المتاجرة باستخدام الدايفرجنس

[نور المصرى]

أستاذ سامر

مجهود عظيم
منتظرين باقى الفلاتر

[سمير صيام]

استاذ سمير من دون غلبة عندي شوية استفسارات عن مشؤر volumeMA لو سمحت تتفضل تجاوبني على شوية أسئلة بالشارت ، آه يا بو قلب كبير .
وعندي سؤال آخر الا‘مدة الحمراء والخضراء هل ممكن تعطينا توجه لحالة الشمعة الحالية من بيع أو شراء ؟
شكراً لك تاني وتالت ورابع وخامس .

والله ياعم عبد الرؤوف انا خبرتى فى الفوليوم تقريبا كده قد خبرتك
عموما
الاعدة الحمراء تشير حجم البيع
والاعمدة الخضراء تشير الى حجم الشراء
طبعا لو الفوليوم عالى هيوضح طبعا ازدياد البيع وكذلك بالنسبة للشراء

[عبد الرؤوف]

متشكر يا استااذ ، وربنا يعلمنا أكتر وأكتر بس مش من خسايرنا .

[samtaq3]

و في اسلوب مشتق من الفلتر ده هو في حالة اني رسمت ترند بين اتنين فراكتلز 4 ساعات يعني ترند بقمتين بس و لاقيت انه علي الساعة قمتين بس برده ممكن ادخل علي شارت الساعة و لكن بشرط ان خط الwma هو اللي يكسر الترند مش الشمعة يعني الwma5 يغلق تحت الترند و ندخل برده من نقطة التقاطع و مثال علي ذلك الاسبوع اللي فات علي الeur chf مرفق الشارت و ازاي حصل كسر كاذب لكن علي مين؟؟؟؟؟؟
بصوا علي الترند علي الاربع ساعات بين قاعين فراكتلز لو اتبعنا طريقة موتيكي هاندخل بعد اغلاق شمعة الساعة8 يوم 4-1 من نقطة الكسر

لكن لو روحنا علي شارت الساعة هانلاقي كسر كاذب في الاول بعد كدة كسر حقيقي عرفناه عن طريق الwma5
لما الwma 5 اغلق تحت الترند الساعة 1 يوم 4-1 احنا ممكن ندخل في الحالة دي و نكون دخلنا بدري 7 ساعات و الدخول برده من نقطة الكسر او تقاطع الwma5 مع الترند

[samtaq3]

3- الفلتر التالت هو تقاطع wma5 مع ema30 و دة في حالة من الاتنين ان مفيش ترند واضح نقدر نرسمه و يكون يعتمد عليه او ان الترند بعيد جدا يعني علي مايوصل له يكون قطع مشوار جامد و بالتالي قوة الديفرجنس تقل
يعني انا لو لقيت ترند و كسره هايكون في الاول هاركز عليه لكن لو مش لاقي ترند علي الساعة او قمتين فراكتلز علي ال4 ساعات او الترند ده بعيد قوي ساعتها نبص علي التقاطع و الدخول هايكون بعد التاكد من التقاطع و نقطة الدخول هي ema 30 +-من 5 الي 10 نقط لو الموضوع بعيد اما لو قريب ندخل من الخط نفسه تقريبا زي صفقة الeur usd بتاعة انهاردة اللي وصلت ل +37 نقطة و ارتدت لكنها مازالت محققة +25 نقطة حتي وقت الكتابة
لكن انا هادي مثال من الاسبوع اللي فات علي فكرة انا شفت عدد كبير من الصفقات في الباك تست نجحت بنفس الطريقة لكن مفيش وقت اني امسك كل صفقة و ابعت شارت متهيألي صعب

