في الحلوة والمرة .. ارضى واقتنع باختيارك فهو ما كتبه الله لك
السلام عليكم
ارى ان الاغلبية فى مجال الفوركس عنده مشكلة كبيرة تؤدي بالكثير منهم في النهاية الى المارجن او خسارة كبير
وهى عدم الرضا باى اوردر يدخله كالاتي :-
** لو دخلت اوردر وقفلت على مثلا 30 نقطة مكسب بتبقا فرحان.. ثم تفاجأ بهبوط اوصعود حر فى نفس اتجاهك مثلا ب 200 نقطة فتلاقي نفسك تلقائيا بتقول ايه ده مشياريتني كنت فضلت في السوق واخدتها كلها هو كل مرة يعمل معايا كدة خلاص انا بعد كدة حستني للاخر... فتأتي المرة الى بعدها تطمع وتنتظر 200 نقطة برغم انه جابلك هدفك الاساسي 30 نقطة فتجد انه لم يصل للهدف وعكس عليك وخسرك فتحبط وتقول ايه الحظ ده هو انا لما اصبر عليها تخسرني.. طيب والله حزود العقد المرة الجاية فتدخل بعقدين فتلاقي نفسك برضوا خسرتهم.. وتفضل ماشية كدة حتى المارجن للاسف
** الحل فى رأيي يعتمد على الثبات على طريقة واسلوب واحد وتكون متأكد ان هذا الاسلوب لن ينفع فى جميع اوقات السوق.. بمعني انا مثلا طريقتي سكالبنج او انتر داى وعندي شروط معينة للخروج المبكر او تقسيم الاهداف فببقا عارف جدا ان الطريقة ده مفيدة وقت التذبذب اكثر منها فى وقت الترند وان وقت الترند انا مشحاخد منها الا نقط صغيرة كالعادة.. اما فى ناس تانية بيبقا شغلها على اهداف بعيدة واوقات كبيرة.. وهذا ايضا عندهم مشكلة فى اوقات التذبذب
** لذلك على الجميع ان يثق فى نفسه وطريقته والاهم فى خروجه من الاوردر بربح او خسارة ويقول فى الاخر الحمد لله وميقعدش يفكر ويقول ليه كدة مشكنت استني او مشكنت اخرج افضل او مشكنت مدخلهاش ...لان ده فى الاخر بيأثر عليك نفسيا جدا فى الاوردرات القادمة .. وان يبقا معها على الحلوة والمرة
برجاء الي حابب ينقل الموضوع ذكر المصدر
تقبلوا تحياتي
+معطي+
رد:في الحلوة والمرة .. ارضى واقتنع باختيارك فهو ما كتبه الله لك
عندك كل الحق يا معطى بجد
بس للاسف بنكون عارفين الكلام ده ولا نلتزم بية والنتيجة انت عارفها
واضح انه فيه سر كبير فى الفوركس يجعل الناس تخسر رغم ان لديهم الكثير من العلم والخبرة والدراية
بصراحة انا بأحسدك وبأحسد الناس اللى زيك اللى ملتزمين بطريقة واسلوب ولا يغيروة ابداً
انا اقصد طبعاً هنا الغبطة وليس الحسد والغبطة هى اتمنى تلك النعمة بدون تمنى زوالها من عند غيرى
وربنا يستر