طلب ضرورى من الأخ الكريم MR.dollar

[• فهد •]

السلام عليكم

مرحباً بك اخى العزيز MR.dollar

انا فى الفترة القادمة هبقى مشغول جدا ولذلك اريد منك ان تساعدنى فى عمل اكسبيرت لطريقة التداول الخاصة بى

هى سهله وبسيطة جدا اعتقد انها مش هتاخد منك ساعة فى البرمجة

منتظر ردك وموفقتك لشرح الطريقة

[• فهد •]

منتظر بفارغ الصبر

[a7med920]

هل يمكن وضعها للنقاش فيها أو
ربما تكون مبرمجه من قبل
ام انها شخصيه؟
كل التوفيق لك

[• فهد •]

ليست استراتيجية خاصة

بس انا عاوز اشرحها بالكلام المباشر علشان تتفهم زى ما انا عاوز بالظبط

[MR.dollar]

وعليكم السلام ورحمة الله وبركاته
طيب تفضل إشرحها لكن كلما كان الشرح بالشارتات سيكون أوضح وأسهل من الكلام

[• فهد •]

جارى تحضير الشرح - جزاك الله خيرا

[• فهد •]

1- المدخلات للاكسبيرت (extern) متغيرات:

# Bool: Login_repeated
# double:Take_profit
# double:Stop_loss
# double:Ini_lot
# string:Order_type
# double:Multip_no

شرح وظيفة كل متغير

# Bool: Login_repeated
ادفى حالة "صح" بعد اغلاق الصفقة سيقوم بفتح صفقة اخرى مباشرة - وهنا فى حالتين
1- اذا تحقق المكسب من اول دخول يبقى الصفقة التانية فى نفس الاتجاة (شراء-بيع)
2- اذا تحقق مع احد المضاعفات التى فى عكس الاتجاة - يبقى الدخول مع نفس اتجاة المضاعفة

اى ان الدخول فى الصفقة الجديدة مع نفس اتجاة اخر صفقة حققت الهدف

فى حالة "غلط"
الدخول مع تركيب الاكسبيرت على الشارت وعند الوصول للهدف لا يتم فتح صفقات جديدة الا بتركيب الاكسبيرت مرة أخرى

- - - - - - - - -
# double:Take_profit
عبارة عن الهدف من الصفقات

# double:Stop_loss
الاستوب للصفقات

# double:Ini_lot
قيمة اللوت الاول - لان هناك لوتات مختلفة لان العمل هيبقى بطريقة المضاعفات

# string:Order_type
نوع اول صفقة هيفتحها الاكسبيرت بعد تركيبة على الشارت (Buy-Sell)

# double:Multip_no
عدد المضاعفات اللى هيدخلها الاكسبيرت وبعد هذا العدد يغلق كل الصفقات خوفا على المارجن

- - - - -

باقى الشرح فى المشاركة القادمة

[• فهد •]

هذه هى المستويات المهمه عندنا

1- نقطة الدخول للصفقة الام (بيع - شراء)
2- الهدف فى حالة اتجاة السعر مع نفس الدخول (مثال: 25 نقطة)
3- الاستوب فى حالة انعكاس السعر (مثال: 50 نقطة)
4- مستوى منتصف الاستوب - مستوى الدخول فى المضاعفات



بعد وضوح هذه المستويات سأقوم بشرح طريقة المتاجرة فى المشاركة القادمة

[• فهد •]

الدخول فى الصفقات هيبقى مع تركيب الاكسبيرت للشارت مباشرة - وفى حالة Login_repeated = True يبقى مع اغلاق كل الصفقات على ربح - هندخل مباشرة فى صفقات اخرى

نيجى لطريقة المتاجرة

نفترض اننا خلينا Order_type = Buy & Ini_Lot = 0.01 & Take_profit = 25 & Stop_loss = 50

يبقى اول ما احط الاكسبيرت هيفتح صفقة شراء بلوت 0.01 والهدف 25 نقطة والاستوب 50 نقطة

