سلسلة استراتيجيات سهلة

**samsam22** · 21-01-2013, 06:57 PM

تابع - الاستراتيجية الخامسة

تابع- الدايفيرجنس

طييب ايه العلاقة بين القطار و القضيبين و الفوركس؟

تعالي نتخيل ان

قضيب القطار العلوي هو السعر
و قضيب القطار السفلي هو المؤشر
و ان القطار هو حركة السعر او الترند الحالي

يبقي طالما القضيبين العلوي و السفلي
اللي هما هنا السعر و المؤشر
ماشيين متوازيين مع بعض
( زي ما دايما نسمع جملة المؤشر يتبع السعر )

حتلاقي القطار اللي هو حركة السعر او الترند
ماشي بسلاسة في اتجاهه(الترند الحالي)
من غير مشاكل

طيب لو عند نقطة معينة زي ما شرحنا في مثال القطار
لو انحرف احد القضيبين عن الاخر
مثلا القضيب العلوي اتتجه لاعلي و القضيب السفلي اتجه لاسفل

يعني هنا السعر انحرف في مساره عن المؤشر
مثلا تحرك السعر لاعلي و في نفس الوقت تحرك المؤشر لاسفل

و زي ما قمنا بتسمية هذا التباعد او الاختلاف في مسار القضيبين دايفيرجينس
بالمثل
حنسمي اختلاف حركة السعر عن المؤشر
دايقيرجينس

و بالمثل زي ما قلنا في مثال القطار
ان لو حصل تباعد بين القضيبين حيحصل انحراف لمسار القطار
اللي هو هنا حركة السعر او الترند و ممكن ينقلب القطار

بالمثل هنا لو حصل الانحراف و الاختلاف ( دايفرجينس )بين مسار المؤشر و السعر
حتلاقي تغير او انقلاب في حركة السعر او االترند الحالي

و بالمثل
لو انت شايف الانحراف او الاختلاف في المسار بين السعر و المؤشر
اللي هو الدايفيرجينس

يبقي ممكن تتنبأ او تتوقع
حدوث تغير في مسار حركة السعر او الترند الحالي قبل حدوثه

يتبع

**samsam22** · 21-01-2013, 07:23 PM

تابع - الاستراتيجية الخامسة

تابع-الدايفيرجينس

طب نشوف اللكلام ده علي الشارت

لو انت دلوقتي قاعد في مدرجات الدرجة الاولي

و شاشة الكمبيوتر امامك

حتلاقي السعر في النصف الاعلي من الشاشة ... و المؤشر في النصف الاسفل

و حتشوف ان كل ما السعر يصعد لاعلي ... المؤشر يصعد معاه لاعلي

و كل السعر لما يهبط ....ينزل معاه المؤشر لاسفل

و هو ده الطبيعي ( زي ما بنسمع دائما .. ان المؤشر يتبع السعر )

يتبع

**samsam22** · 21-01-2013, 07:37 PM

تابع - الاستراتيجية الخامسة

تابع-الدايفيرجينس

تعالي نغير الشارت من شموع يابانية الي Line chart

حتلاقي تقريبا ان شكل السعر هو شكل المؤشر

و انهم بيتحركوا مع بعض ( في معظم الوقت ) في نفس الاتجاه

يتبع

===================

ملحوظة

الشارت المرفقة ليست دقيقة جدا و لكنها فقط للتوضيح

**samsam22** · 22-01-2013, 07:50 PM

تابع - الاستراتيجية الخامسة

تابع-الدايفيرجينس

يبقي اول نقطة واضحة لنا هنا انه المؤشر و السعر بيمشوا مع بعض ( ده المفروض )

1- بحيث اان السعر لما يعمل هاي ...يقوم المؤشر يعمل هاي مثله

2- و لما السعر يعمل لو..يقوم المؤشر يعمل لو مثله

3- وبعدين لما السعر يعمل هاي اعلي من الهاي الاولي للسعر( هاير هاي)... ييقوم المؤشر عامل هاي اعلي من الهاي الاولي للمؤشر( هاير هاي)

4- و بعدين للما السعر يعمل لو اعلي من اللوو الاولي للسعر ( هاير لو).. يقوم االمؤشر عامل لو اعلي من اللو الاولي للمؤشر(هاير لو)

و ده في حالة الترند الصاعد

و هكذا

يتبع

**samsam22** · 22-01-2013, 08:05 PM

تابع - الاستراتيجية الخامسة

تابع-الدايفيرجينس

العكس في حالة الترند الهابط

1- لما السعر يعمل لو ( قاع ) ... يقوم المؤشر يعمل لو ( قاع )

