وبس
بدر : ضحك صدق والله راح تجلس معي ولا راح نتفرق
هاني : أيه صدق والله لايفرقنا دنيا وأخره
بدر : أمين

غيروا ملابسهم ركبو سياراتهم ورحو ايم بيت هاني
دق هاني على أبو بدر وقال أبشرك بدر لقيته عند البحر
وهالحين هو على سيارته وبنروح لبيتنا وبدر الليله بينام عندي لانه متضايق مايقدر يرجع بعد اللي صار وخله يرتاح عندي وبكره يجيكم
أبو بدر : الله يبشرك بالجنه ويرضى عليك دنيا وأخره
وأنا ماعندي مانع أنه ينام عندك

وصلوا البيت دخلوا في المجلس
هاني : حياك ياللي خوفت قلبي
بدر : يضحك وجلس في المجلس وقال المواقف حلوه تذكر يو م خوفتني بالثعبان
هاني : أيه أذكر هذي مواقف ماتنسي ‏
وجلسو يسولفون لين وقت النوم ‏
نامو في المجلس
هاني : راح في سابع نومه لأنه قام من الصباح
بدر : عيا يجيه النوم وصارت الأفكار تلعب فيه يمين وشمال وتذكر لو الواحد منا يفارق الثاني وش بيصير
فكر في نفسه وقال الواحد مايضمن عمره ولا يدري متى يومه
أحسن شي أني أرسل هذه الرساله عشان يتذكرني ولا ينساني مع السنين‎ ‎

وفعلا أرسل الرساله على جوال هاني
وطلع وسكر الباب وراح لبيته
لأنه وده ينام في غرفته عجز ينام عند هاني

وبعد مادق المنبه في الجوال
على صلاة الفجرصحى هاني
من النوم وناظر في مكان بدر
ومالقاه وظن أنه راح يتوضاء
وأخذ جواله وشاف مكتوب
على الشاشه
الرساله الوارده
وفتحها وقراها مكتوب فيها


بعد موتي ؟
بلل تراب المقابر بالدموع
وأحضن أطياف الرحيل
سامحني
حللني
أذكرني
حب ساكن بالضلوع

بعد موتي ؟

أحضر ليلة رحيلي
شاركهم في مغيبي
لاتغيب
علمهم من تكون !!
قل أنك
ساكن دايم في عيوني

بعد موتي ؟

(تلقاني في الجنازه)

وبجنازتي
أبيك أول الحضور
وإذا غطاني التراب
أبيك أخر من يمشي
وعلى قبري أبي شمعه
تضويها بصمت
وأبي دموعك على خدك
تبلل تربة رمالي
وأبيك
((تكتب دنياه تابوت
وروحي فيه مدفونه))

أدور الموت
وماأقوي أعيش من دونه
((وإذا قبروني وأندفنت))

مر شمال أن كان ودك تمرر مر على قبري وشوف محله
وأن كان ودك فوق
قبري تصلي
إليا دعيت هل الدمع كله
وقول أجمعني فيه
يارب العالمين
جسم كلاه الدود وصلك
يبله
وعند الوداع خط على القبر
حرفين
(( مرحوم ياللي صاحبه ماحصله ))

أحفظ هالأبيات مني
تراها هديه لك
وحدك مامعك ثاني
لأنك غالي ياهاني
وصيه لاتنساهااااا
أحفظهااااا
ورددهااااا
وخلهااااا
دوم على فمك
أمانه لامت لاتمسح رقم جوالي
خله محفوظ
وأرسل عليه لاضاق بالك
خله عندك لاشتقت لأيامي
أرسل لي وطمني
عن أحوالك
أرسل لو مايجيك رد
يااااااالغاااااااالي
صدقني توصلني وأنا في
قبري لحااااااالي
لاحتجتني ومالقيتني
اقبااااااااالك
دق على رقمي وقول وش اللي
مضاااااااايقك
قول وش اللي فيك
جعل الضيقه ماتجيك
وأنا أسمعك من عيني وعلى راسي
وأن ماسمعت
صووووتي
ومالقيت مني ‏
جوووواب
أعذرني ياااااالغالي
أنت أدرى باأسباب سكوتي
ورسالتي هذي أحفظها
ولاتفكر تمسحها
وإذا فيوم مت
أمانه عليك تفتحها
وتقرا كل كلماتي
)( فماااااان الله ياااالغاااااالي)(

وبعدها سكر الرساله
ودق على بدر
بدر : عطاه مشغول يظن أنه
بيصحيه للصلاه
هاني : دق مره ثانيه
بدر : نعم
ياخوي أنا صاحي
هاني : ليه مانمت عندي
وش هالرساله اللي مرسلها
بدر : بصراحه عيا النوم يجيني عندك وقلت أروح أحسن
وبعدين الرساله مافيها شي
حبيت أرسلها عشان صواديف الزمن
هاني: ياخوي فال الله ولا فالك
وجعل يومي قبل يومك
بدر : ياهيون ليه تتهرب عن الموت وليه نلعب على بعض إنا ماراح نتفرق
ياهاني إذا مافرقتنا الأيام
راح يفرقنا الموت وهذا شي واقع لازم نعرفه
والموت حق علينا
هاني : هو صحيح كلامك بس
مانبي نتذكر أي شي واللي يجيبه
ربي راضين به
يابدور ياحبيبي شيل من راسك
هالأفكار الشينه وخلنا نعيش اليوم لاتفكر في بكره
وربك يحلها
يالله بروح أصلي
روح يابدير صل وأذكر ربك
يالله مع السلامه
بدر : مع السلامه
سكرو الخط

