وجهة نظري بخصوص السوق وطرق المتاجرة المختلفة + دعوة للمليون
PHP Warning: file_get_contents(https://www.arabictrader.com/arabictrader_storage_server/live_json_feed/at_latest_news.json): failed to open stream: HTTP request failed! HTTP/1.1 403 Forbidden
in ..../includes/arabictrader/blue_theme/at_latest_news.php on line 13
رد:وجهة نظري بخصوص السوق وطرق المتاجرة المختلفة + دعوة للمليون
المشاركة الأصلية كتبت بواسطة zelenko
انا ما قلتش مستحيل بالعكس انا بقول لوحد عنده طريقة يقول عليها
و بعدين انا مش عايز صفقات ناجحة ضعف الخاسرة انا عايز صفقات ناجحة اكثر من الخاسرة بفرق 19 صفقة بس يعني لو اديتني 1000 صفقة خاسرة و 1019 صفقة ناجحة انا موافق
كان الاخ عماد طرح موضوع للتصويت لافضل طرق المتاجرة
و قمت بوضع ردي عليه
و فضلت ان يطلع عليه الاعضاء ففكرت ان اطرحه في موضوع منفصل
وكان هذا نص الرد بتاعي
***************************************
موضوع جميل و نقاشات اجمل يشوبها بعض الشوائب ولكن هذا طبيعي فنحن بشر
هذه قناعتي الشخصية :
كلامي سأقسمه لاقسام :
1- الي الاخوة اصحاب الفلكي و جان و الزوايا و ( اي طريقة تعتمد في اساسها ان للسوق قانون ثابت يحدد حركته علمه من علمه و جهله من جهله )
اقول لكم
دعكم من التعصب لطرقكم وحاولوا ان تكسروا القيود التي تاسرعقولكم فما تبحثون عنه غير موجود
لماذا ؟؟
الفلكي مثلا : دلوقت بتقولو لكل حاجة قانون و ان الاجرام السماوية ماشية بنظام و ان الانسان كان جاهل بيها و لما اتعلم واكتشف قوانينها بقي بيحدد حركتها قبل ما تحصل
ده كلام جميل بس هما عشان يحطوا قانون لتحديد حركتها حددوا الاول كل العوامل المؤثرة علي هذه الحركة ووضعوها في القانون و في اي وقت يعوزوا يحددوا مكان كوكب او اي حاجة في المستقبل بيجيبوا القانون ويعوضوا الرموز بالقيم الحسابية الموجودة عندهم تطلع لهم النتيجية بكل دقة
والي اصحاب جان : انتوا بتقولوا ان جان عنده طريقة او قانون لتحديد وتوقع حركة السوق صح كدة ؟؟
طيب هرد رد فرعي عليكم و بعد كدة الرد الاساسي لكم انتم والفلكيون
دلوقتي انا قريت و سمعت كتير ان جان بيقول انه طريقته في اواخر حياته فقدت بعض من قوتها بسبب تدخل البشر في السوق
و لما نعرف ان جان ده كان من زمان قوي (( اوائل القرن العشرين ))
و لما نعرف انه من عشرين سنة بس كان يقال علي من يستعملون التحليل الفني مشعوذين ومجانين ( حسب كلام مارك دوجلاس)
طب شوفوا دلوقتي العالم كله بيستعمل التحليل الفني و بيتطور يوم بعد يوم كل ده حصل في عشرين سنة بس
فبفرض ان جان وصل للسر وهو بنفسه قال السر بدأ يفقد قوته و شوف عدي كام سنة من ساعة الكلام ده و شوف تركيبة السوق و نظامه و مفاهيمه و مبادئه تغيرت الي اي درجة و اسأل نفسك ... هل السر هيفضل فعال بعد كل ده ( طبعا ده بفرض ان السر اتعرف كاملا ) ؟؟؟؟
