**** استراتيجيه تانيه .. 10 نقاط ****

**basuoni** · 01-08-2012, 05:45 PM

بسم الله الرحمن الرحيم
السلام عليكم ورحمة الله وبركاته

اولا

1. هنفتح شارت eur\usd
2 . هنجيب فريم الربع ساعه
3 . هنحط مؤشر Kingo Regression Channel v2 ( مؤشر القنوات )

ثانيا

* فترة التداول من الساعه 12 صباحا حتى الساعه 8 صباحا ( الفتره الاسيويه )
* ننتظر كسر القنوات ( اى قناه فيهم سواء الحمرا او الزرقا) واغلاق شمعة الكسر خارج القنوات
* يتم الدخول مع افتتاح الشمعه التاليه لشمعة الكسر مباشرة
* الهدف 10 نقاط من نقطة الدخول
* لا يوجد استوب ولكن يتم اغلاق الصفقه اذا لم تحقق هدفها مع اغلاق شمعة الساعه 7:45 والخروج من السوق
.............................................
هنبداء مع بعض ان شاء الله من انهارده بليل وضع الفرص
الاستراتيجيه هنجربها الاول على الديمو لمدة 3 شهور
قبل ما نشتغل حقيقى
.............................................
المؤشر فى المرفقات

**basuoni** · 02-08-2012, 02:13 AM

بسم الله الرحمن الرحيم

اولى صفقاتنا بأذن الله على اليورو
والهدف 10 نقاط

**basuoni** · 02-08-2012, 02:22 AM

بسم الله الرحمن الرحيم
توكلنا على الله
شراء الباوند والهدف 10 نقاط

**basuoni** · 02-08-2012, 05:27 AM

تم بحمد الله ضرب الهدف على اليورو
+10
..........................
متابعين مع بعض لسه صفقة الكيبل

**Leonardo** · 02-08-2012, 06:09 AM

جميلة خصوصا و الهدف صغير مع الاسكالبنج يبقى تمام
انت بتستخدم منصة ايه و تنصح باستخدام منصات ايه ؟

**basuoni** · 02-08-2012, 06:16 AM

المشاركة الأصلية كتبت بواسطة Leonardo

جميلة خصوصا و الهدف صغير مع الاسكالبنج يبقى تمام
انت بتستخدم منصة ايه و تنصح باستخدام منصات ايه ؟

انا بستخدم منصة البارى .. او اى منصه ليها نفس التوقيت ....
.....................
ومعاك لو فى اى استفسار
.....................
تقبل تحياتى

**jetspeed** · 02-08-2012, 08:28 AM

ماشاء الله متابعين معك وبالتوفيق السؤال كم لك مدة بتستخدم هذه الطريقة

**basuoni** · 02-08-2012, 09:23 AM

تم بحمد الله الخروج من صفقة الكيبل

لو بصينا على الصفقه انهارده هنلاقي اننا كان قدامنا نخرج على نقطة الدخول اكتر من مره
ولو بنفكر نجازف كان ممكن نكمل فيها لحد دلوقتى لوجود اشارات قويه بكسر القنوات

لكن افتتاح الفتره الاوروبيه ممكن يقلب الدنيا ونتسحب فى خساره كبيره

يبقى طبقا للالتزام ببنود الاستراتيجيه وهنفترض اننا قفلنا مع اغلاق شمعه الساعه 7:45
يبقى قفلنا على خساره -5
....................................
اجمالى صفقات انهارده
+5

**basuoni** · 02-08-2012, 09:38 AM

المشاركة الأصلية كتبت بواسطة jetspeed

ماشاء الله متابعين معك وبالتوفيق السؤال كم لك مدة بتستخدم هذه الطريقة

والله انهارده اول يوم استخدام ( وبنشتغل على الديمو )
بس حضرتك ممكن تعملها باك تيست هتلاقيها بتجيب الهدف على طول
فى المرفقات صور باك تيست شهر7

**Mo3Ty** · 02-08-2012, 10:56 AM

بسم الله ما شاء الله
الله ينور عليك يابسيوني والله

تقبل تحياتي

**basuoni** · 02-08-2012, 11:48 AM

المشاركة الأصلية كتبت بواسطة Mo3Ty

بسم الله ما شاء الله
الله ينور عليك يابسيوني والله

تقبل تحياتي

ربنا يكرمك يا معطى باشا
منور الموضوع والله
ومبسوط والله ان الموضوع عجبك
فى انتظار مشاركاتك الفعاله

