**** استراتيجيه تانيه .. 10 نقاط ****

[basuoni]

نركز كده مع فريم الساعه , والنص ساعه , والربع ساعه
لان انهاردة يوم مثالى وتطبيق عملى للتطوير الاول للاستراتيجيه

لاحظ السلوك السعرى على ال3 فريمات

وجارى تجهيز الشرح بأن الله

[basuoni]

بسم الله الرحمن الرحيم

مقدمه
فى البدايه
طرحى لهذه الاستراتيجيه ..( او الفكره بمعنى اصح ) ... ليس الا للافاده
لانى استفدت كتير جدا من المنتدى دا ومن ناس كتير جدا هنا , ناس محترمه فعلا

ولا تعتبر اعجاز او انجاز لانها فى الاساس فكرة الدكتور جمال ممدوح ( استراتيجية القنوات )

* اساس الفكره : هو العمل على الفتره الاسيويه بنسبة مخاطره قليله وبهدف قليل وفى فتره السيوله فيها ضعيفه
..... وبتعتمد ايضا على فكرة البريك اوت
القنوات بتترسم على فريم 15 دقيقه من الساعة 12 الضهر لحد الساعه 12 الصبح ( دى القناه الزرقاء .. الكبيره )
ومن الساعه 18 الى الساعه 12 صباحا ( القناه الحمراء ... الصغيره )
اللى هى تعتبر فترة الحركه الرئيسيه للسوق

واللى من خلالها ممكن نتوقع حركة الفتره الاسيويه بخروج السعر منها
.... ولأنى كنت ساعات بستخدم الربط بين الفريمات من الربع ساعه لليومى
لاحظت ان السعر لما بيبقى ضعيف بيحترم الفريمات الصغيره ( لانه ضعيف )
لكن لو قوى مبيحترمش غير الكبير

وطبعا اكتر فتره السعر بيبقى فيها ضعيف هيا الفتره الاسيويه
فقررت اعمل باك تيست للقنوات على فريم الربع ساعه واشوف هتعمل ايه
ولاقيت النتايج جميله ... بس محتاجه شوية شغل لايف وشوية تظبيط

فقررت اعمل الموضوع دا
وابداء مع الناس هنا ونطور الفكره ونحولها لاستراتيجيه مش بس ل 10 نقط لاكتر من كده كمان
وتبقى استراتيجيه للعمل على الفتره الاسيويه فقط

وعشان كده كنت بطلب من اى حد بيشارك انه يقول رأيه او اى ملحوظه
...........................

يتبع

[Beautiful dream]

انا المنصه اللى شغال عليها منصة alpari uk
ودا حضرتك لينك تحميل المنصه
http://www.alpari.co.uk/en/trading-p...tatrader4.html
نزل المنصه ومعاك لو فى اى مشكله تانيه ان شاء الله

تسلم يا باشا
جاري التنزيل ..........

[basuoni]

بسم الله الرحمن الرحيم
بالنسبه لصفقات امبارح قفلنا على خساره مع اغلاق شمعة الساعه 7:45
بأجمالى خساره -14 نقطه

[samerbaddar]

معلش يا استاذ سامر على تأخرى فى الرد على حضرتك
بالنسبه لليورو انا دخلت في الصفقه وانا عارف وبنسبة 95% انه طالع ... عشان الالتزام بشرط الاستراتيجيه فقط لأنى بعتمد على اى كسر لاى قناه فيهم وهما 10 نقط ( عشان دى اساس الفكره )
لكن بما ان حضرتك راجل قديم وعارف القنوات وحافظها اكتر منى .. السعر كان على فريم الساعه وصل للحد السفلى للقناه الزرقاء .. وعلى فريم النص ساعه كان على حد القناه الحمراء وعلى فريم الربع ساعه على حد القناه الحمرا .. يعنى قدامه تكتل من خطوط الدعم .. يبقى المفروض مندخلش بيع وننتظر .. ودا اللى كنت ناوى اقولو بعد الصفقه دى اللى هيا فكرة المرونه والربط بين الفريمات الصغيره فى فترة السعر بيبقى فيها ضعيف
ومعندوش مقدره على الكسر القوى ... راقب الفتره الاسيويه على الثلات فريمات دول هتتضحلك الرؤيه

وان شاء الله متابعين مع الصفقتين
ومعاك لو فى اى استفسار تانى

ممتاز و انا مع فكرة الربط بين الفريمات

[basuoni]

بسم الله الرحمن الرحيم
التطوير الاول
( المرونه والربط بين الفريمات )

* مازلنا على نفس الشروط بتاعتنا اللى قولناها فى اول الموضوع اللى هيا .:

- فترة العمل هى الفتره الاسيويه
- الدخول مع اى كسر للقنوات بهدف 10 نقاط
- اغلاق الصفقات بيكون الساعه 7:45
+++
- عدم الدخول مع افتتاح السوق ( يوم الاثنين )

* اللى هنضيفو انهارده اسلوب للعمل وليست شروط
لان الشروط لو طبقناها زى الاكسبيرت هنحقق مكاسب .. لكن احنا مش اكسبيرتات
ومع بعض المرونه هنبعد عن الصفقات الخسرانه والمكاسب هتزيد بأذن الله

