تحقيق (( المليون )) بأذن الله بسهولة و من مبلغ بسيط (( بشرط )) مشاركة الجميع
السلام عليكم
ملحوظة : هذا الموضوع موجه للناس الخبرة اللي بتكسب قبل المبتدئين لان الناس الخبرة هيحسوا بفائدة الموضوع ده لانهم عندهم خبرة هههههههه
طبعا فيه ناس كتير مجرد ما هيشوفوا اسمي و عنوان الموضوع و من قبل ما يفتحوا الموضوع هيكونوا مجهزين عبارات الاستهزاء و السخرية
و انا اقول لهم قال رسول الله صلي الله عليه و سلم (( من كان يؤمن بالله و اليوم الاخر فليقل خيرا او ليصمت ))
ندخل بقي علي الموضوع
ركز معايا كويس و خليك متفائل و بلاش تشاؤم
لو معاك 100 دولار و عايزهم يوصلوا مليون ايه المطلوب
مطلوب انك تعمل تدبيلة كل شهر لمدة 14 شهر او تدبيلتين كل شهر يبقي محتاج 7 شهور بس
طب ازاي اعمل تدبيلة او تدبيلتين كل شهر ؟؟
تخش عشر صفقات كل صفقة ستوبها 10% من الحساب و تارجتها 10% من الحساب او اكتر او تخش عشرين صفقة تدبل مرتين
100
200
400
800
1600
3200
6400
12800
25600
51200
102400
204800
409600
800000
1,600,000
طبع كلكم فطسانين علي روحكم من الضحك و بتقولوا زهقنا من الاحلام الوردية اللي ملهاش لازمة دي
طب خليك معايا
دلوقتي ما هو العائق لتحقيق هذا الحلم ؟؟؟؟ هما حاجتين بس
1- الطريقة ( الاستراتيجية ) 2- النفسية
بالنسبة للنفسية ممكن تتحل لو ان الطريقة مجربة كويس جدا و نتايجها كويسة جدا
يبقي مش ناقص غير الطريقة او الاستراتيجية اللي هنحقق بيها الحلم
و هي طبعا مش موجودة ههههههههههههههههههههههههههههه
طبعا كله عايز يضربني دلوقتي هههههههههههههههه
هو فعلا مفيش طريقة تعمل كدة و لكن فيه (((( طرق ))))
و هو ده الجديد
ركزوا بقي معايا كويس قوي قوي قوي لان الشغل الجد هيبدأ دلوقتي
انا قلت مفيش طريقة و لكن فيه طرق او استراتيجيات مثلا ازاي ؟؟؟؟
دلوقتي عندنا هنا في منتدي المتداول العربي كام استراتيجية سواء كانت كلاسيكي او رقمي او اساسي او فني او موجي او زمني او فلكي او حتي طريقة سرية او طريقة جنية ههههه و تكون مثلا نسبة نجاحها 70% ؟؟؟
طبعاعندنا كتير و كل طريقة ليها ناسها
و كل طريقة ليها خبرائها والخبراء دول بيبقي ليهم كبير اللي هو اكتر واحد متعايش مع الاستراتيجية و فاهمها اكتر من اي حد صح و لا انا غلطان ؟؟؟؟
طب دلوقتي سؤال لكل واحد خبير في طريقته ايا كانت : موفنجات او كلاسيكي او رقمي او موجات ..... الخ
يا عم الخبير طريقتك الحلوة دي اللي انت ادمنتها و حفظتها و فهمتها ايا كانت نوعها ايه تقدر تدينا صفقة واحدة بس في الشهر بس تكون متاكد من نجاحها بنسبة عالية 90% مثلا ؟؟؟؟
اظن عيب قوي تقوللي لأ هههههههههههههههههه
بس يا رجالة هو ده الحل
من المستحيل ان شخص واحد يتقن كل الطرق و لكن اكيد كل طريقة ليها واحد متقن لها جدا و حفظها و صمها
بس كدة دلوقتي مطلوب من الجميع سواء مبتدئين او خبراء بترشيح انفسهم و هنسيب الترشيح لمدة شهر
و بعد كدة الادارة تفرزهم و تطلعلنا الناس الكويسة مش معني كدة ان الباقي وحش لا سمح الله و لكن احنا عايزين زبدة الزبدة
و ارجو نشر هذا الموضوع لانه سيعم بالخير علي الجميع لو حد ليه واحد صاحبه خبير او عنده طريقة سرية او في منتدي اخر يا ريت يدله علي الموضوع ده
و انا بقول للخبراء اللي عندهم طرق سرية ما تخافش مش هنقولك اشرحلنا طريقتك احنا عايزين صفقة واحدة بس او صفقتين طول الشهر و اعتبرهم يا اخي زكاة عن العلم اللي ربنا رزقهولك
المهم النظام هيبقي ماشي ازاي
هنسيب الموضوع ده شهر مثلا علشان الناس تشوفه و الناس تبلغ بعضها و بعد كدة نشوف الخبراء و نصفيهم و في الاخر نعلن اسمائهم في اول مشاركة و بعد كدة نبدأ الشغل بجد
و بالنسبة للخبير اوعي تخاف من المسؤلية و ان الناس هتمشي وراك لا يا سيدي احنا راضيين و حتي لو ضربت ستوب اكيد انت كمان في حسابك الحقيقي اكيد ضربت ستوب فما تقلقش احنا متفهمين الموضوع
بس خلي بالك يا عم الخبير انا مش هاخد منك غير صفقة واحدة طول الشهر او صفقتين حد اقصي و مش هاقبل منك اي صفقات تاني حتي لو الصفقتين بتوعك اللي اديتهوملنا في اول يوم كسبوا و جابوا تارجت
و طبعا السبب من كدة انك لما تعرف انه مطلوب منك صفقة واحدة بس او اتنين طول الشهر فده هيخليك تنقي احلي صفقتين و هيخليك تصبر و ما تحطش اي صفقة و خلاص دا انت هتنقي الصفقة الصح حسب طريقتك اللي انت حافظها دي فلوس ناس برضه يا عم الحاج هههههههههههههه
و علي فكرة يا عم الخبير لو قعدت طول الشهر ما حطتش صفقات مش مهم ولا تزعل نفسك المهم تدينا الصفقة الصح بس و عايزك تصبر علي الاخر حتي لو الصفقة جت في اخر يوم في الشهر مش مهم المهم انك تدينا الصح المضمون بنسبة كبيرة
و طبعا لو طلع لنا من منتدانا الجميل ده 10 خبراء بس (( و ده عيب طبعا دا احنا ممكن نطلع حوالي خمسين هههههههههه)))
و كل واحد ادانا صفقة واحد بس هنعمل التدبيلة في شهر و لو كل واحد ادانا صفقتين يبقي تدبيلتين ولو جمعنا مثلا 20 خبير مش عايز اقولكم علي اللي هيحصل هههههههههههههههههه
كل الناس تبلغ كل الناس صدقوني الموضوع ده هيفيدنا كلنا سواء خبراء او مبتدئين
و اظن كده المليون ما بقاش صعب المسالة هتكون مسالة وقت بس
منتظر ردودكم
و علي فكرة انا عامل استفتاء فوق جنب راس الموضوع يا ريت اعرف رايكم
و السلام عليكم