تقبل تحياتى

**ابو شجون** · 02-08-2012, 03:38 PM

يعطيك العافية

تسلم ايدك

**basuoni** · 02-08-2012, 07:08 PM

المشاركة الأصلية كتبت بواسطة ابو شجون

يعطيك العافية

تسلم ايدك

ربنا يجبر بخاطرك ... شرفنى مرورك

**kmalex14** · 02-08-2012, 08:14 PM

المشاركة الأصلية كتبت بواسطة basuoni

والله انهارده اول يوم استخدام ( وبنشتغل على الديمو )
بس حضرتك ممكن تعملها باك تيست هتلاقيها بتجيب الهدف على طول
فى المرفقات صور باك تيست شهر7

انا بشكر حضرتك على الموضوع الرائع وان شاء ربنا يوفقك بس كان عندي استفسار حضرتك ممكن تشوف اول كام يوم او حتى اول 3 ايام من شهر تلاته (مارس) وممكن تقوللي رأيك ومعلش استفسار تاني برده حضرتك قولت في أول الموضوع انه لزوج اليورو دولار وحضرتك اشتغلت على الباوند فا عادي اشتغل اعلى ازواج تانيه ولا ايه .مرة تانيه شكرا ليك وبالتوفيق ان شاء الله

**basuoni** · 02-08-2012, 10:23 PM

المشاركة الأصلية كتبت بواسطة kmalex14

انا بشكر حضرتك على الموضوع الرائع وان شاء ربنا يوفقك بس كان عندي استفسار حضرتك ممكن تشوف اول كام يوم او حتى اول 3 ايام من شهر تلاته (مارس) وممكن تقوللي رأيك ومعلش استفسار تاني برده حضرتك قولت في أول الموضوع انه لزوج اليورو دولار وحضرتك اشتغلت على الباوند فا عادي اشتغل اعلى ازواج تانيه ولا ايه .مرة تانيه شكرا ليك وبالتوفيق ان شاء الله

انت كده راجل ميه ميه ,, احب انا الناس اللى بتسأل وبتطلع ثغرات ,, وكله للأفاده بأذن الله

مبدأيا انا مش عندى الداتا بتاعت شهر تلاته على فريم 15 دقيقه ومعرفش ليه مش بتيجى
بس باصيت على فريم الساعه وحاولت اجمع اللى انت تقصده .. انت تقصد انه بيحصل كسر وبعده على طول بيرتد .. -30 , -15 , -20 .... على التوالى

انا لو عندى الداتا كنت عملت باك تيست لسنه كامله وحسبت نسبه المكسب للخساره , والدروداون , بس للأسف مش عندى الداتا ومش عارف انزلها

* فى نقطه تانيه : من الشغل على الباك تست هتلاحظ ان الجابات فى افتتاح الاسبوع بتخلى شكل القنوات مش مظبوط فاهنجرب الشغل عليها لمدة 12 اسبوع ,, ونشوف الصفقات اللى خسارتها كبيره وسبب الخساره كان ايه فى اليوم دا .. وممكن نلغى الشغل على الجابات او فى افتتاح الاسبوع عموما( اللى هو يوم الاتنين ) ومعاك لو فى اى ملحوظه تانيه للوصول لافضل شكل
* ولو تقدر تفدنى بأى طريقه انزل بيها الداتا لفريم 15 دقيقه تبقى تمام

* اما بالنسبه للباوند فهو للتجربه وانا عن نفسى حاطت كام عمله تحت المنظار كده وهنشوف ان شاء الله ممكن نشتغل على ايه تانى , وبأذن الله فى الاجازه هشتغل باك تيست على كام عمله وهنزل الباك تيست هنا وهنشوف مع بعض , وبتمنى من الاخوة يساعدونا فى تجربة الفكره

*هيا الفكره فى الاساس اصلا بتتلخص فى المتاجره فى الفتره الاسيويه ( ممكن جدا نربط بين فريم الساعه والنص ساعه والربع ساعه بنفس اسلوب القنوات ) وناخد 10 نقط حلوين فى وقت الدنيا هاديه فيه ومن غير توتر ولو خسرنا هتبقى الخساره صغيره ( بس انا طبعا لسه مجربتش فكرة الربط بين الفريمات عشان متنفعش على الباك تيست وعايزه شغل لايف )
وكله للافاده ... لانى فعلا استفدت كتير جدا من المنتدى دا ومن ناس كتير محترمه جدا عمرهم ما بخلو بأى معلومه او مساعده

* وانا معاك فى اى استفسار وانا اللى المفروض اشكرك على تفاعلك مع الموضوع , وفى انتظار مشاركاتك

تقبل تحياتى

الموضوع: استراتيجيه تانيه .. 10 نقاط

أدوات الموضوع