لكن فيه مثل صفقة كانت علي الaud jpy كان عليه ديفرجنس علي الاربع ساعات و معندوش اي مقاومة لانه اول مرة يوصل للسعر دة لكن لو دخلنا علي التقاطعات هانشوف الاحترام كله
الشارت الاول في ديفرجنس علي ال4 ساعات
التاني في التقاطع علي شارت الساعة و شوف ازاي راح يختبر خط الema30 بعد التقاطع و سافر بعيييييييييييييد
الاسبوع اللي فات مليان بالصفقات اللي بالفلتر ده

نلتقي بعد الفاصل مع الفلتر الرابع

[سمير صيام]

حاج سمير مساء الفل عليك
ما شاء الله عليك و على فريقك المميز
هل الدايفرجنس هذا على المجنون صحيح و هل نقطة الدخول من 231.70 / 80 سليم ؟؟
ارجو التصحيح و الافادة .....
تحياتى للجميع

ايه ده عمو بيجو هنا
منورنا ياغالى

بالنسبة للرسم فالدايفرجنس صحيح وانا شايف انه افضل نقطة دخول 233

لاختبار الترند المكسور على الاربع ساعات وفى نفس الوقت هناك دايفرجنس ايجدابى بيؤيد الشراء فلذلك الدخول بيع لابد من نقطة قوية

[samtaq3]

4- الفلتر الرابع هو استخدام الشموع اليابانية القوية في الانعكاس مع الديفرجنس و يمكن ده مش بيحصل كتير لكن ليه لا مانستخدموش انا اؤيد الشموع بتاعة ال4 ساعات لانها بتدي اشارات اقوي لكن الساعة ممكن تدي شموع حلوة لكنها بتكون اخطاءها كتيرة لكن انا بفضل شموع ال4 ساعات و مش كل شموع اليوم خاصة بالنسبة لنشاط العملة يعني سهل اوي الاقي دوجي في شمعة الساعة 20 او 0 او 4 و تكون زي قلتها لان السوق كدة كدة نايم
لكن لو لفيت شمعة انعكاس في عز السوق الساعة 8 او 12 او 16 متهيألي ده بيوضح ان في صراع قوي بين الباعة و المشتريين و طبعا لازم في الفلتر ده نكون مختارين نقط قوية و نشوف لو شمعة الانعكاس حصلت عند واحدة منهم ندخل منها
مثال علي ذلك الgbp usd انا خد بالي منها بعد مانزل
عندنا نقطة مقاومة قوية عند 435 و شمعة انعكاس اتكونت في شمعة الساعة 8 يعني في عز السوق يبقي نتكل علي الله و ندخل بدري بدري

[سمير صيام]

كلام جميل يا دكتورنا

موضوع ترند الساعة متفقين عليه وان شايف انه ممتاز

موضوع كسر قمتين او قاعين على طريقة ميكونى او ديمارك كويسة جدا وممكن ايضا نستخدمها على الساعة
بس نقطة توضيحية للاخوة اصلهم ممن يدوروا الفلكترز وينسوا اى حاجة تانية
الفراكتلز هو مؤشر بيوضح القمم والقيعان على الشارت ومواصفة القمة تكون قبلها وبعدها شمعتين اقل منها وكذلك القاع يكون قبله وبعده شمعتين اعلى منه
لكن عند توصيل الخط بين القمة لابد ان تكون القمة التالية اعلى منه القمة الاخيرة على الشارت
وكذلك الرسم يكون بين اخر قاع والقاع الاقل منه

موضوع التقاطعات 5-30 نجربها ونحكم عليها كويس

موضوع الاخ نور اللى شايفه فى الرسم مؤشر LSMA وحاطط الموجو

انا حاليا من وجهة نظرى بنحاول نبعد المؤشرات عموما وبالتالى كسر الترند هو الاقوى بالنسبة لى حتى الان وطبعا جارى تجربة التفاطعات


