حد يعرف النزول الجامد دا سببه ايه ..؟

اقتباس:

---

المشاركة الأصلية كتبت بواسطة markov

نعم ارى والله العظيم ، وحاجه تشرح القلب بالفعل
طيب اذا كنت متوقعا هذا الهبوط وبشده اخي العزيز ، ماذا كان الهدف من سؤالك بالظبط ؟؟

---

هو بيسال ايه سبب الهبوط القوى دة بسبب خبر ولا اية بالظبط مش تحليل للهبوط يا غالى

اقتباس:

---

المشاركة الأصلية كتبت بواسطة basuoni

الا ترا ان هذه المؤشرات تتشبع باللزوجه ولا فائده منها

ولا داعى للاعتذار فانت ماركوف القادم من روسيا الكبرى

لك خالص تحياتى اخى الفاضل

---

كيف لا فائده منها وهي اثبتت صحه الهبوط ، هذه مؤشرات لاناس كبار مفكرين ، فلا يصح ان ننعت اعمالهم كما جاء لديك باللون الاحمر ، ثم ان مصممين ومبرمجين الميتاتريدر صنفوها من ضمن المؤشرات التي تستحق ان تبقى في اصل البرنامج ، فهل هم ايضا على خطاء ؟؟
تحياتي

اقتباس:

---

المشاركة الأصلية كتبت بواسطة Mo3Ty

ده ااقتباس من المحترم ابو ادم عن الاخبار الى حصلت قبل وقت الهبوط
واسف يابسيوني باشا مشمهتم بالاخبار للدرجة فمشقادر افيدك

ولكن نصيحة اخوية وانت عارف انا بعزك قد ايه
لا تبحث عن مبرر للهبوط خارج طريقتك
بل ابحث عن الخلل في طريقتك ... او هل ده كان شئ خارج الطريقة .. لان عادي كل طريقة ليها اوقات وبتضرب ستوب وبيكون تحليلها خطا .. فمفيش مشكلة
اما قصة ايه الخبر الى عمل كدة.. طيب دلوقتي حضرتك عرفت مثلا ايه الخبر الى اثر.. طيب حيفيدك بايه بعد كدة.. لان اصلا ده اخبار لم تكن فى الكلندر يعني.. بتطلع فى اوقات لوحدها ملهاش ثوابت

تقبل وافر التحية

---

شاكر افضالك وتعبك ومجهودك استاذ معطى
سؤالى كان بغرض ان الهبوط القوى دا لو مش وراه اخبار قويه ممكن جدا يبقى فى مجمله تذبذب قوى
لانه كان فنيا صاعد بالنسبالى
ولا يوجد ما يؤيد هذا الهبوط بمثل هذه السرعه والقوة
هذا ما كنت ابحث عنه
جزيل الشكر وتحياتى وتقديرى لك
على مجهودك وحبك للمساعده
انت اخ عزيز الى قلبى
ومحاولة مساعدتك دى تدل على حبك للخير
وحبك لاخوانك
وعلى عظمتك
بارك الله فيك

اقتباس:

---

المشاركة الأصلية كتبت بواسطة markov

كيف لا فائده منها وهي اثبتت صحه الهبوط ، هذه مؤشرات لاناس كبار مفكرين ، فلا يصح ان ننعت اعمالهم كما جاء لديك باللون الاحمر ، ثم ان مصممين ومبرمجين الميتاتريدر صنفوها من ضمن المؤشرات التي تستحق ان تبقى في اصل البرنامج ، فهل هم ايضا على خطاء ؟؟
تحياتي

---

انظر بداخلك جيدا
ستجد اين الخطاء

اقتباس:

---

المشاركة الأصلية كتبت بواسطة basuoni

شاكر افضالك وتعبك ومجهودك استاذ معطى
سؤالى كان بغرض ان الهبوط القوى دا لو مش وراه اخبار قويه ممكن جدا يبقى فى مجمله تذبذب قوى
لانه كان فنيا صاعد بالنسبالى
ولا يوجد ما يؤيد هذا الهبوط بمثل هذه السرعه والقوة
هذا ما كنت ابحث عنه
جزيل الشكر وتحياتى وتقديرى لك
على مجهودك وحبك للمساعده

---

تمام اخي الكريم بسيوني فهمت قصدك
وشكرا لذوقك وسعة صدرك
تقبل وافر التحية

اقتباس:

---

المشاركة الأصلية كتبت بواسطة Mo3Ty

تمام اخي الكريم بسيوني فهمت قصدك
وشكرا لذوقك وسعة صدرك
تقبل وافر التحية

---

سعة صدرى ايه بس يا معطى باشا
انت على دماغى من فوق اقسم بالله
انت من اكتر الناس المحترمه اللى انا شوفتها فى حياتى
على الرغم انى مقبلتكش قبل كده
بس بحبك لله فى لله
...............

