استراتيجيه ---- القاهره ---- للباوند دولار---

[Mr_X]

بسم الله الرحمن الرحيم

مختصر ملاحظاتي للناس اللي بتخسر أو اللي رصيدها قليل هو ان شعارك ( منع الخسارة مقدم على جلب المكسب ) على وزن ( درء المفاسد مقدم على جلب المنافع )

أي أنك لا تدخل إلا من عند المقاومات والدعوم وباستوب مناسب لرصيدك حفاظاً عليه وتكون قناص تقتنص السعر ولا تدخل تابع له لإنك لو تابع لحركته استوبك هيبقى كبير وانت مش قده

سريعاً اخبركم بما كان يمكننا فعله اليوم مع الحيرة في السوق ومع اللعب بالاحتمالات

لدي معطيات تقول هبوط وأفضل نقطة للبيع هي H4 ..
ولدي معطيات تقول صعود وأفضل نقطة للشراء هي هاي أمس مع حد البولينجر

من سلوك العملة ومن كل هذه الشموع الخروج من هذه المنطقة هيعمل عدد من النقاط لا بأس به

طيب انا عايز استفيد من الوضع ده وشايف قدامي بائعين متربصين ومشترين متربصين .. حلو أوي

بس مش عارف مين هيغلب في الآخر وفي النهاية هلاقي السعر اتحرك من نقطة انا عارفها كويس وكنت متوقع يرتد منها بس مش عارف استفيد منها وممكن اخسر كمان

اقولك مش عارف تستفيد وشايف حيرة وشاكك ابعد أحسن ووفر فولسك

أو تتعامل بفن مع الاحتمالات
احتمال يرتد من H4 هاخد منها شورت واتابع الحركة بعيني لاحظت من حركة العملة وجود مشترين متربصين واحتمالية الارتداد من هاي أمس وتوافقه مع حد البولينجر وهي نقطة رائعة للشراء يبقى قدامي أحد أمرين :

1- أغلق عندها على ما ينتهي الصراع وهنا ربحت حوالي 30 نقطة .
2- الشراء منها وهنا أنا أمنت ربحي على ماينتهي الصراع لإني عارف ان السعر لما يعدي نقطة من الاتنين هيكمل وهنا الاستوب في الحالتين خارج المنطقة البيع استوبه أعلى H4 والشراء استوبه أسفل هاي أمس .

طبعاً الشارت بيقولك على النتيجة واستوب البيع اضرب فوق H4 واستمر الشراء وحقق حوالي 100 نقطة واعتقد يعني هدفك R2

يبقى اللي اتعامل بمنطق القناص خرج كسبان 30 نقطة أو أكتر
واللي كان تابع لحركة السعر هيلاقي السعر نزل من H4 وبدأ ينزل بقوة بيدخل بيع ويلاقيه كسب بضع نقاط وسرعان ما اصطدم السعر بنقطة الشراء وارتد وبقى رصيده بالسالب وهو متخيل ان أسوأ الاحتمالات انه يعيد اختبار H4 ويرتد منها وبالتالي هيحط استوبه فوقها وطبعاً انضرب الاستوب

وفي النهاية هيضايق انه كان شاكك في الفرصه ودخل وخسر وهيقول لنفسه منتا عارف انه ممكن يرتد من هنا يعني عارف وعندك علم وخبرة وبتخسر .. وده اللي بيخلي الواحد يضايق اكتر انه بيخسر في حاجة عارفها

وأيضاً بمنطق القناص والاحتمالات ممكن الدخول شورت من R2 وبنظام المغامرة وباستوب قليل فوقيها وبهدف يرضيك

الاحتمالات :

1- اما انه يرتد من عندها وتكون هي هاي اليوم ويكمل هبوط . جابلي نقاط كتيرة
2- يهبط منها للتصحيح ثم يصعد مره أخرى . جابلي نقاط مش وحشة
3- يكسرها فوراً وينطلق صعوداً . ضربلي استوب قليل

يعني عندي احتمالين مكسب واحتمال خسارة قليلة ادخل بس لازم تلاقي السعر احترم R2 ووقف ضرب تعظيم سلام تقوم داخل على طول .