كل واحد منهم راح يصلي صلاة الفجروبعدها رجع هاني وهو يفكر في رسالة بدر
وفتح جواله يدور على
((رساله رد))
على رسالة بدر
وأرسل هذه الرساله لبدر

أرجي السنين المقبله تنصف
الحاااااااال
عقب السنين اللي مضت لي
حزينه
مشيت كل دروب الأيام
رحاااااااال
طال الشقا والحزن طالت
سنينه
وكل من نشد عني يقول وش
هي الأحوااااااال
أخفي الدمع أجامله بالردوأقول زينه
‏
الرساله وصلت بدر وقراها
وقال أه يالدنيا وش فيك تفرقين
الأحباب الله يعين قلوب المحبين


$$$ الجزء العاشروالأخير$$$
‎
في أيام العطله زان القنص
وكثر الصيد وزانت طلعات البريه

وفي يوم الأثنين كان الجو
رائع وقرر بدر وهاني ياخذون عزبتهم ويطلعون
راحو لأحسن مكان وبعيد عن الزحمات وبدو يرتبون
العزبه ويسون الفطور
وبعد ماأفطرو راحو على جيب هاني يدورون الأرانب
وبعد ماشافوها نزل بدر من الجيب يبي يصيدها لأنه سبوق
ويحب الركض وهاني عكسه
مايحب يركض لانه يتعب
المهم بدا بدر بطرد الأرانب
وهاني يحدها على بدر بالسياره
وصادو 10 أرانب وخمسه حباري
وتغدو على بعضها الساعه 3 وبعد الصلاه كملو قنصهم
وصادو 4 غير الأولى وأوشكت الساعه على5 والشمس قربت على المغيب
هاني : يابدر الصيد يكفي خلاص تعبت تعال أرتاح
وخلنا نرجع لديره
بدر : لاياهاني خلني أصيد هذا أخر واحد حاول أنك تحده علي هذا خطير بس لازم أمسكه
هاني : خلاص يابدر هذا راح يكون الأخير وماراح أسمحلك تصيد ثاني فاهم
بدر : خلاص بس حاول أنك تحده علي
وبدا بدر بطرد الأرنب الأخير
مادرى أن يومه هو الأخير
هاني : ضحك على تفحيط
بدركأنه يسوي خمسات
فكر هاني وطلع جواله وفتح
كاميرة الفديو ويصور بدروهو يركض بشكل غريب وهو مقهور ويتحدى الأرنب ويقول جايبك جايبك وين بتروح مني

وفجأه كانت المفاجأه الكبرى
لف الأرنب يم السياره ولف معه بدر ونسى أن فيه سياره قدامه وهاني ماحس ومايدري وشلون لفت السياره على بدر
ضرب بدر بصدره على السياره من قدام وطاح على الأرض
ودمه مغرقه
هاني : وقف السياره ونزل ركض يم بدر وهو يصيح
وأرتمي عليه أرفعه بيدينه وهو
يحركه بدر. بدر . بدر ردعلي
لأتخليني بروحي في البر وقام يبكي ويصيح ويلتفت يمين ويسار يدور أحد يساعده
بس لاحياة لمن تنادي
طلع الجوال ودق على أخوه ياسر
ياسر : مرحبا
هاني : صوته مخنوق ومايقدر يتكلم
ياسر : ألو هاني رد علي
هاني : ألحقني ياياسر بدر مات
صدمته بسيارتي من دون ماقصد
ياسر : طيب وينكم في نفس مكانكم الأول
هاني : أيه ياياسر بسرعه الله يخليك
ياسر : زين أهدى أنا جايك
هاني: يناظر بدر ودمه مغرق وجهه وثوبه وقال ليه يابدر أنا
قلتلك خلاص مانبي صيد بس أنت أصريت ليه تروح وتخليني
في الدنيا وحيد رد علي لاتسكت
وصار يبكي ويحرك بدر ويصيح
ليه ياموت تاخذه مني ليه
وراح أخذ الشنطه حقت الثلج
وفتحها وكب كل الأرانب اللي فيها وقال تحرم علي أكلك من بعد راعيك تنعافين ماعاد أبيك
وراح وكسر سيارته وقال ليه تصدمين بدر أه يالقهر لو أمسكك يالأرنب لعذبك وأقطعك قطعه قطعه اللي تعبت بدر معك وعذبتني وزدت العذاب وصار ويضرب بيدينه الأرض
وقام يمشي ويقول بصوت كله حزن