المتيـم : ۩ ╰☆╮ مكتبتى الذهبية للكورسات و الكتب التعليمية ╰☆╮ ۩

[dr.ahmed.samir]

Meta Trader 4 User Guide





By MetaQuotes | 65 Pages | 3.5 MB


كتاب او دليل لاستخدام برنامج التداول الشهير ميتا تريدر 4 بداية من عملية التنصيب الى وضع الاوامر والتعامل مع الميتا اديتور وكذلك استعمال السكربتات الى غير ذلك من معلومات مفيده وضروريه للاستعمال الامثل للبرنامج ان شاء الله .


التحميل بالمرفقات ..
( برابط مباشر )

[ahmedphen0m]

شكرا جزيلا علي اكلتاب يا دوك
ابداعات لا تنقطع ما شاء الله

[waleedgadelmola]

بارك الله فيك يا دكتور أحمد على الكتب القيمة دي بس لي سؤال هو احنا هنقرأ الكتب دي امتى ولا نتاجر ولا نحلل ولا نعمل ايه يا ريت النصيحة من انسان مثلك خصوصا كوني مبتديء في سوق الفوركس وخبرتي لا تتعدى 4 شهور

[dr.ahmed.samir]

بارك الله فيك يا دكتور أحمد على الكتب القيمة دي بس لي سؤال هو احنا هنقرأ الكتب دي امتى ولا نتاجر ولا نحلل ولا نعمل ايه يا ريت النصيحة من انسان مثلك خصوصا كوني مبتديء في سوق الفوركس وخبرتي لا تتعدى 4 شهور

يا اهلا استاذ وليد اخبارك ايه ؟

بص يا غالى واعذرنى للاطالة فى المشاركة ..

دلوقت احنا من يوم لما بندخل مراحل تعليمية الى سن التخرج والدخول لسوق العمل بغض النظر عن المهنه بنكون قضينا ما لا يقل عن 15 سنه دراسة كاقل تقدير وبعدها بتدخل الى سوق العمل ويبقى اسمك يدوب مبتدئ فى مجالك سواء طب او هندسه او تجاره او غيره .. فما بالك بمجال انت اخترته كحاجه اضافيه املا فى انه يدر عليك عائد اضافى مربح .. اكيد محتاجين شوية وقت وخبره عشان تقدر تحقق اللى بتتمناه مع السوق ..

المتاجره من غير علم فى رايى عديمه القيمه لانها مبنيه على اللا اساس .. والخبره فى مجال زى الفوركس تراكميه بحته يعنى مش بقراءة كتاب او حضور كورس يبقى اتعلمت كل حاجه لكن لا خلاف انك محتاج اساس واساس قوى كمان تقدر تبنى عليه كل ما هو بعده ..كل اللى حضرتك محتاجه تنظيم للوقت لا اكثر ولا اقل .. ادينى من وقتك كل يوم 30 دقيقة فقط تستغلها فى قراءة مقال او عدد معين من صفحات كتاب او محاضرة من كورس ما وهتلاقى مع الوقت بدات تفهم بشكل اقوى واعمق وكلامى فى اى جانب من جوانب المتاجرة سواء النفسى او الادارة المالية او التحليل الفنى .. وده مقال اتكلمت فيه عن حاجه شبه اللى حضرتك بتسال عنها وباذن الله هيفيدك جدا ..


درس ( 13 ) .. " عَلِّمنى كيف اتعلَّم .. !! "


كلمة اخيره وتاكيدا على ما سبق .. احتراف المتاجرة عمليه خاضعه تماما للمعلومات التراكميه مع تطبيقها اذن اكيد هتاخد منك وقت بس صدقنى هو استثمار للوقت هيعود عليك بكل ما تتمناه فى المتاجره باذن الله .. وربنا يوفقك لكل ما تطمح اليه ..

[waleedgadelmola]

يا اهلا استاذ وليد اخبارك ايه ؟

بص يا غالى واعذرنى للاطالة فى المشاركة ..

دلوقت احنا من يوم لما بندخل مراحل تعليمية الى سن التخرج والدخول لسوق العمل بغض النظر عن المهنه بنكون قضينا ما لا يقل عن 15 سنه دراسة كاقل تقدير وبعدها بتدخل الى سوق العمل ويبقى اسمك يدوب مبتدئ فى مجالك سواء طب او هندسه او تجاره او غيره .. فما بالك بمجال انت اخترته كحاجه اضافيه املا فى انه يدر عليك عائد اضافى مربح .. اكيد محتاجين شوية وقت وخبره عشان تقدر تحقق اللى بتتمناه مع السوق ..