اقتباس:

---

المشاركة الأصلية كتبت بواسطة basuoni

انظر بداخلك جيدا
ستجد اين الخطاء

---

شكرا على هذا التعدي مره اخرى .
ربنا يبارك لك وفي علمك الكبير
حتى انا ما قابلتكش قبل كده ولكنني بحبك لله في لله

اقتباس:

---

المشاركة الأصلية كتبت بواسطة markov

شكرا على هذا التعدي مره اخرى .
ربنا يبارك لك وفي علمك الكبير
حتى انا ما قابلتكش قبل كده ولكنني بحبك لله في لله

---

لك خالص تحياتى
.............
the end

اعتقد ان سبب الهبوط هو الاقتسام الموجود بين البنوك والصناديق اليورو
لانقاذ المنطقة والمسائل المطروحة من الأصول القديمة
وتصريحات البنك الاحتياطي الفيدرالي حول امكانية شراء
المزيد من سندات الخزانة إذا تدهور الاقتصاد
والله اعلم ماذا يخططون ..

اقتباس:

---

المشاركة الأصلية كتبت بواسطة basuoni

انا ايضا كنت اتوقع هذا الهبوط وبشده
....................
انظر الا ترى

---

انت رسمت الرسم ده بأداه الشبكه الموجوده في البرنامج ولا رسم يدوي وعلى اساس

اقتباس:

---

المشاركة الأصلية كتبت بواسطة basuoni

وعليكم السلام ورحمة الله وبركاته
ازيك يا استاذ سفير
جزاك الله خيرا
الشارت واضح
بس مينفعش نقول بغض النظر عن الاسباب
لان الاسباب مهمه
عشان ناخد رؤيه اوضح

---

السلام عليكم ورحمة الله وبركاته

الحمد لله تمام أخبارك ياغالي

طب حصلت هذا على أحد المواقع

تفضل

اقتباس:

---

انخفض سعر صرف الجنيه الاسترليني هذا اليوم مقابل سلّة العملات الأجنبية منها الدولار الأمريكي و اليورو و الين الياباني، فمع انتظارنا لبيانات الوظائف الأمريكية، صدرت بيانات من المملكة المتحدة هذا اليوم سببت ضغطاً سلبياً كبيراً على الجنيه الاسترليني و انخفض بشكل واضح، حيث أن مؤشر مدراء المشتريات الصناعي لشهر أيار أظهر انكماشاً كبيراً و بأكثر من التوقعات في القطاع مما سبب هذه الموجة الهابطة في سعر صرف الجنيه الاسترليني.
أظهرت بيانات مؤشر مدراء المشتريات الصناعي لشهر أيار انخفاضاً في أداء القطاع، فقد انخفض المؤشر من مستوى 50.2 إلى 45.9 نقطة، و قيمة المؤشر ما دون مستوى الـ 50 نقطة يعبّر عن انكماش في القطاع، و بهذا، أصبح احتمال أن يقوم البنك البريطاني في مزيد من خطط التسهيل المالي و رفع برنامج شراء الأصول أكبر، خصوصاً بعد أن انخفض مستوى التضخم إلى 3.0%.

---

بالتوفيق بإذن الله

والسلام عليكم ورحمة الله وبركاته

اقتباس:

---

المشاركة الأصلية كتبت بواسطة Mr. Bader

اعتقد ان سبب الهبوط هو الاقتسام الموجود بين البنوك والصناديق اليورو
لانقاذ المنطقة والمسائل المطروحة من الأصول القديمة
وتصريحات البنك الاحتياطي الفيدرالي حول امكانية شراء
المزيد من سندات الخزانة إذا تدهور الاقتصاد
والله اعلم ماذا يخططون ..