نأتي للرد الشامل : و ردي هذا لمن يقول عندي طريقة لا تخسر ابدا او قانون السوق لا يحيد عنه ابدا سواء كان جان او زوايا او فلكي اورقمي اوكلاسيك ايا كان
حتي نستطيع ان ننشئ قانون او قاعدة لتحديد شئ ما مستقبلا لابد اولا و ان نحدد كل العوامل المؤثرة في حركة هذا الشئ ( دي ابسط قواعد العقل و المنطق و الفيزياء )
نأتي للفوركس لماذا تتحرك العملات و من يحرك العملات ؟؟
تتحرك العملات بسبب الفرق بين العرض و الطلب
و الذي يحرك العملات هم مجموعة من البشر
اذن لتحديد حركة عملة ما لابد و ان نحدد كل العوامل المؤثرة في حركة العملة
هنا هينط واحد متسرع و يقولي كلامك صح ياعم زيلينكو لازم نحدد الوضع الاقتصادي للعملة
هاقوله لا غلط هيقولي خلاص نحدد العملة فنيا ... برضه غلط
العوامل المؤئرة هنا ليست التحليل الاساسي و لا الاقتصاد و لا الفني و لا الكلاسيكي
العوامل المؤثرة هي كل انسان ارسل اوردر الي احواض السيولة
ايوة ما تستغربش من الاجابة
هو السعر بيتحرك ليه ؟؟
بسبب انه فيه ناس بعتت اوامر شراء و ناس بعتت اوامر بيع لاحواض السيولة و الاكتر هو اللي السوق بيمشي في اتجاهه
يبقي عشان سيادتك تقدر تقولي كمان اسبوع السعر هيروح هنا و يجي من هنا و هايقف هنا و هيطلع من هنا بنسبة 100% او حتي 95%
لازم سيادتك تكون عارف الاستراتيجية المتبعة عند كل انسان يرسل اوامر بيع و شراء لاحواض السيولة سواء كانت بنوك او مؤسسات او افراد
لو لم تحقق هذا و قعدت تقوللي من هنا للصبح انا محدد حركة السعر من قبلها بشهر انا راسم حركة السعر من الاسبوع اللي فات هقولك ربنا يهديك
طب ازاي الناس بتكسب و هي دي النقطة المهمة جدا اللي لو الواحد اقتنع بيها هتساعده جدااااااااااااااااااااااا
دلوقتي احنا مين في السوق ده ؟؟
retail traders
هو ده اسمنا ( تجار التجزئة ) يعني الناس الصغيرة اللي اوردراتها ما تقدرش تواجه اوردرات الحيتان الكبار مثل البنوك
طيب احنا بنستعمل ايه ؟؟
بنستعمل كل الحاجات و الطرق اللي صاحب الموضوع طرحها للتصويت ( كلاسيك و اليوت و شموع ومؤشرات و رقمي وفلكي وجان و زوايا وماركت بروفايل و فوليوم و..... الخ ))
و كلهم فيهم مكاسب و خساير وكلهم جواهم افرع فرعية كتير في العلم الواحد
المهم
كل الطرق دي عبارة عن نماذج و ليست قوانين
و احنا كل شغلنا عبارة عن نماذج و كل الطرق و الاستراتيجيات عبارة عن نماذج تم ملاحظتها
يعني ايه ؟؟ مش مفهمومة الحتة دي
بص يا سيدي الكلاسيكي مثلا : دخلوا بيع لان الترند اتكسر لتحت ؟؟ طب ليه ياجدعان هو فيه قانون بيقول كدة ؟؟
هيقولوك لأ بس احنا لاحظنا انه لما بيتكسر لتحت السعر بيكمل نزول و ده يعتبر نموذج مش قانون
بتوع الهارمونيك : دخلوا شراء بعد تكون الفراشة طب ليه ياجدعان هو فيه قانون بيقول كدة ؟؟هيقولك لا بس احنا لاحظنا انه بعد الفراشة السعر بيطلع
بتوع الماركت بروفايل : احنا داخلين بيع عشان البوينت اوف كونترول اتكسرت لتحت طب يا جدعان فيه قانون بيقول كدة هايقولك لأ لاحظنا .......
