السلام عليكم ورحمة الله وبركاته
حبيت اوضح الوضع من وجهة نظري والله اعلى واعلم لعل الجميع يتسفيد منه في طريقته وفي متاجرته اليوميه ويتعرف على اسلوب تحليلي في المتاجره
الاسترالي دولار داخل قناه حاده هابطه والصعود واضح من طبيعه حركه السعر انه تصحيحي ثلاثي والتصحيح الثلاثي ممكن يتكرر يعني تصحيح اصغر داخل تصحيح اكبر
اذا كسر القناه الحاده ده بيعني ان الموجه رقم واحد انتهت وهو دلوقتي بيعمل تصحيح للموجه رقم 2 وممكن يكون في حدود من 0300_0350 تقدر تعرفه من نسب الفايبو واذا لم يكسرها وهبط بيدل على ان الموجه رقم 1 لم تنتهي هيتم انتظار التصحيح ده يكتمل علشان الدخول
طبعا اي تصحيح ليه نسب من الموجه علشان كده النقطه الحرجه هي قمة الموجه لو اغلق يومي فوقها بيعلن على ان الصعود لم ينتهي وهي 0442 لذلك هي افضل استوب للبائعين من التصحيح
والحاجه التانيه اللي بتأكد ان التصحيح انتهى هو كسر القناه الصاعده في الشارت وديما لما يكون الكسر بالموجه دافعه بيكون قوي علشان كده للمتحفظين ممكن يستنو كسر القناه للتأكد من انتهاء التصحيح وتبقى فرصه ترند مكسور وبتحليل موجي ان شاء الله فرصه كويسه
الملف المرفق 331841
نيجي نبص على الفريم الاسبوعي علشان نعرف حدودنا فين في الموجه الهابطه دي
واضح ان الزوج بيتحرك داخل مثلث وده معناه انه داخل موجه تصحيحيه كبرى في الهبوط اللي فات واللي كان اخره عند 9575 لو كان كسر الدعم 9386 كنا هنقول انه مش بيتحرك داخل مثلث
السبب التاني اللي خلانا نقول انه مثلث انه الحركه الصاعده الاخير لحدود 0442 تداخلت مع الموجه 2 للموجه الهابطه علشان كده مش ينفع نرقمها موجه 4 وهيكمل يكسر 9386 ماعلينا من النقطه دي هيفهموها بتوع اليوت بس
علشان كده اي مستهدف للموجه الهابطه الحاليه المفروض لايتجاوز النقطه C عند 9575 وميغلقش اسفلها لانه بكده هيكون الترقيم مش مثلث بس برضو مش هنختلف في الهبوط وده اهم شيء يعني من المتوقع انهاء الهبوط عند حدود 98_ 97 المهم فوق 9575 وبيتحدد بدقه بعدين من تفاصيل الموجه الهابطه
بالتوفيق للجميع ويارب الكل يستفاد في تجارته على الاسترالي
الملف المرفق 331844