المتاجره من غير علم فى رايى عديمه القيمه لانها مبنيه على اللا اساس .. والخبره فى مجال زى الفوركس تراكميه بحته يعنى مش بقراءة كتاب او حضور كورس يبقى اتعلمت كل حاجه لكن لا خلاف انك محتاج اساس واساس قوى كمان تقدر تبنى عليه كل ما هو بعده ..كل اللى حضرتك محتاجه تنظيم للوقت لا اكثر ولا اقل .. ادينى من وقتك كل يوم 30 دقيقة فقط تستغلها فى قراءة مقال او عدد معين من صفحات كتاب او محاضرة من كورس ما وهتلاقى مع الوقت بدات تفهم بشكل اقوى واعمق وكلامى فى اى جانب من جوانب المتاجرة سواء النفسى او الادارة المالية او التحليل الفنى .. وده مقال اتكلمت فيه عن حاجه شبه اللى حضرتك بتسال عنها وباذن الله هيفيدك جدا ..


درس ( 13 ) .. " عَلِّمنى كيف اتعلَّم .. !! "


كلمة اخيره وتاكيدا على ما سبق .. احتراف المتاجرة عمليه خاضعه تماما للمعلومات التراكميه مع تطبيقها اذن اكيد هتاخد منك وقت بس صدقنى هو استثمار للوقت هيعود عليك بكل ما تتمناه فى المتاجره باذن الله .. وربنا يوفقك لكل ما تطمح اليه ..

صراحة مشاركة ولا اروع من شخصية ولا اروع ( مع العلم اول مره اتعامل مع حضرتك ) ولكن حسيت اننا نعرف بعض علشان روحك الطيبه لانك باين عليك انسان محترم جدا وانا سعيد في اول مشواري في الفوركس اني يكون واحد مثلك بروحك الطيبه دي ترشدني بالشكل ده والله موضوع 15 سنة ده دراسي خلاني بجد اعيد التفكير مره اخرى واني متسرعش في الدراسة بس يا دكتور احنا لما بدأنا في الدراسة كان عمرنا 6 سنوات ولكن دلوقتي واحد زي حلاتي 33 سنة يعني لسا هدرس 15 سنة تاني في الفوركس وبعديها اكون مبتديء وعلشان اعمل بقى فلوس اخليها لاولا اولادي بقى يتمتعو بيها مشكلتي يا دكتور أحمد اني عندي احساس اني دخلت هذا المجال متأخر جدا وعلشان كده بحاول اتصارع مع الزمن واضغط نفسي في التعلم بسرعه وده في حد ذاته مسببلي مشكلة كبيره وضغط نفسي لا تتخيله لدرجة قربت اسيب الفوركس خالص من الضغط النفسي وكل ما أقرأ كتاب واطبق على الشارت الشموع تعاكسني واول ما ادخل السوق بعد تحليل حوالي 3 او 4 ساعات على الشارت ادخل السوق اكني الشموع منتظراني ادخل علشان تعكس طريقها لا اله الا الله حاجه قربت اتجن والله العظيم

[dr.ahmed.samir]

صراحة مشاركة ولا اروع من شخصية ولا اروع ( مع العلم اول مره اتعامل مع حضرتك ) ولكن حسيت اننا نعرف بعض علشان روحك الطيبه لانك باين عليك انسان محترم جدا وانا سعيد في اول مشواري في الفوركس اني يكون واحد مثلك بروحك الطيبه دي ترشدني بالشكل ده والله موضوع 15 سنة ده دراسي خلاني بجد اعيد التفكير مره اخرى واني متسرعش في الدراسة بس يا دكتور احنا لما بدأنا في الدراسة كان عمرنا 6 سنوات ولكن دلوقتي واحد زي حلاتي 33 سنة يعني لسا هدرس 15 سنة تاني في الفوركس وبعديها اكون مبتديء وعلشان اعمل بقى فلوس اخليها لاولا اولادي بقى يتمتعو بيها مشكلتي يا دكتور أحمد اني عندي احساس اني دخلت هذا المجال متأخر جدا وعلشان كده بحاول اتصارع مع الزمن واضغط نفسي في التعلم بسرعه وده في حد ذاته مسببلي مشكلة كبيره وضغط نفسي لا تتخيله لدرجة قربت اسيب الفوركس خالص من الضغط النفسي وكل ما أقرأ كتاب واطبق على الشارت الشموع تعاكسني واول ما ادخل السوق بعد تحليل حوالي 3 او 4 ساعات على الشارت ادخل السوق اكني الشموع منتظراني ادخل علشان تعكس طريقها لا اله الا الله حاجه قربت اتجن والله العظيم