بتوع المؤشرات : دخلنا شراء عشان الموفنجات تقاطعت لفوق طب فيه قانون يقولك لا لاحظنا ....
و بتوع جان : لو قالوا : انه دخل شراء مثلا لانه لاحظ ان السعر بيحترم الاداة الفلانية و او مربع التسعة او ايا كان الاداة المستخدمة هنا انا احترم تحليله و اقدره بغض النظر عن مدي قوة او ضعف هذا النوع من التحليل
اما لو قاللي ان السعر لازم ينزل من هنا لان مربع التسعة و مرواح جان بتقول كدة .. هنا بقي اقوله مع السلامة و القلب داعيلك
و نفس القصة لو بتوع الفلكي و الزوايا او اي قسم يدعي انه قادر علي التنبا بحركة السعر مش هقول 100% لا 90% اللي هيقول كدة انا هاعتبره بيضحك علي نفسه
وهكذا بالنسبة لكل الطرق اللي بنستعملها
طب اذن الحل ان احنا نعرف الحيتان شغالين ازاي
و هنا فيه نقطة تانية قبل ما اجاوب
انتوا فاكرين البنوك و المؤسسات الكبيرة بتشتغل بالهبل بتاعنا ده ؟؟
انتوا مفكرين انهم ماعملوش باك تست لكل الطرق بتاعتنا دي سواء كسر ترندات ودعوم و مقاومات وهارمونيك و مؤشرات وموجات ...الخ
لا طبعا لازم نفهم كدة و لو حد مثلا فاكر انه عنده معادلة وصلها و كدة او لدنيا تمام يبقي بيحلم كانت عملتها البنوك
اللي عندها فاينانشيال انجينيرز مرتب الواحد منهم ممكن يوصل لنصف مليون دولار شهريا و اجهزة كمبيوتر ممكن تعملك مليون باك تست في ثانية واحدة لمليون مؤشر او اكسبيرت او معادلة من اللي الميتاتريدر التعبان بتاعنا بيعمل الواحدة في ساعات
المهم الناس الكبيرة ليهم طرقهم في الشغل و استراتيجيتهم الخاصة
بس برضه الكبير هو اللي بيغلب و الكبير مش ثابت دايما
ايه بقي الجملة اللي فاتت دي
ركز معايا
دلوقتي مثلا سيتي بنك استراتيجيته بتقول بيع من هنا ( سواء كانت رقمي او كلاسيك او اساسي او مزيج من كل ما سبق او جن ازرق مش هاتفرق )
فدخل بيع بملياردولار
و في نفس الوقت كان سوسيتيه جينيرال استراتيجيته بتقول شراء فدخل شراء بنص مليار دولار
فطبعا السعر نزل شوية
لما نزل شوية جه المركزي الاوروربي قالك انا بقي استراتيجيتي بتقول شراء من هنا و دخل شراء بخمسة مليار
طلع السعر شوية حلوين قام ظهر بنك اوف اميريكا و قالك بس يا عم الحاج استراتيجيتي بيتقول بيع من هنا ودخل بيع بمليار دولار
طبعا في المثال ده المشترين هما اللي كسبوا لان مجموع اوردراتهم اكبر
و ممكن بنكين يتفقوا مع بعض علي نقطة محددة للدخول
و انت يا معلم عمال تتفرج علي الشارت و هوطالع ونازل و انت مش عارف بيحصل كدة ليه
المهم في وسط الهيصة دي انت بقي بتشوف نموذج بيتكون ( سواء نموذج كلاسيكي او رقمي او هارمونيك او شموع او اي نوع من انواع التحليل ) و بتخش علي اساسه لانك اكيد دارسه و عاملله باك تست و لقيت انه بيكسب حلو
قمت انت داخل وحاطط تارجتك و ستوبك و مستني النتيجة يا تكسب يا تخسر لكن اتحداك انك تكون عارف النتيجة مسبقا
اظن المثال ده يوضح حاجات كتير
من الاخر الفرق بين اوردرك و اوردر الحوت
اوردر الحوت بيحرك السوق
اوردرك و لا ليه اي تاثير في حركة السوق
لذلك حاول تخلي اوردرك في نفس اتجاه اوردرات الحيتان
طب دي هنعرفها ازاي ؟؟
من الاخر مستحيل تعرفها بدقة لان الحيتان نفسهم بينهم و بين بعضهم مش بيبقوا عارفين كل حوت هيخش بكام و منين و هيخش بيع و لا شراء
من الاخر ابحث عن نموذج ( استراتيجية ) يكون نسبة نجاحه عالية
انا مثلا لاحظت نموذج معين و عملتله باكتست من 2008 لقيته رائع فبشتغل بيه
بس كدة خلص الكلام
ارجو محدش يكون زعل من كلامي
وكلامي هذا لا اقصد به جرح او الاستهزاء بشخص معين و لكن كما قلت هذه قناعتي الشخصية
رد:وجهة نظري بخصوص السوق وطرق المتاجرة المختلفة + دعوة للمليون
السلام عليكم ورحمة الله...