لكن فى نقطة مهمة تغافلنا عنها وهى مهمة ان محمود كان اوقات بيحط الفرص ويختار نقطة ابعد زيادة للامان وده سبب انه فى صفقات لم تتفعل وفوتت علينا فرص
الذى عايز اقوله انه لو توفر نقطة قوية للمقاومة او الدعم ندخل منها عادى وطبعا الحكم على النقطة قوية انه يتوفر فيها حاجتين من ثلاثة (ترند + دعم ومقاومة + فايبوناتشى)

يبقى رايى الحالى
1. العمل على الطريقة السابقة كماهى بشرط تكون مستوى قوى
2. فى حالة اختلاف على نقطة الدخول او عدم توفر نقطة قوية نتنظر افضل كسر ترند على الساعة او الاربع ساعات مع جارى التجربة لترند ميكوتى الساعة والاربع ساعات

تحت الاختبار
1. تقاطعات الموفنج 5- 30 كنقط للدخول
2. الدخول على تقاطع الماكد على الساعة فى اتجاه الدخول بتاعنا

وامرك بينكم شورى نشوف الاراء

[samtaq3]

كدة انا خلصت الفلاتر و في رايي الخطوات اللي ممكن نتبعها عشان ندخل صفقة ناجحة كالتالي
1-البحث عن ديفرجنس علي ال4 ساعات
2- البحث عن نقاط مقاومة او دعم قوية و ننتظر تكون شمعة انعكاس عندها في الحالة دى بندخل علي طول
3-رسم ترند موتيكي علي الاربع ساعات و ترند علي الساعة و يفضل ان الاتنين يكونوا شبه بعض و دة بيقوي الترند اكتر و ننتظر طرق الكسر المذكورة في الفلترين 1 و 2
4-نبص علي التقاطع و و نشوف لو حصل الاول ندخل معاه بشرط ان الترند بعيد او مش نافع يترسم
5-قبل ماندخل لازم نكون شايفين ان الطريق مفتوح لتحقيق الهدف يعني مادخلش شورت بعد كسر ترند و عندي دعم بعد 20 نقطة و انا هدفي 40
6- دي طريقة لملاحقة الربح انا بقترحها و دي جابت امبارح +227نقطة علي الgbp jpy
الطريقة ببساطة هي اغلاق نص العقود ب30-50 نقطة حسب العملة و تحريك الستوب لنقطة الدخول
ثم الانتقال لشارت النص ساعة و تحريك الستوب مع نقط الباربوليك سار باعداد 0.01 و 0.1
و الهدف يكون نقطة قوية علي الديلي او نغلق لو ظهر ديفرجنس عكسي

ده خلاصة اللي انا بجربه اليومين دول سواء باك تست او فرص حية و النتايج اليومين اللي فاتوا ممتازة و يارب تفضل كدة

عاوز اسمع رايكم كلكم و خاصة استاذنا سمير و انا مستعد لاي تعديل لو اتفقنا عليه

[سمير صيام]

الشموع مهمة جدا جدا
وانا قلتها فى الاول من ضمن الفلاتر اللى ندرسها وقلتلك عليها لما كنت فى الصيدلية

لكن ؟؟؟
لو احنا اخترنا نقط قوية لن نحتاج للشموع ونقطة تانية كتير يحصل ارتداد من المقاومة او الدعم ولا تكون شمعة انعكاسية
لو قلنا على الساعة مش دقيقة والاربع ساعات ادق لكن مقدار نقط شمعة الاربع ساعات هيكون قد ايه 30-50 نقطة حسب الحركة ويمكن اكثر وبالتالى طارت الطيور بارزاقها

موضوع الشموع محتاج تركيز شوية وان كان مؤيده طبعا وبالذات لو تصادف اغلق شمعة الاربع ساعات مع دخولنا يبقى وقتها هتكون اقوى لكن لن تحصل كتير بالتالى لو اعتمدنا على شمعة الساعة فهى تعطى اشارات كاذبة كتير لكن مع وجود دايفرجنس وارتداد من مقاومة او دعم فاعتقد ده يقويها جدا حتى لما تكون على الساعة

