اريد ان اعرف طريقة وضع التيك بروفت و الاستوب لوز

[kimotop]

السلام عليكم

يا جماعة انا قلبت المنتديات علشان اعرف طريقة وضع التيك بروفت و الاستوب لوز بطريقة سليمة ملقتش حل

انا مشكلتي اني شغال على منصة 5 ارقام و العقد الاستاندرد بدولار مش بعشرة دولار

الميتازفت تريدر متقسم من تحت
size ... symbol ... price ... sl... tp... time .... price
size و عرفنا حجم العقد
sybmol العملة
Price دي بقى بتاعة ايييييييه بيكتبلي هنا سعر البيد Bid
و البرايس الاخيرة سعر الاسك
احسب على انهي سعر فيهم النقاط المستهدفة يا اخونا ؟ انا بحسب على البرايس الاولاني بتاع البيد البروفت و اللوز بلاقي ان العقد قفل قبل ما يوصل للرقم دا على خسارة

يا اخونا انا اتخنقت الموضوع بسيط و محدش رد عليا و كل الي يرد يسألني انت منصة خمسة و لا اربعة طيب انت تبع شركة ايه طيب تجاهل الرقم العشري و في الاخر ميردش على السؤال

[101]

شوف حبيب
عندي الباوند دولار مثلاً
السعر عندك على الشارت 1.60015
اول ماتفتح عمليه بتحصل عندك رقمين
1.60045 1.60015
في عمليه البيع
انت بتبيع من السعر الادنى ( 1.60015)
والاستوب لوس من السعر الاعلى يعني السعر الظاهر على الشارت + 30 نقطه
والتيك بروفت بيتحسب من السعر الاعلى برضه يعني السعر الظاهر على الشارت - 30 نقطه

في الشراء
انت بتشتري من السعر الاعلى ( هو نفسه السعر الظاهر على الشارت + 30 نقطه )
الاستوب لوس من السعر الادنى ( نفس السعر الظاهر على الشارت )
التيك بروفت من السعر الادنى ( نفس السعر الظاهر على الشارت )

حلوين

[101]

على فكره التيك بروفت والاستوب لوس
لازم يكونو اكثر من 100 نقطه

[moh.gahmy]

وعليكم السلام ورحمة الله وبركاته

ان شاء الله انا معاك لحد ما تفهم التيك بروفيت والاستوب والشراء بسعر ايه والبيع بايه

اليورو دولار فى اى منصة بيتواجد سعرين
bid .. ask
والفرق بين السعرين هو السبريد

يعنى لو اليورو كان البيد 1.28663
والاسك كان 1.28693

هنا فى فرق 3 نقاط مع تجاهل الرقم الخامس عشان متدوش نفسك بيه

لو انت عايز تشترى دلوقتى وضغط شراء حتتفتح الصفقة على سعر 1.28693
واتوماتيك بيظهر خسارة فى الحساب ب 3 نقاط اللى هى السبريد

والعكس فى البيع لو انت بعت وضغط بيع حتبيع على سعر 1.28663 وتظهر خسارة 3 نقاط اللى هى السبريد

دى نقطة وانتهينا منها

نيجى بقا لوضع التيك بروفت والاستوب لوس

لما تفتح صفقة من اى سعر بص على الصفقة اللى اتفتحت حتلاقى خانة ال price هو ده سعر افتتاح الصفقة عندك

فى خانتين جنب ال price واحدة اسمها T/P ودى اختصار لنقطة الربح او التارجت
وخانة تانية S/L ودى خانة ايقاف الخسارة

شوف بقا انت عايز كام نقطة تحددها واضغط عليها وحط الارقام مع تجاهل الرقم الخامس

العقد الاستندارد حيبقى مكتوب عندك 1.00 النقطة ب 10 دولار
العقد المينى حيبقى مكتوب 0.10 النقطة بدولار

ودى صورة لصفقة على اليورو دولار وواضع فيها تارجت 20 نقطة والاستوب 20 نقطة



لو فى حاجة لسها مفهمتهاش انا معاك وان شاء الله واحدة واحدة حتوضح الامور

[م . فارس]

السلام عليكم

https://forum.arabictrader.com/t101369.html

[kimotop]

الاستاذ 101 و الاستاذ moh.gahmy و م . فارس يا جماعة مش عارف اشكركم ازاي ربنا يباركلكم