تحليلي ان المركزي المصري تدخل لحل الازمة..الوضع سيتحسن او لن يتدهور بعد هذا التدخل

**Mo3Ty** · 31-12-2012, 03:13 PM

:::::المركزي المصري تدخل ووقع الجنيه.. لعمل انتعاشة اقتصادية ::::::::

**كنت متوقع وكما كتبت من قبل بالفعل ان هبوط الجنيه قادم لا محالة والمفروض يروح 6,50 .. بس عمرى ما كنت اتوقع انه ينزل فى يومين بس بالمنظرة ده

** وفي نفس الوقت انا متأكد ان فاروق العقدة ده داهية وكان يقدر يمسك الجنيه شوية ميوقعوش بالشكل ده فى الوقت القصير ده.. كدة كدة الجنيه حيقع بس مش بالشكل ده فى يوم واحد

** الا لو كانت مقصودة انه يوقعها.. البنك المركزي الياباني تدخل فى يوم ووقع عملته الين عشان يقللها لان الين ياباني بيطلع قدام كل العملات بدون توقف فاثر بالسلب على الاستثمارات الخارجية والسياحة. فراح داخل المركزى شاري بالين عملات الاخرى.. فطبعا ادى ذلك لقوة العملات كلها وانخفاض الين .. وبدا وقتها التصدير يزيد فعلا + والاستثمار والسياحة

** ما اقصده ما يحدث الان هو لعبة بسيطة من الداهية العقدة فى رأيي لاني صراحة مستحيل اصدق ان الراجل ده يوقع الجنيه بالشكل ده في يومين الا لو كانت مدروسة ومتفق عليها من الرئاسة..

** الفكرة ببساطة الجنيه كدة كدة واقع ومشعارف انقذوا.. طيب ما العب بقا بحرفنة ازاى.. انا اشتري كل الدولارات الى فى البنوك .. حلو بالفعل اشتراها ..تاني يوم طبعا مبقاش فى دولارات فى السوق .. فراح الجنيه واقع جدا.. طيب لما الجنيه حيقع ايه الى حيحصل..

1-اولا حضرتك احنا فى موسم سياحي وهو الكريسماس ومحدش بيجي.. بس لما الجنيه ينزل بالغباء ده.. بقا قدام السائح الاجنبي مصر ارخصله من دول كتيرة .. حتقولي حيخافوا يجوا فى عدم الاستقرار ده..حقولك لا فقراء روسيا وبعض الدول مبيفرق معاهم.. واقل مثال اليوم خبر اشغال الفنادق بشرم من 20% الى 80%

2- البورصة وانا اهو معاكم حتصعد بغباااااااء اليومين دول معروف عندنا العلاقة عكسية بين عملة البلد وبورصتها.. بمعني لما الجنيه بيقع فمستثمري البورصة بيحولوا الفلوس الى معاهم لاسهم لانها اصبحت الملاذ الامن لهم.. ثانيا والاهم بتبقا سبوبة عالية جدا للاجانب انهم بدل ما كانوا بيشتروا مثلا السهم والدولار ب 6 جنيه.. لا ده كدة الدولا ب 6.40 يعني معايا وفر اشتري اكتر.. فحتلاقي استثمارات فى البورصة بغباء وحيدخلوا دولارات كتيرة لمصر

3- المصريين الى بالخارج الى نايمين على فلوسهم فى الخارج.. لما يلاقوا الجنيه وقع كدة .. اول ما يقل قرش واحد بس حيروحوا خايفين ونازلين محولين بسرعة فلوسهم لمصر عشان يكسبوا الفرق الى حصل ده خوفا منهم ان الجنيه يتعدل تاني وهما معملوش حاجة

** يعني من الاخر الى عايز اقولو العقدة وقع الجنيه مقصود عشان يدخل دولارات مصر بسرعة + وفي نفس الوقت هو معاه كمان الدولارات الى سحبها من البنوك فمحدش حيطلع فلوسه برة .. بالعكس ده دلوقتي الى كان حيطلع فلوسه برة حيقول واطلعها ليه ده احولها احسن ههههههههه