صباح الخير والانوار ..
طبعا انا قريت مشاركتك بكل ابتسامه لانها لا تصف الا سيناريو منطقى ومثالى لينا كلنا بدون استثناء وانا اولهم اول ما فكرت بالمتاجره ..

مش المقصود يا غالى انك هتقضى 15 سنه دراسه ولا حتى ما يقاربها وبعدها هتبقى مبتدئ لا طبعا .. لكن المقصود ان المتاجره عمليه زى ما بنقول بالمصرى تحتاج تسخن على نار هاديه .. انا شفت حسابات بالملايين بتطير ادامى فى ظرف ساعات معدوده بسبب ان اصحابها افتكروا ان الفوركس كازينو ! .. ده حتى الكازينو ليه قوانين وليه ناس بروفشنال ..

لو انا اديت 100 متاجر انجح نظام على مستوى العالم تفتكر كل الـ 100 هيجيبوا نفس النتيجه ؟ مستحيل .. هتلاقى ناس دبلت الحساب وناس مستواها عادى بس معقول وناس مرجنت الحساب .. اذن ده ياكد نقطة النقاش بتاعتنا وهى ان الموضوع مش استراتيجيه ولو حصل 123 بيع ولو456 اشترى .. التريدنج اعمق من كده بكتير اوى ..

عارف ليه يا غالى اغلب المتاجرين بيخسروا .. لانك فى التريدنج بتضطر تعكس تقريبا كل الغرائز البشريه زى مثلا ان اى حد عادى بيعتبر الخسارة عيب ومينفعش ولازم ينتقم ويكسب لكن عندنا فى المتاجره العكس بمعنى ان الخساره شئ منطقى وطبيعى وجزء لا يتجزء من العمليه الربحيه ككل بتخسر دولار مره واتنين عشان فى الاخر تحقق 10 دولار وهكذا .. فبالتالى نرجع لمربط الفرس ونقول ان عشان تتمرن تعمل كنترول على الجانب النفسى وتطبق شروط طريقة العمل اللى هتختارها بعدين باذن الله كل ده هيسحب منك وقت محترم لكن مش لدرجة التعجيز .. وبالمناسبه حابب اقولك عن تجربه شخصيه ان طول ما كنت بفكر بس فى الفلوس كنت بخسر مش بكسب ..

ركز فى نوع معين من التحليل وطريقة واحده للمتاجره وجربها على الديمو ومش هقولك بقى الكلام الاكاديمى 6 شهور و 3 شهور والكلام ده لانه كلام غير واقعى بالمرة لكن تقيم نفسك بعدد الصفقات دى الطريقه الصحيحه للتقييم بمعنى انك تاخد كا 10 صفقات كحد ادنى وتشوف كسبت كام صفقة وخسرت كام ويا ترى اكبر مكسب كام واكبر خساره والرسك ريورد اخباره ايه ويا ترى العشر صفقات انت فعلا التزمت بشروط طريقة العمل ولالا .. الخ
شوف المحاضره دى لاخونا الحبيب وليد الحلو هيشرح النقط دى بتفصيل اكتر ..

وليد الحلو - استراتيجية مناطق الإنعكاس

الكلام يبان انه صعب ويااااه كل ده بس صدقنى الممارسه بتخلى كل اللى قلته ده امر تلقائى بيتعمل عندك من غير تفكير شرط اعطاء الوقت والفرصه لنفسك انك تنجح لان فعلا فى ناس بتحكم على نفسها بالفشل وبعدها يقولك لا اصل السوق عشوائى اصل الماركت ميكر او صناع السوق اصل التحليل الفنى فاشل ... الخ من تبريرات لالقاء المسؤوليه على اى حد واى حاجه الا النفس .. المتاجر الناجح والمحترف هو اللى مسؤول ادام نفسه مسؤوليه كامله عن كل صغيره وكبيره بتحدث فى الحساب ..