2- و بعدين يرجع السعر يعمل هاي ... يقوم المؤشر عامل هاي

3- و لما يعود السعر يعمل لوور لو ( قاع اقل من القاع الاول ) عن اللو الاولي للسعر ... يقوم المؤشر عامل لوور لو عن اللو الاولي للمؤشر

4- و بعدين لما السعر يعمل لوور هايي ( هاي اقل من الهاي الاولي ) عن الهاي الاولي للسعر ... يقوم المؤشر عامل لوور هاي عن الهاي الاولي للمؤشر و هكذا

و ده في حالة الترند الهابط

**samsam22** · 22-01-2013, 08:26 PM

تابع - الاستراتيجية الخامسة

تابع-الدايفيرجينس

طالما هذا التوافق بين الهاي و اللو للسعر و المؤشر موجود

يببقي كل شئ سليم و الترند متوازن و مفروض يكمل السعر في الاتجاه اللي ماشي فيه

لكن لو حصل اختلاف في حركة المؤشر و السعر يبقي هنا عندنا حالة الدايفيرجييننس

تعالوا نشوف مع بعض كيف نرسم الدايفيرجينس ...و كيف نستفيد منه

===========================================
ملحوظة

اعتذر للاعضاء علي هذا الشرح المبسط جدا
و هو موجه للمبتدئين ..او اللي اول مرة يتعلموا الدايفيرجينس

و لاعتقادي ان الدايفيرجينس واحد من اهم الادوات االتي يجب ان يعرفها كل متداول
بأشرحه بهذا الاسلوب
لاني اتمني ان كل عضو مبتدئ او مش عارف الدايفيرجينس هنا ... انه يفهمه و يستخدمه ان شاء الله
لانه ان اجاد استخدامه و فهمه..ان شاء الله حيحسن بدرجة كبيرة جدا من نتائج متاجرته

يتبع

**مرعي آل عباس** · 23-01-2013, 06:32 AM

مجهود تشكر عليه واصل فنحن معك بإذن الله

**samsam22** · 23-01-2013, 07:19 PM

تابع - الاستراتيجية الخامسة

تابع-الدايفيرجينس

يبقي الدايفيرجيينس

هو اختلاف في الحركة ( الاتجاه ) بين السعر و المؤشر

يبقي السعر بيعمل هاير هاي و طالع فوق (ترند صاعد)

و المؤشر بيعمل لوور هاي و نازل عكس حركة السعر

او

السعر بيعمل لوور لو و نازل لتحت ( ترند هابط)

و المؤشر بيعمل هاير لوو و طالع لفوق

---------------------------------------------------------------

او العكس بالنسبة للسعر و للمؤشر

يعني لو عكسنا اللي فوق ووضعنا المؤشر الاول و وضعنا اللسعر الثاني ..

برضه حتبقي حالة دايفيرجينس كالاتي

يبقي المؤشر بيعمل هاير هاي و طالع فوق

و السعر بيعمل لوور هاي و نازل عكس حركة المؤشر

او

المؤشر بيعمل لوور لو و نازل لتحت

و السعر بيعمل هاير لوو و طالع لفوق

------------------------------------------------------------------

و في الحالتين

(بالعامية تلاقيي المؤشر ماشي عكس السعر)

و لما يحدث هذه الحالة زي ما وصفناها بنسسميها دايفرجينس

----------------------------------

و مش لازم تحفظ الكلام ده

باختصار شديد لما ترسم خطين كما سيتم شرحه و لقيتهم عكس بعض يبقي ده دايفيرجينس

================================

طريقة رسم خطوط الدايفيرجينس

1- نرسم خط من الهايات علي السعر

2- و نرسم خط اخر علي المؤشر

من الهايات المقابلة للهايات اللي رسمنا منها الخط علي السعر

او

1-او نرسم خط من اللوهات علي السعر-

2- ثم نرسم خط اخر علي المؤشر

من اللوهات المقابلة للوهات اللي رسمنا منها الخط علي السعر

-----------

ولو لقينا في اي حالة ان الخطين في اتجاه واحد يبقي ما فيش دايفيرجينس

لكن لو كان الخطين في اتجاهين مختلفين ( ماشيين عكس بعض)

يبقي هنا عندنا حالة دايفيرجينس

====================================

هام جدا

عند رسم الخطين لابد ان يكونا من الهايات المتقابلة ( هاي المؤشر مع الهاي المقابلة لها علي السعر ) ..

