الخروج الآمن و الدخول الآمن للدكتور نصار

[dr.nassar86]

كلنا بنعرف نخش صح بس مش كلنا بنخرج صح و الموضوع ده أنا عامله علشان كدى .

أولاً الدخول الآمن : الدخول يكون عند تقاطع خطين moving average ema5/ema13 ويكون ذلك على شارت الساعه و يكون الدخول بعد شمعه التقاطع .

ثانياً الخروج الآمن : طبعاً وبلا أي كلام سيكون على خطوط الدعم و المقاومه . ( طب إيه الجديد ) . أنا هقولك . الجديد إنك مثلاً إداك إشاره دخول على شارت الساعه هتشوف قدامك كام خط دعم أو مقاومه في إتجاه moving average و تعمل على كل خط عمليه . مش فاهم . طيب . يعني أفرض إن إداك إشاره صعود للعمله و كان قدامه 3 خطوط مقاومه هنعمل 3 عمليات منفصله وكل عمليه هيكون الهدف بتاع كل عمليه معمول على خط من الخطوط و بكدى تقدر تخرج بأكبر مكسب في اليوم . طيب سؤال . إفرض إن حصل إرتداد من عند أي خط و بدأت العمله تنزل هعمل إيه ؟ . أول مالهدف الأول بتاعك يحصل تقوم بتقريب الخساره بتاعتك عند الصفر علشان لو حصل إرتداد من عند أول خط هيكون كأنك عملت عمليه واحد بس و كسبتها و معملتش أي عمليات تانيه . طيب إفرض إنه حقق الهدف التاني هعمل إيه ؟. هتقرب الستوب بتاع العمليه الآخيره عن الهدف بتاع العمليه الأولى علشان لو حصل إرتداد من عند الخط التاني هيكون كأنك عملت 3 عمليات كلهم كسبانين من غير خساره .

[ابن مصر]

اوكى مفيش مشكلة طيب بعد لما فتحت الثلاث عمليات وقبل الهدف الاول ارتد السعر هيكون ايه التصرف؟؟؟؟

[dr.nassar86]

طبعاً لازم تحط وقف خساره للعمليات بتاعتك على حسب العمله

[dr.nassar86]

ودي صوره لليورو دولار دولوقي باين عليها خطوط الدعم والمقاومه و تقاطع moving average

[ابن مصر]

اخى العزيز اسمع لى بسؤال صغير كيف لى احدد نقط الدعم والمقاومة كما حددتها بالشارت المرفق.

[dr.nassar86]

في إنديكيتور بيحسب خطوط الدعم والمقاومه لليوم كله و في جروب بيبعتلي الأخبار و خطوط الدعم و المقاومه لكل فتره من الفترات الثلاثه والي عايز يشترك معاهم يشترك و أنا بنصحكم بكدى
http://finance.groups.yahoo.com/group/akforex/

[ahmed hanafy]

اخى العزيز / د . نصار
جهد مشكور و راااااااااااائع
و يسعدنى ان تطلع على استراتيجية القاهرة
ففيها الدخول آمن و الخروج ايضا
https://forum.arabictrader.com/t14524.html

منتظر رأيك

[w7sh]

هل هذه استراتيجيه ام دعايه لموقع توصيات؟

[dr.nassar86]

هل تعتبر خطوط الدعم والمقاومه توصيات
وهذا الشارت تحديث لخطوط الدعم والمقاومه للفتره الأمريكيه

[dr.nassar86]

وده الإيميل الخاص بالفتره الأمريكيه ليوم 8/8

[dr.nassar86]

أنا لا أقوم بداعيه لأي موقع أو جروب توصيات و لكنه نتيجه تجربتي معهم فأنا مشترك معهم منذ 3 شهور و كل يوم أقرأ كل ما يرسلونه من إيميلات و الي مش عايز هو حر .

[ابن مصر]

المشكلة يا دكتور اللغة انا احب اللغة العربية واموت فيها وما اقدرش اتعدى عليها ابدا....

[dr.nassar86]

أنا عايز أرفع طريقه الدخول بس مش عارف الملف تقريباً 300k لو حد عارف إزاي ياريت يقول

[dr.nassar86]

لو إنت بتكلم عن اللغه إيه الي دخلك الفوركس أساساً وهو كل حاجه فيه بالإنجليزي مكنت تخش البورصه المصريه

[ابن مصر]

يعنى نصيحة اخوية ادخل عند الحرامية احسن من الفوركس انا لسه هبدأ المشوار.