السلام عليكم ورحمة الله وبركاته
في الموضوع ده هوضح لكم ماهو البرايس اكشن اللي ظهر على عملة اليورو واللي يفيد ان اليورو انهى موجة الهبوط مؤقتا وانه كون قاع مؤقت عند 2041
الاسباب اللي خلتني اتأكد ان اليورو انهى موجه هابطه وكون قاع مؤقته هي هتلاحظوها على شارت الاربع ساعات المرفق اخترق اليورو دولار الترند الهابط لاخر موجه هابطه طبعا ده مش كفايه السبب التاني اننا بننتظر انتهاء موجه دافعه من خمس موجات 1 2 3 4 5 بعد كسر الترند
السبب الثالث اختراق القمه 2322 للموجه الهابطه الاخيره
طبعا ده يعتبر برايس اكشن جيد جدا وضح ان اليورو كون قاع مؤقته عند 2041
وانه على الاقل بيصعد 3 موجات بتسمى (3legs) صاعده وهي A B C طبعا كل موجه من الثلاته بداخله موجات فرعيه الان قد انها الموجه A وبتتكون من 5 موجات فرعيه زي ماهو موضح في الشارت
فاضل الموجتين B , C وكل موجه منهم بتتكون من موجات فرعيه
الملف المرفق 332408
ليه انا قلت على الاقل 3 موجات وليه قولت قاع مؤقته لان هناك ترقيمين لليورو بس كلهم بيتفقوا انه بيصعد 3 موجات
هوضح لكم الترقيمين علشان تضعوهم في الحسبان والى اي ترقيم ممكن نضعه او اميل لجعله primary اساسي
وايهم هيكون secondary ثانوي وطبعا ده هيعتمد على عدة عوامل اهمها ربط الاسواق وخصوصا قبل انتظار برايس اكشن عند الوصول الى الموجه الثالثه C وده اللي هيكون الدخول على اساسه بيع او شراء هو البرايس اكشن او سلوك السعر
نيجي للترقيمين وهما على فريم الديلي
الترقيم الاول هسميه مؤقتا primary التترقيم الاساسي لاني لما بربطه بباقي الاسواق بتوحي انه مرجح ولكن زي ماقولنا ان اللي هيكون دخولنا على اساسه او التأكيد هو من البرايس اكشن للسعر بعد انتهاء الموجه C التي يتفق فيها الترقيمين
الترقيم الاول بيقول ان اليورو دولار انهى موجه دافعه خماسيه على فريم الديلي وهي اللي باللون الاسود I II III IV V بس الموجه الخماسيه دي تعتبر موجه فرعيه داخل الموجه الخماسيه اللي باللون الاحمر I II III وهو دلوقتي بيعمل الموجه الرابعه من A B C وممكن تكون مركبه بس ده مش موضوعنا المهم الهدف هدف الموجه دي اتوقعه منطقه 2625 وهي كانت دعم سابق وكانت قاع سابق والان مقاومه وكمان قريب من السنتر للقناه الهابطه على الديلي علشان كده اغلب المشترين هيجنوا عندها ارباحهم وهيكون عندها قوه بيعيه زي ماكان سابقا كل مالسعر يوصلها يرتد منها علشان كده هنشوف سلوك السعر عندها او البرايس اكشن وده اللي هيأكد اننا في السيناريو ده او السيناريو الثانوي اللي هذكره بعد شويه والنقطه التانيه المهمه للسيناريو ده ان الموجه الرابعه دي مش تتداخل مع الموجه الاولى I بالاحمر عند 3003 يعني دي اخر حدود الرابعه
الملف المرفق 332416
السيناريو التاني secondary وزي ماقولنا هنخليه الثانوي مؤقتا
وفيه بيكون اليورو انهى موجة الهبوط الدافعه من 5 موجات بس الخمس موجات دي مش فرعيه او داخليه لموجه دافعه اخرى ولكنها رئيسيه السيناريو ده بيوضح ان الصعود هيكون في 5 موجات يعني بدل ABC هيكون 1 2 3 4 5 علشان دي بس في اول موجه وبعدها يهبط وبعدين يكمل صعود والسيناريو ده هدف موجته عند 3500 _3600 طبعا بعدها هنروح على الفريم الاسبوعي وهنشوف ليه فقط 3500_3600 بس هنذكرها وقتها لو سار على السيناريو ده ووصل المناطق دي وبعدها اليورو هيدخل في موجه هبوط حاده لاسفل من 1.07
الملف المرفق 332419
اللي يهمنا دلوقتي سواء السيناريو الاول او الثاني فكلهم متفقين زي ماقول في 3 موجات صعود قبل منقرر هياخد اي من السيناريوهين يعني هننتظر هبوط السعر في الموجه B وهنشتري باستوب القاع الاخير عند 2041 وهدف 2500 _2625 وعندها نجني الارباح وننتظر سلوك السعر
بالتوفيق للجميع اسألكم الدعاء