أستاذ حمادة... أنا مثل ما فهمت من الموضوع ان للتقييم الصحيح لأي طريقة من طرق التداول .. فنحن نطلب من من كبار الأساتذة في هذه الطرق فتح موضوع وإحراز 25 صفقة ناجحة بإدارة راس مال يذكرها الاخ صاحب الموضوع
وسبب اختصاصك من غيرك هو كون موضوعك من اكثر المواضيع مشاركة ومشاهدة
والهدف الأسمى هو الوصول لمبلغ مليون دولار من هذه الصفقات
وانا اشد على يدك لحب الخير عندك ... والله يكرمك وإيانا ونوصل للمليون
خد عندك يعم زلينكو لو فعلا كان السوق بيتحرك بحركة الحوض و السيولة مكنش فية ولا تحليل هيزبط عشان كدا الحاجات دي مش بتحصل الا ف اوقات الاخباااااار لان دي سيولة بمليارات فمش هتخش ف اى وقت وبدون تصريحات القروش الكبيرة بالتعاون مع حيتان المحيط الاطلنطي اتمني تكون فهمت
أستاذ حمادة... أنا مثل ما فهمت من الموضوع ان للتقييم الصحيح لأي طريقة من طرق التداول .. فنحن نطلب من من كبار الأساتذة في هذه الطرق فتح موضوع وإحراز 25 صفقة ناجحة بإدارة راس مال يذكرها الاخ صاحب الموضوع
وسبب اختصاصك من غيرك هو كون موضوعك من اكثر المواضيع مشاركة ومشاهدة
والهدف الأسمى هو الوصول لمبلغ مليون دولار من هذه الصفقات
وانا اشد على يدك لحب الخير عندك ... والله يكرمك وإيانا ونوصل للمليون
أستاذ حمادة... أنا مثل ما فهمت من الموضوع ان للتقييم الصحيح لأي طريقة من طرق التداول .. فنحن نطلب من من كبار الأساتذة في هذه الطرق فتح موضوع وإحراز 25 صفقة ناجحة بإدارة راس مال يذكرها الاخ صاحب الموضوع
وسبب اختصاصك من غيرك هو كون موضوعك من اكثر المواضيع مشاركة ومشاهدة
والهدف الأسمى هو الوصول لمبلغ مليون دولار من هذه الصفقات
وانا اشد على يدك لحب الخير عندك ... والله يكرمك وإيانا ونوصل للمليون
ياباشا انا لو كنت عاوز اعمل الموضوع اللى بتقول علية دة كنت عملتة من زمان فى قسم التوصيات
ومكنشى هيتعبنى ولا كان هياخد نص الوقت اللى قضيتة فى شرح الموضوع
بالعكس كان هياخد شهرة اكتر ومشاهدات اكترلو التوصيات التى بعثرتها فى الموضوع وفى كل المنتديات وضعتها فى
موضوع مخصص لتوصيات فى قسم التوصيات وبفضل الله حققت اهدافها كان تخطى شروط اخونا صاحب الموضوع بمراحل
لكنى اردت ايصال معلومات وافكار جديدة تساعدنا على الابتكار والتطوير
بس للاسف الناس ماتفقتش على رائى
ان فتحنا شرح قالوا عايزين توصيات
وان فتحنا توصيات قالوا بدل ان تعطينا سمكة اعطنا 2 كيلو سمك عشان العيال
يسلالالالالالالالالالالالالالالالالالالام فين الكلام الحلو دا من زمان
الكلام دا موجود والله ...