---

الله اعلم فعلا
بس من المؤكد انهم يخططون لحل هذه الزمه
نتابع بأذن الله
جزاك الله خيرا على ممشاركتك الجميله
بارك الله فيك

اقتباس:

---

المشاركة الأصلية كتبت بواسطة alsafir

السلام عليكم ورحمة الله وبركاته

الحمد لله تمام أخبارك ياغالي

طب حصلت هذا على أحد المواقع

تفضل



بالتوفيق بإذن الله

والسلام عليكم ورحمة الله وبركاته

---

وعليكم السلام ورحمة الله وبركاته
بارك الله فيك استاذ سفير
هو فعلا خبر سلبى
نتابع ونرى مدى تأثير هذا الخبر على السوق هيستمر قد ايه
جزاك الله خيرا على مجهودك بارك الله فيك
تقبل خالص تحياتى سيادة السفير

اقتباس:

---

المشاركة الأصلية كتبت بواسطة order777

انت رسمت الرسم ده بأداه الشبكه الموجوده في البرنامج ولا رسم يدوي وعلى اساس

---

اعتذر عن تأخرى فى الرد
نعم اخى العزيز برسم الشبكه وبحدد القنوات اللى السعر بيمشى فيها بالرسم اليدوى
لو عايز تفاصيل اكتر ممكن تدخل على الموضوع دا

https://forum.arabictrader.com/t154341.html

الموضوع فى مرحلة البحث لسه ولا اعتمد على الشبكه اطلاقا فى متاجرتى
ولكنى اتابعها كل فتره وبحاول افهم ايه فكرتها
......
تقبل تحياتى

اقتباس:

---

المشاركة الأصلية كتبت بواسطة zelenko

يا جماعة حرام عليكو جننتوا الراجل ههههههههههههه

هو مش بيسالكم علي تحليلاتكم

هو بيسأل علي سبب الهبوط و اللي هو اكيد خبر معين

بس كدة


كون بقي الخبر ده متوافق مع تحليلاتكم مفيش مشكلة بس هو مش بيسال علي تحليلات خالص

هو عايز الخبر


يعني الساعة 6 المغرب السعرنزل في الشمعة دي حوالي 70 نقطة يعني تقريبا رينج اليوم في شمعة واحدة فما هو الخبر الذي فعل هذا ؟؟؟؟

و انا زيك برضه يا بسيوني اليوم ده فضلت متابع الشارت لغاية الساعة 5 العصر و اليوم كان متذبذب و مقرف
نزلت روحت مشوار ساعتين و رجعت لقيته سافر لتحت هههههههههههههههههههههههه

و حتة بس للاخوة المحللين : تحليلاتكم علي عيني و علي راسي بس ياريت تخلوا بالكو ان دي وجهة نظركم الشخصية
اللي هي عبارة عن نموذج انتوا بتشتغلوا بيه سواء النموذج ده كلاسيك او مؤشرات و يا تصيب يا تخيب

لكن مثلا عم كينج محافظ المركزي البريطاني مش حاطط قدامه ميتا تريدر و حاطط حبة مؤشرات و مستنيها تديله اشارة عشان يبيع و لا مثلا راسم ترند او قناة و مستنيها تتكسر لو فاكرين كدة يبقي عيب قوي

احنا بس مجرد بنحاول نمشي وراهم عن طريق النماذج وكل واحد فينا شغال بالنموذج اللي مريحه


المهم يا بسيوني لو عرفت السبب ابقي قوللي مع اني ما ببصش علي اي اخبار خالص دلوقت بس برضه عايز اخد فكرة
و السلام عليكم

---

ازيك يا استاذ عصام عامل ايه ؟؟
معلش مختش بالى من مشاركتك كويس
وبعتذر عن تأخرى فى الرد
الاخبار اللى كانت موجوده
هتلاقيه فى مشاركة الاستاذ معطى بارك الله فيه وجزاه كل خير
نقلا عن الاستاذ ابو ادم بارك الله فيه

https://forum.arabictrader.com/t1559...ml#post2526675

وهتلاقيها برضو فى مشاركة الاستاذ سفير بارك الله فيه

https://forum.arabictrader.com/t1559...ml#post2526759

........................
وانا معاك فى نفس وجهة النظر واؤيدك فيها بشده مش احنا اللى بنصنع السوق
احنا نحاول نمشى معاه منين ما يطلع نطلع معاه ومنين ما ينزل بننزل معاه م
وكل واحد وطريقته بقى
............
والاخوان فى المنتدى هنا بارك الله فيهم فى محاولاتهم للمساعده بشتى الطرق
" يمكن دى احلى حاجه هنا , الاعضاء عمرهم ما بيبخلو بمعلومه وبيحاولو يساعدو اى حد محتاج مساعده "
جزاهم الله كل خير
.....
تحياتى لك استاذ عصام
.......
همسه : حكمه جميله اوى اللى فى توقيعك