حبيت بس افيدكم ولو بشيء قليل قبل ما اسيبكم وياريت تدعولي ربنا يوفقني ويريح بالي

أرق تحياتي

عمرو


والسلام عليكم ورحمة الله وبركاته

[Flay_Fox]

شكرا لك اخ عمرو علي الملاحظات الجميله
وفي إنتظار باقي الملاحظات و ربنا يعينك

[Mr_X]

شكرا لك اخ عمرو علي الملاحظات الجميله
وفي إنتظار باقي الملاحظات و ربنا يعينك

أشكرك حبيبي على الرد

المفروض اقفل الجهاز واشوف اللي ورايا بس الفوركس إدمان ..
بس انا واخد راحه من الدخول احياناً افتح الشاشة واتابع الوضع واقفل تاني .. كمان متشوق اشوف خبر الفائدة هيعمل ايه وياترى هنشوف حركة جنونية زي يوم 18 مارس

الله أعلم

[EgyptionPro]

ملاحظات رائعة اخى مستر اكس ربنا يبارك فيك

[forexmen]

مشكور للمشاركة الجميلة وربنا يوفقك ويريح بالك

[محمدعبداللاه]

فرصه شورت علي الفرنك
تصحيح 61فيبو
سنترالبولنجر
l3
اذا ارتدت الشمعه الحاليه مره اخري من السنتر يبقي الدخول ممتاز
مرفق الشارت

[عبد الرزاق]

فرصه شورت علي الفرنك
تصحيح 61فيبو
سنترالبولنجر
l3
اذا ارتدت الشمعه الحاليه مره اخري من السنتر يبقي الدخول ممتاز
مرفق الشارت

ها قد تم ارتداد الشمعة دخول إنشاء الله ول إيه. الله المعين

[Mr_X]

ملاحظات رائعة اخى مستر اكس ربنا يبارك فيك

مشكور للمشاركة الجميلة وربنا يوفقك ويريح بالك

آمين يارب وشكراً لردودكم

انا اللي عايز اقوله ان يبقى لينا في حسابنا نصيب للمغامرات وليكن الحد الأدنى 1 لوت لإن كتير هاي أو لو اليوم بتحسه وبيكون عنصر من عناصر استراتيجيتنا ولو دخلت من عنده بنظام المغامرة قليلة الخسارة كبيرة الهدف هتلاقي نتائج ممتازة وحتى لو نسبة نجاح عملياتك مساوية أو حتى أقل من الخاسرة قيمة الناجحة تكون أكبر والمحصلة أكبر .

لإن الخوف من الرالي بيضيع فرص كتيرة مع إن الرالي قليل الحدوث وإن حدث استوب بسيط مش مشكلة ، يعني امبارح الصفقة كانت ممكن من عند لو اليوم السابق وأكرر مش مجرد وصول السعر ليها يبقى تاخد فوراً لأ لازم تحس إن السعر جاب آخره يعني تلاقيه وقف وتحس ان مفيش قوة لتكملة الهبوط تاخد لونج فوراً كمان السعر صعد لـ H3 وهاي أمس وصعد بقوة وصلها في دقيقتين بس من بداية الشمعة ووقف شوية تتطمنك إلى حد ما ، انا معاكم ان السعر صعد صعود مقلق ولكن الثبات عندها معناه إن في طلبات بيع بتوقف المشترين عند حدهم انت ممكن تدخل وزي ماقلت يا تخسر قليل يا تكسب كتير و سبحان الله السعر نزل جاب 100 نقطة وطلع تاني كإنه نازل في مهمه لتحقيق هدف القناصين ، وانا هنا بقول الكلام ده ليا وليكم لإني مدخلتش في فرصة امبارح من قوة الصعود بس طبعاً بعد ما عدت قلت دي عنصر من الاستراتيجية أو كنت اعتبرها صفقة بنظام المغامرات .

أيام كتيرة من كتر المتابعة بعينك هتحس في نقاط معينه بإن السعر جاب آخره تدخل فوراً وغالباً بالفعل هيتحرك السعر وفق توقعك وهنا لو حبيت تنقل الاستوب لنقطة دخولك براحتك بس انا شايف إن الرالي مش بيحصل كتير ولو حصل الاستوب قليل زي ما قلنا ..