بس للاسف كل الناس بتدور على استراتيجيات ... و متقسمين مجموعات ( وكلٌ يبكى على ليلاه ) مع ان كلو صح وشغال وبيكسب وبيخسر ( مفيش طريقه بتكسب على طول ) لاننا صغيرين وصغيرين اوى كمان زى ما الاستاذ عصام ذكر
ماعدا الخبراء فى سوق الفوركس ( خبراء التحليل الفنى والكلاسكى + خبراء اليوت + خبراء التحليل الاساسى + خبراء التحليل الرقمى + خبراء التحليل الفلكى ) الخبره مهمه جدا و الواحد مش بيحسها غير مع الوقت و بيبقى مندمج مع الشارت بأسلوبه وبيعرف يخرج من خسارته بمكاسب بأدارة رأس مال وسيطره نفسيه قويه وبمرونه ورشاقه
.................................
لكن محدش هنا عمل زى ابو عبدالله ( قائد فريق السلاحف ) اللى جمع الناس وعمل فريق كل واحد متخصص فى حاجه وكافحو لحد ما وصلو للمليون
مش عارف ليه لحد دلوقتى محدش قدر يجمع الناس ويعملو موضوع قوى ( هو دا التحدى فعلا ) زى ما فى امريكا بيقولو عقلين بيفكرو احسن واقوى من عقل واحد
................................
الوحيد اللى حاول يعمل موضوع يجمع فيه اكتر من طريقه كان الاستاذ سامر ربنا يباركله ( موضوع الوان قوس قزح ) وانا الصراحه مش عارف ازاى هو بيقدر يركز مع كل الاساليب اللى بيشتغل بيها ربنا يوفقه
.......................
يارب الموضوع دا يبقى بدايه لتغيير المفاهيم و نعمل موضوع نوصل فيه للمليون
بأى اسلوب ايا كان
المهم ان الناس تستفاد ويكسبو
بالتوفيق للجميع ان شاء الله
بالرغم من نيتى الابتعاد عن المنتدى لبعض الوقت نظرا لكثرة المهاترات حاليا الا نك اختصصتنى فى هذة المشاركة فكان لابد
ان ارد
اولا اخى الكريم بعد قراأة الموضوع وبعض ردودك وجدت بعض التناقدات
اديك فهمتني غلط ودا اللي كنت خايف منه ههههه
حضرتك بتقول فيما معناة يعنى ان كانت طريقتك فى الزوايا قوية فورينا الكلام دة عملى
لم اقصد هذا بالمعني الحرفي و لكن حضرتك اللي وضعت شارتات بترد بيها علي عماد فانا بصيت في الشارتات و لقيت حضرتك بتقول انه نزل من هنا و بعدها طلع من هنا عشان السبب الفلاني ثم توقف السعر هنا لانه لازم يكمل لهنا و هكذا فقلت لنفسي اذاكانت هناك طريقة تحدد حركة السعر بهذه الطريقة فيا اهلا بالملايين و زي ما قلتلك انا صفر في الزوايا فطلبت من الخبير اللي هو حضرتك هذا الطلب
وبعدين بترجع تقول لان موضوعة يشهد على ذلك من نسب المشاهدة والمشاركات
طب و الكلمة دي انا قلتها فين ليه ؟؟ وفين ؟؟
قلتها لما كنت برد علي الاخ حسين لماكان بيقوللي اشمعني التحدي لبتوع الزوايا و قلتله لان الدكتور حمادة طرح استراتيجية محددة غيرماركوف و عماد وبالتال انا مش شايف اي تناقض
اولا انا ما قلتش الطريقة وحشة و بعد كدة قولت حلوة و حتي لماحسين بيقوللي تحدي قولتله هو الفوركس ده قريبي عشان افرح لوحد فشل في التحدي
اليست نسب المشاهدة والمشاركات دليل على قوة الموضوع والطريقة؟