** الحركة ملعوبة ومعروفة واعتقد انه ده الى فكر فيه العقد وهو السيناريو المتاح الان

تقبلوا تحياتي
+معطي+

**ابــ آدم ــو** · 31-12-2012, 03:30 PM

مساء الفل
اخبار يامعطى
شوف ياحمد مفيش وجهه مقارنه بينا وبين اليابان فى الوضع الطبيعى
فتخيل دلوقتى
اليابان بتضعف عملتها علشان هى بلد صناعى وفى تنافس بينها وبين الدول الصناعيه الكبرى فلازم يبقا الاضعف عمله علشان التنافس

اما احنا يااحمد هنضعف الجنيه ليه اصلا مفيش صناعات ولا استثمار كله مقفل وحتى لو فيه بنافس مين احنا
بالعكس ياصحبى ضعف الجنيه دلوقتى هيدى انطباع ان الدنيا للاسوء

وعلى فكره انت بالفعل عملتك ضعيفه للاجانب بالفين دولار ينزله ملوك هنا فمحدش اشتكا من سعر ارتفاع سعر الصرف

اما موضوع الدولار الى هتدخل من الخارج بالعكس انا بقا شايف الهبوط الحااده ده ولسه فى ازمه هتقل واستنا لان مفيش اىواحد ناصح يحول فلوسه لمصرى وهو عارف انها لسه هتنزل لان الدنيا لسه مش واضحه

بص ياحمد ضرب الجنيه اليومين الى فاته نتيجه تضارب الارقام الى قالها الريس والارقام الحقيقه الى طلعت من الغرف والمسئولين عن كل جهه

ربنا يسهل

**dr.ahmed.samir** · 31-12-2012, 03:42 PM

سياسات المركزى منذ زمن سياسات مخجله لصالح الدولار لا اكثر ولا اقل .. وارجع للشارت فهو خير متحدث عن ذلك ..

لا اتمنى سوى الضمير وحسن الادارة فى الفتره القادمه من قبل ادارة المركزى المصرى ..

والله المستعان ،،

**أبو سهيل المصرى** · 31-12-2012, 03:52 PM

من العجيب ان ندرب الجند ونجهز المال والعدة والعتات ونسخر كل الامكانيات ونحشد الاعداد وذهبنا الى الحرب ولكن وللأسف نحارب على غير أرض المعركة وحتى الجنود لا يعرفون من العدو من الحبيب ومن عظم المصيبة ان الجيش لا يعرف لماذا يحارب فكانت الهزيمة المحققة - فعندما نعرف من نحن ومن عدونا وعلى ما نقاتل سوف نكون شعب محترم وامة متقدمة - فقدان الهوية ابحث لتعرف هويتك والمجال لا يتسع للتفصيل انها الهزيمة النفسية

**AHMED46** · 31-12-2012, 04:10 PM

اشوفك ان شاء الله فى شهر 4 او 5 و الدولار عامل 7 جنيه او اكتر
العوامل الاقتصادية اللى كل يوم من سئ لأسوأ هى اللى حتكون السبب
حضرتك بتدفع مرتبات و بتدعم منتجات و فى المقابل مفيش انتاج و الاحتياطى بيقل
مفيش امن ولا استقرار عشان يطمن المستثمرين الاجانت عشان يشتغلوا فى مصر
مفيش سياحة و الاتحاد الاوربى بيهدد برفع مصر من قائمة الدول السياحية فى 2013 لو فضل حال البلد الامنى و السياسى بالشكل ده
عندك ميليشات طايحة فى الشوارع و بيهددوا كل الناس من اول الاعلاميين للقضاة لرجال الشرطة يبقى عايز السياح يجوا يعملوا ايه ده غير المصايب و خطف السياح اللى بيتكرر فى سينا و امبارح كان فى خناقة بالخرطوش قدام الفنادق فى وسط البلد
معندكش رؤية اقتصادية و عندك تخبط فى القرارات
العقدة عمل اللى عليه و زيادة و منع صعود الدولار من اول الثورة و الكلام ده كان و احنا عندنا احتياطى 36 مليار لكن دلوقتى الوضع اختلف و العقدة دلوقتى خلاص جاب اخره
و عشان كده هو عايز يمشى
و نقطة تحويل المصريين بالخارج دى مش متوقعة ... اذا كان المصريين اللى جوه بيحولوا فلوسهم لدولارات يبقى اللى بره حيحولوا الدولار لمصرى
كله حيستنى لما يطلع اكتر و زى ما قولتلك على شهر 5 حيوصل 7 جنيه و حيعدى كمان
ده غير شروط صندوق النقد عشان ناخد القرض و اللى حتكون سبب فى صعود الدولار اكتر
احنا اوضاعنا الاقتصادية ضايعة و لسا اللى جى اسوأ لما الاسعار تزيد اكتر و اكتر و حنفضل فى نفس الدوامة دى طول ما اللى ماسكين البلد بيفكروا بالشكل ده و التخبط و قلة الخبرة دى
من الاخر كده ( استمتع بالسئ فالأسوأ قادم )