سعيد بالحوار الجميل .. ☺

[MBR]

د احمد صباح الخير

احسنت قولا وفعلا ووضعت النقط على الحروف

بارك الله فيك وجزاك خيرا

[waleedgadelmola]

أسلوب ولا أروع دكتور احمد ربنا يجعله في ميزان حسناتك بس استحملني في قصتي وكلامي التالي جزاك الله خير
كان بدايتي من حوالي 3 شهور في الفوركس وانا بالمناسبة خارج مصر موجود في احدى الدول العربية قابلت صديق لي في العمل وبالصدفه شفته فاتح الشارت على اللاب توب بتاعه سالته ده ايه قالي ده الفوركس وانا شغال فيه قلته ينهار ابيض هو الموضوع ده صحيح ولا نصبايه
قالي صحيح 100 % قلتله يا عم ده انا كل شويا بشوف اعلانات من استثمار 100 دولار نقدر تعمل 1000 دولار خلال الشهر والافلام دي
صدمني وقالي وممكن اكبر من كده كمان
يا عم ازاي ده اكيد مواقع عايزه تنصب على البشر
قالي لا الموضوع صحيح 100 % طيب قلتله انت كسبت من الموضوع ده بكل امانه
قالي ايوه
طيب اكبر مكسب وصلتله وهل فعلا دخلت حسابك في البنك وشفت الفلوس دي
قالي ايوه والمبلغ كان 10000 دولار من استثمار 1000 دولار خلال حوالي 4 شهور
قلتله يا عم ده انا هسيب شغلي خالص واتفرغ للفوركس بالشكل ده
قالي فعلا الموضوع ده في عمالقه عملته بالفعل وذكرلي اسماء طبعا معروفة في المنتديات
قلتله طيب ابدا ازاي
قالي اعمل حساب ديمو وانا معاك
على فكره الشخص اللي بكلم حضرتك عنه ده شخصية جميله جدا لا تفرق عن حضرتك يا دكتور احمد وكمان ابيض جدا من جواه بالاضافة انه عملاق التحليل الرقمي وبيقوله عليه جان العرب
طبعا عرفت الموضوع ده من المنتديات مش منه
اكمل يا دكتور أحمد
قلتله طيب ابدأ ازاي قالي نزل حساب ديمو وخدت الكتب دي اقراها وابدا مع كتاب جون ميرفي
فعلا بدات بالموضوع بشكل جد وقرات الكتاب وهو 576 صفحة قراتهم بعناية وقالي خلي بالك من الشموع والنماذج السعرية
قلتله اركز عليها يعني قالي جدا
قلتله وك
فعلا الكتاب ده بالاضافة طبعا لزولي القاهره الصيف الماضي وشرائي لكتاب الفوركس خطوة خطوة فعلا كتاب ولا اروع وفهمني يعني ايه فوركس وازاي ادخل المجال ده
دخلت المجال وبدات افتح صفقات على الديمو
قابلني صاحبي بعد رجوعي من مصر لمحل اقامتي الان بالخارج وثالي ايه الاخبار
قلتله زي الزفت
قالي ليه
قلتله الشموع والشارت عامل معايا بالعند
قالي انسى التحليل الكلاسيكي نهائي وخليك في الرقمي
طيب ازاي
فهمني بعض الحاجات في طرق جان اللي مات ومسبش كتاب نفهم الراجل ده كان شغال ازاي (( كاتم علم اعوذ بالله )) يلا منه لله وعموما الله يرحمه
لقيت نفسي تايه في ملكوت الله والفوركس
لا انا عارف اشتغل كلاسيكي اللي فهمته الى حد ما وخصوصا فيبوناشي والشموع والترندات واللي دايما بتعاكسني على الشارت
وولا اشتغل رقمي اللي حاسس قدراتي وميلوي مش جايه معاه وكمان بحر واسع وانا عايز اتعلم واخلص وشتغل واكسب بقى واعمل مبلغ حلو واسيب الفوركس لناسه واعمل مشروعي اللي بفهم فيه
حاسس انا الان اني تايه والله العظيم حتى صديقي عملاق الفوركس ده شبه بطلت اسمع كلامه لاني بحس اني غبي وانا بكلمه ومش فاهم الموضوع ماشي ازاي
مشكلتي يا أخوان واسف للاطاله في سرد قصتي هو اني حاسس الفوركس اخر فرصة لي في حياتي كي يساعدني فيم اتمناه ولكن
ابدأ ازاي كلاسيكي ولا رقمي
صديقي بيقلي حاول تعمل لنفسك اسلوب وتمشي عليه كلام جميل بس ازاي افهم الموضوع ده من الاساس علشان اعمل لنفسي بقى اسلوب
وانا حاليا تايه في المنتديات بين الاستراتيجيات والاكسبرتات ومحتاج فعلا من ينتشلني لوجه الله ويعمل لي خطه عمل ويحكيلي هو بدأ طريقة ازاي وازاي اتعلم الموضوع ده وأأمل من الله يا دكتور أحمد انك تساعدني وتساعد كل مبتديء ممكن يكون حصل له نفس كلامي هذا
جزاك الله عني وعن كل محتاج لطلب علمك خير الجزاء

