ورشه لسؤال الناس عن تطبيق اسلوب جديد فى الفوركس

[alysharf]

قلتها من قبل و ارجو ان تتقبلوا رايي
**************
و ردي هذا لمن يقول عندي طريقة لا تخسر ابدا او قانون السوق لا يحيد عنه ابدا سواء كان جان او زوايا او فلكي اورقمي اوكلاسيك ايا كان

حتي نستطيع ان ننشئ قانون او قاعدة لتحديد شئ ما مستقبلا لابد اولا و ان نحدد كل العوامل المؤثرة في حركة هذا الشئ ( دي ابسط قواعد العقل و المنطق و الفيزياء )

نأتي للفوركس لماذا تتحرك العملات و من يحرك العملات ؟؟
تتحرك العملات بسبب الفرق بين العرض و الطلب
و الذي يحرك العملات هم مجموعة من البشر

اذن لتحديد حركة عملة ما لابد و ان نحدد كل العوامل المؤثرة في حركة العملة

هنا هينط واحد متسرع و يقولي كلامك صح ياعم زيلينكو لازم نحدد الوضع الاقتصادي للعملة

هاقوله لا غلط هيقولي خلاص نحدد العملة فنيا ... برضه غلط

العوامل المؤئرة هنا ليست التحليل الاساسي و لا الاقتصاد و لا الفني و لا الكلاسيكي

العوامل المؤثرة هي كل انسان ارسل اوردر الي احواض السيولة

ايوة ما تستغربش من الاجابة

هو السعر بيتحرك ليه ؟؟

بسبب انه فيه ناس بعتت اوامر شراء و ناس بعتت اوامر بيع لاحواض السيولة و الاكتر هو اللي السوق بيمشي في اتجاهه

يبقي عشان سيادتك تقدر تقولي كمان اسبوع السعر هيروح هنا و يجي من هنا و هايقف هنا و هيطلع من هنا بنسبة 100% او حتي 95%

لازم سيادتك تكون عارف الاستراتيجية المتبعة عند كل انسان يرسل اوامر بيع و شراء لاحواض السيولة سواء كانت بنوك او مؤسسات او افراد

لو لم تحقق هذا الشرط و قعدت تقوللي من هنا للصبح انا محدد حركة السعر من قبلها بشهر انا راسم حركة السعر من الاسبوع اللي فات هقولك ربنا يهديك
*********************************
و نضيف عليها حتة زيادة

دلوقتي احنا عايزين نطبق قوانين فيزيائية علي العملات اوكيه

خليني معاك يا سيدي

تقدر تقولي سرعة اليورو كام دلوقتي و كتلته و حجمه عشان احط القيم دي في القانون و بالتالي اقدر احدد حركته ؟؟؟؟؟

اظن ان الفكرة وصلت

كويس انى وجدتك اخيرا , انا حاولت اتصل بك عشرات المرات ولم اجد اى رد على محاولاتى
ارجو منك تحدد لى متى اتصل بك ؟

[alysharf]

يا اخوه انا بقول الحق , مش فانون عرض و طلب هو المتحكم فى السوق هناك قوانين اخرى تحكم السوق وهى قوانين ثابته لاتتغير و لايستطيع احدنا العبث امام هذه القوانين

[zelenko]

حتى الان لم يجيب احد عن سؤاللا و هو كيف نطبق قوانين كيلر على الكواكب يعنى ازاى نعوض فى المعادله حق كل قانون.
من طريقة حسابى المبسطه للقانون وجدت ان يوم بعد 40.55 يوم من قمة 6/8/2012 هناك قمه جديده و حسب فهمى 40 +6=46-31(شهر اغسطس)= 15 سبتمبر
يعنى يوم الاثنين هو مفروض يوم تغيير الاتجاه ( وهذا تقريبا متفق عليه من كل الاخوه فى المنتدى) يبقى ننتظر الموعد التالى فى 22 سبتمبر

يا حاج علي لولا انك من ريحة اجاكس انا ما كنتش دخلت الموضوع و كنت كبرت دماغي زي مئات المواضيع بس قلت لا لازم انصحك