وكتير بيكون هاي اليوم أو اللو عنصر من عناصر استراتيجيتنا أو خط من خطوط الترند أو خط دعم أو مقاومة زي يوم 24 /4 الماضي ولذلك انت لازم يكون عندك شارت راسم عليه خطوط الترند
مرفق الشارت لذلك اليوم وطبعاً في خطوط ترند تانية بس انا راسم الترند اللي وقف المشترين عند حدهم في اليوم ده

نظام المغامرات ده اللي عايز يعمله ياريت يجربه فترة ديمو ولو نجح اعمله حقيقي لإن اللي مش هيطبقه صح هيخسر ومش معقولة اكون بقول كده عشان تخسروا ويوم الرالي الاستوب هيضرب وبقوة كمان وهيحصل نوع من الهلع لإن ضرب الاستوب مش هياخد من العملة إلا ثواني ، بس سرعان ما هتفوق وتقول لنفسك ياعم ده كلام فاضي جت بسرعه صحيح بس خسارة قليلة ويفضل في اليوم اللي يضرب فيه استوب متدخلش تاني بنفس النظام ..

أهم ما يميز الطريقة :
- نقطة دخول تكون العملة بذلت مجهود على ماوصلتلها ومن خبرتك لازم ترتد أو تصحح من عندها
- لازم تكون الحركة هدأت وكإن العملة بتفكر أروح فين بعد كده
- نقطة دخول تجعلك تستطيع وضع الاستوب في مكان مميز وقليل ووصول السعر له يعني العملة لديها قوة غير عادية أو يتطلب منها ان تعمل رالي في اليوم ده
- استوب مناسب وقليل نوعاً ما حتى لا يحدث ندم على المغامرة عكس اتجاه السعر .

الهدوء وتوقف العملة عن السير في الاتجاه شرط أساسي للدخول بهذا النظام لإنه وبعد الحركة القوية ثم بدأت تهدأ وتوقفت عند المقاومة أو النقطة اللي انت محددها ماذا بعد التوقف هنا التوقف ممكن نعتبره تساوي في البيع والشراء وهذه الحالة يعقبها انتصار أحد الطرفين فلو كانت العملة صاعدة مثلاً ثم توقفت عند مقاومة الوقوف هنا معناه وجود صفقات بيع عند المقاومة اوقفت السعر وبعد التوقف غالباً ماتزيد شهية المغامرين أمثالنا للدخول لكبح جماح المشترين والتصحيح أو الارتداد ولذلك نقول استوب قليل لإن غالباً العملة ستهبط فوراً ولكن بعد التوقف والتساوي إن ربح المشترون وزاد الشراء عند المقاومة فغالباً سيصعد كثيراً ولذلك الاستوب القليل هو الأنسب غالباً


في أمثلة كتيرة على الدخول في صفقة بنظام المغامرة بس انا حبيت الصفقة اللي عملتها في يوم 14/4 الدخول بعد وصول السعر للو آسيا وسنتر البولينجر وL1 والعملة كانت في مرحلة قوة عن نفسي وجدت السعر في نقطة مغرية لدخول بنظام المغامرة بشروطها والاستوب تحت L1 بعدد قليل من النقاط وتركت الصفقة يا هدف يا استوب قليل بس استوب محقق الشروط أي أنه يتوجب على العملة بذل مجهود عشان توصله يعني تكسر سنتر البولينجر ولو آسيا وتدخل منطقة الضعف المهم اني دخلت بعد توقف السعر عن الهبوط ، ولما رجعت لقيت الصفقة محققة 43 نقطة قفلت بس بعد انتهاء اليوم وجدت اني لو كنت وضعت هدف 75 أو 100 كان تحقق وعلى فكرة إغلاق الشمعة التي دخلت فيها لم يقلقني طالما اننا أعلى L1 وبالتجربة والخبرة من الأيام السابقة مثل يوم 26/2 كان نفس النظام تقريباً شمعة نازلة قوية ولكن قفلت فوق L1 ويوم زي ده كان من الأيام اللي أثرت فيا وشفت ازاي اللي بيدخل تابع للسعر يحصل ايه ، الشمعة قفلت تحت لو أمس والترند العام هابط يعني ممكن واحد يقول دي هتجري لتحت ويدخل شورت بعد اغلاق الشمعة وبدأ السعر يصعد هيقول هيختبر اللو وبعدين عداه وهوا بالسالب هيقول هيرتد من السنتر لاين ومنطقة القوة والسعر عمال يطلع هيفوق على خسارة كبيرة ... ربنا يعافينا

