استراتيجيه ---- القاهره ---- للباوند دولار---

[Mr_X]

اخى الكريم

اتفضل موضع الطريقة وفيه كل شئ عنها
https://forum.arabictrader.com/t14524-486.html

وده مشاركة بها كل شئ

https://forum.arabictrader.com/1093251-6735-post.html

واسمح لى بدمج الموضوع مع موضوع القاهرة

ما شاء الله عليك يا أستاذ سمير بجد شايل المنتدى

عايز أقولك على سر : إني أحبك في الله

[Mr_X]

ربنا يكرمك مستر اكس الرد في الاقتباس
تحياتي

تسلم مستر محمد ، بس ياريت لما تفضى تبقى تشرح موضوع الدولار ين بمزيد من التفصيل عشان نستفيد وكل الإخوة المتابعين بصمت يستفيدوا رغم أنهم للأسف لا يفيدوا ..

تحياتي يا غالي

[EgyptionPro]

ايه أخبارك EgyptionPro كان في فرصة ممتازة يوم الجمعة على اليورو ين شموع انعكاس من L3 ولو أمس ولو البولينجر إوعى تكون مدخلتهاش وياريت فرصه زي كده تبقى تحطها سواء دخلتها أو مدخلتهاش عشان الإخوة الجدد يتعلموا استخراج الفرص وكمان عشان انت متبقاش بتحط الصفقات اللي بتضرب معاك ومبتحطش الفرص الجيدة

اخى العزيز الفرص اللى بدخلها بحطها هنا
والنهردا برضو مدخلتش رغم ان كان فية فرصة كويسة لفقدان الثقة

[EgyptionPro]

فرصة بيع على اليورو ين على سعر 136.80 بسبب
السعر كسر لو اليوم السابق وكسر ال3 وحاليا بيعيد اختبرها

[Mr_X]

اخى العزيز الفرص اللى بدخلها بحطها هنا
والنهردا برضو مدخلتش رغم ان كان فية فرصة كويسة لفقدان الثقة

ده اللي كنت متوقعه .. لإن الصفقات اللي بتضرب للأسف تأثيرها غير الخسارة بتفقدك الثقة وتخليك تخاف تدخل في الصفقة اللي بعدها وممكن تكون مزبوطة تديلك ثقة تقوم داخل اللي بعدها بدافع نفسي بدون تركيز في كل جوانب الصفقة وممكن تضرب ..

على العموم خليك فاتح حسابك الحقيقي وحسابك الديمو ولما تلاقي صفقة مزبوطة جداً ادخلها على الحقيقي والصفقات الي تشك فيها ادخلها في الديمو عشان تعرف بعد فترة تقيم نسبة نجاح توقعاتك واللي هتبان على الديمو ..

فرصة بيع على اليورو ين على سعر 136.80 بسبب
السعر كسر لو اليوم السابق وكسر ال3 وحاليا بيعيد اختبرها

شوف شارت الأربع ساعات .. دعم أول أمس قوي وموفينج 50 ومنطقة لو البولينجر أفقي ..

لما تلاقي الوضع كده الاحتمالات شبه متساوية هنا هتعتمد على عاملين سلوك العملة وإحساسك بالشارت .. ومش هتقدر تقيم نجاح تحليلك لسلوك العملة ونجاح إحساسك بالشارت إلا بالدخول ديمو ..

يعني لما تلاقي صفقة زي انهاردة تحتمل كلا الاتجاهين ادخل حسب توقعك على الديمو عشان بعد فترة تقدر تقيم توقعاتك وتشوف تبقى تدخل حقيقي وللا لسه محتاج متابعة أكتر ..

حاجة تانية هيا إنك تبقى تعمل باك تيست للعملة اللي هتشتغل عليها عشان تحفظ وتفهم سلوكها وشطحاتها وتشوف الاستوب والهدف المناسب كام نقطة ..

تحياتي

[EgyptionPro]

فرصة بيع على اليورو ين على سعر 136.80 بسبب
السعر كسر لو اليوم السابق وكسر ال3 وحاليا بيعيد اختبرها

ضربت استوب -45 نقطة
كلامك صحيح اخى مستر اكس فيما يخص الاربع ساعات ولكن على القاهرة على الساعة السعر بداخل القناة السفلية للبولنجر من امريكا امس حتى بداية اوربا اليوم وهذا يدل على الضعف الشديد للعملة
والسعر كسر لو اليوم السابق وكسر ال3 وذاهب لاعادة اختبرهم مع الحد العلوى للقناة السفلية للبولنجر

[محمدعبداللاه]

تسلم مستر محمد ، بس ياريت لما تفضى تبقى تشرح موضوع الدولار ين بمزيد من التفصيل عشان نستفيد وكل الإخوة المتابعين بصمت يستفيدوا رغم أنهم للأسف لا يفيدوا ..