[dr.ahmed.samir]

تمام .. نتكلم كلام عملى شويه ..
بالنسبة للرقمى واشباهه من طرق سواء جان او غيره فانا مقدرش اقولك انه منهج تحليلى ولالا لكن يكفى ان اقول ان لارى وليام وهو احد عمالقة المتاجرين بسوق السلع ( الدهب - القطن - المعادن ... الخ ) واللى حول مبلغ عشرة الاف دولار الى مليون ومئة الف دولار فى 12 شهر تداول لايف امام الجميع .. قال فى احد محاضراته بمنتهى الوضوح والصراحة انه كان يعرف ابن جان معرفة قريبه وعارف كويس ان جان لم يترك علما بالمره وكان الموضوع مجرد شو اعلامى بلغة اليوم ..( يسال فى ذلك لارى وليام وليس المتيم ) .. لكن كراى شخصى انا مقدرش اثق فى اى طريقة تحت اى مسمى ان لم يكن لديها اثبات علمى و عملى و كمى لمعدل نجاحها وللاسف لا ارى ذلك فى اى نوع من انواع التحليل الزمنى او الرقمى ولم ارى من يطبقه بطريقة واضحه وصريحه على اى منتدى بما فى ذلك المتداول العربى وده رايى الشخصى ..


الكلاسيكى بحر عميق طرق التداول فيه مفتوحه للجميع تتعلم تقرا الشموع كويس فى سياقها على الشارت وبعد كده تقيم اى طريقة عمل قائمة على الكلاسيكى ده الترتيب الصحيح للتقييم لكن اروح اختار اى طريقة عمل وانا مش فاهم جوهرها وبعدها اقيم اكيد ده غير صحيح .. طب انت عاوز طريقة مريحه على الاقل فى البدايه يبقى حلك مع ادارة راس المال والرسك ريورد اولا ثم الاستراتيجيه ثانيا .. يعنى ايه الكلام ده ؟


فرضنا ان عندك 10 صفقات بريسك ريورد واحد الى ثلاثه .. لو بخسر بخسر دولار ولو بكسب بكسب 3 دولار .. فى الحالة دى ممكن اخسر 7 صفقات من عشرة واكسب تلاته بس واطلع بردو كسبان 2 دولار .. ده مجرد مثال بيوضح ان برغم دقتك اللى هى لم تتجاوز 30 % الا انك طلعت من السوق كسبان فما بالك لو عرفت تكسب اربعة او خمسة من العشره .. اذن الجوهر الحقيقى هو طريقة انتقاء الفرص او طريقة العمل اللى توفر رسك ريورد عالى مش انك تختار رسك ريورد ضعيف او غير مجدى وفى الاخر انت ونصيبك ..

فى النهاية مش معنى الكلام انى بقولك الكلاسيكى حلو ولذيذ والباقى ( ... ) المقصود ابعد ما يكون عن ذلك .. وبقوله بشكل واضح ايا كانت طريقة العمل وايا كان نوع التحليل بدون ادارة واضحه المعالم لراس المال اعمل كل اللى تحبه ودبل الحساب مرتين وتلاته وعشره لكن ثق وتاكد ان السوق مش محتاج اكتر من مرة او اتنين على الاكثر لكى يطرح حسابك ارضا والى اسفل سافلين .. اللى ميحترمش قواعد اللعبة ميسالش عن نتيجه وده قانون فى اى مجال مش بس التريدنج ..


