.:: لمستخدمي الـ Mac ::. طريقة تسطيب اي نسخة وندوز لسهولة استخدام الميتاتريدر

[Ashraf sherif]

السلام عليكم ورحمة الله

يا ناس ياجامدين يافوراكسويين .. كل سنة وانتم طيبين
بمناسبة الشهر الكريم ..

ندخل فالموضوع ..

نظرا لعدم توافر منصات التداول بجميع انواعها لانظمة الماك .. بنلاقي كل برامج التداول امتدادها exe للوندوز بمختلف اصداراته .. لكن برامج الماك امتدادها dmg
ودي حاجة بتحرم مستخدمي الماك من التداول السلس باستخدام الميتاتريدر وغيره من منصات التداول
وانا شخصيا لما دخلت مجال الفوركس ضيعت وقت كتير جدا عشان الاقي حل للمشكلة اللي مكنتش حاسس بيها قبل كده .. لان كل برامج الوندوز في برامج تحل محلها للماك بل و افضل ..

نيجي للمهم ..
في برامج كتيرة بتساعد علي تشغيل exe علي الماك .. بس فيها مشاكل كتيرة
مثلا يهنج كتير .. يقفل لوحده .. اوامر واختصارات عالكيبورد تختلف عنها في الوندوز ..
ولو سطبت الميتاتريدر هتنزل ناقصة .. وهتبقي محروم من انك تضيف تمبلات او اكسبرتات وخلافه من اضافات الميتاتريدر ..

عشان كده حبيت انقلكم واشارككم تجربتي والحل الافضل للمشكلة دي ..
وهوا تسطيب وندوز ايا كان نوعه علي الماك ..
بمعني هتبقي قاعد عالماك بتستخدمه عادي و فاتح الوندوز في وندو لوحده زيه زي اي برنامج قدامك
وبدون ادني مشاكل ان شاء الله .. يلا نشوف ازاي ؟ يلا بينا

مع برنامج Parallels .. التداول هيبقي سلس

من اشهر برامج ال virtual disk اللي بتتيحلك فرصة تشغيل اي وندوز بشكل وهمي .. بس مشكلته ان تريال لشهر وبعدها لازم تشتريه

بس النسخة اللي معايا الحمد لله كاملة والكمال لله وحده
بس مانعملهاش ابديت

يلا نحمل البرنامج بعد كده نشرحه
للتحميل من هنــا >>> Parallels
حجم البرنامج ٢٣٠ ميجا .. كبير شوية بس مش مشكلة

بعد التحميل ان شاء الله هيظهرلك دي ملف الست اب


تفتحه هيظر دي


تدوس install
بعدها هيسالك لو حابب تنزل النسخة الاحدث
دوس install current

هيرخم عليك ويقولك بننصحك بالنسخة الاحدث
قوله لا ياعم شكرا
no، install current

بعدها تكمل تسطيب عادي زي كل برامج الماك
ونروح نفتح البرنامج من Applications



ايوة هوا دا



نحط اسطوانة الوندوز
ونفتح البرنامج هيظهرلنا دا

هندوس علي new windows installation
هيظهر دا

بعد كونتنيو هيظهر دا ونختار نسخة الوندوز اللي عايزين نسطبها


يتبـع ..

[Ashraf sherif]

بعد كده continue

بعد كده هتلاقي اسمك مكتوب
وتشيل علامة الصح من قدام windows product key


ولما تدوس علي
Advanced
هتقدر تحدد الرامات اللي عايزها للوندوز



بعد كده تكتب اسم ايكونة البرنامج اللي هتفتح منها الوندوز
وتدوس create


واخيرا start
عشان يبدا تسطيب الوندوز

هيظهرلك علي الديسك توب ايكونة الوندوز شورت كت



ودا شكل البرنامج لما تفتحه
عشان لو مسطب اكتر من نسخة وندوز هيظهرو تحت بعض وانت تختار عايز تدخل علي ايه


ومع start هيبدا تسطيب الوندوز



يتبع

[Ashraf sherif]

هتلاقي التحميل عادي وندوز بيتسطب قدامك
عيش بقي اعمل اي حاجة عالماك علي مالوندوز ينزل



ملحوظة صغيرة اوي ..
وانت بتسطب لو دوست علي الماوس جوة الوندوز هتتحرك بماوس الوندوز
وعشان ترجع للماك تدوس ctrl + alt
والحكاية دي في التسطيب بس لكن مش بعد كده

وبعد مالتسطيب يخلص هتلاقي عندك الوندوز بالشكل دا
الديسك توب زي الديسك توب بتاع الماك
ولو مسحت حاجة من هنا هتتمسح من هنا
الفرق بس .. ان البرامج هتبقي عادية
و في درايف C وجواه ملفات الوندوز و program files
وكل حاجة خاصة بالوندوز


ومبروك عليك يا جميل Mac + Windows

[SKY FALL]

شكرا على طرح الموضوع بارك الله فيك .. وكل عام وانت بخير

[back door]

مجهود فظيع با برنس
الف شكر

[Ashraf sherif]

شكرا على طرح الموضوع بارك الله فيك .. وكل عام وانت بخير

وانت بخير يا جميل

مجهود فظيع با برنس
الف شكر

الله يحفظك يا صاحبي

[Focus]

الف شكر يا باشا موضوع قيم هجرب ان شاء الله اما اجيب الايباد

[MR.dollar]

بارك الله فيك
موضوع سيفيد الكثير

[ahmedphen0m]

بجد معلم

الف شكر ليك

بس مفيش برنامج زي ده كدا للاندرويد؟