**alysharf** · 31-12-2012, 04:12 PM

استاذ معطى
اختلف معك تماما فى الموضوع و الاسباب هى
1- مشكلة مصر ان الانتاج متوقف بسبب الازمه السياسيه والوضع السياسى الذى بلغ الازمه التى لاحل لها.
2- انت بتكلم عن السياحه , مفيش شركه سياحيه هترسل لك سائح واحد و السبب انها ملزمه بالتامين عليه لو حصل حاجه له شركة التامين تدفع,يعنى فيتو من شركات التأمين لمن يحاول السفر لمصر.
3-انخفاض العمله لمصر يتسبب فى ارتفاع التكاليف للانتاج لان كل المواد الخام و قطع الغيار يتم استيرادها من الخارج.
4- الاحتياطى الذى وصل الى 4 مليار دولار و الباقى هو غطاء الذهب الذى لابد من وجوده حسب صندوق النقد و بنسبه معينه من كمية النقد المتداول"ضمن شروط الاتضمام للصندوق"و تكون معلنه فى موقع البنك المركزى على الويب سايت ومن المعلوم ان مصر تخطت النسبه المحدده ولابد من خفض الجنيه ليتناسب مع قيمة الاحتياطى الفعلى للذهب
اعتقد و العلم عند الله ان شهر يناير هيكون اول شهور مواجهة المشكله الفعلى و السبب ان فيه قسط لنادى باريس مستحق خلال الشهر و الواردات التى لايوجد اصلا لها اى دولارات عشان نستورد بها
و الاسواء من شائعات ان كمان فيه رواتب الناس اول الشهر و مش موجود فلوس والذى لايمكن الان طباعه نقده الان بسبب طباعته عدة شهور ماضيه
و الشائعات التى تتحدث عن استيلاء الحكومه على ودائع الناس و تبلغ قيمتها الاجماليه 2 تريليون جنيه كاذون خزانه و سندات لاتساوى شىء و مشاريع متوقفه تماما من فتره وتمويل الواردات فى الفتره الماضيه

**maged88** · 31-12-2012, 04:22 PM

المشاركة الأصلية كتبت بواسطة AHMED46

اشوفك ان شاء الله فى شهر 4 او 5 و الدولار عامل 7 جنيه او اكتر
العوامل الاقتصادية اللى كل يوم من سئ لأسوأ هى اللى حتكون السبب
حضرتك بتدفع مرتبات و بتدعم منتجات و فى المقابل مفيش انتاج و الاحتياطى بيقل
مفيش امن ولا استقرار عشان يطمن المستثمرين الاجانت عشان يشتغلوا فى مصر
مفيش سياحة و الاتحاد الاوربى بيهدد برفع مصر من قائمة الدول السياحية فى 2013 لو فضل حال البلد الامنى و السياسى بالشكل ده
عندك ميليشات طايحة فى الشوارع و بيهددوا كل الناس من اول الاعلاميين للقضاة لرجال الشرطة يبقى عايز السياح يجوا يعملوا ايه ده غير المصايب و خطف السياح اللى بيتكرر فى سينا و امبارح كان فى خناقة بالخرطوش قدام الفنادق فى وسط البلد
معندكش رؤية اقتصادية و عندك تخبط فى القرارات
العقدة عمل اللى عليه و زيادة و منع صعود الدولار من اول الثورة لدلوقتى لكن خلاص جاب اخره
و عشان كده هو عايز يمشى
و نقطة تحويل المصريين بالخارج دى مش متوقعة ... اذا كان المصريين اللى جوه بيحولوا فلوسهم لدولارات يبقى اللى بره حيحولوا الدولار لمصرى
كله حيستنى لما يطلع اكتر و زى ما قولتلك على شهر 5 حيوصل 7 جنيه و حيعدى كمان
ده غير شروط صندوق النقد عشان ناخد القرض و اللى حتكون سبب فى صعود الدولار اكتر
احنا اوضاعنا الاقتصادية ضايعة و لسا اللى جى اسوأ لما الاسعار تزيد اكتر و اكتر و حنفضل فى نفس الدوامة دى طول ما اللى ماسكين البلد بيفكروا بالشكل ده و التخبط و قلة الخبرة دى
من الاخر كده ( استمتع بالسئ فالأسوأ قادم )