من هنا جاتلي فكرة المغامرات انا اعكس الوضع والعملة مطلوب منها مجهود عشان تضرب استوبي وبسهوله تحقق الهدف إن شاء الله تعالى .

وانا عايز افصل بين المغامرة والقاهرة يعني لو اضرب استوبي في نظام المغامرة يفضل ألا أدخل بنفس الطريقة في نفس اليوم ولكن لو وجدت فرصة حسب القاهرة أدخل طبعاً ..

دي ملاحظاتي بصورة سريعة انتوا شجعتوني أكمل واتمنى تكونوا استفدتوا منها وادعولي انا كمان استفيد منها لإني شاطر في الكلام قليل التنفيذ مع انه نظرياً رائع ولما بجربه عملياً بيبقى مريح جداً

تحياتي

[EgyptionPro]

ملاحظات ذكية جداً واحساس رائع بحركة السعر واستفدنا منها كثيراً, ربنا يبارك ثمرة تعبك

[EgyptionPro]

تحليل التشارت ليوم 30/4/2009

السعر فى بداية اسيا اختبرت ال1 والبولنجر الأوسط وانطلق صعوداً وصلت الى H3 والبولنجر العلوى ومعاهم شمعة انعكاس وديفرنجس ثم نزل حوالى 45 نقطة .... هنا وصل الى البولنجر الأوسط ومعاه فيبو 61 لآخر موجة صاعدة ومعاه فيبو38 للموجة الصاعدة الأكبر ومعاهم H1 ... هل يوجد هنا فرصة دخول مناسبة ام ننتظر فرصة آخرى

[forexmen]

أعتقد ان التركيز علي اوربا وامريكا وليس اسيا طبقا للاستراتيجية

[forexmen]

لاحظت بدء تكون شكل راس وكتفين مقلوبين علي الاربع ساعات بينما يوجد شكل راس وكتفين ايضا علي اليومي

شئ محير !!

[Mr_X]

السلام عليكم

أفضل دخول آمن اليوم كان مع شمعة أوروبا الساعة 10 على الشارت ومن H2

زي ماقلتوا العملة مرتدة أكتر من مرة من السنتر لاين يعني قوية والشمعة السابقة لشمعة أوروبا إغلاقها مشجع جداً على الشراء وكمان العملة أبت أن تخرج من منطقة القوة

إذن ندخل شراء بس منين .. مع بداية شمعة 10 نزل يعمل تصحيح عليك بقى تقتنص السعر من أفضل مكان وتحاول تتوقع وتحس أفضل مكان هيكون فين

من ملاحظاتي ايضاً هي استخدام كل تايم فريم لاختيار نقطة الدخول فوجدت الآتي :

H2 معاها هاي أمس معاها سنتر البولينجر ربع ساعة معاها موفنج 50 على المينت

كويس يبقى انا مستني السعر يوصل عندهم واشوف هيعمل معاهم ايه طبعاً بدأ الهبوط يهدأ ويتوقف تدخل على طول باطمئنان لإنك مع اتجاه العملة وهي قوية

وأحلى الصفقات لما يكون اليورو دولار والباوند ين متوافق مع توقعاتك والدولار ضعيف أمام اليورو والباوند قوي أمام الين يعني المعادلة ماشية لصالح الصعود وكلهم فشلو في الخروج من منطقة القوة

تحياتي

[forexmen]

مارايكم في اليورو دولار الان - وصل البولنجر السفلي مع موفنج 50 مع بيفوت مع ال1

[forexmen]

فاتتني الباوند كان علي لو امس مع منتصف البولنجر واتش 3 اعتقد هدف اس 2