اتمنى الاجابة تكون واضحه باذن الله وحقيقى نقاش اتمنى انه يستفيد منه الجميع ..

[waleedgadelmola]

سعيد والله بالنقاش مع حضرتك واسف لخروجي عن هدف الموضوع الاساسي للمكتبة بس باذن الله مش هتكون مكتبة كتب وبس يا دكتور أحمد هتكون كتب وافكار من حضرتك أكيد المبتدئين أمثالي في لهفة لنصايح أشخاص محترمين ومحترفين في الفوركس
ولكن
دعني أقول عن لسان كل مبتدأ : كيف أبدأ الطريق ؟؟
نحتاج رسم الطريق أمامنا بعد تحديد ادارة راس المال والريسك ريورد
على اي اساس ادخل صفقة واخرج منها
كيف لي ابدأ العمل على الشارت وما هي الادوات الفنية التي تساعدني في اتخاذ قراري سواء بالبيع او بالشراء
أسف دكتور أحمد لحديثي الذي يكاد يكون ممل وقديم جدا جدا جدا بالنسبة للمحترفين ولكن المبتدئين أمثالي كثر وفي حاجه للمساعدة ورسم خطة التعليم لهذا المجال الجبار

[dr.ahmed.samir]

لا ابدا يا غالى الحوار والنقاش مفيد للجميع ومفيد ليا شخصيا .. فمفيش اى ملل ولا حاجه ابدا تحت امرك ..

اولا اتفرج على المحاضرة اللى ارفقتها لحضرتك بتاعة اخونا الحبيب وليد دى قبل اى حاجه .. بعدها يجى دور نوع التحليل .. منطقى جدا ان لو حابب اشتغل كلاسيكى يعنى دعم ومقاومة بيور انى مش ههتم اوى بالتحليل الموجى او اليوت مش لانهم مينفعوش مع بعض لكن دى مدرسة ودى مدرسه ، يبقى تحدد اولا انت حابب تدرس ايه ثانيا هتبتدى تدور على طريقة عمل متناسبه مع نوع التحليل اللى انت درسته بشكل موسع ومع الرسك ريورد اللى اتكلمنا عنه .. تالت مرحلة مرحلة الاختبار على الديمو وزى ما سبق وقلت التقييم يكون بعدد الصفقات وليس بالمدة الزمنيه وتشوف يا ترى الدقة كانت كام النتيجة الاجمالية ايجاب ولا سلب اكبر مكسب اكبر خسارة .. الخ

طيب عملنا كل اللى فات والنتيجه تمام الحمد لله .. يبقى بكل هدوء وثقة فى الله تبدئ متاجره على حساب حقيقى بسيط وليكن الف دولار وتطبق معاه كل اللى اتكلمنا فيه وتشوف ايه الاخبار .. لو الامور فى تحسن يبقى مفيش مانع تكبر المبلغ تدريجى وخد بالك انى بقول تدريجى .. بمنتهى البساطة مينفعش تكون بتتاجر على حساب بقيمة الف دولار وفجاه تقرر فتح حساب بمئة الف دولار .. جاب عالى اوى وهياثر نفسيا جدا وطبعا التاثير سلبى هنا وهيجيبك لورا عكس ما انت بتطمح وتتمنى .. دى بمنتهى البساطة الخريطة العامة والفيديو اللى قلت لحضرتك عليه فوق الممتاز والحقيقة اخونا البشمهندس وليد لم حاجات وكلام كتب كتير اوى فى ساعتين فحقيقى يستاهلوا الوقت اللى هتستثمره معاه ..

اى سؤال انا مش هتاخر بامر الله طالما اقدر افيد واساعد

جزاك الله خيرا ،،

[د/مصطفى]

نقاش ممتع و مفيد جدا

شكرا دكتور احمد و شكرا لاخونا وليد لطرحه الموضوع

[waleedgadelmola]

نقاش ممتع و مفيد جدا

شكرا دكتور احمد و شكرا لاخونا وليد لطرحه الموضوع

شكرا دكتور مصطفى على ردك الطيب

لا ابدا يا غالى الحوار والنقاش مفيد للجميع ومفيد ليا شخصيا .. فمفيش اى ملل ولا حاجه ابدا تحت امرك ..

