النتائج 1 إلى 1 من 1
- 26-12-2012, 06:27 PM #1
رقيتك من خُطى إبليس شعر لـ"سعيد حامد شحاتة"
رقيتك زى ما بيرقى النبى الناقه
رقيتك من خُطى إبليس
ومن عين بنت حرّاقه
ومن كل العيون اللى ما بتصلّيش
رقيتك م القلوب السود
رقيتك من خيطان الخيش
من الواقفين
و م القاعدين
ومن قلّة ضمير الصين
و م البنت اللى فاتحه الشيش
رقيتك من عيون الدون
و م الآفه أم ست عيون
ومن بيّاعة الكمّون
و م الحقد اللى فى الحرافيش
رقيتك من خُطى الملعون
ومن دقّة إيدين الهون
وظلم معاويه والمأمون
ومن زحمة طابور العيش