لنفترض ان الدخول عند 1.23500 يبقى الهدف 1.23750 والاستوب 1.23000

وهيحط امر معلق بيع بلوت 0.03 عند منتصف الاستوب عند 1.23250 وهدف صفقة البيع المعلقة هو الاستوب لصفقة الشراء والاستوب هو هدف صفقة الشراء

الاحتمالات هتكون كالاتى

1- الوصول للهدف من اول مرة - يبقى صفقة الشراء حققت 25 نقطة ونمسح صفقة البيع المعلقة ونشوف بقى الخيار بتاع Login_repeated وندخل تانى شراء او عدم الدخول فى صفقة مرة اخرى

2- انعكاس السعر قبل الوصول للهدف وتفعيل امر البيع المعلق - ساعتها هيقوم الاكسبيرت بوضع امر معلق شراء عند مكان الدخول بالظبط وبنفس الهدف والاستوب لصفقة الشراء الاولى ولكن اللوت هنا 0.06 - عند وصول السعر للاستوب واللى هو صفقة البيع هيبقى كده وصلنا للهدف (خسارة 50 نقطة لصفقة الشراء ومكسب 25*3=75 لصفقة البيع) ونمسح صفقة الشراء المعلقة بلوت 0.06 (اسمها المضاعفة الثانية)

3- فى حالة انعكاس السعر مرة اخرى قبل الوصول للاستوب (هدف المضاعفة الاولى"بيع") والرجوع الى مكان الدخول - يبقى الصفقة المعلقة (المضاعفة الثانية"شراء") هتتفعل - وساعتها الاكسبيرت هيحط المضاعفة الثالثة عند مكان المضاعفة الاولى (بيع ايضا بنفس الهدف والاستوب) واللوت هنا هيبقى 0.12

نفترض اننا خلينا Multip_no = 3 يبقى بعد تفعيل المضاعفة الثالثة مش هنحط امر معلق تانى - خلاص كده
وعند تحقيق الهدف للمضاعفة الثالثة يبقى طلعنا على ربح صافى 25 نقطة ايضا - وعند انعكاس السعر مرة اخرى (يبقى احنا فى ذبذبة قوية جدا والافضل الخروج على خسارة) - وهيبقى الخروج هو مكان الدخول الاول

فى المشاركة القادمة هوضح الحالات فى شارتات لتكون الصورة واضحة 100% ان شاء الله

[• فهد •]

الحالة الاولى



الحالة الثانية



الحالة الثالثة



اعتقد ان دلوقتى الصورة واضحة جدا - اى سؤال ؟

انا للاسف محتاج الاكسبيرت يكون شغال كويس يوم الثلاثاء علشان من يوم الاربعاء مش هبقى فاضى خالص

منتظر رد حضرتك بفارغ الصبر ولك جزيل الشكر

[توفيق]

طيب اخي ما بعد انتهاء المضاعفات
متى يبدأ في صفقات اخرى
برمجت اكسبيرت مشابه لما دكرت و ان شاء الله اعدله لك

[• فهد •]

فى الشرح انا قلت ان فى اختيارين

الاول لو Login_repeated = True

يبقى بعد ما يغلق كل الصفقات على ربح 25 نقطة

يبدأ من جديد ونوع الصفقة هيتحدد مع اخر صفقة وصلت للهدف

لو False يبقى مش هيدخل فى اى صفقات تانية غير لما اشيلة واركبة تانى فيدخل فى الصفقات بعد التركيب مباشرة

وضح الامر كده ؟

[• فهد •]

انا شرحت الاكسبيرت بكل وضوح - امتنى الاكسبيرت يبقى موجود النهاردة لتجربتة

علشان بكرة اخر فرصة للعمل على الاكسبيرت - علشان من يوم الاربعاء هبقى مشغول جدا

[a7med920]

الفتنه نائمه لعن الله من أيقظها

[• فهد •]

الفتنه نائمه لعن الله من أيقظها

اية الرد ده مش فاهم