منطقية الفوركس

[sami.forex]

السلام عليكم أخوتي الأفاضل
موضوعي بصلب الفوركس وهو منطق الفوركس
سؤال استراتيجيتك شو المنطق فيها ؟؟؟
شو اساسها ؟ شو اسباب تحقق اهدافها ؟
لنفرض فرض ان السعر اذا وصل للموفيج 200 لمسه و اغلق فوقه دون ان بستطيع كسره رح ندخل شراء مثلا و السبب انو السعر اغلق اعلى الموفينج طيب ليش رح ندخل شراء ؟؟؟؟
شو بيعني اغلاق السعر فوق موفينج 200 ( الموفينج هو عبارة عن خط بياني رسم بطريقة الحساب الرياضي طيب شو سبب احترام السعر الو مثلا ؟؟ ( اذا كان بيحترمه ) السبب ان اغلب المضاربين يتعبرون هاذا الخط كمقاومة و دعم - منطق - وبالتالي منطقيا رح يشتروا اذا اغلق اعلى الموفينج ) طيب سؤال شو الشي الي بيأكد انو المضاربين بيعتمدوا على الموفينج و السؤال الاهم انو مثلا البنك المركزي السويسري رح يطلع بالموفينج او رح ياخد قرار بسبب موفينج بسبب متوسط حسابي ؟؟؟؟؟

منفكر بالدعوم و المقاومات :
اذا ارتد السعر من منطقة ارتداد جيد تعتبر هذه المنطقة مقاومة ( طيب ليش صار اسمها مقاومة وليش بتقاوم السعر شو المنطق ؟ )
المنطق هون بيقول انو هل مستوى السعري بيمثل منطقة جيدة للبيع وهو منطقة مناسبة للبنوك المركزية وهو منطقة ممكن تكون مو من مصلحة البنوك يرتفع السعر اكثر منها لهيك تعتبر مقاومة و هون في منطق

حالة تانية ليش نحنا ننتظر تقاطع الاستوستك ؟؟؟؟ شو المعنى من تقاطع هل خطين ؟ ليش لازم السعر يحترم هل تقاطع و بالاساس شو دخل الاستوستك بحركة السعر ؟؟؟؟؟؟؟؟؟

السعر أذا كان عند منطقة مقاومة وكان الاستوستك في منطقة عالية اي انه متشبع شراء هي اشارة للبيع شو سبب انتظار التقاطع شو رح يعني التقاطع ؟؟؟؟

today's close - lowest low in %K periods /(highest high in %K periods - lowest low in %K periods) * 100

من معادلة الاستوستك منشوف انو الاستوتسك عبارة عن مؤشر يقيس وضع اغلاق اليوم بالنسبة للفترة k
و الخط الثاني المعبر عنه بالقيمة D هو عبارة عن متوسط حسابي للخط الاول المرسوم وفقا للمعادلة

طيب ليش التقاطع مهم ؟ ليش لازم انتظر تقاطع خط المعادلة مع المتوسط الخاص فيه ؟
الاستوستك مؤشر ممتاز ولكن استعمالنا له يحتاج لمنطقية قبل القرار
فهو كمؤشر منطقي لأنه يقارن الاغلاق بأعلى و اخفض منطقة خلال فترة معينة و هاد الشي بيعطينا فكرة عن السعر

مثال عن امور أخرى

مثلا اذا تقاطع الخط الفلاني مع الخط الفلاني للاسفل مندخل بيع ( في كتير استرايجيات هيك )
اي ليش بدنا نفوت بيع ؟؟؟؟ انو السعر رح يشوف التقاطع و ينزل بعد ما يشوفو او يخاف منو ؟؟

طبعا مافي سبب و مباشرة الحكم على هيك استراتيجيات بالفشل و المنتدى امام الجميع ليثبت نجاح هيك استراتيجيات

مثال اخر عن استراتيجات بريك اوت
انا واحد من المضاربين اشتغلت كتير بهاد النوع من الاستراتيجيات و درستها كتير و عملت كتير بالك تيست يدوي و طلبت اكسبيرت بناءا على نتائج الباك تيست بس لنعمل نظرة معمقة بهي الاستراتيجيات

لنفرض انو طبقنا الاستراتيجية على مدى خمس شهور و كانت نتيجتها جيدة و تجيب 200 او 400 نقطة بالشره على زوح عملات طيب بس ليش بدها بالشهر السادس تجيب نفس النتيجة شو السبب ؟؟؟
طبعا مافي سبب غير انو بالشهور السابقة كانت نتيجتها جيدة بس مافي شي بيضمن هاد الشهر مافي منطق للربح منها

الفكرة بهاد السوق هو انو تعرف الكبار شو هدفهم و إلى اين واصلين بسعر ؟
الكبار هنن البنوك المركزية الي بتحدد اسعار العملات بين بعضها

وقت تشوف عملة انخفضت مقابل الدولار 5 بالمية هاد الشي هو انخفاض لقيمة العملة 5 بالمية و بالتالي عملة هي الدولة انخفضت وهون السؤال انو البنتك المركزي الخاص بهي الدولة رح يطلع الموفينج شو بيقول او رح يدخل و يصححح وضع عملة دولته ويرفع السعر ؟

الموضوع مطروح للمشاركة ومشان كل حدا يعطينا منطق بالاستراتيجيات

[sami.forex]

الموضوع للنقاش هاد صلب استراتيجياتنا

[ahmedphen0m]

منطقي: اذا تذبذب فالسعر سواء طال هذا التذبذب او قصر فبعد فترة سينتهي التذبذب و يبدا اتجاه جديد
انا انتظر السعر خارج حدود منطقة التذبذب حتي ينتهي من تذبذبه ان شاء الله حتي ياخد سنتين تذبذب و بمرجد ان يخرج منها اقتنصه و اركب الاتجاه من اوله
و هذه ببساطة هي الشهباء المطورة

شكرا لك

[forex king]

بصفة عامة عليك ان تعرف ان اى حركة عشوائية اذا تم تمثيلها بشكل خطى سينتج عنها نفس النمط الذى نراه على الشارت من نماذج وقمم وقيعان ...الخ وهذا يعنى ان اصل حركة الاسعار( برغم من انها تعتمد حقيقة على العرض والطلب ولا يستطيع احد ان ينكر ذلك ) الا انها عشوائية او بمعنى اخر ما نراه على الشارت هو نمط عشوائى

والشارت بهذا الشكل العشوائى هو عبارة عن خارطة خالية من المعالم لو انى ضعت فى غابة شاسعة فان اول شيئ سيخطر ببالى هو وضع علامات على الاماكن التى مررت بها حتى اتعرف عليها اذا عدت اليها مرة اخرى
وهذا ما نفعله بالخطوط والمؤشرات التى نضعها على الشارت انها بمثابة علامات تخبرني ان السعر قد مر بتلك المنطقة من قبل ليس اكثر او اقل
ومن يظن بان السعر يرى تلك الخطوط ويرتد منها لانه يراها فهو ليس على صواب انها صدفة وجرب بان تضع خط عشوائي على الشارت وانظر كيف سيتعامل معه السعر وستجد ان طريقة تعامل السعر معه لن تختلف عن الخطوط الموضوعة على القمم والقيعان لهذا صدق من قال انى لا احتاج اكثر من خط افقى حتى اتاجر
وسبب الصدفة انك لو جمعت خطوط الدعم والمقاومة للققم والقيعان وايضا الفيبوناتش وايضا البافيوت والمتوسطات ...الخ فستجد ان لديك خط دعم او مقاومة كل عشر نقاط تقريبا