اولا اتفرج على المحاضرة اللى ارفقتها لحضرتك بتاعة اخونا الحبيب وليد دى قبل اى حاجه .. بعدها يجى دور نوع التحليل .. منطقى جدا ان لو حابب اشتغل كلاسيكى يعنى دعم ومقاومة بيور انى مش ههتم اوى بالتحليل الموجى او اليوت مش لانهم مينفعوش مع بعض لكن دى مدرسة ودى مدرسه ، يبقى تحدد اولا انت حابب تدرس ايه ثانيا هتبتدى تدور على طريقة عمل متناسبه مع نوع التحليل اللى انت درسته بشكل موسع ومع الرسك ريورد اللى اتكلمنا عنه .. تالت مرحلة مرحلة الاختبار على الديمو وزى ما سبق وقلت التقييم يكون بعدد الصفقات وليس بالمدة الزمنيه وتشوف يا ترى الدقة كانت كام النتيجة الاجمالية ايجاب ولا سلب اكبر مكسب اكبر خسارة .. الخ

طيب عملنا كل اللى فات والنتيجه تمام الحمد لله .. يبقى بكل هدوء وثقة فى الله تبدئ متاجره على حساب حقيقى بسيط وليكن الف دولار وتطبق معاه كل اللى اتكلمنا فيه وتشوف ايه الاخبار .. لو الامور فى تحسن يبقى مفيش مانع تكبر المبلغ تدريجى وخد بالك انى بقول تدريجى .. بمنتهى البساطة مينفعش تكون بتتاجر على حساب بقيمة الف دولار وفجاه تقرر فتح حساب بمئة الف دولار .. جاب عالى اوى وهياثر نفسيا جدا وطبعا التاثير سلبى هنا وهيجيبك لورا عكس ما انت بتطمح وتتمنى .. دى بمنتهى البساطة الخريطة العامة والفيديو اللى قلت لحضرتك عليه فوق الممتاز والحقيقة اخونا البشمهندس وليد لم حاجات وكلام كتب كتير اوى فى ساعتين فحقيقى يستاهلوا الوقت اللى هتستثمره معاه ..

اى سؤال انا مش هتاخر بامر الله طالما اقدر افيد واساعد

جزاك الله خيرا ،،

والله يا دكتور أحمد ما شاء الله الحديث معاك لا يمل
ولكن حضرتك مش فاهمني انا عايز اتعلم صح من البداية علشان وأبدا الطريق بشكل صحيح
يعني مثلا انا تعلمت الكلاسيكي وشغال على طول يعاكسني زي ما حكيت لحضرتك الشموع بتنتظرني السوق علشان تعاكسني يبقى تنصحني اقرأ موضوع اليوت والتحليل الموجي ده
طيب لو اجابة حضرتك بنعم أبدا ازاي انا قمت بتنزيل جميع الكتب اللي حضرتك عملت بها هذا الموضوع وان شاء الله اقرأها كلها باذنه تعالى
ولكن لو بعد قراءتي وطبقت اللي قرأته في كتبك على الشارت وخالفني اكيد تنصحني اني انسحب من هذا المجال واروح اكمل لعب المزرعة السعيده على الفيس بوك صح ؟
معلش اسف طولت عليك واكيد الناس في هذه المكتبة مستاءه مني ولكن صدقوني يا جماعه انا عندي كتب عربيه واجنبية لا تعد ولا تحصى ولم اقرأ منها الا القليل الذي يعد على اصابع اليد الواحده احنا محتاجين اللي أهم من الكتب وهي النصيحة ورسم الطريق بشكل صحيح من اناس مرت بتجارب قبلنا وزي ما بيقولو اسأل مجرب ولا متسألش طبيب عفوا دكتور أحمد انا اخاطبك الان بصفتك الفوركسية وليس الطبية

وبعدين يا جماعه لي ملاحظة لاحظتها كتير هو الفوركس للكليات العلمية (( القمة )) علشان كل الناجحون به اشوفهم يا اما دكاتره او مهندسين او صيادلة هو علشان الواحد يدخل الفوركس لازم يكون مجموعة كام بالظبط

[dr.ahmed.samir]

نقاش ممتع و مفيد جدا

شكرا دكتور احمد و شكرا لاخونا وليد لطرحه الموضوع

اهلا وسهلا يا دكتورنا منور موضوعك .. ☺

[dr.ahmed.samir]