.. او اللوهات المتقابلة ( لو المؤشر مع اللو المقابلة لها علي السعر

=======================

مثال رقم 1

مرفق مثال لترند صاعد يوضح الدايفيرجينس وو رسمه

======================

مثال رقم 2

مرفق مثال لدايفيرجينس علي ترند هابط و طريقة رسمه

يتبع

**samsam22** · 23-01-2013, 07:45 PM

تابع - الاستراتيجية الخامسة

تابع-الدايفيرجينس

مثال لدايفيرجينس علي الشارت

مرفق مثالين احدههما لترند صاعد و الاخر لترند هابط

و بهما توضيح لكييفية رسم الدايفيرجينس علي الشارت

يتبع

**batool** · 24-01-2013, 12:28 AM

شكرا لك لقد استفدت كثيرا من موضوعاتك

**samsam22** · 25-01-2013, 07:01 AM

المشاركة الأصلية كتبت بواسطة batool

شكرا لك لقد استفدت كثيرا من موضوعاتك

شكرا علي مرورك اخي الكريم

و بالتوفيق ان شاء الله

**samsam22** · 25-01-2013, 07:45 PM

تابع - الاستراتيجية الخامسة

تابع- الدايفيرجينس

ملخص سريع

ان شاء الله المفروض بعد هذا الشرح البسيط اللي فات

اننا نكون قد عرفنا و فهمنا الاتي

1- ان الدايفيرجينس هي حالة بيمشي فيها السعر في اتجاه... و يمشي فيها المؤشر في اتجاه اخر

-----------

2- عندما نرسم خطوط الدايفيرجينس

بنبحث عن قمم ..او .... قيعان... علي السعر ..و نوصل بينها ( القمم مع القمم ... او قيعان مع القيعان )

ثم نبحث عن القمم المماثلةعلي المؤشر ... للقمم اللي رسمنا منها علي السعر .. (لو كنت رسمت من القمم علي السعر9 و نوصل بينها

او نشوف قيعان مماثلة علي المؤشر ... للقيعان اللي رسمنا منها علي السعر ( لو كنت رسمت من القيعان علي السعر ) و نوصل بينها

-------------

3- لو كان هناك اختلاف في اتجاه الخطين

( مثلا الخط علي السعر متجه لاعلي و الخط المماثل له علي المؤشر متجه لاسفل .. او العكس )

بنقول ان احنا عندنا حالة دايفيرجينس

( و طبعا احنا عرفنا معني كلمة دايفيرجينس بالانجليزي و معناه اختلاف)

================================================== ===============

طيب ..... قبل ما نتكلم عن انواع الدايفيرجينس ...و فائدته ..و كيف نستفيد منه

تعالوا نعرف الاول كيف يحدث الدايفيرجينس ( ليه بيحدث )؟

و لو عرفنا ليه بيحدث؟ .. يبقي ان شاء الله حانعرف ليه او ازاي حانستخدمه كأداة قوية ان شاء الله في الفوركس عامة

و في هذه الاستراتيجية خاصة

يتبع

**samsam22** · 29-01-2013, 08:16 PM

تابع - الاسترانيجية الخامسة

تابع - الدايفيرجينس

بعد ما عرفنا ان الدايفيرجينس هو حالة يحدث فيها اختلاف في اتجاه الحركة بين السعر و المؤشر

و قلنا كمثال انك تلاقي مثلا السعر يتحرك لفوق..... و تلاقي المؤشر يتحرك لتحت ( و العكس صحيح )

و بعدين عرفنا ازاي نرسم الدايفيرجينس علي الشارت

تعالوا نعرف ازاي او كيف يتكون الدايفيرجينس
===================

كيفية تكوين الدايفيرجينس

1- دايما حتلاقي اننا بنسستعمل مؤشرات المومينتم علشان نحاول نكتشف الداايفيرجينس

و المومينتم شرحناها من قبل كذا مرة ... و اخرها لما تكلمنا عن ال CCI

و قلنا انها بتقيس معدل التغير في السعر (بمعادلات رياضية مختلفة و طرق مختلفة لقياس معدل التغير)

و قلنا بالعامية نفكر فيها علي ان لو المومينتم قوية ( معدل التغير سريع ) ..يعني حركة السعر قوية
و لو قلنا ان المومينتم ضعيف ( معدل التغير بطئ ) ... يعني حركة السعر ضعيفة

====================

2- و زي ما شرحنا ايضا ان مؤشرات الموميينتم بتمشي مع السعر ( هذا هو المفروض )

السعر يطلع لفوق ..يطلع المؤشرمعاه لفوق ..
ينزل السعر لتحت .. ينزل مؤشر المومينتم معاه لتحت

====

فمؤشر المومينتم بيورينا الحالة الصحية للسعر..