**alysharf** · 31-12-2012, 05:03 PM

المشاركة الأصلية كتبت بواسطة AHMED46

اشوفك ان شاء الله فى شهر 4 او 5 و الدولار عامل 7 جنيه او اكتر
العوامل الاقتصادية اللى كل يوم من سئ لأسوأ هى اللى حتكون السبب
حضرتك بتدفع مرتبات و بتدعم منتجات و فى المقابل مفيش انتاج و الاحتياطى بيقل
مفيش امن ولا استقرار عشان يطمن المستثمرين الاجانت عشان يشتغلوا فى مصر
مفيش سياحة و الاتحاد الاوربى بيهدد برفع مصر من قائمة الدول السياحية فى 2013 لو فضل حال البلد الامنى و السياسى بالشكل ده
عندك ميليشات طايحة فى الشوارع و بيهددوا كل الناس من اول الاعلاميين للقضاة لرجال الشرطة يبقى عايز السياح يجوا يعملوا ايه ده غير المصايب و خطف السياح اللى بيتكرر فى سينا و امبارح كان فى خناقة بالخرطوش قدام الفنادق فى وسط البلد
معندكش رؤية اقتصادية و عندك تخبط فى القرارات
العقدة عمل اللى عليه و زيادة و منع صعود الدولار من اول الثورة و الكلام ده كان و احنا عندنا احتياطى 36 مليار لكن دلوقتى الوضع اختلف و العقدة دلوقتى خلاص جاب اخره
و عشان كده هو عايز يمشى
و نقطة تحويل المصريين بالخارج دى مش متوقعة ... اذا كان المصريين اللى جوه بيحولوا فلوسهم لدولارات يبقى اللى بره حيحولوا الدولار لمصرى
كله حيستنى لما يطلع اكتر و زى ما قولتلك على شهر 5 حيوصل 7 جنيه و حيعدى كمان
ده غير شروط صندوق النقد عشان ناخد القرض و اللى حتكون سبب فى صعود الدولار اكتر
احنا اوضاعنا الاقتصادية ضايعة و لسا اللى جى اسوأ لما الاسعار تزيد اكتر و اكتر و حنفضل فى نفس الدوامة دى طول ما اللى ماسكين البلد بيفكروا بالشكل ده و التخبط و قلة الخبرة دى
من الاخر كده ( استمتع بالسئ فالأسوأ قادم )

اعتقد ان التحويلات سوف تندثر فى الفتره القادمه بسبب
1-ان البنوك سوف تفلس او يتم تخفيض تصنيفها الائتمانى وذلك يعنى فقدان الثقه فى البنوك المصريه
2- ان الامن سوف يتدهور مما يلزم الاسر بان يجتمع شملها , و هذا سيعمل على عودة عدد كبير من الناس الى مصر
3- عدم قابلية حمل الاموال الى مصر عبر الاشخاص و ذلك بسبب القرار الجديد وهو تخفيض المسموح به الى 10000 دولار
الموضوع ككل هو عباره عن تفاعلات مازالت فى اول مراحلها و لم تتم لعوامل مازالت تعمل و تؤثر فى الوطن و الاقتصاد المصرى فى الواقع تحت ضغوط (و مازال هناك من الضغوط من لم تكتمل و لم تصل الى نقطة التأثير فى الاقتصاد وهى الاسوء من الحاليه و التى لو حدثت انسى مصر حاليا) و عندما تكتمل التفاعلات التى تحدث الان و تظهر تأثيرها واحداثها فوارق فى الوضع الاقتصادى
عند هذه النقطه ممكن نتحدث عن تغيير فى الوضع و لكن الان وضع الاقتصاد المصرى هو " لا تحاول الامساك بالسكين الساقطه لانها لن تجرحك فقط بل ستقطع رقبتك"

