اكسبيرت iLan .. تيست 99 % بربح 140% خلال شهر مايو 2012

بسم الله ..
دا اول موضوع ليا في المنتدي الكريم :)

معلش استحملوني شوية ..
انا واحد زي اي حد فاتح بيت وليه شغله الخاص و اتجه للفوركس عشان باب رزق كبير
وعشان مينفعش الواحد يتفرغ للفوركس بس ولو اتفرغله مش هيعرف يعمل مكاسب غير لو معاه راس مال كبير
والحمد لله ربنا انعم علينا بنعمة العقل عشان يخلي الناس العباقرة تخترع طريقة للتداول الالي
والطريقة دي طبعا الاكسبيرتات ..

بغض النظر عن المقدمة دي .. انا بس عايز اقول للناس اللي بتدور علي اكسبيرتات .. ماتبطلوش وماتيأسوش
في اكسبيرتات قوية جدا .. وانا واحد من الناس بقالي اسبوع بس بدور علي اكسبيرت قوي
بس كان في خيالي طريقة معينة .. اكسبيرت يمشي مع الشمعة .. يعني يفتح صفقة مع كل شمعة
حتي لو اللوت قليل .. وحتي لو الربح قليل .. بس يبقي مضمون ان شاء الله

في موضوع هنا للعضو زكريا فيه اكتر من 120 صفحة .. كلها اكسبيرتات ..
انا حملتهم كلهم تقريبا .. في منهم كان فاشل جدا وفي منهم نص نص وفي منهم قوي بس معرفتش اوصل لاعداداته الصح

بس الحمد لله توصلت لاكسبيرت دخل قلبي من اول ماشوفت شكل الصفقات .. عيبه الوحيد انه مفهوش ستوب لوز
ودي حاجة بسيطة ان شاء الله حد من الاعضاء الكرام يضيفها لاني مابفهمش في البرمجة

من خلال تجربتي مع الاكسبيرت و التيستات الكتيرة اللي بعملهاله ..
فهوا قوي جدا لو كانت الشموع طالعة و نازلة
حتي لو بتطلع او تنزل بغشامة .. بس لازم تعكس عشان يقفل الصفقات
لكن لو رالي علي صفقة عاكسة اكيد هيمرجن لانه مفهوش ستوب لوز

انا مش هعرف اوصلكم فكرته بالظبط
بس بيشتغل علي فريم الـ 5M
وانا هحطلكم الاكسبيرت بالاعدادات اللي توصلتلها .. قوية بس لو مفيش رالي
ودا تيست 99 % من 1 مايو 2012 : 31 مايو 2012
balance 1000
و Lot 0.01
تيك بروفيت 10 علي بروكر 5 ارقام .. يعني نقطة
وخلو بالكم اللي هيعمل تيست علي بروكر 4 ارقام هتفرق معاه جدا حكاية البروفيت دي


ياريت يا شباب محدش يجربه علي اي فريم تاني عشان افضلهم 5 وانا هريته تيستات
المهم تركزو علي الاعدادات .. اكيد هتوصلو لاعدادات افضل من اللي وصلتلها ..
والاهم اي حد بيفهم في البرمجة يحط ستوب لوز الله يرضي عليكم
وساعتها ان شاء الله مش هيبقي في اقوي من الاكسبيرت دا وهيكون فاتحة خير علي ناس كتيرة ان شاء الله

اسيبكم مع النتايج .. و للعلم .. اكيد ماحطتش نتايج مش كويسة عشان عارف انه ناقصه ستوب لوز ..
اتمرجن مني في شهور كتير فيها رالي ..

نفسي حد يعمل الستوب لوز بطريقة كده .. لو 4 او 5 شموع اغلقو في نفس الاتجاه يبقي دا الستوب لوز بعدد نقط معينة برده بجد يارييييت حد يعرف يعمل الموضوع دا






ــــــــــــــــــــــــــــــــــــــــــــــــــ ـــــــــــــــــــــــــــــــ

تحديث

يا شباب .. دي النسخة الاخيرة بالاعدادات الاخيرة اللي وصلتلها ( بالستوب لوز )
وتيست 99٪ من 3 يناير 2012 الي 23 يونيو 2012
بدات الحساب ب 1000 و وصل في نهاية المدة ل 8101
بلوت 0.01
بروكر اكسنس 5 ارقام
مع العلم لو مسكناه شهر شهر هتبقي النتايج اكبر من كده
ولو اللوت زاد برده النتايج اكبر من كده
بس خلونا في السيف سايد ..
ولو حد اتوصل لاعدادات افضل من دي ياريت يجيبها