تحياتي يا غالي

اهلا عمرو حمدلله علي السلامه الموضوع ببساطه ان في ان في عملات بتمشي مع بعضها زي اليورو والباوند وعملات بتمشي عكس بعضها زي اليورو دولار والفرنك
وبالنسبه للدولار ين في عملات كتير بتمشي معاه او عكسه فانا بشوف موقف الدولار ين من الدعوم والمقاومات اللي قدامه لقيته ناوي يرتد مثلا وعناصر كتير بتقول كده لانه محترم فنيا
بروح بعد كده للعمله اللي ناوي ادخل عليها اليورو ين مثلا بلاقي نفس السيناريو تقريبا بشكل مختلف بسيط ودايما واحد فيهم بيدي اشاره مبكره في الغالب فبدخل وانا مطمن بالاضافه لشروط الاستراتيجيه طبعا
اتمني اكون وضحت ومعذرتا علي التاخير
واحلي تحيه ليك ياعمرو

[Mr_X]

اهلا عمرو حمدلله علي السلامه الموضوع ببساطه ان في ان في عملات بتمشي مع بعضها زي اليورو والباوند وعملات بتمشي عكس بعضها زي اليورو دولار والفرنك
وبالنسبه للدولار ين في عملات كتير بتمشي معاه او عكسه فانا بشوف موقف الدولار ين من الدعوم والمقاومات اللي قدامه لقيته ناوي يرتد مثلا وعناصر كتير بتقول كده لانه محترم فنيا
بروح بعد كده للعمله اللي ناوي ادخل عليها اليورو ين مثلا بلاقي نفس السيناريو تقريبا بشكل مختلف بسيط ودايما واحد فيهم بيدي اشاره مبكره في الغالب فبدخل وانا مطمن بالاضافه لشروط الاستراتيجيه طبعا
اتمني اكون وضحت ومعذرتا علي التاخير
واحلي تحيه ليك ياعمرو

تسلم حبيبي وصلت الفكرة وفعلاً طريقة كويسة ولو كان أخونا إجيبشن بص عليه كان ممكن يدخل عليه لإن العناصر فيه أكتر بكسر موفينج 50 ، كمان الحد اللي يسمح بيه إدارته لرأسماله واللي هوا 45 نقطة كان كويس لإن العملة عشان توصله لابد من اختراق الموفينج والبايفوت وهاي آسيا وبالتالي تصبح الصفقة عليه أفضل والاستوب في مكان منيع ..

تشكر يا محمد على إضافاتك الجميلة ومتعتذرش عن التأخير أنا مقدر مشاغلك .. كلنا في الهوى سوا

[محمدعبداللاه]

الباوند علي الديلي عامل دوبل بوتوم نموذج لونج قوي جدا وكمان دايفر a وموفينج وشمعة اليوم خلاص هتقفل وشكلها شمهة انعكاس انا شايف اننا نستعد من منطقه كويسه شرا بقوه والله الموفق

[Mr_X]

الباوند علي الديلي عامل دوبل بوتوم نموذج لونج قوي جدا وكمان دايفر a وموفينج وشمعة اليوم خلاص هتقفل وشكلها شمهة انعكاس انا شايف اننا نستعد من منطقه كويسه شرا بقوه والله الموفق

يا باشا الباوند ده أبو الالتزام كله شوف موفينج 50 على الديلي عامل فيه إيه وضيف على اللي انت قلته شارت الأربع ساعات المرفق ..

طبعاً كلها احتمالات واللي هيمشي ورانا على مسئوليته

[محمدعبداللاه]

دا مؤشر دايمارك عمرو ولا رسم يدوي لو مؤشر يريت ترفقه

[Mr_X]

اديلي عنوانك وانا ابعتلك الماوس بتاعي

ده رسمي يا باشا هوا مش مزبوط أوي يعني بس يمشي الحال

[محمدعبداللاه]

اديلي عنوانك وانا ابعتلك الماوس بتاعي

ده رسمي يا باشا هوا مش مزبوط أوي يعني بس يمشي الحال

الله ينور ياعمر لا فعلا سم دقيق وجميل خالص ويريت تبعتلي الماوس ما انت عارف العنوان اوعي تصدق
وخلي بالك لو الباوند خذلنا هيروح لبعيد تحت
ربنا يوفقك عمر و

[Mr_X]

الله ينور ياعمر لا فعلا سم دقيق وجميل خالص ويريت تبعتلي الماوس ما انت عارف العنوان اوعي تصدق
وخلي بالك لو الباوند خذلنا هيروح لبعيد تحت
ربنا يوفقك عمر و

محمد بلييييييييييييز أنا إسمي عمرو مش عمر هناك فرق بين إسم عمرو بن العاص و عمر بن الخطاب ، رضي الله عنهم ..

ويا باشا الماوس وصاحب الماوس واللي اخترعوا الفأرة ميغلوش عليك

عموماً احنا عندنا العناصر الي هنعتمد عليها بكره إن شاء الله ومن خلال سلوك العملة هيبان المستخبي والجميل إن الباوند حتى لو هيهبط هيبان ضعفه قبلها وهنقدر نشعر بفشل سيناريو الصعود من قبل ما ينزل إن شاء الله وساعتها ممكن نقلب بيع

وفي بكرة خبر الفايده ممكن هوا اللي يحسم الموقف لو كان الوضع لسه مذبذب ..

انا هنصرف دلوقتي وهشوف الوضع ايه بكره على الاوروبي وربنا هو الكريم ..

تحياتي

[محمدعبداللاه]

معلش انا بحاول اخد بالي من موضوع الواو بس زي ماانت شايف في حروف كتير بتسقط مني اثناء الكتابه عامتا نخليها مستر اكس اضمن عشان متزعلش