استاذ اسامة الاكسبيرت لا يعمل كما اريد وهذا شرح بالصورللطريقةالمطلوبة جزاك الله خيرا

[back door]

بسم الله الرحمن الرحيم
السلام عليكم ورحة الله وبركاته
شكرا اخى الكريم على الاهتمام
فلننسى كل ما شرحته سابقا وكل ما شرحه استاذ محمد الوفائى
ولنبدأ من جديد عشان ميكونش فى لبس بين كل ما تم شرحة عن الفكرة
لان الاكسبيرت فيه عيوب كتير زى تكرار صفقات البيع لحد ما يفتح صفقة شراء
وكمان لقيته لما ضرب استوب فتح صفقة واحدة فقط مش صفقتين هيدج
وعلى العموم انا مش عايز الاكسبيرت يفتح اى صفقات الا بعد انتهاء الصفقتين القديمتين تماما
اولا انا جربت الطريقة يدوى وهى ناجحة وفى ربح بس المشكلة ان بيكون فى لبس عند تخيل طريقة العمل
الاسبريد مثلا 2 نقطة بس مش مشكله لو بقى 3 او اى زوج اخر
دة شرح للطريقة فى نقاط
1 - دلوقتى احنا هنفتح صفقتين هيدج بيع وشراء يبقى كدة فى سالب 4 نقط فرق الاسبريد
2 - ستوب لوز لكل منهما 25 نقطة مثلا
3 - السعر هيمشى مثلا فى اتجاه 100 نقطة مثلا فيضرب الاستوب لوز لاحدى الصفقتين والصفقة الاخرى تكمل فى الربح بالتريلنج ستوب
4 - المشكلة ان حضرتك هتقول ان السعر ممكن يتذبذب فيضرب الاستوب فى الاتجاهين ونخسر 50 نقطة
5 - حل المشكلة ان بعد تحرك السعر 25 نقطة وضرب الاستوب الاول يتحرك الاستوب الصفقة الرابحة 50 نقطة ليحافظ على ربح 25 نقطة
6 - المشكلة الثانية وهى ان هيكون فى براح بس 4 نقاط لو ارتد السعر فتقفل الصفقتين على سالب 4 اللى هو فرق الاسبريد ودة عيب لازم نتعايش معاه
7 - رهان الفكرة هو لو ان السعر كمل فى طريقة فى انفجار سعرى وعمل بس 25 نقطة هيكون عشان نخسرهم محتاجين ان السعر يتذبذب فى 6 عمليات عند نقطة ضرب الاستوبات 6×4=24 نقطة
اذا 6 صفقات خاسرة يمكن تعويضهم بصفقة واحدة رابحة 25 نقطة
8 - ورهان الفكرة لو ان حدث انفجار سعرى على (المجنون) مثلا فيتحرك السعر على الاقل 100 او 200 نقطة وعلى الاكثر 300 او 400 واكثر
9 - عند انهاء هذه العملية واغلاق الصفقتين تماما سواء على ربح بالتريلنج ستوب او على خسارة الاسبريد ---- يتم فتح صفقتين جديدتين لتكرار المحاولة
10 - مميزات الفكرة وهى فيها بعض الامان ويمكن الدخول بلوت كبير ولا حاجة لمعرفة اتجاه الزوج ويعمل بها على الازواج الكثر تحركا زى المجنون
يوجد شرح بالصور للطريقة التى اريدها
مشكور اخى الكريم على مساعدتك وأى لبس انا معاك

[back door]

للرفع
ارجو تعديل عمل الاكسبيرت ليعمل كما بالصور

[back door]

اخى استاذ اسامة الاكسبيرت
ارجو من حضرتك اصلاح مشكلة تكرار الصفقات كما هو موضح بالصورة

عايز الاكسبيرت يشتغل عملية بيع وشراء هيدج وبعد ما الصفقتين يتقفلوا نهائى يبتدى عملية جديدة بيع وشراء
مشكور مقدما

[MR.dollar]

وعليكم السلام ورحمة الله وبركاته
جاري التعديل

[back door]

وعليكم السلام ورحمة الله وبركاته
جاري التعديل

فى انتظار ردك استاذى الكريم
جزاك الله خير

[back door]

وعليكم السلام ورحمة الله وبركاته
جاري التعديل

معلش استاذ اسامة يوجد شرط ليعمل الاكسبيرت على سواء الاسبريد ثابت او متغير وعلى عملات مختلفة بتغيير بسيط فى الشرط دة
الشرط هو : اذا ( تم ضرب احد الاستوبين) يتم نقل الاستوب الاخر الى عدد (س) من النقاط
ملحوظة هامة جدا :على الا يتدخل التريلنج استوب الا بعد تحقق الشرط السابق
-طبعا العدد (س) دة يمكن تغييره علشان لو الاسبريد مختلف بسبب اختلاف الشركات او العملات-