كارت 4u + كارت كريدى المدفوع مقدما .. حل لتأخر الحوالات فى مصر

[Leonardo]

السلام عليكم ورحمة الله وبركاته

حل لموضوع تأخير الحوالات فى مصر ,, طبعا عندنا فى مصر لما تروح تعمل حوالة بنكية بيقولك هتاخد 5 ايام عمل و ممكن تاخد اكتر و بتدفع عليها من 25 الى 40 دولار تقريبا و طبعا بتواجه اسئلة زى الفلوس دى رايحة فين , سبب الحوالة ايه , هاتلى اثبات و هكذا

فيه حل دلوقتى سهل و بسيط و هو عن طريق بنكين محترمين بيصدروا بطاقتين اكتر احتراما

البنك الاول هو البنك العربى الافريقى ببطاقته 4u
و دى عبارة عن بطاقة بلاستيكية بتكون خاصة بالانترنت فقط يعنى تستخدمها على الانترنت بس
طريقة اصدارها :
بتروح اى فرع من فروع العربى الافريقى و معاك البطاقة .. بتروح على خدمة العملاء تقول لموظف او الموظفة الموجودة انك عاوز تطلع كارت 4u للانترنت .. هياخد منك البطاقة يصورها و يديلك ابلكشن تملاه على ما يخلص تصوير البطاقة الشخصية و يجيبلك كارت ال 4u الخاص بيك .. ايوة بتستلمه وانت قاعد ! .. بعد ما تخلص الابلكشن بيبدأ هو يدخل البيانات على الكمبيوتر الى ادامه و بيانات الكارت و بيقولك 10 دقايق و يكون جاهز و فعلا فى 10 دقايق بتكون استلمت الكارت و بيديلك وصل بالمبلغ الى انت عاوز تشحنهو تزود عليهم 20 جنيه مصاريف اصدار الكارت و تروح الخزينة و معاك الكارت و الوصل و تدفع الفلوس و تمشى تروح البيت تتصل بخدمة العملاء تعمله اكتفشن عشان يشتغل بعد الساعة 10 بليل
مميزات الكارت :
مصاريفه 20 جنيه فقط و مدتة صلاحيته 3 سنوات
بتستلمه فى نفس الوقت يعنى مش هتنتظر اسبوعين على ما ييلك على البيت
مجرد ما تعمله اكتفشن تقدر تستخدمه علطول
الحد الاقصى للايداع 15000 جنيه و دى ميزة قوية جدا يعنى حوالى 2450 دولار
لو صرفت المبلغ الى اودعته تقدر تشحنها مرة تانية تانى يوم لانك لك مرة شحن واحدة فقط
البنك شغال لحد الساعة 5 بس مش فى رمضان طبعا
معظة الشركات بتقبله معادا فكسول بس عشان فكسول تقبله فول للموظف انك عاوز تطبع اسمك على الكارت لانه بيبقى مطبوع عليه كلمة INTERNET بس لو طلبت طبع اسمك عليه هياخد 3 ايام عمل على ما تستلمه
عيوبه : عيب وحيد انك متقدرش تصرف الاموال دى غير على النت فقط لا غير يعنى متقدرش تسحبها من اى ماكينة صراف الى و الحالة الوحيدة الى تقدر تسترجع فيها فلوسك لو مستخدمتش الكارت انك تلغيه و فلوسك هترجعلك بعد 30 يوم .

البنك الثانى : بنك كريدى اجريكول و بطاقته فيزا مدفوعة مقدما
مصاريفها 60 جنيه و بتتجدد كل سنتين و دى فيزا كارد مكتوب عليها اليكترون يعنى تقدر تستخدمها فى الشراء من اى مكان على النت او اى محلات و كمان تقدر تسحب فلوسك من اى ماكينة صراف الى و دى ميزة عن كارت 4u بيطلعلك برضو فى نفس اليوم و هو مش كارت بلاستيكى وخلاص لا دا فيزا كارد و عليه شعار فيزا و برضو بتتصل بخدمة العملاء و تعمله اكتفشن

مميزاته : انك تقدر تشحنه عن طريق ماكينة الصراف الالى يعنى مش هتنتظر فى طوابير البنك ولا تتقيد بساعات عمل معينة و دى الطريقة الوحيدة للشحن مينفعش تشحنه عن طريق البنك نفسه لازم عن طريق الماكينة
ممكن تطلع لحد 10 بطاقات و ممكن تهدى اى بطاقة منهم لاى حد لانهم مش بيكون مكتوب عليها الاسم و اى حد يقدر يستخدمها و كمان زى ما قولنا تقدر تستخدم فلوسك دى فى اى مكان مش شرط الانترنت بس .
عيبوبه : ان الحد الاعلى للايداع 5000 جنيه لكل بطاقة , بس لو بصينا على ميزة انك ممكن تستخرج اكتر من بطاقة فى دى تلغى دى لو عاوز تتعامل فى مبالغ كبيرة

اى استفسار انا جاهز مع العلم انى اصدرت البطاقتين و تمت تجربة بطاقة 4u مع فكسول و لم تفلح لان البطاقة مش عليها اسمى لكن نفعت مع wwm و التحويل وصل فى 3 ثوانى بالظبط . لسه هجرب كريدى اجريكول

[Leonardo]

الى عنده اى اضافة عن الكروت الى ممكن تسهل عملية الشحن او حتى السحب يقولها

[slama]

مقالة مفيدة ليوناردو

[Leonardo]

مقالة مفيدة ليوناردو

احنا فى الخدمة .