ام ان الاخوة المشاركين والذين يشاهدونة ليس لديهم عقل لكى يميزوا بين الخبيث والطيب
حضرتك قولت جملة وهى التى كنت دائما ارددها
ان الزوايا اقوى الطرق والاشكال الهندسية اصدق التحليل عرفها من عرفها وجهلها من جهلها
انا ما قلتش كدة : انا قلت :
الي الاخوة اصحاب الفلكي و جان و الزوايا و ( اي طريقة تعتمد في اساسها ان للسوق قانون ثابت يحدد حركته علمه من علمه و جهله من جهله )
اقول لكم
دعكم من التعصب لطرقكم وحاولوا ان تكسروا القيود التي تاسرعقولكم فما تبحثون عنه غير موجود
و هذه قناعتي الشخصية
و قلت ايضا لو واحد من المتاجرين بالزوايا او الفلكي او جان قال انه عنده نماذج قوية فانامعاه و احترم تحليله اما لو قال انا معايا الطريقة او القانون اللي بيحدد حركة السوق فانا ارفض هذا الكلام وذكرت ايه هي متطلبات هذا القانون
ولكن يبدو انك لم تفهمنى جيدا فى هذة المقولة واعتقدت ان الذى يعرفها فقط هو العبد الفير الى الله
لا يا اخى
المقصود بهذة العبارة ان الزوج او السهم او اى سلعة تتحرك دائما على شكل هندسى والذى يكرمة المولى عز وجل بان
ما الذي يؤكد هذه الفرضية ؟؟؟
يعرف هذا الشكل منذ بدايتة لا يمكن ان يخسر ابدا
يعنى انا نفسى مكتشف الطريقة ممكن جدا لا استطيع ان القط هذا الشكل من بدايتة ويستطيع اخر مبتدأ فى هذا المجال
ان يكرمة الله ويعرف الشكل ويتتبع خطواتة منذ بدايتة الى نهايتة
الطريقة ليس لها علاقة بجان او غيرة
بل انى اعتمد فى طرقى على ما وجدتة فى القرأن الكريم والاحاديث النبوية الشريفة
القرأن الكريم علي عيني و علي راس و انا مؤمن و موحد بالله
و هناك اعجاز علمي في القران في كل المجالات طب و هندسة و فلك و رياضة ... الخ
ولكن هل اكتشف اعجاز علمي في القرأن بخصوص الفوركس ؟؟؟
انا اعلم ان الله ذكر في القران اي تقول
((( ما فرطنا في الكتاب من شيء )))
و لما سأل عنها احد الخلفاء قال نعم فقال له الرجل اذن اخبرني هل موجود في الران كيلو الدقيق يصنع كم رغيف فقال له نعم فقال له اثبت
فقال له لقد قال الله في القرأن الكريم (( فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ ))
فأتي بأحد الخبازين و ساله كم يصنع كيلو الدقيق من الارغفة فأجاب
فلما نيجي نطبق الكلام ده و تقوللي الفوركس موجود في القران الكريم اقولك ايوة و تعالي نسأل اهل الذكر ( الفوركسيين )) و هما يجاوبوا
اما ان يكون الفوركس ذكرخصيصا في القرأن وا السنة فعلي حد علمي اعتقد لا
وحتى ان مزجتها ببعض علوم الفلك فلا استخدم الا ما قد ثبت علميا واتى ذكرة فى الاحاديث النبوية الشريفة
لماذا اوصانا الرسول علية الصلاة والسلام بالصوم فى الايام القمرية؟
هذا ثبت فوائده طبيا
لماذا اوصانا الرسول علية الصلاة والسلام بالحجامة فى الايام القمرية؟
هذا ثبت فوائده طبيا