طالما المؤشر ماشي مع السعر ( معدل التغير في السعر متوافق مع حركة السعر )....

تبقي الحالة الصحية للترند الحالي كويسة ... و الترند ماشي في اتجاهه

===========

3- طب لو معدل التغير في السعر لم يتناسب مع الحركة الحالية للسعر

يعني ايه الكلام ده

احيانا تلاقي مثلا السعر بيتحرك لاعلي بسرعة اكبر .. من معدل التغير فيي السعر

فتلاقي السعر بيتحرك لاعلي ...( لكن لان معدل التغير في السعر لا يتتماشي مع الحركة)

تلاقي المؤشر بيبطأ في حركته .. و يتاخر عن السعر

و كلما قل معدل التغير في السعر ... يتاخر االمؤشر اكثر في الحركة عن السعر .
. و قد يغير المؤشر اتجاهه ايضا

و ده الللي بييخلينا نري حالة الدايفيرجينس علي الشارت
-------------------------------------------------------------------------------------------------------------------
( فالمؤشرمبني علي معادلات رياضية و التي بها يحدد اتجاهه ..و كلما قل معدل التغير في السعر .. قلت القيمة النهائية للمؤشر.. و هي التي ترسم علي الشارت ... فتلاقي حركة المؤشر تتباطأ و يتاخر عن السعر كما في المثال اللذي ذكرناه )
================

المهم هنا

يبقي من كل الكلام اللي فات ده و اللي هو صعب حبتين

.. عايزين نكون فهمنا ان الدايفيرجينس لما بيحصل
بيفهمنا ان فيه حاجة خفية احنا مش شايفنها .. علي الشارت في حركة السعر بتحصل

و هي ان علي الرغم من حركة السعر في اتجاه معين .. الا ان هذه الحركة لا تتتناسب مع معدل التغير في السعر

----------------------

يعني انه بالعامية فيه ضعف داخلي في اتجاه الحركة الحالي (الحالة الصحية للحركة مريضة)

( اللي احنا شايفينه علي الشارت في شكل الدايفيرجينس )

و نتيجة الضعف الداخلي ده ... فية احتمال كبيير ان اتجاه الحركة يتغير عن الاتجاه الحالي
( خد بالك هو احتمال و لكنه كبير)

يعني لو كان السعر بيرتفع و حدث الدايفيرجينس .. يبقي فيه احتمال كبير ان السعر ينعكس و يهبط

==================

يبقي كده عرفنا

ان الدايفيرجيينس بييقولنا و ينببهنا

ان فيه احتمال لان الحركة الحالية تنتهي .... و ان السعر حيعكس اتجاه

و الجميل و المفيد هنا ... ان الدايفيرجينس .... بيتنبأ بالتغير في اتجاه الحركة قبل حدوثه

و ده بيعطينا الاسبقية و الافضلية عن الاخرين .. و يزيد من نسبة احتمال نجاح الصفقات

=====================
ملحوظة

لو الكلام عن سببب حدوث الدايفيرجينس مش مفهوم قوي .. ما فيش داعي للقلق

لانك ان شاء الله مش محتاجه علشان تستعمل الدايفرجينس

هو مشروح للي عايز يفهم سبب حدوث الدايفييرجينس

لكن لن يؤثر علي استخدامك و استفادتك ان شاء الله من الدايفيرجينس

يتبع

**eng_abdelkawy** · 30-01-2013, 11:29 PM

منتظرين التكمله ياباشا

**khald0e** · 01-02-2013, 05:04 PM

https://forum.arabictrader.com/t77617-8.html ممكن تلقي نظره على هذا الرابط

الموضوع: سلسلة استراتيجيات سهلة

أدوات الموضوع

رد:سلسلة استراتيجيات سهلة

رد:سلسلة استراتيجيات سهلة

رد:سلسلة استراتيجيات سهلة

رد:سلسلة استراتيجيات سهلة

رد:سلسلة استراتيجيات سهلة

رد:سلسلة استراتيجيات سهلة

رد:سلسلة استراتيجيات سهلة

رد:سلسلة استراتيجيات سهلة

رد:سلسلة استراتيجيات سهلة

رد:سلسلة استراتيجيات سهلة

رد:سلسلة استراتيجيات سهلة

الاوسمة لهذا الموضوع

عروض شركات الفوركس