بص يا حاج انت عايز تطبق القانون علي العملات
طب ممكن تقولي كل من المعطيات الاتية

كتلة العملة في لحظة ما و سرعتها و حجمها و عجلة الجاذبية المؤثرة عليها و ثابت عجلة الجاذبية نفسه المؤثر علي العملة

اديني المعطيات دي و انا اقولك اليورو بالملي هيكون فين بكرة و بعده و بعده و بعده

بس للاسف مع احترامي لحضرتك و لرأيك من المستحيل انك تدييني المعطيات دي لانها غير موجودة اصلا

و لان سوق العملات لا علاقة له بقوانين الفيزياء الثابتة لان المؤثرات علي سوق الفوركس نفسها غير ثايتة بخلاف الاجرام السماوية و الكواكب و باقي الاشياء

[M.A.T.R.I.X]

استاذ عمران
انت من الاخوه اللى اعرف عنهم الاخلاق الشديده قوى و سمو النفس لذا سأحاول ان اوضح اكثر ما استطيع
موضوع العرض و الطلب مش موجود اصلا دى مسأله تقال لااكثر
طيب لماذا اقول ذلك , السبب هو ببساطه جان كان يحدد اتجاه الاسعار لفترة سنين الى الامام , هل اثناء التحديد كان يعرف اى شىء عن العرض و الطلب فى المستقبل , الاجابه لالالالالالالالا
طيب ازاى تحديده للاسعار كان يتم و الاسعار تمشى حسب ماهو كان راسم من سنين فاتت؟ طيب هو رسم على اى اساس؟
دى اسئله بسيطه لا احد يقدرها و لكنها هى مفتاح فهم الاسواق ؟
ما هى الاجابه ؟ هى ان جان استخدم العلم فى رسم وتحديد اتجاه الاسعار بدقه , و ما هو العلم المستخدم هو خليط من الرياضيات و الفيزياء
اما الرياضيات فاشهر شىء هو مربع التسعه و بقية المربعات
اما الفيزياء فما هو الفرع المستخدم, الاجابه من زمان قوى فى بداية القرن العشرين كان اغلب فروع الفيزياء كانت غير موجوده كما هو الان , ولكن فروع بسيطه كانت موجوده وهى فيزياء الكهرباء و المغناطيسيه و الفلك
و الفلك كان اكثرهم تقدم
يتبع

اخي العزيز alysharf
قرات من اول الموضوع واستوقفت هنا عند الجمله التي كتبتها وقد حددتها بالاحمر
اولا اريد ان اقول معلومه لدي من سنين طويله والجميع يعلمها
ان اي شئ معروض للبيع والشراء يدخل في مدلول قوته وضعفه مبداء العرض والطلب او نظريه كما نحب تسميتها
كيف انت تقول هذه الجمله
كيف يتحرك السعر هل يتحرك وفق قانون الكواكب مثلا ان كان فعلا كذلك فهي كذبه لان الكواكب تسير وفق نهج وفقه الله تعالي وتري بنفسك ان كل عدد سنين معينه يحدث كسوف وخسوف بمواقيت معلومه من عدد الايام ولذلك اتمني ان توضح مقولتك جيدا لانك قلبت موازين معلوماتي ....
ما هي المعلومات التي لديك حتي تقول هذه الجمله
اعلم انها ورشه للاسئله ولذلك سئلتك اتمني الاجابه
ثانيا يجب ان تعلم كل القوانين المحدده لها اوقات وتفشل لماذا ؟؟؟ في نظري لانها قوانين يتم صنعها للتحايل علي السعر ومعرفه اتجاه السعر مسبقا فياتي العرض والطلب ويقلب موازين القاعده او القانون او الاستراتيجيه
ولذلك يجب دراسه مبداء العرض والطلب.. هذه نظرتي
وفقك الله لما تحب وترضا

[zelenko]

يا اخوه انا بقول الحق , مش فانون عرض و طلب هو المتحكم فى السوق هناك قوانين اخرى تحكم السوق وهى قوانين ثابته لاتتغير و لايستطيع احدنا العبث امام هذه القوانين