** اسلوب المرونه والربط بين الفريمات**
تعالو نشوف صفاقتنا الخسرانه ايه اللى حصل فيها .. ونحاول نعرف ازاى كان ممكن نحول الخساره دى لمكاسب ومكاسب كبيره كمان


اول صفقه خسرانه كانت على الكيبل يوم 2\8 وقفلناه الساعه 7:45 على خساره - 5

تعالو نشوف كان ممكن نعمل ايه معاها

- دى اول صفقة على الكيبل ( ركز مع المثلث والمستطيل والدايره فى الصورة فى المرفقات)
السعر خرج من القناه الحمراء على فريم الربع ساعه
لكن كان فى قدامه خط منتصف القناه الزرقاء على النص ساعه + خط منتصف الحمراء على الساعه
وبالفعل ظهرت شمعه حمراء مرتده ابتلعت الشمعه اللى قبلها

وعكس السعر علينا 25 نقطه

فضل السعر ماشى لحد ما قابل الحد العلوى للحمراء على الربع ساعه + الحد السفلى للحمراء على فريم الساعه
وابتدا ياخد حركه جانبيه شبهه صاعده

لحد ما قابل تانى مجموعة خطوط حلوة جدا ( الحد العلوى للزرقاء ربع ساعه + الحد العلوى للحمراء وخط منتصف الزرقاء نص ساعه )

وخرج منها بعد خروجو دا استهدف الحد العلوى للقناه الحمرا على الساعه
بس هنا كانت الساعه بقت 8
...... وهيا دى بقى فكرة المرونه .....
انك شايف ان السعر واخد طريقه وهيطلع الخمس نقط دول لحد ما يوصل للحد العلوى للحمراء

- يبقى مبدائيا فى حاله زى دى منقفلش طبعا على خساره
- ثانيا نركز مع الكسر
( فى الفرصه دى المفروض كنا نستنى شويه وننتظر هبوط السعر لاعادة الاختبار واخذ عزم للصعود .. حتى يتمكن السعر من كسر هذه الخطوط ... يبقى المفروض كنا ننتظر ... طيب نفترض اننا استننا وانه عمل الدنيئه و كسر على طول , برضو الفرصه مش هتضيع علينا لانه هيبقى كسر قوى و السعر هيبقى قوى وهنعرف ناخد منه 10 نقط .. دول 10 نقط )
----- ودى كانت اول صفقه خسرانه ... لو اتعملنا معاها زى الاكسبيرت يبقى هنقفل على – 5
... لكن لو اتعملنا بمرونه شويه .. كان زمان الصفقه قفلينها على الصفر على الاقل ...

يتبع
بأذن الله

[basuoni]

**** تعالو نبص على صفقة اليورو ليوم 2\8 ( الصفقة دى خدنا فيها 10 نقط ) ****

بص على التلت فريمات وشوف السعر اتحرك ازاى وازاى تفاعل مع القنوات .. وركز مع المستطيل اللى انا راسمه فى الصور وشوف المنطقه دى اتجمع فيها كام خط وشوف السعر عمل ايه ...
وتابع كده حركة السعر ( دول مش 10 نقط بس ... دول اكتر من 160 نقطه .. خد منهم اللى انت عايزه طول ما السلوك السعرى بيدل على الصعود )

[samerbaddar]

متابع و ان شاء الله لصفقات اكبر و اكبر

[basuoni]

نراقب الان الكيبل على التلات فريمات زى ما شرحنا ونشوف السلوك السعرى

[basuoni]

ونراقب ايضا اغلاق الساعه على اليورو

[samerbaddar]

ارى طريق الكيبل مغلق صعودا على النصف ساعة والساعة فالاستعداد للبيع اولى

[basuoni]

معلش يا جماعه الكهربه قطعه عندى وفلاشة النت الشبكه ضعيفه جدا وبحاول اتابع معاكو

دلوقتى سلوك سعرى واضح وكسر قوى لاعلى ( ظهور قوة شرائيه ادت للسعر قوة )... الدخول شراء على الكيبل واليورو .. بهدف 10 نقاط بأذن الله

[basuoni]

ارى طريق الكيبل مغلق صعودا على النصف ساعة والساعة فالاستعداد للبيع اولى

عندك حق يا سامر ... انا موضوع الكهربه دا نرفزنى الصراحه واتعذبت على ما دخلت ومش مركز واللاب هيفصل هو كمان اول ما الكهربه توصل هكمل معاكو وبعتذر يا جماعه

[basuoni]

بسم الله الرحمن الرحيم
بعتذر ياجماعه بجد غصب عنى
الكهربه فعلا حاجه تقرف

...................

بالنسبه للكيبل زى الاستاذ سامر ما قال فى مشاركته السابقه ... كان قدامه طريق شائك على فريم النص ساعه والساعه ولكن اجتاز الطريق دا بثبات .. واغلاقاته على فريم الساعه كلها كانت ايجابيه على الرغم من وجود شمعه انعكاسيه على فريم نص ساعه لكن اغلاق الساعه لاغاها تماما ... وبأذن الله الى مزيد من الصعود

...............
بالنسبه لليورو فا نفس السيناريو واغلاقات الساعه كلها ايجابيه ... وبأذن الله الى مزيد من الصعود

..............
وبعتذر مره اخرى