ومع علاقة القمر بجسم الانسان وعقلة واعصابة التى تؤثر فى قرارات البيع والشراء
مفيش اي دراسة علمية تؤكد هذه الفرضية
واذا كنت تريد التاكد من قوتها فيمكنك مراجعة موضوع علم الارقام والمتاجرة بالالة الحاسبة فقط
وكيف اننا بفضل الله توقعنا ان يصعد اليورو دولار من القاع 11967 الى 14700
ثم يهبط من 14900 الى 11990 وكنا نأخذ صفقات داخلية طوال هذة الرحلات
بفضل الله استطعت توقع انخفاض الداو جونز تقريبا 10% فى حين ان الاغلبية كانت تتوقع صعودة
بفضل الله استطعت توقع انهيار الذهب الى مستويات 1500 عندما كان 1740 فى حين ان الاغلبية كانت تؤكد انة ذاهب الى
2200
والحمد لله الفيديوهات موجودة على اليوتيوب لمن اراد ان يتأكد
بقضل الله توقعت انهيار سهم الفيس بوك بمجرد طرحة للتداول باقل من قيمتة 50%
والتوصية ببيعة موجودة ان اردت الاطلاع عليها
بفضل الله فوزت باغلب المسابقات فى المنتديات ثم بفضل هذة الطريقة
ولم ابخل بها عن احد بل كنت اتعب كثيرا لايصال المعلومة للمبتدأ قبل الخبير
اما اللى مش مقتنع بيها فاكن لة كل تقدير واحترام وهى حرية شخصية
ربنا يزيدك من العلم و المكاسب و شكرا لاحترامك اراء الغير
بس احب اوضح لحضرتك حاجة الرسم اللى علقت علية هو رسم مورسوم فى الفضاء قبل تحرك السعر
وترندات رسمت من بداية الحركة يعنى ماستنتشى لما لارزوج يجى عليها وبعدين ارسمها
و هي دي نقطة الخلاف انك راسم حركة السعر قبل ما يتحرك و حضرتك معتبر ان هو ده القانون الذي يتحرك السوق علي اساسه اما لو حضرتك بتعتبر الرسومات دي نماذج حضرتك لاحظتها من كتر احتكاكك بالشارت فيا اهلا و سهلا
نيجى بقى لموضوع التحدى
باحب انا المنافسات والتحدى ويامرحب بيها
هذا ليس تحدي لغرض الشماتة او اي شئ من هذا القبيل و لكنها دعوة للربح للجميع
انا مستعد اخى ان افتح حساب مخصوص امام الجميع بالمبلغ اللى تقول علية وبالشروط التى تريدها
انا معايا حساب واخده هدية ممكن نبدأ بيه و بلاشحضرتك تغرم حاجة
شروطي واضحة و سهلة
تارجت ضعف الستوب
اعدد الصفقات الرابحة يكون اكثر من عدد الصفقات الخاسرة ب 19 صفقة فقط
بس بشرط ان تدفع لى نفس قسمة الارباح التى حققتها على الحساب ان تحققت كل شروطك
مش فاهم الحتة دي بالضبط
بس زي ما قلت سابقا
اديني ال 19 صفقة تاخد مليون دولار
و لو تحب كل 5 صفقات نقتسم الربح مفيش مشكلة بس كل اقتسام للربح سيحتاج صفقتين لتعويضه
وان لم تتحقق فساخسر انا قيمة الايداع وساخسر مصداقيتى
يا عم الحاج القصة مش قصة ان اخسرك فلوس او ادمر مصداقيتك القصة انك تكسب و انا اكسب و الناس تكسب هو انا هستفيد حاجة لما انت تتأذي
وتقبل تحياتى
طب تحب نبدا امتي يا معلم
الرد بالاقتباس
آخر تعديل بواسطة zelenko ، 27-08-2012 الساعة 09:32 PM
الأكثر زيارة
عضو نشيط
المشاركة الأصلية كتبت بواسطة abo reem