شكرا دكتور مصطفى على ردك الطيب



والله يا دكتور أحمد ما شاء الله الحديث معاك لا يمل
ولكن حضرتك مش فاهمني انا عايز اتعلم صح من البداية علشان وأبدا الطريق بشكل صحيح
يعني مثلا انا تعلمت الكلاسيكي وشغال على طول يعاكسني زي ما حكيت لحضرتك الشموع بتنتظرني السوق علشان تعاكسني يبقى تنصحني اقرأ موضوع اليوت والتحليل الموجي ده
طيب لو اجابة حضرتك بنعم أبدا ازاي انا قمت بتنزيل جميع الكتب اللي حضرتك عملت بها هذا الموضوع وان شاء الله اقرأها كلها باذنه تعالى
ولكن لو بعد قراءتي وطبقت اللي قرأته في كتبك على الشارت وخالفني اكيد تنصحني اني انسحب من هذا المجال واروح اكمل لعب المزرعة السعيده على الفيس بوك صح ؟
معلش اسف طولت عليك واكيد الناس في هذه المكتبة مستاءه مني ولكن صدقوني يا جماعه انا عندي كتب عربيه واجنبية لا تعد ولا تحصى ولم اقرأ منها الا القليل الذي يعد على اصابع اليد الواحده احنا محتاجين اللي أهم من الكتب وهي النصيحة ورسم الطريق بشكل صحيح من اناس مرت بتجارب قبلنا وزي ما بيقولو اسأل مجرب ولا متسألش طبيب عفوا دكتور أحمد انا اخاطبك الان بصفتك الفوركسية وليس الطبية

وبعدين يا جماعه لي ملاحظة لاحظتها كتير هو الفوركس للكليات العلمية (( القمة )) علشان كل الناجحون به اشوفهم يا اما دكاتره او مهندسين او صيادلة هو علشان الواحد يدخل الفوركس لازم يكون مجموعة كام بالظبط

يا هلا استاذ وليد ..

هههه لا المجموع مالوش دعوه وعلى فكرة عمالقة على مستوى العالم فى التريدنج مكملوش تعليمهم اصلا .. وعلى فكره بردو من اكتر الناس اللى بتواجه صعوبه فى التريدنج المهندسين خاصة فى البدايه لان علم الارقام مفهوش 1 + 1 = 3 .. لكن فى التريدنج تلاقى الناس كلها بتقولك صاعد اعرف انه هيهبط ههه ( طبعا على سبيل المزاح فقط ) وطبعا كل المحبه والود لاحبائنا المهندسين .. ☺

مش معنى انك اتعلمت نموذج او نماذج للشموع ان ده ضامن او كفيل بالنجاح فى حد ذاته .. بمعنى ان التطبيق نفسه بيتم ازاى مثال : نموذج الهامر الانعكاسى هل فى اى مكان انعكاسى ؟ اكيد لا مكانه الصحيح بعد حركة اتجاهيه هابطة وواضحه ولازم يكون عند مستوى دعم .. اذن الفكرة مش موضوع نموذج وفى اى مكان على الشارت لا الاول بتدور على التطبيق الصحيح وبعدها تسجل الصفقة دى واللى وبعدها واللى بعدها .. كل ما طبقت اكتر كل ما هتتعلم وشيل من دماغك موضوع ان السعر بيعاند او بيعكس بمجرد ما تدخل كل ده مالوش اى علاقة بالسوق ولا الاسعار لا من قريب ولا من بعيد ..

ياما ناس غلطت مرة وعشرة والف ومع ذلك مخرجوش من السوق بالعكس كملوا وبقوا حاجه تانيه بالمره .. ضغط النفس اللى مستشعره فى مشاركتك مش عامل ايجابى اوى او عامل يساعدك على التركيز فخد بالك من النقطة دى .. اول كورس شفته فى حياتى كان ستيف نيسون للشموع وبعدها حسيت ان خلاص انا كده اتعلمت وبعدها مباشرة السوق قالى لا لسه بدرى .. مع الوقت هتلاقى حاجات كتير بانت معالمها باذن الله متقلقش ومتحاولش تفهم وتستوعب كل حاجه فى نفس الوقت فى امور خاصة فى الجانب النفسى هتاخد وقتها لتنضج ..

الموضوع موضوع الجميع ومش شرط ان العنوان كورسات يبقى منستغلش فرصة الافادة للجميع طالما ان الهدف والمرمى الرئيسى من الموضوع هو التعلم ..