يا عم بس ما تتعصبش و ركز مين قال ان فيه قانون ثايت و فين الدليل ؟؟؟؟
يعني مثلا بدون ما يحصل عرض او طلب ممكن نلاقي العملة بتطلع و بتنزل بسبب القوانين المجهولة دي ؟؟ طب ازاي ؟؟ اقنعني

جت كائنات فضائية مثلا هي اللي طلعت اليورو بدون تدخل طلبات البيع و الشراء الخاصة بالبشر ؟؟

و الله انا مش بتتريق انا بحاول افهم كلامك


و ازاي بتقول ان مش العرض و الطلب هو اللي بيحرك السعر امال ايه اللي بيحركه ؟؟؟؟

و عامة فيه كتاب ممكن ارفعهلكم بيتكلم اصلا عن تركيبة سوق الفوركس و البنية التحتية له و بيشرح الالية التي يتحرك السعر من خلالها اصلا و لماذا يتحرك

اعتقد انك لما تقرا الكتاب ده ممكن تشوف السوق بطريقة تانية خالص

و اقسم بالله ان ردودي هذه ما هي الا محاولة مني لمساعدتك انت و الاخوة اصحاب هذا التفكير حتي لا تضيعوا وقتكم و مجهودكم وراء سراب لا وجود له (( من وجهة نظري علي الاقل ))

[M.A.T.R.I.X]

يا عم بس ما تتعصبش و ركز مين قال ان فيه قانون ثايت و فين الدليل ؟؟؟؟
يعني مثلا بدون ما يحصل عرض او طلب ممكن نلاقي العملة بتطلع و بتنزل بسبب القوانين المجهولة دي ؟؟ طب ازاي ؟؟ اقنعني

جت كائنات فضائية مثلا هي اللي طلعت اليورو بدون تدخل طلبات البيع و الشراء الخاصة بالبشر ؟؟

و الله انا مش بتتريق انا بحاول افهم كلامك


و ازاي بتقول ان مش العرض و الطلب هو اللي بيحرك السعر امال ايه اللي بيحركه ؟؟؟؟

و عامة فيه كتاب ممكن ارفعهلكم بيتكلم اصلا عن تركيبة سوق الفوركس و البنية التحتية له و بيشرح الالية التي يتحرك السعر من خلالها اصلا و لماذا يتحرك

اعتقد انك لما تقرا الكتاب ده ممكن تشوف السوق بطريقة تانية خالص

و اقسم بالله ان ردودي هذه ما هي الا محاولة مني لمساعدتك انت و الاخوة اصحاب هذا التفكير حتي لا تضيعوا وقتكم و مجهودكم وراء سراب لا وجود له (( من وجهة نظري علي الاقل ))

ممكن طلب برفع الكتاب للاستفاده
وجزاك الله خيرا

[scalping]

نصيحه لله تعالى أخي العزيز, أترك هذه الخزعبلات وحركة المجرات والكواكب وقوانين الفيزياء عزيزي لا يوجد قانون رياضي او فيزيائي يحكم السوق , هذا السوق مبني على العرض والطلب وتبادل الادوار بين الدول لتسيير عجلة الاقتصاد, فانا حاصل على الدكتوراه في الهندسه الميكانيكيه وجربت العديد من النظريات والقوانيين والمسلمات والبرامج الهندسيه المتعدده وبرامج المحاكاه ونظرية العشوائيه والاهتزازات وبكل بساطه تفشل في تحديد وجهة السعر القادمه, فقط تاجر بالكلاسيكي والاساسي ولا تغفل اغلاقات الشموع فلا تضَيع وقتك وتبذل جهدك في علم سوف يوصلك للإفلاس المادي والعقلي....

واتحدى من يزعم بان المعادلات الفيزيائيه والاجرام السماويه لها علاقه بالسوق بان يقدم الحجه والبرهان

[zelenko]

ممكن طلب برفع الكتاب للاستفاده
وجزاك الله خيرا

http://www.multiupload.nl/AKOWQNXJD8

[M.A.T.R.I.X]

http://www.multiupload.nl/AKOWQNXJD8

جزاك الله كل خير وبارك الله فيك ..