مرفق الاكسبيرت نفسه بالاعدادات بالباك تيست

ماشاء الله موضوع جميل اوي بس عاوز اعرف كيف يتعامل مع الرالي و شكرا

دي الاعدادات اللي اشتغلت عليها في التيست
ياريت يا جماعة تهتمو شوية .. اي حد مستر دولار او اي حد بيفهم في البرمجة يحاول يحطلي ستوب لوز شموع و نقط مع بعض زي ما شرحت في المشاركة الاولي

و من ناحية ازاي بيتعامل مع الرالي ..
الرالي لو في شموع طالعة ونازلة حتي بدون اغلاق معاكس فهوا بيتعامل معاها .. لكن لو رالي في اتجاه واحد بدون عكس اكيد مش هيصمد لانه مفهوش ستوب لوز

هذا اكسبيرت مضاعفات خطير جدا على الحساب

انا استخدمت لوت 0.01
واقصي لوت وصله 0.14
يعني اقصي حاجة وصلها كانت دولار ونص للنقطة
وخلي بالك ادارة راس المال مهمة جدا .. يعني القناعة كنز لا يفني .. ارضي بالربح القليل ومش لازم تعلي اللوت
اهم حاجة في ربح جاي ..

تأكد يا أخي الكريم حيث لا يوجد اكسبرت في المرفقات ... مع الشكر

اين الاكسبرت ؟ برجاء ارفاق الاكسبرت للتجربه

اسف جدا ..
وصلت لنسخة فيها ستوب لوز ..
هرفقلكم النسخة القديمة اللي من غير ستوب لوز واللي عملت عليها التيست دا
و النسخة اللي فيها ستوب لوز ..
وجربو عشان شغال علي اعدادات حولت ال 1000 الي 2500 في اسبوعين بلوت 0.01

يا شباب .. دي النسخة الاخيرة بالاعدادات الاخيرة اللي وصلتلها
وتيست 99٪ من 3 يناير 2012 الي 23 يونيو 2012
بدات الحساب ب 1000 و وصل في نهاية المدة ل 8101
بلوت 0.01
بروكر اكسنس 5 ارقام
مع العلم لو مسكناه شهر شهر هتبقي النتايج اكبر من كده
ولو اللوت زاد برده النتايج اكبر من كده
بس خلونا في السيف سايد ..
ولو حد اتوصل لاعدادات افضل من دي ياريت يجيبها

مرفق الاكسبيرت نفسه بالاعدادات بالباك تيست
:)

ياريت حد من المشرفين يحط المشاركة دي في اول مشاركة عشان الناس ماتتوهش

اقتباس:

---

المشاركة الأصلية كتبت بواسطة Ashraf sherif

يا شباب .. دي النسخة الاخيرة بالاعدادات الاخيرة اللي وصلتلها
وتيست 99٪ من 3 يناير 2012 الي 23 يونيو 2012
بدات الحساب ب 1000 و وصل في نهاية المدة ل 8101
بلوت 0.01
بروكر اكسنس 5 ارقام
مع العلم لو مسكناه شهر شهر هتبقي النتايج اكبر من كده
ولو اللوت زاد برده النتايج اكبر من كده
بس خلونا في السيف سايد ..
ولو حد اتوصل لاعدادات افضل من دي ياريت يجيبها

مرفق الاكسبيرت نفسه بالاعدادات بالباك تيست
:)

ياريت حد من المشرفين يحط المشاركة دي في اول مشاركة عشان الناس ماتتوهش

---

ياهلا أخي الكريم اشرف

هل ترغب في إستبدال مرفقات المشاركة الأولى أم إضافة رابط لهذه المشاركة فقط بالمشاركة الأولى ؟

تحياتي وتقديري

شكرا لسرعة الرد :)
هنضيف الكلام بالمرفقات تحت عنوان جانبي ( تحديث )

ونكتب جمب كلمة اخر اصدار ( بالستوب لوز )

الله يوفقك اخي شريف

وكيف اعداداته على بروكر 4 ديجت

هيا هيا بس غير البروفيت خليه ١ او ٢ مش عارف البروكر ٤ هيقبلها ولا لا
و غير الستوب لوز بدل ٥٠٠ خليها ٥٠