[سمير صيام]

انا رايى كده نشوف راي الناس وبعدها نقول اللى وصلنا اليه

[hadi75m]

كلام جميل يا دكتورنا

موضوع ترند الساعة متفقين عليه وان شايف انه ممتاز

موضوع كسر قمتين او قاعين على طريقة ميكونى او ديمارك كويسة جدا وممكن ايضا نستخدمها على الساعة
بس نقطة توضيحية للاخوة اصلهم ممن يدوروا الفلكترز وينسوا اى حاجة تانية
الفراكتلز هو مؤشر بيوضح القمم والقيعان على الشارت ومواصفة القمة تكون قبلها وبعدها شمعتين اقل منها وكذلك القاع يكون قبله وبعده شمعتين اعلى منه
لكن عند توصيل الخط بين القمة لابد ان تكون القمة التالية اعلى منه القمة الاخيرة على الشارت
وكذلك الرسم يكون بين اخر قاع والقاع الاقل منه

موضوع التقاطعات 5-30 نجربها ونحكم عليها كويس

موضوع الاخ نور اللى شايفه فى الرسم مؤشر LSMA وحاطط الموجو

انا حاليا من وجهة نظرى بنحاول نبعد المؤشرات عموما وبالتالى كسر الترند هو الاقوى بالنسبة لى حتى الان وطبعا جارى تجربة التفاطعات

لكن فى نقطة مهمة تغافلنا عنها وهى مهمة ان محمود كان اوقات بيحط الفرص ويختار نقطة ابعد زيادة للامان وده سبب انه فى صفقات لم تتفعل وفوتت علينا فرص

دى صحيحه 100% واليوم اقرب مثل كنت متأكد من ان نقطه الدخول فى الباوند ين عند 23170 وكنت فعلا فى نيتى اكتبها على هذا الرقم وعملت الشارتات وكل شئ ولكن لانه مجنون راجعت الشارتات تانى ولقيت انه ممكن يعدى 232 ولكن كنت على يقين بنسبه 70% انه لن يصل الى النقطه التى ذكرتها وكنت ناوى ادخل فعلا على 23170 وعلى الحقيقى ولكن خفت من المجنون
ونقطه اخرى اكون متحفظ الى حدا ما فى نقطه الدخول مع ازواج بعينها وهى الباوند - ين والباوند -فرنك هما اكثر الازواج تحفظا عندى نظرا لحركتهما اليوميه التى تتراوح بين 150 نقطه الى 250 نقطه
ونقطه اهم انه كان عنده مقاومه بين 23155 الى 23175 وارتد منها اكثر من 200 نقطه سابقا .
وبعد وضع الفرصه وتعليق الحاج سمير عليها وبعد ساعه ونصف اكتشفت اننى فى الاول كنت اعنى 23170 ولكن وضعت 23270 وهى بالطبع لم ولن تحدث اليوم وربما غدا
ونقطه قلتها من قبل عند وضع الفرصه لابد وان نأحذ فى اعتبارنا الحركه اليوميه للعمله
مش عارف ليه مش مقتنعين بهذه النقطه
والنقطه الاهم هناك البعض يدخل على الحقيقى ولهذا اتحفظ

الذى عايز اقوله انه لو توفر نقطة قوية للمقاومة او الدعم ندخل منها عادى وطبعا الحكم على النقطة قوية انه يتوفر فيها حاجتين من ثلاثة (ترند + دعم ومقاومة + فايبوناتشى)

يبقى رايى الحالى
1. العمل على الطريقة السابقة كماهى بشرط تكون مستوى قوى
2. فى حالة اختلاف على نقطة الدخول او عدم توفر نقطة قوية نتنظر افضل كسر ترند على الساعة او الاربع ساعات مع جارى التجربة لترند ميكوتى الساعة والاربع ساعات

تحت الاختبار
1. تقاطعات الموفنج 5- 30 كنقط للدخول
2. الدخول على تقاطع الماكد على الساعة فى اتجاه الدخول بتاعنا