[Leonardo]

نسيت اقول ان مفيش اى عمولة على التحويل يعنى هتوفر وقت و فلوس كمان

[فـــهــد]

مشكوووور لتوضيحك الطريقة للمصرين

[basma_2008]

شكرا أخي الكريم علي المعلومات المفيدة
عندي سؤال من فضلك لو انا عايزة اشحن مبلغ 10 الاف دولار لشركة سلويشن بكريديت كريدي اجريكول و المفروض ان الحد الأعلي لشحن الكارت الواحد 5000 جنيه
طيب انا كدا هحتاج كام كارت عشان اشحن المبلغ دا و كام هتكون المصاريف الاجمالية للتحويل و لا الأفضل اني اشحن عن طريق واير بنك عادي

[Leonardo]

شكرا أخي الكريم علي المعلومات المفيدة
عندي سؤال من فضلك لو انا عايزة اشحن مبلغ 10 الاف دولار لشركة سلويشن بكريديت كريدي اجريكول و المفروض ان الحد الأعلي لشحن الكارت الواحد 5000 جنيه
طيب انا كدا هحتاج كام كارت عشان اشحن المبلغ دا و كام هتكون المصاريف الاجمالية للتحويل و لا الأفضل اني اشحن عن طريق واير بنك عادي

شوفى لو مستعجلة على الشحن هتطلعى 10 كروت كريدى اجريكول و تحطى فيهم كل واحد 5 الاف جنيه هيبقوا 50 الف هتحوليهم و ترجعى تانى يوم تشحنى كارتين و تحوليهم برضو عشان يبقوا 60 الف اى ما يعادل تقريبا 10 الاف دولار بس لازم تسألى الاول سليوشن اذا كانوا بيقبلوا النوع دا من الكروت ولا لأ لان تقريبا مش هيقبلوه شركة wwm بتقبله
لو مش مستعجلة اعمليهم بقى تحويل بنكى و هياخد حوالى اسبوع تقريبا وانا ارشحلك الحوالة البنكية مدام مبلغ كبير و كمان عشان ممكن سليوشن ترفض النوع دا من الكروت

[dr.ahmed.samir]

جزاك الله كل خير اخى الحبيب ..

تمشى تروح البيت تتصل بخدمة العملاء تعمله اكتفشن عشان يشتغل بعد الساعة 10 بليل

يا ريت توضيح اكثر لمسالة الاكتفيشن والمراد منها ..


بالنسبة لكريدى اجريكول والجفت كارد .. قمت بذلك قريبا وكانت المصاريف 20 جنيه فقط وليس 60 فياريت ايضا توضيح اكثر ولماذا هذا الفارق ( 3 اضعاف )

وجزيل الشكر لمشاركتنا بالافادة ..

[Leonardo]

جزاك الله كل خير اخى الحبيب ..

وجزيل الشكر لمشاركتنا بالافادة ..

هما عملوا تحديث قريب للسيستم وبدل ما كان ب 15 جنيه بقى ب 60 جنيه و بيتجدد كل 3 سنين تقريبا عشان كدا زودا المبلغ
بالنسبة للاكتفشن دلوقتى بتأكتف الكارت عن طريق رقم خدمة العملاء على 19191 بتقوم بادخال بيانات البطاقة و رقم سرى خاص بك و بس و بتشتغل علطول و تروح تشحنها

[Leonardo]

حضرتك استخدمت الكارد فى شحن حساب قبل كدا ؟ و لو حضرتك عملت كدا كانت شركة ايه

[dr.ahmed.samir]

هما عملوا تحديث قريب للسيستم وبدل ما كان ب 15 جنيه بقى ب 60 جنيه و بيتجدد كل 3 سنين تقريبا عشان كدا زودا المبلغ
بالنسبة للاكتفشن دلوقتى بتأكتف الكارت عن طريق رقم خدمة العملاء على 19191 بتقوم بادخال بيانات البطاقة و رقم سرى خاص بك و بس و بتشتغل علطول و تروح تشحنها

تمام .. نعم بالفعل وقتها كانت اخر كمية لديهم بالبنك حسب كلام الموظفة .. وكانت لسنة واحده فقط وهذا اعتقد هو الفارق تذكرت الان ..

لم استعملها فى التعامل مع شركات الوساطة ..

بارك الله فيك اخى الفاضل ،،

[elfateh]

تحية ليوناردو على الموضوع يعنى دلوقتى لو عايز اشحن فى سليوشن اعمل كريدى اجريكول ولا فية مشاكل

[eez]

انا لسه عامل فيزا اجريكول امبارح , وقمت بالايداع فى wwm وتم اضافة التحويل فى خلال ساعات قليله الى رصيدى بالشركه .
رسوم الكارت 60 جنيه وهتستلمها وانت فى البنك .

[selvester4]

علي فكرة
كروت الفيزا نت ممكن تحول بيها لشركات الوساطة ولكن لا يمكن السحب عليها من الوسيط يعني تنتظر 45 يوم وتسحب علي حسابك البنكي