ما الفرق بين الفوركس وبورصة الأسهم !!! أنا عن نفسي مش فاهم ، حد معايا ؟

[__dizel__]

السلام عليكم ورحمة الله وبركاته

عنوان الموضوع يقول :

ما الفرق بين الفوركس وبورصة الأسهم !!! أنا عن نفسي مش فاهم ، حد معايا ؟

هو احنا بنعرف في البورصة بتاعتنا الحلوة الجميلة دي ونتابع العملات لحظة بلحظة

وعارفين افتتاح الاسواق والمواعيد وحتى الأجازات الأسبوعية والسنوية !

ده كلام جميل اوي

خش على الشغل بقى :

شهر الشركة المصرية للي مش عارف ايه طلع بنسبة 1 فاصلة 3

الناس بتبيع الأسهم بتا ع شركة كذا

شركة كذا تعزز الأسهم وترضي عملائها

لحظة واحدة بقى :

انا عاوز اتعلم البورصة دي

عاوز اعرف ازاي اعرف اخبارها مثلا وليكن البورصة المصرية

عاوز اتابع اسعار الأسهم والشركات دي

طيب امته الناس بتبيع وامته الناس بتشتري ؟ وازاي ؟

هل بيشترو لوحدهم من برنامج تداول ؟

هل لازم اتصل بالوسيط زي الافلام كده واقولو بيع بيع بيييييييييييع

الموضوع مهم والله وانا مش هسيبو وهحاول اجمع معلومات عنو واسئلة واستفسارات

علشان نعرف فيه كل شىء

والله المستعان

[محمود صقـر]

السلام عليك أخى الغالى

أولاً بتروح لشركة وساطة وتخبرهم انك عايز تسجل فى البورصة لأول مرة
بيعملوا لك كود برقم خاص فى البورصة مثله مثل رقم البطاقة
الرقم ده بتاعك مدى الحياه يعنى لو روحت تفتح حساب فى اى شركة اخرى هيكون بالرقم ده برضه
وبيعملوا لك كود اخر خاص بالشركة اللى فتحت فيها الحساب
وبتقوم بعملية الإيداع وبذلك تكون انتهيت من فتح الحساب وحسابك جاهز للتداول
كنا زمان بنشترى ونبيع من خلال التليفون أو أن نكون حاضرين فى الشركة خلال أوقات التداول
ونشترى ونبيع هناك من خلال أوردرات - ورقة بنكتب فيها تفاصيل الصفقة -
يعنى كانت كلها عمليات تقليدية
أما الآن التداول أصبح بالنظام الإلكترونى
من خلال برنامج خاص بالشركة وبه شارت للتحليل الفنى
والشركة بتنزل الأخبار على موقعها
فيمكنك الشراء والبيع من خلال البرنامج عبر النت مثل الفوركس

وهناك مواقع كثيرة تقوم ببث الأخبار
وأهمهم موقع مباشر

أتمنى أن تكون قد إتضحت الصورة
تحيــــاتى لك

[MRVivantor]

انت بتتكلم عالبورصة المصرية ال هي بتيجي ف تلفزيون والكلام دا ولة بورصة الاسهم الامريكية ؟؟

[__dizel__]

أخجلتم تواضعنا والله يا سيدي

شكرا أخي الكريم محمود صقر معلومات جميلة جدا وقيمة جدا

طيب السؤال بقى : هل برنامج التداول ده خاص بشركة مصر للطيران مثلا يعني ابيع او اشتري عن طريق البرنامج

ولا البرنامج ده للبورصة المصرية كلها او الأمريكية بصراحة مش عارف الفرق

وشكرا جدا جدا جدا

[__dizel__]

بتلكم على الاثنين يا MRVivantor

[محمود صقـر]

ماذا تقصد ببرنامج شركة مصر للطيران هنا ، يعنى ايه دخل مصر للطيران فى موضوعنا
البرنامج ده خاص بكل شركة سمسرة فى الأوراق المالية
يعنى برنامج شركة هيرمس للسمسرة يختلف عن برنامج شركة أصول وعن برنامج شركة ارب فاينانس وهكذا
لكن الأسهم هى واحدة بكل البرامج والأسعار نفسها فى أى برنامج أو موقع
والبرنامج ده بيشمل الأسهم المصرية كلها

اما لو تتكلم عن البورصة الأمريكية فلها شركات وساطة أخرى كثيرة خاصة بها
مثل أميرتريد واى تريد و و و

وهناك بعض السمسرة العالمية التى تدمج أكثر من سوق فى برنامجها ، مثل أن تدمج السوق الأمريكى مع سوق لندن مع سوق طوكيو وهكذا

أتمنى أن أكون قد أفدتك
تحياتى

[__dizel__]

ماذا تقصد ببرنامج شركة مصر للطيران هنا ، يعنى ايه دخل مصر للطيران فى موضوعنا
البرنامج ده خاص بكل شركة سمسرة فى الأوراق المالية
يعنى برنامج شركة هيرمس للسمسرة يختلف عن برنامج شركة أصول وعن برنامج شركة ارب فاينانس وهكذا
لكن الأسهم هى واحدة بكل البرامج والأسعار نفسها فى أى برنامج أو موقع
والبرنامج ده بيشمل الأسهم المصرية كلها

اما لو تتكلم عن البورصة الأمريكية فلها شركات وساطة أخرى كثيرة خاصة بها
مثل أميرتريد واى تريد و و و

وهناك بعض السمسرة العالمية التى تدمج أكثر من سوق فى برنامجها ، مثل أن تدمج السوق الأمريكى مع سوق لندن مع سوق طوكيو وهكذا

أتمنى أن أكون قد أفدتك
تحياتى

أنت مش بس افدتني انت كفيت ووفيت حبيبي ربنا يباركلي فيك

كلامك مختصر ومفهوم جدا جدا

آخر سؤال بقى هل الاشتراك مع شركات الوساطة دي بيكون مقابل مبلغ مالي شهري او سنوي ؟

ولا بياخدو على الصفقات زي الفوركس ؟

وصدقني جزاك الله كل الخير لأن الموضوع ده هيفيد ناس كتير جدا

[محمود صقـر]

لا فى البورصة المصرية مثلاً العمولة بنسبة فى الألف
يعنى هناك شركات بتاخد 7 فى الألف
بمعنى كل صفقة بألف تاخد عليهم 7 جنيه
لو ألفين بتاخد 14 كده يعنى
والعمولة بتختلف من شركة لأخرى

تحياتى لك