**amressa** · 31-12-2012, 06:33 PM

الاهم من كل اللي قولته يا معطي ان ده هيدي للبنك فرصه للاعلان عن زياده كبيره في الاحتياطي اتوقع انها هتكون زياده ب2 مليار دولار في التقرير الشهري اللي المفروض يكون الاسبوع الجاي وده هيحقق منه اكتر من هدف سياسي منها دفع الموجه الاعلاميه اللي بتتكلم عن الافلاس وهيدي ثقه اكبر للمستثمرين واحتمال يرفع التصنيف الائتماني درجه واحده وهيفتح الباب قدام قرض صندوق النقض اللي هو الخطوه رقم 2 في منح الثقه في الاقتصاد المصري لدي المستثمرين

اتخيل اننا بنتحرك بخطوات مدروسه اقتصاديا حتي وان كانت قاسيه جدا لتعويض خساره 18 مليار تم فقدانهم من الاحتياطي نتيجه سياسات غير مسؤؤله للحكومات من بعد الثوره حتي الان

**beshay** · 31-12-2012, 07:20 PM

الدولار الامريكى استلامه فى الخارج و تسليم الجنيه فى مصر ب 7 جنيه

هذا للعلم و لا تعليق

**beshay** · 31-12-2012, 07:23 PM

القطاع العقارى فى مصر هو المرآه للوضع الاقتصادى و طالما ان السوق العقارى راكد فان الاقتصاد المصرى فى غيبوبه

**Mo3Ty** · 31-12-2012, 09:06 PM

::::::"ONA ": "المركزي" يتعمد إضعاف الجنيه لاجتذاب المستثمر الأجنبي :::::::

شكرا لكل من شارك بالموضوع ارائكم كالعادة محترمة وذو اهمية

والان بدات التحليلات والتسريبات من داخل البنك المركزي تؤكد تحليلي .. وان شاء الله ماحدث من تدخل للمركزى حيظبط الجنيه او على الاقل حيوقف نزيفه..
واعتقد ان ما حدث من تدخل للمركزي سيكتبه التاريخ بعد ذلك

خبر صريح لتأكيد التدخل

(http://www.almalnews.com/Pages/Story....aspx?ID=21292)

تقبلوا تحياتي
+معطي+

**Mo3Ty** · 31-12-2012, 09:16 PM

:::::محللون: انخفاض الجنيه إيجابى للبورصة فى 2013 ::::::

بالظبط كما كتبت بتحليلي وقوع الجنيه حيقوي البورصة المصرية وحتدخل استثمارات اجنبية

والخبر يؤكد كلامي

المصدر : http://www.almalnews.com/Pages/StoryDetails.aspx?ID=21566

تقبلوا تحياتي

**Mo3Ty** · 31-12-2012, 09:22 PM

::: صندوق النقد يرحب بجهود مصر للحفاظ على الاحتياطى الأجنبى :::

برغم السقوط المدوي للجنيه ولكن صندوق النقد شايف الخطوات الى اتخذها المركزي ايجابية للحفاظ على الاحتياطي النقدي ..وده برضوا تأكيد لكلامي ان الحركة ده مقصودة من المركزي وتم التدخل بالفعل للحفاظ على الاحتياطي

المصدر: http://www1.youm7.com/News.asp?NewsID=893812

**Mo3Ty** · 31-12-2012, 09:55 PM

::::مشتريات الأجانب تنهى تعاملات البورصة على ارتفاع:::::

ههههههههههه والله عارف ان ده حيحصل الى اتعمل النهاردة مدروس
اقروا الخبر مكتوب البورصة ارتفعت بمشتريات اجانب والعرب
في حين مالت تعاملت المصريين للبيع
كالعادة فى اى دولة بيبقا فى شركات استمثار كبيرة بتدور على الدول الى عملتها بتقع كدة ويبقا اقتصادها واقع وبعدها تدرس هل فى امل لقوة هذه البلد مرة اخرى.. وهل ما حدث من انخفاض لعملة هذه البلد مدروس وسيصحبه انتعاشة ام ان هذه البلد لا امل بها.. وبناء عليه بتنزل تشتري الاسهم بالسعر القليل بعد هبوط العملة..
يادماغك ياعقدة

مصدر الخبر : http://www1.youm7.com/News.asp?NewsI...97&IssueID=168

الموضوع: تحليلي ان المركزي المصري تدخل لحل الازمة..الوضع سيتحسن او لن يتدهور بعد هذا التدخل

أدوات الموضوع

تحليلي ان المركزي المصري تدخل لحل الازمة..الوضع سيتحسن او لن يتدهور بعد هذا التدخل

الاوسمة لهذا الموضوع

عروض شركات الفوركس