ما مثل ربي ولا ندّه

[احمد ابراهيم]

روِّح وأنــا مــن عقـبـك القـلـب بـصـدّه
عـن كــل رَجــلٍ فــي دروبــي يلاقيـنـي
قبلٍ وأنا للنفـس أقـول الخـل مـن قـدّه!
واليـوم أشوفـه عاجـزٍ قلبـك يواسيـنـي
وأمـسٍ وأنـا للكـل أقـول البلـسـم بـيـدّه
واليوم تجرح لي قليبـي ومـا تراعينـي
يــوم اللـقـا حـلـمٍ عـلـى بـالـي ولا ردّه
والله أفكّر لك وش ألبس مـن فساتينـي
يا خلـي دمـع الـورد يجـري علـى خـدّه
والدمع ما يسقي ورودي ولا بساتينـي
صبرك على قلبـي علامـك صايـرٍ ضـدّه
ضاع الصبـر منّـك وكنّـك ضايـعٍ فينـي
لا غـبــت يـــومٍ كـنّـهـا غيـبـتـك مــــدّة
وتمـوت أزهـاري ولا تنـبـت رياحيـنـي
أدري وكنّـك تسـأل العـمـر وش حــدّه؟
وتقصد أعجّل لك هواي وألحق اسنيني
والله أحـبـك لـيـن يـقـولـون يـــا جـــدّة
هـذاك ينـده لـي وهـذي تـقـول حكّيـنـي
وإن كان ما ودّك على قلبي وعلـى ودّه
أبعـد عـن قليبـي وعنّـي اليـوم خليـنـي
سبحـان ربـي مـا مـثـل ربــي ولا نــدّه
هو من جعل فيني حنانٍ لك ويرضينـي
هو من يعيد النـور فـي العينيـن ويـردّه
حينٍ يردك عن ضلالـك يـا نظـر عينـي
حسّب مع نفسك وقول اخطاي أو عـدّه
وإنسى تعدّ النبض من قلبي وشراينـي

[شذى22]

اسمح لي ابدي اعجابي بقلمك وتميزك واسلوبك الراقي وتالقك