وامرك بينكم شورى نشوف الاراء

انا شايف للان انه افضل شئ هو الترند
ولعلمك يا حاج التجارب اللى عملتها اليوم على .................. (بعد شهر ساعلنها)كانت ممتازه

[samtaq3]

كلام جميل يا دكتورنا

موضوع ترند الساعة متفقين عليه وان شايف انه ممتاز

تمام

موضوع كسر قمتين او قاعين على طريقة ميكونى او ديمارك كويسة جدا وممكن ايضا نستخدمها على الساعة

انا عملت باك تست لمتيكي علي الساعة مع الديفرجنس لقيت في اشارات غلط كتير عشان كدة انا مش مفضلها

بس نقطة توضيحية للاخوة اصلهم ممن يدوروا الفلكترز وينسوا اى حاجة تانية
الفراكتلز هو مؤشر بيوضح القمم والقيعان على الشارت ومواصفة القمة تكون قبلها وبعدها شمعتين اقل منها وكذلك القاع يكون قبله وبعده شمعتين اعلى منه
لكن عند توصيل الخط بين القمة لابد ان تكون القمة التالية اعلى منه القمة الاخيرة على الشارت
وكذلك الرسم يكون بين اخر قاع والقاع الاقل منه

موضوع التقاطعات 5-30 نجربها ونحكم عليها كويس

تمام و التجربة خير دليل


موضوع الاخ نور اللى شايفه فى الرسم مؤشر LSMA وحاطط الموجو

انا حاليا من وجهة نظرى بنحاول نبعد المؤشرات عموما وبالتالى كسر الترند هو الاقوى بالنسبة لى حتى الان وطبعا جارى تجربة التفاطعات

ماتنساش اني بقترح ان التقاطعات تكون في حالة عدم وجود ترند واضح او قريب

لكن فى نقطة مهمة تغافلنا عنها وهى مهمة ان محمود كان اوقات بيحط الفرص ويختار نقطة ابعد زيادة للامان وده سبب انه فى صفقات لم تتفعل وفوتت علينا فرص
الذى عايز اقوله انه لو توفر نقطة قوية للمقاومة او الدعم ندخل منها عادى وطبعا الحكم على النقطة قوية انه يتوفر فيها حاجتين من ثلاثة (ترند + دعم ومقاومة + فايبوناتشى)

مهم النقط يكون مفيش عليها اي خلاف و ممكن نستعين بالشموع اللي هو الفلتر الرابع


يبقى رايى الحالى
1. العمل على الطريقة السابقة كماهى بشرط تكون مستوى قوى
2. فى حالة اختلاف على نقطة الدخول او عدم توفر نقطة قوية نتنظر افضل كسر ترند على الساعة او الاربع ساعات مع جارى التجربة لترند ميكوتى الساعة والاربع ساعات

تحت الاختبار
1. تقاطعات الموفنج 5- 30 كنقط للدخول
2. الدخول على تقاطع الماكد على الساعة فى اتجاه الدخول بتاعنا

وامرك بينكم شورى نشوف الاراء

الرد داخل المشاركة
و انا هاجرب الفلاتر اللي ذكرتها علي قد ماقدر للوصول لاحسن نتيجة

[ilmattoi]

مجهود جميل دكتور سامر تشكر علية
وانا من المؤيدين لفكرة كسر الترند ع الساعة

[ilmattoi]

لى ملاحظة على موضوع ربط الموجو بالدايفرجن وهو انا الموجو جميل جدا و هو بيعتمد لى البيفوت زون ولكن يحدث ان يكون هناك دايفرجن متكون على احد الفريمات و تكون منطقة البيفوت زون و الترند المتكون بعيد عن نقطة الدخول
و لذلك اقترح امكانية ملاحقة الهدف على الموجو و خاصة انة يستخدم على فريم النصف ساعة